رواية لعبة القدر الفصل التاسع 9 بقلم ريم طارق
رواية لعبة القدر الجزء التاسع
رواية لعبة القدر البارت التاسع
![رواية لعبة القدر](https://camo3blog.com/wp-content/uploads/2022/06/images-2022-06-27T203939.613-209x300.jpeg)
رواية لعبة القدر الحلقة التاسعة
فارس:ادخلى برجلك اليمين يا عروسة
ياسمين:فارس بس بقى متكسفنيش
فارس:انسى اى حاجة لا تقوليلى بقى كسوف ولا اى حاجة وعايزك اى خوف تنسيه
ياسمين تبتلع ريقها بصعوبة وتقول:انت عارف انا مش مصدقة اننا مع بعض النهارده احنا تعبنا قوى عشان اليوم ده يجى
يقترب منها قليلا ويمسك بيدها ويقبلها يدها قائلا:..
فارس:انتى تستاهلى كل خير وانا كل خير هههههههه
ياسمين:ههههههههههههههه
فارس:ادخلى اتوضى وانا هستناكى
ياسمين دخلت اتوضت ولبست الاسدال وخرجت ملاقتش فارس
دخلت غرفة النوم وجدت نفسها فى المشفى وفارس نايم وموصل جسده بالاسلاك
ومن ثم سمعت ذلك الصفير يعلن عن توقف نبضات قلبه
جرت عليه وظلت تهز فيه بشكل هيستيرى وهى تهتف باسمه فارس فارس فاااااااارس
تستيقظ ياسمين صارخة وهى تهتف باسمه فارس
تجد سارة بجانبها ترتمى ياسمين بحضن سارة وتبكى بحرقة
تعطيها سارة المهدئ اللذى امر به الطبيب المعالج لياسمين عند اللزوم
اخذت ياسمين قرص المهدئ من اختها وظلت سارة تتلو بعض ايات القراءن الى ان سكنت ياسمين ونامت مرة اخرى
عدلت سارة على اختها واغلقت النور وتركت لها ضوء خافت فياسمين تكره الظلام الحالك
وخرجت من الغرفة الى البلكونه
وجدت اشعار برسالةSMS نصها
“لا تتعجلى فرحك قريب واعلمى كلما ذاد الضيق اقترب الفرح لا تحزنى واعلم انه ليس بهين ولكنى اسأل ربى الكريم ان يهون عليكى”
كانت كفيلة تلك الرسالة ان تجعلها تبتسم فهى اعتادت على تلك الكلمات وفى وقتها المناسب من ذلك الرقم المجهول
ولا تعلم لما خطر ببالها يوسف
ترددت قليلا قبل ان تتصل به فالوقت متأخر ولكن حزمت امرها واتصلت عليه وبعد لحظات رد يوسف بلهفة قائلا:…..
