رواية لا تسألني من أنا الفصل السادس 6 بقلم شهد محمد جاد الله
رواية لا تسألني من أنا الجزء السادس
رواية لا تسألني من أنا البارت السادس
رواية لا تسألني من أنا الحلقة السادسة
_حالآ يا عيوني الغدا هيكون جاهز
_استني هاجي أساعدك
_لأ خليك
_لأ هساعدك كفاية وقفتك في المطبخ بعد تعبك في الشغل
بيقولها وبيساعدني في تحضير الغدا
وبنقعد نتغدا سوا وبنحكي لبعض عن تفاصيل اليوم
_بعد ما كنا بنسهر نحكي تفاصيل اليوم في التيلفون بقينا مع بعض في بيت واحد وبنحكيها فيس تو فيس
_ودي الطف حاجه في العمر كله صدقيني
_مبسوط إننا سوا يا نادر؟
_ده اكيد كنت هبقى غبي اوي لو سيبتك لغيري
_بس انا زعلانه من نفسي يعني مش حاسه إن المرض اللي عندي يتغفر!
_اول حاجه ده مش مرض ، تاني حاجه دي حاجه مش بإيدك ولو الصبح بتبقي شمس وبليل هتبقي ام اربعه وأربعين بردوا هحبك
_الملافظ سعد إيه ام اربعه وأربعين دي؟
_مثال يا شمس مثال
_طيب كمل اكلك
_نكوده متبوظيش اللحظة ارجوكي
_طيب يلا كمل أكل عشان نحلي بالكيك
بنكمل اكل سوا وبقوم اعمل اتنين كاكاو وبجيب الكيك وبندخل نقعد في البلكونه سوا وبنشغل اغاني لـ ام كلثوم
_عايزك تبقى تعلمني إزاي العب شطرنج
_إتفقنا جدآ بكرا اجيبها واعلمك عليها
_ونلعب سوا واكسبك
_حلو واللي يخسر يتعاقب ، وبنسبه لعقابي انا مفيش في الدنيا حاجة بتزعلني قد البوس بوسيني
بضحك وبقوم اجيب الكوتشينه وبنلعب سوا وبنخطط هنعدل إيه في ديكورات الشقة بعد ما اتعالج ونعمل فرح
_والبلكونه عايزها كلها يبقى لونها زي لون الورق القديم اللي بنغلف بيه الهدايا ونجيب فيها عصافير وزرع
_عيني
_وقطه نجيب قطه وحياتي يا نادر
_هنعمل الشقة حديقة حيوان ولا إيه هيبقى عندنا قطه وعصافير وبطه؟
_فين البطه دي؟
_إنتي أهو احلى بطاية
_متاكلش بعقلي حلاوة هنجيب قطه
_نجيب قطه
_ونعيش في تبات ونبات
_ونخلف صبيان وبنات ، بس دلوقتي معاد النوم يلا يا حلوه
_مش عايزه انام خايفه من اللي هيحصل
_متخافيش انا معاكي يا شمس
بيقولها وهو بيطبطب على إيدي
ببتسم ليه وبهز راسي بمعنى ماشي
وبدخل اوضتي وبحاول افضل صاحية
مش عايزه انام ، انا معرفش نادر هيفضل مستحمل لحد امتى مش يمكن اعمل حاجة مينفعش يسامح فيها !!
