رواية لعبة الحياه الفصل السابع 7 بقلم حنين الماضي
رواية لعبة الحياه الجزء السابع
رواية لعبة الحياه البارت السابع
رواية لعبة الحياه الحلقة السابعة
أم ملك : أية يا ملك موضوع الصورة دى
ملك : مافيش يا ماما دة واحد بيحبنى من ايام تامر وكان عاوزنى لكن لما عرف أنى اتخطبت ،فبعد عنى ومقدرش يتكلم ولما فسخت الخطوبة جة صارحني واصحابى كلهم قالولى أنة كان زعلان جدا يوم خطوبتى ولما قعدت واتكلمت معاة كنت مبسوطة فقولنا ندخل ستوديو نتصور صورة للذكرى وانا اللى خدت الصورة مش هو وحطتها فالدرج لكن الهانم فتشت حاجتى من ورايا
أم ملك: خلية يجى يتقدم خليكى تخلصى من قرف اخوكى ومراتة ومحدش يتحكم فيكى ،كلمية وانا هظبط الدنيا مع ابوكى
ملك : ماشى يا ماما
____
ملك بتكلم هشام فالجامعة….
ملك : هشام انا بقالى اسبوع بتصل بيك مبتردش لية
هشام : معلش
ملك : ايوة يعنى مالك لية مبتكلمنيش
هشام : بصى يا ملك انا مش عاوز اظلمك معايا
ملك : يعنى اية
هشام : انا عملت تحاليل عشان تعبت الفترة اللى فاتت وطلع عندى كانسر
ملك : 😱 انت بتقول ايه وازاى متقوليش
هشام : دة اللى حصل وانا صعب اظلمك معايا
ملك : لا انا معاك ومش هسيبك
هشام : مش هينفع يا ملك ولسة هعمل تحليل تانى
ملك : انا هفضل جنبك مش هسيبك
🙂🙂🙂🙂🙂🙂
جدة شهد : انتى يا عديمة الرباية ياللى ملكيش حد يلمك
شهد : انتى كل شوية تشتمينى وتبهدلينى انا زززهقت بقى ، زهقت ، عاوزينى اعملكوا أية تانى بعمل حاجات تهد جبل ومبتكلمش وكلة عمال يضرب فيا ، انا خلاص مش طايقة العيشة معاكى انتى كمان
جدتها : قومى انتى واخوكى اطلعوا برة اقعدوا فالشارع مش عاوزاكوا ،وهرميكى زى امك وابوكى
شهد : أية رأيك بقى انا اللى همشى واروح لابويا عشان واثقة أنة هيطردنى وساعتها أمشى واعيش لوحدى واقولهم هو طردنى اعمل ايه وتبقى جت منه.
جدتها : ولا هتنفعى فى يوم من الايام وانا هو وانتى اهو طول ماانتى مقاطعة امك كدة
شهد : أية رأيك هفضل مقاطعاها
جدتها : انتى فاكرة مش هقدر عليكى ولا أية
شهد : انا هكلم خالتو صباح تيجى واقولها كل كلمة انتى قولتيها 😭😭 انا معرفش ليييية كلة بيعاملنى كدة واللى غلطوا محدش بيقولهم حاجة 😭😭😭😭😭😭😭😭
ملك : ها يا هشام عملت ايه
هشام : انا اسف يا ملك بس للأسف انا عملت تحليل تانى وطلع عندى الايدز
ملك : يا نهار اسود ايدز ازاااااى وجالك منين
هشام : نقل دم
ملك : طيب انا بردوا معاك ولازم نحلل تانى ونتأكد
هشام : صدقينى مش هينفع اتجوزك
ملك : لا نتجوز وانا هقف معاك حتى لو مقربتش منى
هشام : ازاى اتجوزك ومقدرش حتى المسك مش هينفع
ملك : 😭😭😭
رجعت ملك البيت حكت لمامتها كل حاجة هشام قالها وام ملك أصرت تاخد ملك وتروح لحد بيت هشام وتكلمة.
وفعلا ملك اتصلت بهشام ونزل يقابلهم .
أم ملك: ازيك يا هشام
هشام : ازيك يا طنط
أم ملك: أية يا ابنى حوار الايدز دة
هشام : عملت تحليل وطلع كدة وانا مش هقدر اظلم بنات الناس معايا
أم ملك: لالا اكيد فى حاجة غلط ،تعالى نروح نحلل فى مكان كويس على حسابى انا ونطمن
هشام : لالا مافيش فايدة انا واثق وخلاص هعمل ايه ،معلش ماليش نصيب اتجوز لا ملك ولا غيرها
أم ملك: طب حاول انت مع نفسك تحلل تانى
هشام : لا خلاص انا متأكد
أم ملك : ماشى مع السلامة يالا يا ملك
ملك : فى أية يا ماما بتشدى ايدى وتجرى لية كدة طب استنى واصبرى
أم ملك: الواد دة كداب وبيعمل فيلم ومش دة اللى يستاهلك
ملك : يعنى أنا قولت انسى تامر لما هشام يجى وضغطت على نفسى وبردوا منفعش ، هو اية اللى بيحصل معايا دة
أم ملك: لسة نصيبك مجاش
😊😊😊😊😊😊😊😊
رجعت ملك البيت وهى زهقانة وقرفانة ومش فاهمة حاجة من اللى بتحصل ولية هشام عمل حوار عليها ولية اللى هى حبتة بجد من قلبها منفعش تكمل معاة وكلها اسباب صعبة مينفعش تتكلم فيها .