يوسف:خير يا سارة فى حاجة ياسمين كويسة
سارة:كلنا بخير اطمن انا اصلى يعنى كنت بطمن عليك عادى
يوسف:الحمد لله انكم بخير صدقينى كنت محتاج اكلمك وقولت اكيد نايمه
سارة:لم تخبره بما حدث لياسمين فيكفيه ما به قالت:…
سارة:مين يعنى هيجلوا نوم فى الظروف دى
يوسف:على رايك بابا مبقاش ينام غير بمسكن و ماما فى العناية من الى حصل حاسس انى بتهد
سارة:يوسف اوعى ده ظرف منملكش فيه حتى حق الانهيار لازم نتماسك عشان اهلنا دلوقتى مسنودين علينا وابسط حقوقهم اننا منخزلهمش ونقع لازم تفضل قوى ضهر وسند لابوك ولامك
يوسف:هفضل كده طول انتى جنبى
سارة بخجل:كلنا هنفضل جنب بعض للنهاية متقلقش
يوسف:اهو ده اللى مش ممكن ابدا انا مش بس قلقان انا هموت من القلق
قاطعته سارة قائلة بلهفة:بعد الشر الله يرضى عليك متجبش سيرة الموت تانى من فضلك يا يوسف
وهنا تجمد يوسف لا يعلم لما شعر بوغزة فى قلبه ما نطقت جملتها الخيرة ولكن اراد ان لا يشعرها بذلك
قال:……
يوسف:حاضر هقفل معاكى دلوقتى اطمن على بابا وارجع اكلمك
سارة:اه طبعا سلام انا اصلا كنت هقفل معاك وانام
اغلقت سارة الخط وذهبت لتطمئن على اختها ومن بعد استلقت على فراشها حاولت ان تنام
اما عند يوسف بعد ان انهى اتصاله بها
تنهد طويلا ونزلت من عيونه دمعه هاربة لما مر بباله من ذكرى هنا لعب مع اخيه وهنا تشاجرا وعند الباب هناك ودعه اخر مرة قبل رحيله
وقطع كرياته صوت أذان الفجر قام ليتوضئ ويؤدى فرضه
وعند سارة لم تستطيع النوم ونهضت لتؤدى فرضها فور سماعها الاذان
وكلا من يوسف وسارة دعى بالصبر و تخطى ما حدث بالنسبة لاهلهم والهون والعون من الله عز وجل
………………….((بقلم ريم طارق))………………..
بعد مرور اسبوع
لم يتغير الامر كثيرا ولكن حنان استعادت وعيها بعض الشئ
استأذن يوسف ليدخل غرفه والده اذن له والده بالدخول
دخل يوسف وجلس بجوار والده ومد يده له بشئ
حسن:ايه ده يا يوسف
يوسف:احم دى فيزة معاش فارس
تترغر عيون حسن بالدموع ويقول انا النهارده يا يوسف بقبض معاش ابنى اه يا يوسف اه على وجع قلبى يا نور عينى واول فرحتى الله يرحمك ويرحمنى من بعدك
يوسف : اهدى يا حج هو حى عند ربنا يرزق واحنا كلنا هنروحله هون على نفسك وادعيله
حسن مسح دموعه وطبطب على يوسف وابتسم ابتسامه بسيطه وقال:…..
حسن:حاضر يا حبيبى امك عامله ايه مقدرتش اروحلها النهارده
يوسف قبل يد والده وقال مبتسما:اطمن يا حج انا لسة جاى من عندها وهى بخير اطمن واتحسنت كتير عن الاول
حسن بصوت متحشرج قال:ربنا يخليك لينا وميضرنيش فيك يا حبيبى
يوسف حضن ابوه ولا يعلم من منهم يحتاج الى حضن الاخر فكلاهما يحتاج الى الاخر
حسن طلب من يوسف يخرج
يوسف خرج بالفعل وعاد حسن الى قراءة القراءن مجددا
………………((بقلم ريم طارق))…………………
عند سارة
كان جالسا كلا من حسين وسعاد على طاولة السفرة
ماعدا سارة وياسمين
ياسمين لم تخرج من غرفتها منذ وفاة فارس الا قليلا وللضرورة
وسارة عندها بتحاول تخليها تاكل اى شئ
حيسين يحدث سعاد ويقول:….
حيسين:انتى مش ملاحظة ان ياسمين مبالغة قوى فى زعلها على فارس
سعاد تنفى قوله على عكس ما بداخلها قائلة:…..
سعاد:لا يا حيسين هى بس كانت قريبة منه قوى وهى كانت بتعتبروا اخوها الله يرحمه وبعدين ما انت عارف ياسمين طول عمرها حاسسة زيادة عن اللزوم ده يوم ما قطتها ماتت قعدت شهر زعلانه من غير اكل ولا شرب
ولا نسيت ياحج
حيسين:اه فاكر ده كانت زعلانه زعل وقتها وراقت بصعوبة
سعاد:طيب ما بالك بقى بفارس الى اتربت معاه وكان اقرب ليها من سارة اختها
ثم امسكت يده وقالت:ادعى لابن اخوك بالرحمه وادعيلينا كلنا بالصبر
حيسين:اللهم امين
وبدؤا الاثنين فى تناول الطعام
فى غرفة سارة وياسمين
سارة بتقرب الملعقة من فم ياسمين قائلة:…
سارة:عشان خاطرى اخر معلقة
ياسمين تبعد يدها قائلة:خلاص يا سارة شبعت مش عايزة
سارة نزلت ايدها بالملعقة بيأس وقالت:…..