مش عايزه اخسره مش عايزه
غصب عني بروح في النوم وزي كل يوم
بيجيلي الصداع وبعد شوية بيروح
وبقوم انا من نومي بلبس فستان تايجر
وبحط ميكب وبعمل شعري ويفي
وبلبس الهيلز وبرن على نادر الشاب اللي اتعرفت عليه إمبارح
_جاهز تجرب سهرتي؟
_تحت البيت مستنيكي
_ده انت جاهز اوي بقى
_شفتي
_نازله حالآ
بقولها وبقفل معاه وبحط برفيوم وبنزل
وبلاقيه مستنيني قدام البيت بعربيته
بركب جنبه وبقول:
_عارف العنوان ولا اسوق انا؟
_لأ عارف
بيقولها وبيسوق وبيكون عارف المكان بالفعل ، بعد شويه بنوصل وبندخل سوا
باخده وبنقعد على البار بنشرب سوا
وبعدها بنروح نرقص ، لكن باخد بالي إنه مش في المود
وبيسبني وبيقعد وهو عينه عليا
مبحطش في دماغي وبكمل رقص واول ما بيشوفني برقص مع حد من صحابي
بيقوم بيشدني وبنخرج بره
_إيه في إيه ؟
_دي سهرتك اللي مبسوطه بيها؟
_مالها ؟
_زفت
_هو إيه اللي زفت
_انتي انسانه غريبه إيه الحلو في مكان زي ده رقص وسهر وبنات قالعه ونص السكرانين عينيهم عليكي إنتي مبسوطه وانتي بتاعت الكل ؟
_إيه !! بتاعت الكل
_اه اللي انتي بتعمليه مالوش معنى غير كدا
_وانت مالك ومين انت اصلآ عشان تعلق عليا
_ياستي انا ولا حد بس بفوقك يمكن تاخدي بالك من القرف اللي انتي فيه نور حياتك مقرفه مع إنك شخصية لطيفه لكن حياتك زفت مستوعبة اللي إنتي فيه
_مالها حياتي هو انا لوحدي اللي كدا ما كل البنات كدا
_مش كلهم النوع الرخيص بس اللي كدا
_قصدك إيه ؟
_انا كلامي واضح ، مش هقولك غير كلمتين نصيحة ليكي من صديق شافك بقلبه مش بعينه روحك اللي لفتت نظره مش لبسك القصير ولا جسمك ، طول ما انتي عايشه في حياتك دي عمرك ما هتحبي ولا تتحبي ولو ده حصل هيكون من واحد مش راجل عشان مفيش راجل يقبل على مراته تكون كدا
_وإيه كمان ؟
_وبصي لنفسك إنتي تعرفي تكوني ام إنتي ، طول مانتي في حياتك دي ولا هتعرفي تكوني ام ولا زوجة ولا حتى بني ادمه
_متشكره على نصايحك اتفضل امشي
_لأ مش همشي اتفضلي كملي سهرتك وانا هدخل اتفرج على حضرتك عشان لو واحد سكران قرب منك ولا ضايقك يكون معاكي راجل يدافع عنك يا هانم
مش برد عليه بدخل وبسيبه وبيدخل ورايا وبكمل رقص عشان اغيظه وعينه بتكون عليا وكل ما يشوف حد هيقرب مني بيقف جنبي ويبص للشاب بمعنى إني معاه
لحد ما بتعب من الرقص وبقلع الهيلز وبخرج وهو بيجي ورايا بيجيب عربيته وبيبص ليا وبيقول:
_اركبي
بركب جنبه في صمت وهو بيسوق من غير ولا كلمة ، لحد ما بنوصل للبيت
قبل ما بنزل ببص ليه وبقول:
_انا فعلآ وحشه؟
_مش هقولك غير إن الشيء المتاح للجميع قذر مش بس وحش
_وانا متاحه للجميع؟
_لما ميعجبكيش سهره مع حد بتحبيه وبيحبك في مكان بسيط مفيش فيه غيرك انتي وهو بس ويعجبك سهره تانيه في ديسكو في وسط الرجاله والخمور والرقص تبقي متاحة للجميع يا نور
مش برد عليه بنزل من غير ولا كلمة
بطلع البيت وبقعد على الكنبة بفكر في كلامه بشرب سجاير كتير
كل كلامه جرحني لدرجة إني عيطت ودخلت اشوف نفسي في المرايا وانا بستوعب انا وحشه للدرجادي؟
وبعد ما خلصت علبة سجايري نمت زي مانا من غير ما اغير هدومي
وفي اليوم التاني كنت سامعه صوت نادر بيصحيني لكني كنت نايمه او صاحيه وسامعه بس مش قادره افتح عيني ولا قادره اقوم ولا قادره ارد
حاول يصحيني كتير لكن مكنش فيه فايده ، وخاف عليا وجابلي دكتور سحر اللي متابعه حالتي عشان تشوفني
كنت سامعه كل حاجه لكن مكنتش عارفه أصحى زي ما يكون كنت في غيبوبة!
