رواية لست المذنبه الفصل الثالث 3 بقلم إيمان شلبي
رواية لست المذنبه الجزء الثالث
رواية لست المذنبه البارت الثالث
رواية لست المذنبه الحلقة الثالثة
وقفت تبص لأختها بصدمه وهي بتشاور عليها وتتهمها بأبشع اتهام
مكانتش قادره تفهم ليه بتقول كده
عمرها ما كانت تتوقع أنها تتعرض للموقف ده ومع مين مع اقرب حد لقلبها مع توأم روحها !!
احساس ال*ظلم والخ*ذلان ابشع احساس ممكن نحس بيه في يوم وخاصه لو جاي من الشخص اللي مراهن عليه بحياتك ،الشخص اللي ممكن تكذب كل الناس وتصدقه هو
هزت راسها بهستريه والدموع نازله علي خدها وهي بتبص لجاسر بقهر :
-لا لا والله انا معملتش كده والله لا متصدقهاش يا جاسر ارجوك متصدقهاش انا معملتش كده والله
كان واقف يبص للاتنين بحيره وذهول وصدمه احتلت كيانه
كارما وهي بتعيط عياط هستيري :
-انا بكر*$رررهك بكرررر**هك عشان حولتي اجمل يوم في حياتي لكابوس هددتيني لو مهربتش انك هتعملي اي حاجه عشان الفرح يبوظ قولتيلي لو مكانش جاسر ليا يبقي مش هيكون لغيري
قربت منها وهي بتبصلها بقهر ودموع مصطنعه :
-ليه عملتي فيا كده انا اختك ليه كسرتي فرحتي ،ليه مستكتره عليا اني اعيش مبسوطه حرام عليكي عمري ما كنت اتوقع انك بالقس*وه والج*حود ده
قالت كلامها وقعدت علي الارض بتعب وهي بتبص ل”جاسر” بقهر
حلا وهي بتصرخ بج*نون :
-انتي بتقولي ايييييه انا معملتش كده اقسم بالله معملتش كده
بصت لجاسر وهي بتترعش:
-ياجاسر ياجاسر متصدقهاش عشان خاطري متصدقهاش انا مش عارفه هي بتقول كده ليه والله انا معملتش كده
بصلي بجمود :
-برا
كلمته كانت بمثابه خ*نجر مس*موم اترشق في قلبها
رمشت بعيونها اكتر من مره في محاوله انها تستوعب اللي قاله ..
-ج جاسر
قرب منها بخطوه واحده وهو بيبص في عيونها بشر وبيجز علي أسنانه
-بررااااا
بلعت ريقها وعيونها مش مبطله دموع وهي بتبص في عيونه برجاء وتوسل بتتمني بس لو يصدقها بتتمني لو يحس بيها ،بتتمني لو يعرف إن مش ممكن كارما تحبه زي ماهي بتحبه !
شدها من دراعها وهو بيغرز ظوافره في لحمها وبيمشي بيها نحيه الباب وهي بتترجاه وبتصرخ فيه أنه يسمعها لكن لا حياه لمن تنادي
-انتي طاااالق
فتح الباب ورماها بكل قوته برا وبعدها رزعه في وشها …
ــــــــــــــــــــــــــــــــــــــــــــــــــــــــــــــــــــــــــــــــــــــــــ
عيطنا وخلِصنا ؟ طردونا بعيوبنا ؟
عملنا بحر دموع ونزلنا فيه دوبنا ؟!
حبينا، و إدّينا، وزرعنا فيهم ورد
وحصدنا خيبة أمل، مشاعرنا وقلوبنا..”
-بقي أنتي ياحلا انتي تعملي كده في اختك !
قالها ابو “حلا” بذهول وهو بيبصلها بنظره مكسوره
هزت راسها بهستريه:
-لا لا يابابا والله لا انا معملتش كده والله انا معملتش كده صدقني والله
مرات ابوها برفعه حاجب:
-يعني اختك هتتبلي عليكي ؟
صرخت بجنون:
-ايوه اختي بتتبلي عليا
مصمصت بوقها بسخريه وهي بتبصلها بقرف
-مش يمكن انتي غيرتي منها كمن هو حبها ومحبكيش
هزت راسها بقهر ووجع:
-حرام عليكي حرام عليكم كلكم انا مش ممكن اغير من اختي عمري في حياتي ما اتمنيتلها الشر ابداً والله
ابوها بهدوء :
-ادخلي اوضتك دلوقتي يا حلا وبعدين نبقي نتكلم
سعاد بذهول :
-بقي ياراجل بعد اللي عملته في اختها بتقولها ادخلي اوضتك ده بدل ما تقوم ترزعها قلمين علي وشها وتكرشها برا البيت
رد بعصبيه:
-انتي اتجننتي ياسعاد عايزاني اكرش بنتي في الشارع !