سارة:طيب اهدى الى يريحك الحمد لله انك اكلتى النهارده يا سو
ياسمين:انا اسفة يا حببتى مش قصدى بس حقيقى مش قادرة
سارة:ياسمين انا زعلانه عليكى مش منك حببتى ربنا يخرجنا كلنا من الى احنا فيه على خير
ياسمين:بقولك تعرفى فين عده الرسم بتاعتى
سارة بفرحة لسؤال اختها :ايه ده بجد عايزة ترجعى ترسمى تانى
ياسمين:امممم فين بقى
سارة :معرفش بس هقلب الدنيا لحد ما الاقيها
ياسمين:وعلى ايه خلاص مش مهم
سارة:ازاى يعنى لا مهم
ياسمين:انا بحبك قوى يا سارة ربنا ما يحرمنى منك
سارة: ولا منك يا أجمل ياسمين
……………..(( بقلم ريم طارق))…………….
عند يوسف
يوسف واقف فى المطبخ وبيحاول يعمل غداء يمكن ابوه يرضى ياكل
افتكر اد ايه ابوه بيحب المسقعه بس هو ما بيعرفش يعملها وامه عيانه ومش فى حالة تسمح له يسألها
وجت فى باله اتصل بيها
سارة كانت فى المطبخ بعد ما اكلت ياسمين بتغسل المواعين سمعت صوت رنين هاتفها ونظرت له وجدت المتصل يوسف نشفت يدها واجابت:…..
سارة:الو خير يا يوسف عمو وطنط حنان بخير
يوسف:اه الحمد لله اطمنى بس كنت عايز منك خدمه
سارة:اتفضل
يوسف:هى المسقعه بتتعمل ازاى
سارة ضحكت غصب عنها واجابت ب……
سارة:خير عايز تاكل مسقعه طب اصبر اعملهالك واجبهالك بكرا ان شاء الله
يوسف:مش انا عايز اعملها لعمك يمكن يرضى ياكل كل يوم بيقعد معايا على السفرة مجامله بس مابياكلش حاجة وهو بيحب المسقعه يمكن يرضى ياكل منها
سارة:طب انت عملت ولا وصلت لفين
يوسف :لسه فى مرحلة تعارف على المكونات
سارة:طيب عندك توم وبصل
يوسف:ثوانى اه فيه
سارة: وبتنجان وفلفل وبطاطس
يوسف:ثوانى هشوف فى التربو اه فيه
سارة:بتحبوها باللحمه ولا من غير
يوسف:اممم بيتهيألى باللحمة
سارة:طيب ورقة وقلم واكتبى ورايا يا ست الكل
يوسف باستنكار: ست الكل
سارة:هههههه هى الجملة بتتقال كده على بعضها
يوسف:كب كمل يا عم الشيف
وضحك يوسف وهو قد نسى الضحك منذ وفاة اخيه ولم يختلف الامر عند سارة
بدأت سارة تشرح له طريقة المسقعه وبدأ ينفذ الى بتقوله عليه
وكان والده حسن مرائا بالصدفة بالقرب من المطبخ وسمع ذلك الحديث وابتسم ابتسامه بسيطه ورفع يده للسماء داعيا لولده بدوام السعادة وطولة العمر
…………………((بقلم ريم طارق))…………………….
فى منزل حسين وبالتحديد فى غرفة ياسمين
ياسمين تفتش فى اشيائها القديمه كالمجنونه عن شئ ما واذا بها تمسك ب…..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعبة القدر)