رواية لعنة اختي والعقرب الفصل الثاني 2 بقلم منة محمد
رواية لعنة اختي والعقرب الجزء الثاني
رواية لعنة اختي والعقرب البارت الثاني
رواية لعنة اختي والعقرب الحلقة الثانية
جميله حطت صنيه الاكل ع الطبليه قدام ابوها ووقفت منتظره يخلص
ذكي : ايه العيش المحروق ده كان عقلك فين وانتي بتسخنيه
جميله: النار عليت فجأه خد الرغيف التاني
ذكي: بعتك الكليه تكملي تعليم لو ركزتي في دروسك هتفلحي
جميله: حاضر
ذكي: لو حاجه بعيد الشر حصلت بسبب النار مش هسيبك
جميله: ان شاء الله مفيش حاجه تحصل
ذكي: رجعتي امتي
جميله كسرت عينها لتحت: الاتوبيس مجاش رجعت في ميكروباص ع الساعه تلاته
ذكي: بصيلي وانتي بتتكلمي ليه عينك مورمه ايه الي حصل
جميله: ولا حاجه هيحصل ايه يعني
ذكي: العيال الي فتحوا دكان قدامنا ممنوع تطلعي قدام الباب , او السطح ,الا هكسر رجلك بلاش تطلعي نفس امك , والا هتشوفي الي عمرك ما شوفته انجري اعملي الشاي
…………..قصص منه محمد كاتب……………
ايمن وصل بالعربيه عند بيت جميله ووقف لما شافها وهي بتنزل من الميكروباص
ميرفت: استني نازله معاكي
جميله بتعجب: ليه
ميرفت: هشتري عصير من محل اسير حاسه اني عطشانه تعالي
جميله: اسمعي اشحن لي بعشرين جنيه ع رقمي
ميرفت: تعالي معايا نشحن سوي
جميله: انتي اتجننتي ده ابويا منعني عنه
ميرفت: بقولك ايه سيبك من ابوكي لما ضربتي الولا مكنتيش فاكره ابوكي وطالما معرفش بيها يبقي المره دي كمان مش هيعرف
جميله: بس فيه فرق بين المرتين وانا قلقانه لـ ابويا يلمحني
ميرفت: متهتميش دي مسأله دقيقتين يله قربي
جميله: انا مروحه ع البيت
ميرفت شدتها عافيه: بقولك تعالي
جميله: لاء يا ميرفت ابويا يشوفني يقطعني
ميرفت: مش هيحصل حاجه تعالي
جميله: انتي ناويه تـ قتليني
ميرفت: يا بنتي يله
جميله بتشد نفسها منها: سبيني
ميرفت بعدت عنها وقربت: اسيـر
اسير ابتسملها: عامله ايه
ميرفت: بخير عايزه عصير
اسير: عايزه عصير اي نوع
ميرفت بدلع: بالفراوله اصل الكل بيقولي اني شبه الفراوله
اسير بضحكه: تمام نجبلك فراوله حمو هات عصير فراوله
ميرفت: بقولك ايه اشحن لي بعشرين جنيه لصحبتي
اسير بص لجميله وقال: وليه لاء هعمل ده حالا انسه مليني الرقم
جميله بصتله بستياء: لاء هات كارت شحن بعشره
ميرفت بصتلها بستغراب: بس انتي قلتي عايزه شحن بعشرين
جميله قربت منها وسحبتها وبصوت مسموع: شايفه هيئته واضح انه بلطجي اديله رقمي لا الكارت احسن
اسير كشر جدا: يا ابله انا صاحب الدكان مش واحد فلاتي ياخد ارقام البنات , انا كل يوم بيجيلي اشكال والوان من الناس اشحنلهم رصيد , ومعنديش وقت فاضي اتصل بالكل
جميله بغيظ: شايفه بيتكلم ازاي
اسير بضيق: حمو شوف الابله عايزه كارت ايه
حمو بصلها: يا ابله قربي
جميله: ناولني كارت بعشرين
ميرفت: امال فين العصير ليه مجاش
اسير :حمو ناولها
حمو :عنيا