شهقت بطريقه شعبيه وهي بتقوم تقف وتحط أيديها في وسطها
-بنتك ياخويا خلي عندك نخوه بنتك ديه مشافتش تربيه وكانت هتحط راسنا في الطين ده بدل ما تقولها انتي لا بنتي ولا اعرفك وتغورها في ستين داهيه
بصيتلها بغل وحقد وهي جواها براكين لو خرجت هتح*رق المكان باللي فيه
ابو حلا بغضب :
-اسكتي ياسعاد اسكتييي متتكلميش
سعاد بعصبيه وغل:
-بقولك ايه ياخويا يا انا يا البت دي في البيت
ابو حلا بذهول :
-انتي بتقولي ايه انتي مجن*ونه ؟
كانت لسه هترد بس انا بصيتلها بغ*ل:
-انا مش هخرج من بيت ابويا لو مش عاجبك امشي غوري انتي في ستين مصيبه
برقت عيونها بصدمه وهي بتشهق بذهول وبتبص لباباها بدموع مصطنعه
-شايف شايف ياعماد بنتك بتشتمني ازاي وبتقولي اغور في مصيبه كمن انا مليش حد وغلبانه
باباها بغضب وهو بيقرب منها وبيض*ربها علي وشها
-انتي بنت قليله الادب
بصيتله بدموع وهي بتحط ايديها علي خدها وبعدها طلعت تجري علي اوضتها وهي بتشهق بكل قوتها
قعدت علي طرف السرير وحطت وشها بين ايديها وفضلت تعيط كتير علي اللي حصل وعلي مشاعرها وقلبها والظ*لم اللي اتعرضتله ،علي العطاء المفرط ،علي طيبتها وسذاجتها ،علي حسن نيتها !
افتكرت اللي حصل النهارده الصبح وهي في البيوتي سنتر مع اختها
فلاش باك
-انتي اتجننتي يا كارما انتي بجد عايزه تهربي؟
كارما ببرود وهي بتبص قدامها :
-اه
-طب ليبيه حرام عليكي تكسري قلبه ليه
ردت بزهق وضي*ق :
-مش بحبه مش بطيق اشوفه مش عايزه اتجوزه
حلا بعصبيه :
-ولما انتي مش بتحبيه وافقتي ليه من الاول انك تتجوزيه؟
قضمت ظوافرها وهي بترفع أكتافها بلا مبالاه:
-اللي حصل بقي
-انتي مش بني آدمه حرام عليكي متعمليش في جاسر كده متفضحهوش اتجوزيه ولو عايزه تتطلقي اعملي كده بس متكسريش فرحته انتي معندكيش قلب يابعيده ايه الج”بروت ده ها ايه الجبروت ده !!!
ابتسمت ابتسامه خبيثه وهي بتبصلها :
-ايه كل ده مالك خايفه عليه اوي كده اوعي تكوني…
-ايوه بحبه وبموت فيه كمان بس للاسف هو بيحبك انتي بيحب واحده مش شيفاه
قالتها حلا بعصبيه ودموع لكارما اللي كانت قاعده تبصلها ببرود شديد
-خلاص طالما بتحبيه اتجوزيه حلال عليكي
ردت بذهول :
-انتي ازاي كده لا بجد ازاي بالجبروت ده
قامت وقفت وهي بترد بسخريه:
-معلش خلينالك انتي الحنيه ياحنينه
كانت لسه هتمشي بس حلا مسكتها من دراعها بغيظ
-انتي رايحه فييين؟!
بصت في عيونها وردت بابتسامه بارده :
-لحبيبي
-حبيبك!!!