_شمس سمعاني؟
كان صوت الدكتوره،كنت عايزه ارد اقولها ايوا سمعاكي بس مش قادره
_لو سمعاني ومستوعبه حركي إيدك او صباعك اي إشارة وانا هفهم
بسمع كلامها وبحرك صباعي
_تمام هنتكلم بـ إشارة صباعك لو اه يبقى صباعك اليمين لو لأ يبقى صباعك الشمال ، ودلوقتي انتي لو مش عايزه تصحي حركي صباعك اليمين ولو عايزه تصحي بس مش عارفه حركي صباعك الشمال
بحرك صباعي الشمال ، وبسمعها وهي بتتكلم مع نادر بتعرف منه إيه اللي حصل ، وهو بيحكي ليها عن ليلة إمبارح
_انت بتهزر يا نادر قولتلك خليها تحبك انت صدمتها
_مانا قولت لو عملت كدا هتفوق وتبدأ تتغير عشان حبي ليها
_إحنا مش في أفلام حضرتك دلوقتي نور اتصدمت من حقيقتها البشعه اللي انت وصفتها ليها إمبارح وصدمتها دي مخليها رافضه ترجع للواقع وحبسه معاها شمس
_لا لأ ارجوكي شمس لازم تكون بخير مش هقدر اكمل من غيرها مش هقدر
_هتكون بخير إن شاء الله هتكون بخير
كنت سامعه كل كلامهم مع بعض وحسيت بإيد الدكتوره على راسي كأنها بتعملي مساج وبسمعها وهي بتقول:
_شمس عايزكي تسترخي خالص وسيبي نفسك لدماغك كإنك نايمه ومش حاسه بينا ولا سامعنا وخدي نفسك خمس مرات واحكيلي هتشوفي إيه
بسمع كلامها باخد نفسي وببدأ اسيب نفسي لدماغي وبحس كإني في حلم في عالم تاني وبقدر أتكلم وبقول:
_انا شايفه قدامي اكتر من باب
_قد إيه مثلآ ؟
_عشرين
_طيب اختاري واحد فيهم كدا وادخلي شوفي في إيه
بسمع كلامها وبفتح اول باب وبشوفني جواه مع شاب غير نادر وبحكي عن اللي شفته:
_ده أنا وفي بلد تانيه ومعايا شاب غريب
_بتعمله إيه يا شمس؟
_معانا كلب صغير ومعانا ورد وبنتصور
_طيب الباب اللي بعده ؟
بفتح الباب اللي بعده وبحكي عن اللي قدامي:
_دي انا بردوا بس شكلي كدا في كلية فنون جميله
_ليه؟
_في مكان كله الوان ولوحات وواقفه برسم
_الباب اللي بعده ؟
_دي انا قاعده على البحر وبقراء كتاب وفيه حد بيغرق وشاب بيروح ينقذه
_طيب يا شمس دلوقتي ممكن ترجعي
_ارجع فين؟
_المكان اللي انتي فيه مفيش اي مكان تخرجي منه غير العشرين باب ؟
_فيه سلم طويل
_اطلعي السلم ده
_تمام
بطلع السلم ولما بوصل بيكون مفيش حاجه غير الهوا وبقع من على السلم وبفقد إحساسي بكل اللي حواليا
(نــــــادر)
_إيه يا دكتور طمنيني ؟
_اللي كنت خايفه منه حصل ، شمس دلوقتي بقت بأشخاص متعددة
_مش فاهم حاجه
_الأول كانت الصبح شمس وبليل نور دلوقتي هتكون أشخاص كتير ميادة سندس ملك وكل واحده بشخصية مختلفه
_معقوله !
_نوور صدمتها في نفسها إمبارح هي اللي وصلتنا لكدا قولتلك نور من عالم موازي مش موجوده اصلآ مش هتستوعب حاجة زي شمس
_طب وإيه الحل دلوقتي ؟
_هتاخدها على قد عقلها على حسب كل شخصية لحد ما يحصلها صدمه لوحدها ها لوحدها من غير ما اي حد يتدخل وهتفوق
_طب وهتصحى امتى؟
_هي دلوقتي نايمة عادي شوية وتصحى المهم تاخدها على قد عقلها عشان ميحصلهاش إنهيار عصبي والموضوع ممكن يكبر ويقلب بحاجات كتير وحشه
_تمام متشكر اوي لحضرتك يا دكتور تعبتك معايا
_ولا تعب ولا حاجه مستنيه تقرير كل أسبوع عن حالتها
_إن شاء الله حاضر
بقولها وبوصلها لحد الباب وبرجع تاني
بقعد بستوعب اللي حصل ، مش فاهم حاجه والموضوع غريب عني لكن كل اللي اعرفه اني بحب شمس وهفضل معاها العمر كله
بقولها لنفسي وبدخل اعمل كوباية شاي
وبتفجاء بصوتها وهي بتقول:
_كدا يا نادر متصحنيش وانا عندي جامعة إنهارده
_شمس إنتي صحيتي !
_شمس إيه ؟
_قصدي يعني صباح الخير يا حبيبتي
_صباح الخير يا حبيبي غريبه صاحي بدري وبتعمل الشاي لنفسك أمال فين ماما وفين رخامتك عليا قومي يا هاجر اعملي شاي ولو قولتلك لأ بتروح تنادي ماما
بفضل ساكت وبستوعب إن هي هاجر وانا نادر اخوها ..
يتبع…….
لقراءة الفصل التالي : اضغط هنا
لقراءة الرواية كاملة اضغط على : (رواية لا تسألني من أنا)