اسير :هانه ساقع اتفضلي عصيرك
ميرفت بدلع وغنج: بس عايزه اتنين
اسير ابتسم : ليه لا خدي اتنين حمو هات ازازه تانيه للابله
جميله بصتله بقرفه وفي سرها: متشرد مش عارف ازاي يتكلم وميرفت مفكراه واحد كويس
اسير: تحبي تاخدي تاني
ميرفت: لا شكرا
جميله بصوت عالي: ميرفت يله بينا
ميرفت: يله سلام
اسير: سلام لو عايزه اي حاجه تانيه ابقي تعالي
حمو مد ايده : انت ناولني فلوس العصير
اسير: اي فلوس
حمو: هي مش اخدت اتنين عصير
اسير :ايوه هتبقي تجيب فلوسهم
حمو : الدكان مش هيمشي كده
اسير: ده هيجري كل دي دعايه
حمو: فرق ع الكل(قلده بغيظ) تحبي تاخدي تاني
اسير شخط فيه: خليك في شغلك وبس
ايمن كل ده واقف مراقب الوضع لحد ما لف وركن العربيه جنب اسير
ايمن: السلام عليكم ناولني عصير
اسير: ناوله عصير يا حمو
حمو: هو العصير بقي مطلوب كتير ليه اليوم
اسير: يا سيدي ربك يفتحها علينا
ايمن نده ع طفل من الحاره داخل ع بيت جميله: اسمك ايه
الولد: عمر
ايمن شاور ع بيت جميله وسأله: انت داخل البيت ده؟ّ
عمر: ايوه
ايمن: طيب قولي مين عايش في البيت ده
عمر: عايشه فيه ابله جميله وابوها عم ذكي
ايمن ابتسم اوي: عم ذكي ممكن تعملي خدمه
عمر: ايوه
ايمن راح اخد ورده من العربيه وقرب لعنده: ادي الورده دي لـ ابلتك جميله
عمر: ماشي
ايمن: خد الخمسه جنيه دي عشانك اشتري بيها اي حاجه
عمر بفرحه: شكرا
اسير: اسأله عايز العصير ولا هيفضل متنح كده
حمو: يا كابتن العصير
ايمن بصله: ايوه جاي
قرب من الدكان وطلع الفلوس واخد العصير وحاسب ومشي
…………….قصص منه محمد كاتب……………
في بيت جميله بتنبه ع الاطفال يحضروا بكره المراجعه بدري
عمر قرب منها: ابله فيه واحد عطاني دي ليكي
جميله: هو اسير الي عطهالك
عمر: لاء واحد تاني كان واقف في الدكان وكان بيطلب عصير
جميله بغضب: واحد قذر
ذكي داخل بيتكلم ع الموبيل وجميله خطفت الورده من الطفل وخبيتها في اللاسدال
ذكي قفل الخط وقال بعصبيه: ليه الباب مفتوح
جميله برتباك: اصل الحصه خلصت والعيال كانوا مروحين
ذكي: وانت واقف ليه يله امشي واقفل الباب وراك
جميله سحبت الطفل جنبها وقالت لذكي: تحب اعمل كوبايه شاي
ذكي: شاي كفايه الحريقه الي بتحصل هنا اهل الحاره بيقوله ان صاحب الدكان عامل خصم 25% والناس ميته ع دكانه , وانا دكاني بيهش وينش ولا ببيع ولا بشتري
عمر ابله امشي
جميله ايوه بس اياك تقول لحدعن الورده دي سامع
الولد جاضر
جميله: خدها ارميها في الشارع
عمر :حاضر مع السلامه
جميله بصت لـ اسير بغضب واحتقار وهو بيضحك مع حمو ورجعت تشوف ابوها لقته مطلع علبه وبياخد منهم الغوايش
جميله: بابا ارجوك انا دايما بسمع كلامك مش كده بلاش تاخد غوايش امي دول من ريحتها
ذكي شد منها العلبه بعنف: هاتي الغوايش بالذوق
جميله: دول هديه من امي
ذكي: دول غوايش عاديه شوفي انا مديون لسعيد ولازم ارجعله فلوسه واشغل الدكان تاني