-اه حبيبي هنتجوز انا وهو النهارده ونعيش سوا لاخر العمر
-انتي بتقولي ايه ه هو مين حبيبك ده اصلا و ولما أنتي وهو بتحبوا بعض ليه وافقتي تتجوزي جاسر ط طب ليه هو متقدملكيش ليه عملتي كده ليه ظلمتي جاسر ليه
نفضت ايديها من ايد حلا وهي بتجز علي أسنانها :
-عشان ابوكي استحاله كان يوافق علي جوازنا
-لييييه!
-عشان هو مش بيحبه
-مين هو
-كرم الزناتي
برقت بصدمه وهي بترجع خطوه لورا وبتحط ايديها علي بوقها
-كرم الزناتي !!!!
يانهارك اسود بتحبي عدو ابوكي بتحبي الح*يوان اللي دخله السجن ظلم تلت سنين بتحبي الزب*اله اللي ا اللي كان عايز يتهج”م عليا زمان ويخ*طفك عشان يضغط علي ابوكي أنه يكتبله كل أملاكه
هزت أكتافها بلا مبالاه:
-اه بحبه هو خلاص اتغير دلوقتي وبقي واحد تاني خالص وبيحبني وعايز يتجوزني بس استحاله ابوكي يوافق اننا نتجوز عشان كده لازم اهرب
صرخت في وشها بجنون:
-اتغير ايه وزفت ايه علي دماغك الحق*ير اللي زي كرم عمره ما يتغير ده حيه متلونه بيحوم حواليكي عشان يوقعك ويكسر عينك ويفضحنا وسط الناس كلها
نبره صوتها اتخنقت بالدموع وهي بتترجاها:
-ارجوكي ياكارما ارجوكي متعمليش كده متهربيش متفضحيش نفسك وتفضحينا معاكي كرم عمره ما هيتجوزك والله كرم ده حقير
فركت ايديها بتوتر وهي بتبلع ريقها :
-ل لا لا كرم بيحبني ولو سمحتي بقي خلاص انا اخدت قراري ومش هرجع فيه انا ماشيه
قالت كلامها وخرجت من المكان بأقصي سرعه وحلا واقفه بتبص لآثرها بتوهان وشرود وخوف من المجهول
باك
فاقت من شرودها علي صوت الفون بتاعها بيرن برقم حد من أصحابها
بصت للرقم باستغراب وبعدها ردت
-الو
-شوفتي اللي حصل؟
ردت بقلق :
-في ايه
-كرم الزناتي
اتنفضت من مكانها برعب :
-ماله
-مشير صور علي الاكونت بتاعه هو و و
-هو ومين انطقي!!!
-هو واختك كارما
حطت ايديها علي بوقها بصدمه والعرق اتكون فوق جبينها ودقات قلبها هتوصل للسما
قفلت الفون وفتحت الاكونت بتاع كرم عشان تشوف اللي مشيره
كانت صور ليه هو واختها وللاسف فيديوهات وفويسات أقل ما يقال خاليه من الحياء!
لطمت علي خدها برعب :
-اتفضحنا اتفضحنا يانهار اسود فضحتينا ياكارما فضحتينا يا حقيرررره
-يالهووووووووووووووي
سمعت صوت سعاد وهي بتصرخ بأعلي صوتها طلعت تجري علي تحت وهي متوقعه أن باباها شاف الصور وتعب لكن اللي مكانش متوقع انها تلاقيه واقع علي الارض ومفيش ولا نفس ولا حركه اللي مكانش متوقع أنه يمو*ت ويسيبها في الدنيا لوحدها
-باباااااااااا
طلعت تجري عليه وهي بتصرخ بأعلي صوتها وتهز فيه
-بااابا لا يابابا لا عشان خاطري متم*وتش متم*وتش وتسيبني لوحدي يابابا وحياتي عندك حقك عليا طيب حقك عليا متزعلش مت*موتش يابابا متموتش ياحبيبي
حطت راسها علي جبينه بتعب وهي بتهمس قبل ما تغمض عينيها وتفقد الوعي
-متسبنيش يابابا
ــــــــــــــــــــــــــــــــــــــــــــــــــــــــــــــــــــــــــــــــــــــــــ
-بابا لا يابابا متسبنيش وتمشي
بابا انا بحبك
كارما خدي تعالي هنا متروحيش للحقير ده
جاسر جاسر انا معملتش كده متصدقهاش
جاسر انا بحبك والله انا بحبك وعمري ما افكر في اذيتك
اااه بابا بابا متزعلش ارجع عشان خاطري ارجعلي
كانت نايمه في المستشفي بتخرف بكلام مش مفهوم و”جاسر” قاعد معاها في الاوضه بعد ما عرف الحقيقه وطلق كارما وقرر أنه ميسبش حلا لوحدها
مكانش قادر يفهم هو ليه بيعمل كده معاها
شفقه
ندم
او حب محسش بيه غير لما حس أنه هيفقدها !
