رواية لا تسألني من أنا الفصل السابع 7 بقلم شهد محمد جاد الله
رواية لا تسألني من أنا الجزء السابع
رواية لا تسألني من أنا البارت السابع
رواية لا تسألني من أنا الحلقة السابعة
_صباح الخير يا حبيبي،غريبه صاحي بدري وبتعمل الشاي لنفسك أمال فين ماما وفين رخامتك عليا قومي يا هاجر اعملي شاي ولو قولتلك لأ بتروح تنادي ماما
بفضل ساكت وبستوعب إن هي هاجر وانا نادر اخوها ..
ببتسم وبحاول اتعامل عادي وبقول:
_عادي قولت اسيبك نايمة،انتي هتعملي إيه إنهارده؟
_مش عارفه بفكر اخرج كدا كدا معاد محاضراتي فات هاخد اليوم بريك لنفسي وهخرج
_إيه رأيك اجي معاكي؟
_غريبة هتخرج معايا أنا !
_اه وفيها إيه
_اصل انت على طول مش بتوافق تيجي معايا في أي مكان ولا حتى بتوافق تخرجني
_عادي يا شمس .. قصدي يا هاجر
_إيه حوار شمس ده ؟
_مش عارف الاسم ده لازق في لساني من الصبح
_امم الحلوه اللي عينك منها اسمها شمس ولا إيه؟
_لا خالص والله المهم هنخرج سوا؟
_نادر انت سخن؟
بتقولها وبتيجي ناحيتي بتحط إيديها على راسي وبتبص ليا وبتقول:
_درجة حرارتك كويسه امال في إيه؟
_هو عشان بتعامل كويس مع اختي يبقى في حاجه ؟
_لأ بس مش عوايدك يعني
_صحيت إنهارده لقيتني بحبك ياستي
_خلاص فهمت إنت عينك من ميادة صاحبتي وعايزني اظبطك معاها صح؟
_يابنتي لأ
_خلاص يا نادر سيبني افطر وانزل بقى الله يخليك
بتقولها وبتقف تعمل سندوتشات جبنه وشاي وبتقعد تفطر وبدخل انا البلكونه وبرن على دكتور سحر عشان افهم منها
_دي فاكرني اخوها يا دكتور !
_عادي مره اخوها مره حبيبها مره الأكس وهكذا
_وانا المفروض اتعايش مع كل دور هتشوفني بيه؟
_ده الصح وده المطلوب
_طب هي فاكره نفسها لسه بتدرس
_شوف يا نادر شمس اللي بتتغير لكن الدنيا اللي حواليها مش هتتغير يعني مش هنجيب ليها كلية وكارنيه ونغير الدنيا الشخصية بس اللي بتتغير نتعايش معاها وناخدها على قد عقلها بقى
_عادي لو صممت اخرج معاها؟
_سيبها على راحتها هي حاليآ هاجر مش شمس وانت نادر اخوها اللي مش بيوافق يخرجها وبيرخم عليها
_تمام
بقولها وبخرج بلاقيها لبست والغريبه لقيتها بالحجاب !
_انتي اتحجبتي؟
_اتحجبت إيه مانا طول عمري بلبس الطرحه انت فيك حاجه إنهارده خلي بالك
_ها ااه يمكن عشان لسه منمتش
_طيب ماما سابت ليا فلوس ؟
_اه عايزه كام؟
_هي سابت كام ؟
_هي قالتلي اديها اللي هتعوزه والباقي خليه معاك
_طيب هات ٣٠٠
بطلع ٥٠٠ جنيه من جيبي وبقول:
_خلي معاكي فلوس زياده عشان لو عوزتي حاجه
_اتفقنا يلا عايز حاجه
_هتروحي فين؟
_اي مكان قريب ازاكر فيه واشرب قهوه وممكن اعمل شوبينج
_طيب متتأخريش يا هاجر
_حاضر
بتقولها وبتمشي وانا بغير التيشيرت وباخد الكاب بلبسه وبنزل وراها
ببقى خايف يحصلها حاجه او تعمل حاجه وأنا مش جنبها ، قرارت إني هروح وراها من غير ما تحس عشان لو احتاجتني
بفضل ماشي وراها وبشوفها وهي واقفه بتشتري ورده لنفسها وحاجات حلوه من السوبر ماركت
وبتروح كافيه قريب من البيت بتشرب قهوتها وهي قاعده لوحدها في روقان
مش عارف اجيبها إزاي بس انا وقعت في حبها للمره التانيه ، كل شخصاياتها تتحب !