ملك تانى يوم راحت الجامعة وهى زهقانة جدا وللأسف كانت تعرف واحدة اسمها (ميسون ) على طول قاعدة على كافية قدام الجامعة وكانت من ضمن شلة ملك فالجامعة .
ميسون : مالك عالصبح
ملك : قرفانة من اللى بيحصل معايا
ميسون : فكك وكبرى دماغك مستعجلة على الغم لية
ملك بتنهيدة : عندك حق ، انتى يا بنتى على طول كدة بتشربى سجائر
ميسون : خفيفة وجميلة تاخدى تجربى
ملك : لالا ماليش فالسجاير ولا الشيشة والجو دة
ميسون : هتندمى
ملك : بصى انا زهقانة
ميسون : طيب دى سيجارة خفيفة خدى جربيها وشوفى
ملك : ماشى هاتى اجرب واحدة
ميسون : هااا أية رأيك
ملك : جميلة فعلا وخفيفة
ميسون : خدى بقى نفس كدة من الشيشة دى
ملك : ماشى هاتى
ميسون : شوفتى بقى ارتحتى صح
ملك : يا بنت الرايقة يا ميسون دى جامدة جدا ، قوليلى بتجيبى السجائر دى منين
ميسون : بصى انا هعمل فيكى معروف واديكى سيجارة محشية بسسس ايييية جامدة اخر حاجة
ملك : ماشى هاتى اجرب
ميسون : خدى بس هما نفسين بس وتشيليها عشان مينفعش تشربيها هنا وابقى خبيها وانتى ماشية عشان غلط تمشى بيها كدة
ملك : ماشى
ميسون : هااا أية الدنيا معاكى
ملك : يا بنت اللذينة دى حلوة اوى اوى اوى هههههههه
ميسون : بصى بقى مدام عجبتك فى واحد هنا فالكافية ( ديلر) اسمة هانى ،عارفاة
ملك : ايوة عارفة هانى طبعا هو طلع ديلر؟
ميسون : ههههه هو كدة من زمان اديلة القرشين يروح مدينى السجاير محشية واخر تظبيط
ملك : خلاص اجيب منة انا كمان
ميسون : ههههه ماشى
ملك دخلت التويليت تخبى سيجارة الحشيش فى صدرها واشترت علبة سجائر عادية ورجعت البيت قفلت على نفسها اوضتها وولعت سيجارة شربتها
أم ملك : افتحى يا ملك
ملك والسيجارة فى أيدها : نعم
أم ملك: كويس أن ابوكى فى شغلة ومش هقولة انك بتشربى سجائر بس انا واثقة انك هتبطليها
ملك : طيب خليكى واثقة
______”
نزل اخو ملك كالعادة يتخانق معاها
اخو ملك: انتى كنتى حاطة مكياج النهاردة وحاطة احمر فى بوقك
ملك : وانت عرفت منين
اخو ملك: بنتى شافتك وانتى نازلة الصبح وقالتلى ملك حاطة مكياج وكمان لبسك مش محترم
ملك : هو انت كل شوية تيجى تسمعنى كلمتين وبعدين وانت مالك ما تخليك فالحرباية اللى عندك
اخو ملك: انتى سافلة ومش متربية ومحتاجة اللى يربيكى من اول وجديد
ملك : انا بردوا ولا مراتك التعبان خليك ماشى وراها وهى شداك
اخو ملك: انتى قليلة الادب ومراتى ملهاش دعوة
ملك : اة اة ما انا واخدة بالى
أم ملك: انت مالك هى بتلبس أية ولا حاطة أية ،هو حد بيتحكم فى مراتك اتفضل وتانى مرة طول ما انا وأبوها عايشين ملكش دعوة بيها
اخو ملك: اهى عندكوا ابقوا تعالوا عيطوا بعد كدة وخليها تتعرف على شباب وتكلم كل واحد شوية ..سلام
__________
دخلت ملك اوضتها وهى مضايقة وقفلت الباب على نفسها وفتحت الشباك وطلعت السيجارة المحشية تشربها وفعلا شربتها وخلصتها كلها 🙈
تانى يوم ملك مقدرتش تقوم من السرير وتروح الجامعة ونامت اليوم كلة .
