رواية لعبة الحياه الفصل الخامس 5 بقلم حنين الماضي
رواية لعبة الحياه الجزء الخامس
رواية لعبة الحياه البارت الخامس
رواية لعبة الحياه الحلقة الخامسة
خلصت الامتحانات وتامر المفروض يجى يتقدم رسمى لملك
ملك : بابا انا فى واحد شافنى من طرف زمايلى فالجامعة وعاوز يتقدملى
ابو ملك: يعنى واد كويس كدة
ملك : اوى يا بابا
ابو ملك: خلاص خلية يجى يوم الجمعة الجاية واجيب اخواتك يشوفوة ويتعرفوا علية
ملك : حبيبى يا بابا 😍
__________
ابو ملك: اهلا وسهلا يا تامر اتفضل ،اعرفك بقى دوول اخوات ملك الكبار وهى طبعا اخر العنقود
اخواتها : اهلا وسهلا
تامر : انا والله يا عمى فرحت جدا لما ملك قالتلى تعالى اتعرف على بابا واخواتى
اخو ملك : انت معاك مؤهل أية
تامر : انا معهد سنتين
ابو ملك: طيب انت امكانياتك أية للجواز
تامر : والله يا عمى انا مش هكدب على حضرتك ،حضرتك عارف انى لسة مخلص دراسة وقدامى لسة جيش مش اقل من سنة ونص تقريبا ولسة معنديش شغل ثابت لكن بعد خمس سنين بالظبط ان شاء الله هكون جهزت كل حاجة
اخو ملك: انت شايف أن الكلام اللى بتقولة دة منطقى
تامر : مش فاهم
اخو ملك: جاى تقولنا هتخطب وتفضل داخل خارج عليها خمس سنين وكمان مافيش شغل ولا معاك اى حاجة تترتبط بيها
مرات اخوها : أية الكلام الفاضى دة ، ازاى يا عمى وافقت اصلا
ملك : 😡 انتى مالك اصلا أية دخلك فالموضوع
اخو ملك: انتى قليلة الادب وجايبة واحد شحات ومقعدانا معاة
ملك : شايف يا بابا
ابو ملك: 😡 مش عاوز اسمع صوت ،انا بس اللى اتكلم ومش معنى انى جبتكوا يعنى تتحكموا فيها قدامى فاااهمين
تامر : انا اسف يا عمى بس انا بحب ملك وحبيت اكون صريح مع حضرتك عشان انا نيتى سليمة وعاوزها فعلا
ابو ملك: وانتى يا ملك موافقة تقعدى مخطوبة خمس سنين
ملك : ايوة يا بابا موافقة
ابو ملك: خلاص ماشى انا موافق وهات اهلك الاسبوع الجاى نقرا الفاتحة وبعدها نحدد ميعاد الشبكة
اخو ملك: انا ماشى عشان دة تهريج وبكرة تندموا
______
فرحت ملك بموافقة باباها جدا وتامر كمان كان فرحان جدا وفعلا تامر جاب اهلة واتقدموا رسمى لملك وحددوا أن الشبكة اول الدراسة ،بحيث تامر يكون جهز نفسة من الناحية المادية
____________
فلاااااش بااااااك
——————
طارق : انتى مديتى ايدك على شهد يا هند
هند : هى دى اخرتها عالعموم اخويا طالع ولية صرفة معاك
طارق : البنت خلت شكلى وحش قدام اخويا الكبير ومعرفتش ارد عليها
هند : بنت قليلة رباية فعلا ،ياما قولتلك ابعتهم لامهم عشان يحسوا بالنعمة اللى هما فيها
طارق : مكنش ينفع اعمل كدة ،عالعموم انا هخلص الموضوع مع اخوكى وانزل اجيب شهد ومحمد من تحت وانتى قومى حضرى عشا ونقعد كلنا ناكل سوا خلينا نخلص من الهم دة .