شويه وبتحاسب على القهوه وبتمشي وبفضل وراها وبشوفها واقفه مستنيه حد ، بستغرب شوية لكن بفضل واقف اشوف هي مستنيه إيه
وبعد شوية بيظهر واحد معاه بوكس فيه كلب او قطه مش عارف ، بتسلم عليه وبتطلع فلوس من معاها بتديهاله وبتاخد منه البوكس وبتمشي
بفهم إنها اشتريته منه بترجع البيت
وبلاقي مسدج منها إنها رجعت البيت ومش رايحه في حته تانيه وبتسأل عن عن ماما
ببعت بقولها إن ماما عند خالتي واحتمال تبات وبروح انا شغلي عشان احاول اخلص اللي ورايا بدري وارجع البيت ابقى معاها
(هـــاجــــر)
بطلع البيت وبطلع الكلب اللي اشتريته وقرارت إني اسميه بسيوني
_من إنهارده انت أبني هي اه ماما مش موافقه بس نحطها في أمر واقع مفيش مشاكل
بقولها وانا بطبطب عليه ، وبدخل اوضتي بغير هدومي وبرفع شعري بالقلم
وبدخل المطبخ بعمل عصير جرجير بالبن
بشربه وبحط لبسيوني اكل ليه وبدخل المطبخ بعمل مكرونه وكبده وطبعآ بفضل طول مانا في المطبخ بعمل نفسي إني بقدم برنامج الطبخ بتاعي وبقول للناس عن طريقة طبخي الخطير
بخلص وبحضر الأكل لنفسي وبقعد باكل وانا بتفرج على فيلم قديم ، وبيلفت نظري وانا باكل الدبله اللي في إيدي !
ببص ليها وبستغرب ، بفتح موبايلي وبستغرب إني حطه صورة نادر اخويا ولبيبر
بفتح الواتس وانا مش فاهمه حاجه والصدمه الأكبر لما بلاقي صورة البروفايل بتاعت واتس نادر صورتي انا وهو واحنا مساكين منديل كتب الكتاب
بنهار مش بفهم حاجه وبرن على نادر وانا بتكلم بتوتر وبقول:
_في دبله في إيدي وصورتنا واحنا .. انا مش فاهمه حاجه احنا متجوزين ولا انت اللي اتجوزت ولا إيه حصل إيه
_اهدي يا شم.. يا هاجر اهدي يا حبيبتي ممكن
_فهمني إيه الصور دي وإيه الدبله دي ومين شمس وانت مين واحنا فين ..
بقولها ومش بحس بنفسي غير وانا بقع من طولي ، بشوف حاجات كتير في خيالي زي ذكريات او زي حلم مشاهد كتير قديمه بتيجي ورا بعضها ..
لحد ما بحس بإيديه بتفوقني
_انت جيت يا حبيبي
بقولها وانا بحضنه وهو بيطبطب عليا وبيقول:
_انتي كويسه يا هاجر حصل إيه؟
_هاجر مين ؟
_يعني إيه هاجر مين؟
_سلامتك يا احمد انا مريم مراتك هاجر مين دي بقى ولا الحلو بيخوني؟
_لأ طبعآ مقدرش بس جيت لقيتك واقعه في الأرض كنت مخضوض عليكي وفي نفس الوقت الموبايل كان بيرن من رقم متسجل هاجر دي زميلتي في الشغل
_طيب انا مش هكون ست نكوده وهعديها ، ومش عارفه وقعت ولا نمت امتى بس من شغل البيت المهم الساعة كام دلوقتي؟
_الساعة سبعه ونص
_يدوب نلحق نروح الفرح
_فرح مين؟
_فرح خالد وإسراء أصحابنا
_اه ايوا يلا نلحق
_يلا يا حبيبي
_انا لابس هنزل بس اجيب العربية من الجراش ومستنيكي تحت
_اتفقنا يا عيوني
بقولها وبدخل اوضتي بطلع فستاني وبقف قدام المرايا بحط الميكب ووانا برسم خط الايلينر افتكتره وهو بيوصف عيني ب الزمرد ابتسمت وكملت ميكب واهتميت بميكب عيني أكتر
لبست فستان احمر جريئ ستان في عز ما كان الجو تلج بس انا عندي اتكتك من الجو كدا بس اكون شيك لبست هيلز ٧ سمتي رشيت البرفيوم بتاعي وبصيت لنفسي بإعجاب وسيبت بوسه ليا في انعاكس المرايا