جميله: انا هتكلم مع ابو صاحبتي ميرفت يسلفونا المبلغ
ذكي: انا قررت وعندي واحد اعرفه هبعهمله بـ 5000 جنيه
جميله نزلت دموعها: هتبيع غوايش امي بالسعر الرخيص ده
ذكي: وانتي ليه تهتمي الهدوم والاكل والشرب ومرواحك للكليه كله ببلاش, لو ضاع الدكان مش هنلاقي ناكل
جميله: طول عمرك كنت بتكره امي واتعاملت مع كل حاجاتها بطريقه سيئه, اخلاصها , وخدمتها حتي هدومها بعتهم, واليوم الغوايش الي فاضله
ذكي بعصبيه: بطلي كلام ملوش معني وبعدين ازاي تتجرئي تتكلمي معايا كده
جميله بنفعال: انا بنتك مقدرش اقولك حاجه عن الي بتعمله
ذكي: انتي بنتي خليكي بنتي متبقيش زي امك بتتكلمي عن الاخلاص امك عمرها ما نسيت حبيبها حتي بعد ما اتجوزتني , حبيبها سابها وهرب وجدك رماها فوق دماغي ومجبلهاش حتي ملايه في جهازها جابت حب عشيقها لما متكنش امك مخلصه مستني منك ايه انتي نفس امك
جميله فضلت تعيط من كتر كلامه السام عن امها ولانها ضعيفه ووحيده فبتسكت وسلاحها الوحيد الدموع
…………قصص منه محمد كاتب…………………
في بيت عائله اسير دخل بكياس كتير وملامحه كلها فرحه
اسير بصوت عالي: يمه رباب
خيريه طلعت من اوضته بدهشه: فيه ايه؟؟ , و ايه كل الكياس دي
اسير: روحت للسوق اشتريت عشانك وعشان اختي , بمناسبه افتتاح الدكان الجديد
خيريه: بجد
اسير: رباب جبتلك هديه افتحيها فستان وشويه اكسسورات وازازه برفان كمان
رباب: مش هتقدر تخدعني بالهديه دي لما عيطت وانا طفله ابويا عاقبني وجاب لي امك
خيريه: انتي بت جاحده بدل ما تشكري اخوكي انه فكر فيكي
رباب بتهكم: اشكره لما يسجل محل ابويا بأسمي
اسير: ايه
رباب: ايوه لازم احس بقيمتي في البيت , مش هاخد فضلات اكلكم وشربكم انت وامك
خيريه هبدت ع التربيزه بعصبيه: مش هيحصل ابوكي ساب الدكان امانه , ولا يمكن تاخديه بأسمك
رباب: انا بطلب من اسير مش منك
اسير: تمام هسجل اوراق الدكان بأسمك يا ختي
خيريه: انت اتجننت في نفوخك انا وانت لينا حصه في المحل
اسير: خلاص هتنازل عن حقي وهقدر حصتك وادهالك
خيريه: اسير اسمعني رباب بتمثل قدامك المسكنه وانها ضعيفه
اسير: اماه انا خلصت كلامي وبلاش تجدلي سعادتي من سعاده اختي
خيريه رجعتلها: اسمعي انتي بتغلطي , لما بتدخلي بيني وبين ابني , ابني لحد اليوم بيدفع تمن غلطته وهو طفل , ورافض حتي يتجوز عشانك , وانا عارفه لو كتب الدكان بأسمك مش هتبقي مبسوطه
رباب: هلعب معاكم اللعبه الي لعبتوها معايا انا وابويا, لعبه الكره وسوء الفهم هرسم كل البراءه قدام اسير لحد ما انهي حبه واحترامه ليكي يا خيريه
خيريه بتوعد: وانا مش هسيبك
رباب رفعت حاجب وبتحدي: متسبنيش لان دور اسير بعدك
خيريه تابعتها لحد ما بعدت وضيقت عيونها بتوعد: لو مجوزتكيش في خلال شهر واحد وبعتك من هنا ميبقاش اسمي خيريه
………….قصص منه محمد كاتب……………..