مسك ايديها وهو بيضغط عليها وبيهمس بحزن :
-حلا فوقي ياحلا انا جنبك انا مش هسيبك
فتحت عيونها ببطئ وبصت باستغراب للمكان الغريب اللي كانت موجوده فيه
قلبها اتنفض وقامت بسرعه وزحفت لورا بخوف وهي بتهز رأسها بهستريه
-لا لااا لااا لا ياكرم لا متعملتش كده لا
جاسر بلهفه :
-اهدي اهدي متخافيش انا جاسر
بصيتله والخوف مرسوم علي ملامحها :
-انا فين
-ا انتي في المستشفي
-بابا ب بابا كويس مش كده هو عايش صح ا انا اكيد كنت بحلم ق قولي اني كنت بحلم وان بابا عايش و….
قعد علي طرف السرير وهو بيمسك ايديها وبيبص في عيونها بحزن
-البقاء لله ياحلا
عيونها لمعت بالدموع وهي بتبص قدامها وبنبره مهزوزه:
-ل ليه ليه سابني لوحدي ل ليه
رد بلهفه :
-انتي مش لوحدك انا معاكي
ضمت رُكبها في بعض وهي بتحاوطهم بأيديها وبتبص قدامها وبتعيط بصوت مكتوم
بلع ريقه وهو بيبصلها بشفقه:
-حلا ا انا اسف ا اسف اني مصدقتكيش و…
قاطعته بجمود :
-متتأسفش اي حد مكانك كان هيعمل كده
ابتسمت ابتسامه باهته وحزينه :
-اي حد بيحب هيمشي ورا قلبه
حط وشه في الأرض وعيونه بتلمع بالدموع :
-انا بس مش عارف ليه عملت فيا كده ،ليه لما هي بتكرهني اوي كده وافقت من البدايه تتجوزني ،ليه تكس*رني وتأ*ذي قلبي اللي مقدملهاش غير حب وحنان ؟!
بصيتله بدموع وبتتمني لو تقوم تاخده في حضنها وتداوي الجرح اللي جواه
وكأنها بتطبق مقوله “فاقد الشئ يعطيه وبشده”
بالرغم من أنها هي اللي محتاجه حد يخبيها بين ضلوعه ويداوي جراحها ويصلح المكسور جواها
-حلا ارجوكي متزعليش مني انا اسف
قالها وهو بيمسك ايديها وبيبوسها برقه
ابتسمت بحزن وهي بترد بصوت مبحوح :
-مش زعلانه ياجاسر صدقني انا عذراك
بص قدامه وسكت لحظه وبعدها ابتسم بسخرية :
-تعرفي انها هربت للمره التانيه؟؟
ردت باستغراب :
-هربت فين؟
رد بجمود :
-سرقتني وهربت
ردت بذهول :
-سرقتك؟؟
هز رأسه بتأكيد:
-سرقت فلوس كتير بس مش مهم المهم أن ربنا جابلك حقك وجابلي حقي انا كمان
-ازاي ايه اللي حصل
بص قدامه بغل:
-قتلت كرم وكانت هتهرب برا مصر بس ملحقتش
حطت ايديها علي بوقها بصدمه :
-قتلته!!