هند : حاضر بس هعمل كدة عشان خاطرك
طارق : عارف عشان كدة مقدرش استغنى عنك
____
طارق : أية يا شهد ،اول لما طلعتى دخلتى على اوضتك لية
شهد : عاوزة انام
طارق : طيب قومى اتعشى معانا
شهد : لا ماليش نفس
طارق : عمك بيقول انك مكلتيش حاجة من الصبح
شهد : 😭😭
طارق : طيب معلش قومى
شهد : لا
طارق : انا هجيبلك عمك يكلمك
عمها : مالك يا شهد ،قومى كلى عشان اخوكى ياكل
شهد : 😭 مش عاوزة اكل عاوزة اموت واخد اخويا معايا
طارق : لية كدة يا شهد انتى مزوداها اوى
شهد : طول ما انت مش حاسس بيا عمرك ما هتعرف ترضينى وعمرى ما هسامحك
عمها : طيب قومى انزلى معايا تحت
شهد : لا مش نازلة
عمها : طيب لية يا شهد
شهد : لان حتى مرات عمى اللى صعبت عليها مش عاوزانا ، انا صعبانة عليها من بعيد لكن انها تاخد بالها منى ومن اخويا مع ولادها ،هى مش عاوزة كدة
عمها : لا قومى انزلى وانا هتصرف
شهد : لا خلاص انا مش هعرف اعيش فالبيت دة تانى
طارق : مش فاهم يعنى عاوزة اية
شهد : انا هاخد محمد اخويا واروح اعيش مع جدتى يمكن تحبنا اكتر من بنتها اللى باعتنا
عمها : هتستريحى كدة يا شهد
شهد : اة يا عمى
طارق : خلاص ماشى مدام دة هيريحك قومى بقى اتعشى والصبح اعملى اللى عاوزاة
شهد : 🙂🙂
__________________
فترة الارتباط بين تامر وملك زادت وكل واحد فيهم كان عندة استعداد يعمل اى حاجة عشان خاطر التانى ،لكن ملك كان عندها مرات اخ دايما تغيير منها وتسخن جوزها اللى هو اخو ملك على اختة ملك .
وجة وقت الشبكة وكان المفروض تامر يحدد يوم ينزل يشترى الشبكة لكن للاسف معرفش يعمل مبلغ كويس يجيب بية حاجة ومن هنا ملك فكرت ازاى تقف جنبة عشان حبهم يستمر .
ملك : تامر انا خلاص لقيت حل لفلوس الشبكة
تامر : ازاى
ملك : بابا إدانى المصاريف بتاعت الكلية وكمان فلوس الكتب وانا معايا مبلغ وكونت كدة خمس آلاف جنيه ،خدهم وانا واثقة فيك ونجيب بيهم الشبكة .
تامر : لالا انا مينفعش اخد منك فلوس وشيلى فلوسك وانا هحاول اتصرف
ملك : مش انا وانت واحد
تامر : ايوة طبعا
ملك : طيب عشان خاطرى خدهم وبعدين هو انت هتاخدهم ليك ،ماهو انت هتجيبلى بيهم دهب وانا اللى هلبسة
تامر بعد إلحاح من ملك وافق ياخد الفلوس واتعملت الشبكة وكانت ملك وتامر فى قمة سعادتهم .
وطبعا طبيعى أن تامر يزور خطيبتة .
ملك : اهلا يا حبيبى تعالى
تامر : عاملة أية يا حبيبى
ملك : الحمدلله كويسة ،بقولك جهاز الكمبيوتر اللى فى اوضتى النسخة وقعت وكنت عاوزاك تعملى نسخة
تامر : حاضر تعالى ورينى
دخل تامر أوضة ملك وكان بيستغل أن مامتها طيبة وعلى قد نياتها وباباها واثق فيها ، فكان اول لما ينفرد بملك كان بياخدها فى حضنة واول بوسة شفايف لملك كانت من تامر وبسبب الاحساس الجديد اللى ملك عاشتة مع تامر دة ، بقت كل يوم يزيد تمسكها بية اكتر .
عدا حوالى ٣ شهور وتامر راح الجيش خلاص وكانت ملك حالتها النفسية وحشة جدا لان تامر كان واحشها اوى ، وقدرت تقنع باباها أنهم يروحوا يزوروة وفعلا راحت ملك وأبوها ومامتها زيارة لتامر وكانوا واخدين اكل معاهم لية وكمان ابو ملك ادالة فلوس يمشى نفسة بيها .
وفى يوم تامر أتأخر على ما نزل إجازة وكانت ملك مخنوقة جدا وواقفة فالبلكونة ، ومرة واحدة لقت تامر قدام العمارة عندها واقف عند السوبر ماركت اللى قدام بيتهم لانة كان متعود يجيبلها شيكولاتة وحاجات هى بتحبها .