ع الموبيل اسير بيكلم زبون وبيوصف له العنوان لقي طرحه طارت عليه فضل يبص جايه من انهي سطح لد ما عرف انها من عند جميله شمها واخدها وراح خبط ع الباب
جميله من وري الباب: مين
اسير: انا اسير
جميله فتحت الباب ووقفت وراه: عايز ايه
اسير: فيه امانه ليكي وجيت ادهالك
جميله: يا استاذ بلاش تكون حر عمال ع بطال انت ولا حد من صحابك بعت لي ورده مع تلميذ عندي مش بتتكسفوا
اسير: براحه يا ابله وبالهداوه بلاش تحلمي وانتي صاحيه احنا حتي معندناش وقت فراغ
جميله: اسمع بطل الي بتعمله والا الي زيك
اسير قطعها: سمعت ان الناس المتعلمه بيتكلموا بحترام
جميله: اسمع للي بقوله وبلاش كلام فارغ
اسير: انا بسمع لقلبي وبس انا جبتلك الطرحه لحد باب بيتك وقعت ع وشي حافظي ع حاجاتك
جميله شدتها منه وقفلت الباب: وقح مش عارف يتكلم وبيعلمني الادب ابويا عنده حق بلطجي
………….قصص منه محمد كاتب……………
حمو لم شباب واطفال يلعبوا كوره واسير خرج من عند جميله شايط ع اخره
اسير: هو انت هتسيب الدكان وتلعب
حمو :خلينا نلعب مفيش زباين
اسير دخل فيه: تلعب ها
حمو خاف: لما اروح اشوف الدكان
اسير :استني تعال نلعب وهوريكم اللعب
حمو بتعجب :معقول هتلعب
اسير: ووليه لاء وهغلبكم
حمو: روح هناك
اسير حط الكوره وشاطها دخلت في بيت جميله
اسير مسح ع شعره نرفزه: ياربي وقعت في بيت هتلر
عمر :مفيش مشكله هجيبها ابله جميله هتدهاني انا باخد درس هناك
اسير مسح ع شعره برفق :طيب يله روح جيبها بسرعه (بص لحمو) تفتكر هيجبها ولا لاء
حمو ضحك :هيجبها هو بياخد درس هناك
الطفل راح خبط ع جميله الي فتحت بأبتسامه واسعه
عمر: ابله جميله الكوره وقعت عندك
جميله: حاضر هجبهالك
عمر اخدها وماشي: شكرا
جميله مسكت ايده : اسمع
اسير طول ما هي بتتكلم مع الولد عينه هتطلع عليها بأعجاب واضح
حمو نكزه في كتفه: عينك ع بنت هتلر
اسير: انا مبصتش عليها
حمو: وشك احمر
اسبر: هضربك لحد ما تبطل
حمو ضحك: مكنش عندي فكره انك بتتكسف
اسبر: امشي للدكان انتهت اللعبه
…………..قصص منه محمد كاتب…………..
