رواية لسان قطه حب بعد فوات الاوان الفصل الحادي عشر 11 بقلم صفاء حسني

رواية لسان قطه حب بعد فوات الاوان البارت الحادي عشر

رواية لسان قطه حب بعد فوات الاوان الجزء الحادي عشر

رواية لسان قطه حب بعد فوات الاوان الحلقة الحادية عشر

طيب اهدى كدا انت محموق عليها ليه ولا عشان ماانتبهتش ليك أساسا، يبقي عنده حق المصور يقولك كدا ..
غضب أمير ؛:
انت معايا ولا معاه هي كانت مكسورة صدقنى ..
رفض معتز :
انت إللي مش قادر تفهم أن حياة النجوم بعيد عن اللى فى خيالك ،كل يوم ليهم علاقات يطلقوا ويتجوزوا عادى ..
رد أمير :
لكن مرام مختلفة عنهم وهى من البداية مش حابة كل ده ..
استغرب معتز :
ايه عرفك كنت معاها …
تنهد أمير :
اه كنت معاها من وهى صغيرة وعارف كل كبيرة وصغيرة…
ضحك معتز خلينى ماشي وراء الكداب لحد باب الدار انا لازم افهم حكايتها مهووس بيها كدة ليه وساله:
بجد طيب احكى ليا وانا أحكم ..
🐺واو قصة جديدة اسمعها عن حياة البشر احكى يالا …
الكاتبة صفاء حسنى
حب بعد فوات الاوان
لسان قطة
رفض أمير :
لا طبعا علشان تجرى جرى تتفق مع صحفي وتاخد فلوس مقابل المعلومات صح …
كشر معتز :
انا كدة اخص عليك مش واثق فيا
تنهد أمير :
انا مش واثق في نفسي أروح أثق فيك سبنى يا شيخ اخلص شغلي ..
اعترض معتز :
انت كل مرة تعمل كدا وماتحكيش واضح انك مجنون للشهرة ومتعرفهش اصلا حاجة
اتعصب أمير :
بقي كدة ماشي افهم الا انت عايز تفهمه انت مصمم تحشر نفسك في اللي مالكش فيه ومدام فى نظرك مجنون عادى ….
.
🐈 بعد ما مشي الشاب جه أمير وقرب منى..
اقترب أمير من القطة وقال :
هتبتدى مهمتك دلوقتي، يا قطتى لازم تكونى معاها اول ما تطلع الشنط تشوفك وانا كمان اعرف اشوفها
🐈 انا مفهمتش هو يقصد ايه بس قرب منى وعلق وكان عايز يخلع سلسلة علي رقبتى لكن انا كنت رافضة وقعد اتحرك
فهم امير وفتح القلب الا فى السلسلة شاف صورتى انا ونادين والتانى أسمى كوكى
فهم وضحك وقال
يعنى انت اسمك كوكى ودى صحبتك انتى و مش عاوزة تخلعى السلسلة طيب يا ستى انا هلبسك سلسلة فوقها ارتاحتى كدة
انا ابتسمت وبعد ما لبسنى حطنى في الصندوق
وبعد كدةفي قلب شنطة السيارة بدون ما حد يحس ركبت مع الممثلة وكنت سامعة كل كلمة وهو كمان
….
في السيارة
كانت مرام حزينة و متضايقة جدا ….
سالتها المسؤلة عنها اسمها ليلي
خدى اشربى حاجة وطلعت عصير وتعطي ل مرام
: اتفضلي..
شكرتها مرام :
شكرا يا ليلي مالييش نفس..
سالتها ليلي :أنتِ متضايقة ليه بس ده كلام صحافة…
تنهدت مرام :
انا عارفة انه كلام صحافة و هما ماشغلنيش بحاجه
استغربت ليلي :
طيب مين إللي شاغلك كدا..
تنهدت مرام :
عشان انا عارفة مين الا بعتهم ليا إللي كنت في يوم مراته و المفروض كان ستر و حمايه ليا
هو دلوقتي بيفضحنى
وضحت ليلي :
دمه محروق علشان خرجتى من تحت طوعه في ناس كدا ومعلش هو مكانش ينفعلك من الاول …
تنهدت مرام
عارفة لكن النصيب بقي..
سالتها ليلي