ملك فتحت باب الشقة ونزلت جرى بالبيجامة تقابل تامر على السلم ولما باباها لقاها بتجرى بسرعة قعد ينادى عليها وخرج بسرعة وراها .
فاللحظة دى كان تامر حاضن ملك جامد وهى عمالة تعيط وهو عمال يطبطب عليها .
ابو ملك: اطلعى اطلعى بلاش فضايح
تامر : تعالى متخافيش انا هكلمة
ملك : بابا متعصب
تامر : تعالى خليكى ورايا ، عمى لو سمحت متمدش ايدك عليها ،هى اتصرفت غصب عنها وعلى فكرة هى كانت وحشانى جدا ،انا يا دوب نزلت روحت غيرت هدومى وجيت عليكوا على طول
ابو ملك: ماشى بس لو حصل كدة تانى أنا ليا كلام معاكى ماشى يا ملك
ملك : حاضر يا بابا
أم ملك : حمد لله عالسلامة يا تامر انا هدخل اعمل مكرونة وفراخ بسرعة شكلك جعان
تامر : تسلم ايدك مقدما
تامر وملك عاشوا الحب وعبروا بية وكل واحد بقى مستنى امتى يجى اليوم اللى يتقفل عليهم باب واحد .
وخلصت إجازة تامر ورجع الجيش لكن عم تامر قال يعزم ملك واهلها عندهم كنوع من زيادة التعارف ، وفعلا حصل وكان يوم جميل جدا والكل كان مبسوط .
ملك حبت ترد العزومة لكن تامر المرة دى مكنش موجود معاهم .
مرات عم تامر : ملك انا عاوزة اقولك حاجة عشان ضميرى يرتاح قدام ربنا
أم ملك : خير يا حبيبتى فى أية
ملك : فى أية يا طنط
مرات عمة : هقولك بس متقوليش انى انا اللى قولتلك اوعدبنى
ملك : اوعدك حاضر
مرات عمة : انتى شايفة أن تامر كويس صح ؟
ملك : اة كويس جدا وبحبة جدا
مرات عمة: عشان كدة هقولك قبل ما تدبسى وانتى حرة
ملك : 🥺
مرات عمة: تامر مش كويس على فكرة لان فى مرة هو غلط فيها مع ابنى وكانت مشكلة كبيرة وابنى جة قالى أن تامر عاملة حاجة من ورا 😱
أم ملك: أية الكلام دة
مرات عمة : زى ما بقولك واكيد انا مش هطلع سمعة وحشة على ابنى لان ساعتها عملنا مشكلة كبيرة.
….
ملك ساعتها انهارت وقامت ترجع ومرة واحدة حست انها قرفانة من تامر وبقت يوم بعد يوم تبعد عنة ، وكل ماهو يحاول يقرب منها هى تكون قرفانة وتبعد وتفتكر الكلام اللى مرات عمة قالتة علية ، ومقدرتش تواجه تامر بالكلام دة ،، لحد لما تامر وملك اتفقوا على الانفصال وفعلا تم الانفصال بينهم .
ابو ملك : مافيش نصيب يا ابنى وربنا يعوضك باللى تستاهلك وإذا كان على شبكتك ثوانى اجيبهالك
تامر : لا يا عمى مش عوزها دة حق ملك
ابو ملك : احنا يا ابنى اللى فسخنا الخطوبة تبقى الشبكة من حقك
تامر : معلش يا عمى انا مصمم ماخدش الشبكة وإن شاءالله ربنا يعوض ملك باللى احسن منى .
________
طبعا بعد تامر لما مشى ملك انهارت فالعياط من شهامة ورجولة تامر وفى نفس الوقت أنة كان سهل يضحك عليهم وياخد الشبكة لان قدامهم هو اللى دافع تمنها لكن هو معملش كدة ومشى بهدوء خالص .
واتقفلت خالص صفحة تامر من حياة ملك ، لكن هل ملك قفلت على نفسها وعلى قلبها بعد تامر ولا لاة ؟؟؟
____________
لمتابعة رواية لعبة الحياة لاااااايك وكومنت عشان نشوف ملك والعريس اللى هرب بعد ما كان هيتجنن عليها وكمان نعرف شهد ارتاحت لما عاشت مع جدتها ولا لاة؟؟
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لعبة الحياه)