في المطبخ واقفه تغسل المواعين لحد ما الباب خبط نشفت ايدها ووقفت وري الباب
جميله بسؤال: مين
راجل: انا سعيد تاجر الجمله عايز اقابل ذكي
جميله: استني لحظه
جميله راحت تخبط ع باب الحمام: بابا
ذكي فتح الباب: ايه
جميله: واحد بيقوله اسمه سعيد تاجر الجمله جاي يقابلك
ذكي بخوف وارتباك: قوليله اني مش هنا
جميله: ليه اطلع قابله
ذكي خاف وقفل باب الحمام في وشها
جميله قربت: عمي بابا مش في الييت تعال له بعدين
سعيد: ممكن تناوليني بؤ مايه
جميله لنفسها: لو مافتحتش الباب وشربته بابا هيهزقني لاء اشربه
جميله راحت جابت كوبايه الميه وفتحت الباب لقته ايمن ومعاه راجل حصلها حاله صدمه وذعر وخوف لما ايمن ابتسملها بأتسامه صفراء
جميله: انت
ايمن زق الباب ودخل لحد جوه
جميله بنفعال: انت ازاي تجرؤ وتدخل بيتي
ايمن رفع السبابه في وشها: اتكلمي معايا بحترام وادب انا في بيتك ومن غير اذنك ولا يمكن تعملي اي حاجه عندي شخصيه قويه بالمناسبه انا ايمن سعيد يبقي ابويا
سعيد لف وبصلها بصه بتعبر عن انهم مش بشر وحوش
ايمن: انتي ضربتيني بالقلم لحد اليوم بسمع رنه الضربه مش كدا يا بابا
سعيد قلب عيونه: طبعا كان لازم تفكري وتشوفي بتمدي ايدك ع مين ابوكي مديون ليا بـ 30 الف جنيه ضيع شهور وهو بيقولي كل يوم بكره , بكره قوليلي اعمل ايه معاه
ايمن: لازم يسدد الدين دين ست شهور ,ودين القلم كمان
ذكي خارج من الحمام: الميه ساقعه سعيد هو انت
سعيد: ليه لون عيونك اتغيروا لما شوفتني
ذكي:لا ء ولا حاجه اقعد
سعيد: انا مش جاي اقعد جاي اخد فلوسي
ذكي: يا سعيد يا خويا الدكان كل يوم عمال يخسر اديني مهله قلت ايه
سعيد: اسأل بنتك عن السبب , اسألها لما ضربت ابني المدلل قدام الكليه وصورته ونشرت صورته ع الفيسبوك واهانت العيله كلها مين المسؤل قولي
ذكي بصلها بغضب: ايه الي بسمعه ده
جميه: بابا كان بيقل ادبه عليا
سعيد: ذكي معتبرني اخوك عن تاجر جمله اتكلم اه ولا لاء
ذكي: لاء اه
ايمن :وانا اعتبرتها بنت عمي وعرضت ع جميله اوصلها لحد البيت لكن هي ضربتني ع وشي
جميله: كداب
ايمن: بأمره قلتي ان الاتوبيس متعطل قلت لك تعالي اوصلك بس انتي رفضتي هي كانت مصممه تهزقني قدام الكل معقول ده
ذكي: انتي سبب جوعنا انتي الي جبت لي المصيبه دي
جميله :صدقته ده بيكدب وبيألف من دماغه هو الغلطان اتصرف معايا بقله ادب, كان بيتحرش بيا عشان كدا ضربته
ذكي زعق فيها :اسكتي البت نفس امها مين مشفش الفيديو مين هيقبل يتجوزك ولا يعبرك
سعيد: دي مش مشكلتي انا عبتلك دكانك لست شهور ع اساس هترجعلي فلوسي مش ده كان اتفاقنا ودلوقت انتهي المعروف
ذكي: سعيد يا خويا استني عليا شويه وانا بعتذرلك لاني لو حتي مت مش هقدر اديلك فلوسك سيب لي شويه وقت
ايمن :خد وقتك روح وجيب ملكيه الدكان واحنا هترهنه قصاد الدين
ذكي بستسلام :حاضر