لكن اليوم اللى بعدة قامت ملك وكلمت صاحبتها شيماء اللى كانت سبب فى طريقة معرفتها بتامر
شيماء : انتى فين يا ملك
ملك : انا فالطريق ودماغى هتتفرتك من الصداع
شيماء : طيب انا فالكافية اللى قدام الجامعة اعملك نسكافية على ما تيجى
ملك : ياريت وانا جاية على طول
_________
ملك : انا جيت اهو
شيماء : اشربى النسكافية
ملك : ميسون ميسون تعالى
ميسون : أية عاملين ايه يا بنات
ملك : انا عاوزة هانى دة يجيبلى سيجارة متظبطة
ميسون : انا معايا ، اتفضلى يا ستى هههههه
ملك : هاتى هبقى اشربها فالبيت ، أية دة فى أية
شيماء : مالك يا ملك
ملك : دماغى حاسة انها مش مظبوطة ههههههههههههه
ميسون : هههههههههه العب
شيماء : فى أية يا ملك عمالة تضحكى كدة لية
ملك : هههههههه استنى اكلم الواد الحلو دة 🙈
قربت ملك من شاب متعرفهوش
ملك : انت مالك حلو كدة لية ،اية يا ابنى حلاوتك دة
الشاب : أية يا آنسة دة
ملك : انت قمور اوى هههههههههه
شيماء: معلش معلش احنا اسفين بس هى تعبانة شوية
ميسون : اومال لو كنتى شربتيها يخربيتك هههههه
شيماء : يالا زمان المحاضرة بدأت يالا نروح
ميسون : هندخل ازاى المحاضرة وملك عمالة تضحك كدة
ملك : هندخل كدة هههههههههه
شيماء وميسون : يا مجنونة دى دخلت
طبعا ملك كانت متغيرة وعمالة تضحك بطريقة غريبة وشيماء تحاول تدارى عليها وكان كل زمايلهم فالمدرج خدوا بالهم لحد المحاضرة ما خلصت راحت ملك مصرخة 🙈
ملك : اووووووف انا زززهقت وعاوزة اقلع البنطلون
شيماء : بس يا ملك اية اللى بتقولية دة ،المدرج كلة سمعك وبيتفرج عليكى
ملك : هههههههه بقولك عاوزة اقلع البنطلون قلعينى عشان هطلع فوق البينچ وارقص
زميلهم : بصى هى شكلها مش طبيعى انا هخرج الشباب وهقول لعم ابراهيم برة يقفل الباب عشان فى واحدة تعبانة جوة ومش هينفع تخرج دلوقتى
شيماء : طيب شكرا واسفة والله
ملك : اوووووف انا هفك زرار البنطلون
شيماء : طب استنى هقلعك يا مجنونة اصبرى
ملك : ايووووة كدة طلعينى بقى فوق البينچ دة
شيماء : هتعملى اية لما تقفى علية ما كفاية كده
ملك : هههههههه عاوزة ارقص
شيماء : لالا كدة كتير انتى مش طبيعية
ملك : هههههههه يالا عاوزة ارقص
شيماء : هشغلك اغنية بس وطى صوتك
ملك : ايوة حلوة الاغنية دى 💃🏽
شيماء قفلت الأغنية : يالا كفاية كدة ولازم تلبسى ونخرج
ملك : ههههههههه عاوزة انام
شيماء : ماشى البسى واخدك اغسلك وشك يمكن تفوقى
هانى : ههههه عاملة أية دلوقتى
شيماء : معرفش كان مالها مافقتش غير لما غسلتلها وشها.
هانى : هههههههه تعيشى وتاخدى غيرها
ملك باستغراب : يعنى اية كلامك دة
هانى : اصل عرفت انك عاوزة نسكافية من شيماء رحت قولتلها هعملها كوباية وصاية عشان الصداع وحطتلك برشام صراصير 😁🙄
ملك فى اللحظة دى بكل قوتها ضربتة حتت قلم ،سمعة كل اللى فالكافية
ملك : يا حيوان يا سافل يا ….يا ……
هانى : انا اسف والله مكنتش اعرف ان هيحصل كل دة انا كنت بهزر معاكى
ملك : بتهزر هو دة بتسمية هزار
شيماء : خلاص يا ملك أهدى الحمدلله بسيطة وعدت
هانى : انا عمال اعتذرلك وياريت تسامحينى
ملك : ماشى بس مشوفش وشك قدامى تانى انت فاهم .
🙂🙂🙂🙂🙂🙂🙂🙂🙂🙂🙂🙂🙂
______________
لمتابعة رواية لعبة الحياة لااايك وكومنت عشان نعرف مفاجأة ابو ملك وكمان نشوف شهد استقرت على اية و صدمتها اللى حزنتها اكتر 🙂
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعبة الحياه)
