رواية لعبة القدر الفصل الأول 1 بقلم سلسبيل أحمد

رواية لعبة القدر الجزء الأول

رواية لعبة القدر البارت الأول

رواية لعبة القدر الحلقة الأولى

– اها يا متهور يالي مولع لنا النار فعز الحر
= ايش فهمك انتي فالرومانسيه
– والشاي ده يا حبيب قلبي تبع الرومانسية ولا تبع اي
= طبعا
– يعم مشيني يعم حرام عليك
= احنا عربيتنا عطلانه لو الهانم مش واخده بالها؟! وبعدين كله من تحت راسك انتي الى جبتينا هنا!
– خلاص قوم اتحرك شوف حل بدل ما يجي ديب يكلني
= متخافيش انا ها
قاطعته: هشششششش ششششش اسكت مش طالبه محن انت لو شوفت صرصار هتسبني و تجري !
= على حسب بيطير ولا!
– يارب ليه ! ليه يارب توقعني في ده ؟! يا زين هنموت
= ما الطرمس مليان شاي اهو مالك؟!
بنبره قلق: انا خايفة
= طيب اهدي بس دلوقتي احنا مش هنعرف نتحرك الا الصبح والا فعلا هيجي ديب يكلنا لو مشينا دلوقتي فالهو ده
– انا مش عايزة اموت دلوقتي
= متخافيش مش هتموتي
– انا لسه دافعه 1100 جنيه اشتراك الجيم
= اشتراك اية
قالت بتمثيل الحزن: الجيم يا زين وبعدين في 4000 تانين جايبه بيهم روج من كيكو ملحقتش احط منه
– زين انت مش بترد ليه ؟
=…….
– زين؟؟
=…….
– طب انا عايزة اعترفلك بحاجه
= انا عارف اكيد عايزة تقوليلي بحبك قبل ما نموت
زعقت: اتلهي ياشيخ يا شيخ اتلهي
– خرمتي ام ودني خلالااااااااص اتزفتي قولي
= مبتعرفش تتكلم جد ابدا !
– لاء مبعرفش و لا انتي متعرفيش اني مبعرفش ؟ عرفاني امبارح ولا اية؟
= لا عرفاك من يوم ما اتولدت كان يوم مهبب لما قالولي ابن عمك الى رباكي
– ويارتني عرفت اربي
فضلت تضحك: هتكلم جد!
= اتكلمي اهم حاجه متجيش جمب الجد بتاعي
– لما مشيت من بيت العيلة بعد ما اتربينا 18 سنة سوا كنت خايفة اوي مكنتش عارفة هتحما فمين بعد كدا خصوصا اننا نقلنا بعيد شوية.. بس في يوم لما جيت ازور عمي و انت كنت تحت البيت و شوفتني وقتها كان فات كتير واحنا مش بنتكلم من غير سبب
قاطعها: كنت مصدوم
بصتله بستغراب: مش فاهمه؟!
– مصدوم انك مشيتي و مش هشوفك كل يوم نازلة و طالعة فالبيت مكنتش عارف اتعامل معاكي على فون بعد كنا بنعمل كل حاجه سوا
= لكن يومها كنت قلقان لما شوفتني كنت قلقان
– حسيت ان فيكي حاجه اول ما بصيت لعيونك لما قربت عليكي بسرعه كنتي وحشاني و كنت عاوز ارجع اقرب وابقي جمبك.
= و فضلت معايا و كمان وصلتني فاكر يومها قولت حاجه كدا؟
ابتسم وبصلها في عيونها: قولت انك احلي حاجه فحياتي و زعلان انك مشيتي لكن تاني زي الاول بطريقة مختلفة بس هنرجع يا فريده
– وانا وقتها مفهمتش ولا حتي دلوقتي فاهمه احنا مرجعناش
= مين قال
– مين قال اية؟
= متشغليش بالك هتفهمي في يوم اكيد
ابتسمتله بشغف: زين انت بتحبني وبتخاف عليا عشان معندكش اخوات ؟
– كنت هحبك برضو لو عندي انتي متربية على ايدي زي ماقولتي لأنك تتحبي بكل تقلباتك و شقاوتك و كله!
= الشاي برد!
غمزلها: تتعوض برضو في يوم تاني
” موبايله رن اخيرا و لقط إشارة ”
– رد بسرعه بسرعه!!
” و اخيرا صاحبه عرف مكانهم و راح جابهم بعربيته كانو فالمقطم لأن فريده بتحب الأماكن هناك و الجبال فا زين راح معاها.. ”
*******************************
( صلي على محمد. )
” فات ايام و زين مش بيكلم فريده كانت هتجنن و عاوزاه يكلمها بأي شكل فا قررت تعمل فيه مقلب زي ما طول عمرها بتعمل فيه و تخضه ”
– مسا مسا على احلى جو
= اها مش مرتحالك
– اخوك جمبك؟ اوعي تعرفه ان دي انا ابعد الفون
= مش جمبي معرفش هو فين في اية؟
– مقلب عيار تقيل ضروري
= اديني يا حب
– قوله فريده تايهه كلمتني وكانت بتعيط و اعمل مخضوض عليا ها و قولة تقريبا اتخبطت بالعربية و مش عاوزاني اعرف حد
= وبعدين؟
– هيحاول يوصلي بقا عشان يجي
= فا؟!
– هبعتلة لوكشين!
= فا اية برضو
– هي حتة كدا خالية من البشر شوية لما يجي بقي هكمل انا عليه
= طيب هتدفعي كام
– لما اجيلك هدفع على قفاك يا يوسف حاضر
ضحك: عايز ايربودز من عندكوا بتاعتي باظت
= يعم خلصانه
” و فعلا فريده عملت زي ما رتبت و يوسف كلم زين و كان مخضوض جدا عليها لما بعتت له لوكيشن خد عربيته و راحلها بسرعه لكن المخزي فالموضوع انها كانت كل شوية تبص عالفون و كانت سايقة بتركن فحتة مستخبيا شوية عشان تخض زين فا جت عربية على سرعة عالية جدا و خبطتها.. “