جز علي أسنانه بعنف:
-تعرفي لو مكانتش هربت كنت انا اللي قتلتها
-انت شوفت الصور أمتي ؟
-تاني يوم بابا اتصل بيا وقالي
بصت قدامها وهي بتتنهد تنهيده طويله وبتقول بدموع
-ربنا يسامحك ياركارما ربنا يسامحك علي اللي عملتيه فينا
رد بعصبيه:
-ربنا ياخدها
ردت بعتاب :
-لو سمحت متدعيش عليها ديه مهما كان اختي
رد بذهول :
-اختك بعد كل اللي عملته فيكي وبتقولي اختك
-للاسف ديه حقيقه مقدرش أنكرها
-انتي طيبه اوي ياحلا والطيبه في الزمن ده متنفعش
-بس تعرف انا عمري ما هسامحك
رد بقلق وذهول :
-ليه انا عملت ايه
بصيتله والدموع بتلمع في عينيها :
-انت ليه في بدايه معرفتنا ببعض قربت مني بالشكل ده ،ليه كنت بتظهرلي في كل مكان وتجبلي هدايا وتعزمني علي الغذاء ،ليه علقتني بيك وخليتني احبك
حط وشه في الأرض وهو بيتنهد بحزن :
-عشان انا كنت بحبك فعلا
-كنت!!!
-والله العظيم انا كنت ومازلت بحبك
-انت بتقول ايه ازاي ده منين بتحبني ومنين بتحب كارما اختي وكنت عايز تتجوزها انت عايز تجنني!!
-حلا انا كنت هتقدملك انتي بس اللي سمعته عنك خلاني اتقدم لكارما اختك بالعند عشان انتقم لكرامتي اللي اتبعترت في الأرض
-سمعت ايه عني؟؟
-كارما اختك الله لا يسامحها كلمتني وبعتتلي صور ليكي وانتي ا أحم و وانتي
ردت بدموع :
-وانا ايه
-يعني ا أحم ص صور مش كويسه مع واحد كنتي مرتبطه بيه
اخدت نفس عميق :
-كمل
-و وقتها قالتلي انك مش كويسه و وان انتي مش بتحبيني وانك بتحاولي تتقربي مني عشان فلوسي قالتلي كلام كتير شتت عقلي عشان كده قررت اني ابعد عنك كنت بفكر طول الوقت ازاي انتقم منك علي قلبي اللي كسرتيه وتفكيري هداني اني اتقدم لكارما واتجوزها مكنتش اعرف أن هي بتكرهك اوي كده م مقدرش أنكر اني حبيتها يمكن عشان شبهك بس اللي اكتشفته ان اختك كانت مجرد مُسكن واني محبتهاش قد ما حبيتك انتي انا اسف حقك عليا
حطت وشها بين ايديها وهي بتعيط بحرقه :
-ليه ياكارما ليييه عملتي فيا كده ليبيه انا آذيتك في ايه انا انا والله عمري ما اذيتها ياجاسر و والله العظيم عمري ما اذيتها ا انا كنت بحبها اوي تعرف ت تعرف لما انت اتقدمتلها انا حسيت بأيه ا انا أنا كنت بموت و والله العظيم انا كنت بموت بس مكنتش ببين ده م محبتش اكسر فرحتها محبتش اقولها اني بحبك عشان متبقاش محتاره و والله العظيم انا كنت تعبانه اوي ا انا كل ما كنت بشوفك معاها قلبي كان بيتحرق بس بالرغم من كده كنت بحاول بكل ما املك اخرجك من قلبي كنت بحاول اتأقلم بس مقدرتش والله مقدرتش ياجاسر مقدرتش اهئ اهئ اهئ
بصلها بشفقه وحزن وفجأه بدون اي مقدمات شدها لحضنه وهي كأنها ما صدقت
مسكت في قميصه وهي بتدفن رأسها في صدره
باس راسها وهمس بندم :
-حقك عليا أنا اسف
حلا بصوت مبحوح :
-انا بحبك اوي ياجاسر اوعي تسيبني
ضمها بكل قوته لقلبه وهو بياخد نفس عميق وبهمس:
-عمري ما هسيبك ياحبيبتي عمري ما هسمح لحد يفرق ما بينا تاني مهما حصل
غمضت عينيها براحه وهي بتسند رأسها علي صدره وبتحمد ربنا أنه جمعها بالشخص اللي قلبها حبه بالرغم بالرغم من كل الظروف
الحب إرادة رب الحب اللي جمعنا وسط الأحداث
لا فيه حد بيختار الميله
ولا حجم الشيله
ولا الاحساس♥️
تمت..
لقراءة الرواية كاملة اضغط على : (رواية لست المذنبه)
