رواية لست ملك لك الفصل الثاني 2 بقلم سحر خالد
رواية لست ملك لك الجزء الثاني
رواية لست ملك لك البارت الثاني
رواية لست ملك لك الحلقة الثانية
وقتها قررت اني ارجع بيت بابا تاني وارجع الشركه اللي سايباها لادم عشان يديرها كل حاجه لازما ترجع لمكانها صح تاني لميت كل حاجتي انا واولادي عشان ارجع مصر تاني واقابلني فارس تحت وهو بيقول …..
انتي رايحه فين يا رنين وليه واخده شنطه هدومك انتي والاولاد كده
بصيت له وانا باقول…….. هارجع تاني يا فارس بيت بابا ..
فارس بغضب…… ترجعي ازاي يعني مش قلت لك هتفضلي هنا انتي والاولاد
رنين بغضب اكبر …….مش هافضل يا فارس انا خلاص هبني حياتي من اول وجديد ارجوك ما تدخلش فيها
وكنت هخرج بس فارس قال….. ازاي ما تدخلش ازاي عايزاني اسيبك لوحدك
بصيت له بغضب كبير وانا باقول ……على اساس وانت معي عملت ايه يا فارس عملت ايه انت دمرت حياتي انت واخوك ..
فارس…طيب تعالي بس يا رنين وانا هاقولك كل حاجه..
عده الوقت و طلعت واخذت اولادي ومشيت ما بقاش لازم الربط حياتي بحاجات مابقاش ليها وجود لازم ابنيها من الاول وجديد وابني حواليها اسوار عاليه عشان محدش يهدمها تاني لازم ابقى حاجه كبيره قوي عشانه و عشان اولادي وفعلا وصلت مصر واول حاجه عملتها اني وصلت بيتي ..
بيتي اللي بابا كتبوا لي انا اول ما اتجوزنا بس لحسن حظي انه ماكتبهوش لادم وكتبوا لي دخلت بالمفتاح بتاعه اول ما دخلت لقيتها قاعده وحاطه رجل على رجل بصيت لها بقرف وانا باقول…… انتي يا بتاعه انتي تطلعي من البيت فورا
نرمين قامت بغضب كبير وهي بتقول……. بتاعه مين يا حبيبتي هو مش طلقك راجعه البيت تاني ليه ..
تجاهلتها وحطيت رجل على رجل وانا باقول……. يا اولاد ادخلوا جوه العبوا..
وبعد ما دخلوا بصيت لها بتحدي وانا باقول لها ……..هو الامور ما قالكيش ولا ايه يا حلوه مش البيت باسمي..
لقيتها عينيها وسعت من الصدمه وعرفت ان هو كمان ضحك عليها ومفهمها ان كل حاجه ملك لي قمت وانا بقول لها …….
اه صعبتي علي قوي بس هي دي الحقيقه يا عسل البيت ملكي وكمان اللي ما تعرفوش ان الشركه كمان ملكي يعني ادم ده ما يسواش نكله تاخذيه وتشبعي به ما يهمنيش بحاجه ودلوقتي اطلعي زي ما جيتي يا حلوه وخذي هدومك معك اه اصل بقرف اي حاجه تيجي في بيتي او اي حد يقعد فيه
قلت كلامي بصت هي صدمه وارتباك وطلعت تليفونها وكانت هتكلم ادم بس ما سبتش ليها فرصه مسكتها من يديها بغضب كبير كنت حاسه اني هاقتلها لو فضلت اكثر من كده ورميتها بره البيت وقفلت الباب وجريت على اوضه النوم اخذت هدومها كلها وهدوم ادم ورميتها عليها بره قلت لها………..
يلا في داهيه مركب اللي تودي وابقى عرفي حبيب القلب ان انا اللي مش عايزاه ياكش تولعوا في بعض
وقفلت الباب يا حسيت براحه كبير قوي هو اللي غدر وهو اللي خان كان مستني اعمل له ايه بعد اللي عمله اسيبه يعيش الخائن لا ده انا هاخليه يترمي من سابع سما على الارض مش هخلي ليه وجود هو و البتاعه اللي معه
في مكان تاني كان كان ادم قاعد على المكتب بيخلص في الشغل بتاعي عشان يرجع لنرمين بسرعه بس اتصدم لما الاقيها داخله عليه المكتب وهي بتعيط قام وقف وهو بيقول…… في ايه يا نرمين بتعيطي ليه وايه اللي جابك هنا
بصيت له نرمين بغضب ودموعها نازله ……….انت بجد البيت مش باسمك ولا كمان الشركه كل حاجه ملك لامراتك
قالت كده توسعت عيون ادم وهو بيقول …….انتي مين اللي قال لك
نرمين بغضب وهي هتولع من الغيظ …….مين اللي قال لي انت ضحكت علي كل حاجه ملك لمراتك وضحكت علي
امراتك جاءت البيت يا بيه ورمتني بره البيت وماتستغربش لما تيجي ترميك انت كمان من الشركه
اتصدم ادم ما كانش يتوقع من رنين كده ابدا
قام بسرعه وفتح الخزنه وطلع منها الاوراق وقال………. طب يلا بسرعه تعالي معي نرمين هنروح فين يا ادم
ادم……… تعالي معي بس لازم نروح الشهر العقاري بسرعه انا معي توكيل منها ننقل الشركه دي باسمي
قال كده ابتسمت نرمين وهي بتقول……… اه طب يلا
قالت كلامها بس اتصدمت قدامهم
على فين يا حبيبي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لست ملك لك)