أنتِ لازم تحكي وتطلعي كل اللى جواكى ووجعك .
تنهدت مرام :
مينفعش في الوسط ده اتكلم عن نفسي لانى ممكن أخسر كل اللي وصلت ليه …
صبرتها ليلي وطلبت منها :
ربنا كبير اشربي العصير علي ما نوصل عشان ميجيش ليك هبوط و أنتِ رفضت تاكلى حاجة فى الطيارة
تنهدت مرام :
حاضر هاتى…
الكاتبة صفاء حسنى
حب بعد فوات الاوان
لسان قطة
….
🐺وصلت لحد بيت ماكنش كبير اوى زى بيت قاسم لكن ذوقه راقي جدا نزل السواق وفتح الباب وبدأ يطلع الشنط
ومرة واحدة انصدم السواق لما شافنى وقالها :
يا هانم في حاجة جات غلط مع الشنط ..
مرام بخوف: ايه هي ..
السواق يخرج القطة من شنطة السيارة
انبهرت مرام لم شافت القطة :
الله دى جميلة جدا وتفتح الصندوق وتحملها..
🐹انا كنت مزهوله من جمالها دي حلوة اوى اجمل ما بتظهر على التلفزيون والكاميرات
شالتنى وفضلت تحضن فيا وضحكتها طلعت كانت فرحانة اوى ..
وسالتنى مرام :
أنتِ توهتي من أصحابك ولا الهواء رماكى عليا..
🐈 كنت بسمعلها وانا حاسه ان الوسيم هو اللي واقف قدامها مش انا هزيت راسي نو نو علشان تنتبه من السلسله
سالتنى مرام:
مالك واضح انك جعانه وانا كمان تعالي ندخل ناخد شاور وناكل ليلي يا ليلي ..
ردت ليلي:
نعم يا ست مرام..
طلبت منها مرام :
قلنا ايه..مفيش ست هانم
اعتذرت ليلي:
والله ما قادرة لازم احترمك ودي مقامات ..
كشرت مرام:
خلاص أنتِ حره..
لاحظت ليلي زعلها وسالتها :
حضرتك زعلتي طيب معلش كنتي عايزة ايه…
تنهدت مرام:
بلغي هناء تعمل سمك 🐟عشان عندى ضيوف جديده…
استغربت ليلي:
طيب كام نفر والساعة كام
ضحكت مرام:
شخص واحد وانا بعد ساعتين اكون اخدت شاورو وارتحت شويه..
هزت راسها ليلي:
تمام اطلع اجهزلك الحمام ولبسك …
رفضت مرام:
لا أنتِ كمان راجعه تعبانه روحي شوف والدتك واخواتك ..
استغربت ليلي:
بس اسيبك وانتى تعبانه ومتضايقة
تنهدت مرام:
دلوقتى مبقيتش متضايقه علشان الحلوة دي معايا ..
😻 لاقيتها بتقلب في حاجة مش عارفة بتدور على ايه وفجأة شافت سلسلة بتاعت نادين وضحكت الحلوة اسمها كوكى صح تصدقي انا كان عندي قطة زمان شبهك اوي وفرحت لم شوفتك مصدقتش نفسي ومش عارفه ان كنتى غاليه عندهم ولا لا وياترى بيدوروا عليكي المهم انتي هتسلينى حبة..
😻 يعنى شوفتى اسمى وماانتبهتيش من السلسلة والوسيم فرحان دلوقتي وبيراقبك المهم اخدتنى وطلعت علي اوضتها وفضلت تخرج في لبس كتير وهى متوترة وواضح عليها الضيقه وكانها بتتذكر حاجة
قربت منها وبقيت انونو انتبهت ليا حملتنى من علي الارض وحضتنتي وبدأت تبكى كأن الدموع محجوزة من سنين..
وبدات تتكلم مرام معايا:
صدقيني انا ماكنتش عايزة اكون مشهورة ولا حلمت بده في يوم من الأيام لكن الصدفة هي اللي لعبت في حياتي
😻 نو نو
ضحكت مرام:
انتى كمان عايزة تعرفي حكايتي هقولك بس اخد شاور الاول استنى هنا علي ما ارجع
😻 انا فرحت جدا انها فهمتني وكمان فرحانة انى مدخلتش الحمام معاها الوسيم مش هينفع يشوفها
لكن فجاءة