جميله وقفت قدامه مستحيل مفيش دكان هيترهن وانت كدبت ودخلت بيتي بالعافيه وبتستغل ضعف ابويا بابا اسمع ارمي في وشه الفلوس الي بعت بيهم غوايش امي ارميهم في خلقته
ذكي اتعصب: اسكتي يا وش المصايب تعالي معايا
سعيد : ذكي
ذكي بضعف: نعم ياخويا
سعيد: متخافش جيب ارواق الدكان والا هدمر بيتك ولو جبت الفلوس تمام والا انسي انه كان ليك دكان سيطر عليها وورينا كلمتك
ذكي سحبها: تعالي معايا
جميله سرقت منه الاوراق:بابا بلاش ترهن الدكان هيعملك ايه
ذكي مسك ايدها بتهديد: هاتي الاوراق والي عنده بت زيك هيبقي حليته ايه قلت لك اياك تخدعيني وفضلتي تقولي الاتوبيش مجاش ومعرفش كنتي بتعملي ايه ,جدك خلاني كبش فداء لكن انتي هلاقي مين يرضا يتجوزك ,مين هيرضا بيكي
جميله: الفلوس الي اخدتهم من بيع غوايش امي ارميهم في وشه
ذكي صرخ فيها: هدفنك, سرطان امك اخد كل الي حلتي ,تفتكري مش عايز اكسب ويبقي معايا فلوس بطريقه سهله
جميله: بابا الي عملته معاه حافظت ع احترامي, انت الي يما حذرتني محدش يقرب مني
ذكي : واعمل ايه مع المشكله الي قاعده بره , من بكره مفيش مرواح للكليه
جميله ببكاء: بابا
ذكي زقها بغضب اسود: كفايه
جميله بتوسل: بابا اسمعني
ذكي طلع واغلق الباب عليها وقرر يحبسها
……………….قصص منه محمد كاتب……………..
بالليل الساعه عدت عشره مساء قدام دكان اسير
ايمن : اسمع هات ازازتين عصير ساقعين
اسير بستفسار: اي نوع
ايمن: برتقال
اسير : حمو هات ازازتين برتقال هنا
سعيد :هتعمل ايه مع ذكي وبنته دلوقت
ايمن : الي قولت لك عليه
سعيد: وافرض ذكي رفض
ايمن : المبلغ الي عليه كبير مش هيقدر يسده في خلال اسبوع حتي لو باع هدومه
اسير ركز جدا في كلامهم لما لقي اسم ذكي بيتردد في الحوار
سعيد: كويس وبصراحه البت حلوه, بس هتاخد ايه من جوزتها الفقيره دي
ايمن بدهاء: الدكان والبيت هما دول شويه
سعيد مره واحده ضحك وايمن ضحك وضربه بالكف كأنتصار
اسير قرب عليه بهجوم: بتتكلم عن ايه
ايمن: وده يعنيك ادينا لعصير وخد حسابك دي خدمتك وبس
اسير: مفيش زفت هتعمل ايه لجميله وابوها
ايمن زقه بوحشيه: انسان همجي جاهل
سعيد: هي دي طريقه ودي منطقه محترمين
اسير بصراخ: سيبك من المنطقه
سعيد: كنا بنتكلم سوي وانت ادخلت
اسير بحمقه: امشو من هنا اركبوا عربيتكم وغوروه من هنا
ايمن عايز يضربه ابوه شده : سيبك منه وادخل العربيه, يله ادخل متحمقش اوي ايه الي حصل
اسير صرخ: اركب العربيه وامشي
سعيد بتريقه وسخريه: منطقه محترمه واحنا ماشين
حمو خبط ع العربيه بقوه: غوروا من هنا
اسير وقف يولع سيجاره وكلم نفسه: لازم اعرف مين دول, وليه اتكلم عن بنت محترمه نفسها عزيزه بالشكل ده
رايكم واكمل وندخل في الاحداث تفتكروا ايمن هيوصل لجميله ويبع ويشتري فيها
رباب هتعمل ايه في اسير وخيريه هتمشيها من الييت ازاي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعنة اختي والعقرب)