ونزلت وانا صوت الهيلز عامل احلى نغمه لقيته واقف قدام عربيته بكامل اناقته كالعاده وبيتكلم في التيلفون
_ايه اتأخرت عليك
انتبه ل صوتي وقفل المكالمة وجيه للمكان اللي واقفه فيه ابتسم ليا
ومسك إيدي باسها
_انا حبيبتي تتأخر براحتها
_حبيب عيوني انت
بببتسملي واتجهنا للعربيه فتحلي باب العربيه كان جنتل زي كل مره شغل أغنية (هيثم سعيد)وبدأ يغني معاه وكف إيده حاضن كف إيدي
||.. وهما مالهم بينا يا ليل ليه شاغلهم شوقنا اللي واخدنا يحسدونا ومالوا يا ليل اللي غيران منا يقلدنا||
||…الغرام والشوق واليل والحنين جوانا مدوبنا والقمر في عنينا جميل ولا صوتهم يقدر يبعدنا..||
_تيجي منروحش الفرح ؟؟
_ليه؟
_عشان مش عايز حد يشوف الجمال ده كله غيران عليكي من كل عين هشوفك إنهارده بصراحة
_ييقى خلاص اجي في مكان مفهوش غيري انا وانت وعيونك
باس إيدي وكمل غنى وانا مايله على كتفه
||.. خدنا القمر ل كلام دوب هوانا علمني معنى الغرام طرنا ب هوانا..|
دقايق وركن عربيته ونزلنا لكافيه شيك طلبنا الاكل بعدين شربنا حاجه عصير فرش
اشتغلت اغنيه رومانسيه قومنا نرقص اندمجنا شويتين تلاته كنا نجوم السهره محسناش بنفسنا غير والكل بيسقف لينا مع ابتسامته وكسوفي
حاسب وخد إيدي وطلعنا نتمشى سوا
_احمد
_عيون احمد
_هو انت تعرف اني بحبك ؟
_اعرف انك واخدني من الدنيا كلها ليكي انتي وبس حتى واخده حبي لنفسي
ضحكت وعيوني غمضت من ضحكتي ودي الحركه الاقرب لقلبه قرب لعندي وباس دماغي مسك إيدي وفضلنا نجري ونجري نتمشى شويه نتفرج على القمر شويه لحد ما رجلي وجعتني من الهيلز قلعتها ومسكتها في إيدي
_رجليكي بتوجعك؟
_اه شوية
_ولبستيها ليه لما هي هتوجع رجلك
_عشان ابقا طولك يخويا
_مانتي برغم قصرك عرفتي توصلي لقلبي عايزه إيه تاني
_طب متهزرش معايا تاني
_خلاص خلاص حقك عليا
ووطى قلع الشوز بتاعته لبسهالي وخد الهليز مني شالها هو بقيت انا ماشيه ب الشوز بتاعته وهو ماشي حافي وفي إيده الهيلز بتاعتي كنا لفتين النظر اوي على قد ما كان المنظر مضحك لكن بقوا يضربو بينا المثل في الحب
دقايق وكنا وصلنا للعربيه ركبنا وشغلت انا أغنيه ل إليسا وانا بغني معاها بصوتي المزعج وشعري طاير من الها وإيده حاضنه إيدي ولا كأني بصور مشهد في فيلم او اعلان مثلآ
|.. سهرنا يا ليل للصبح يا ليل وامانه ما تمشي يا قمر الليل يا ما احلى الليل ويا حبيبي دي حياتي معاه بقا ليها حياه لو هفضل طول الليل حضناه مش هشبع من حضن حبيبي..|
كان هو مستمتع ب صوتي وحركاتي العفويه الحماس كان واخدني زياده ومع ذلك كملت غنى ، القمر مستمتع ب وجودنا سوا الناس اللي حوالينا بيبصو لينا بكل حب كل اللي شافنا قال ياريتنا زيهم
عمري ما اتكسفت من اني أبين حبي ليه زيه تمامآ عمره ما اتكسف زي ما صاحبه رن يسأله مجتش الفرح ليه ورد عليه بكل صراحه وقال “اصل مريم حلوه اوي انهارده ومكنتش عايز حد يشوفها غيري ”
||.. استني يا شمس بقا استني مش عايزه حبيبي يروح مني متجيش وحياتك دلوقتي اصل انا لسه مخدتش وقتي عايزه اسهر مره على طريقتي واتهنا لحد الصبح معاه…||
شويه وكنا وصلنا طلعنا البيت سوا
ولبسنا بيجامات زي بعض وبيعملي ضفيرة في شعري
وبقوم اغرف الأكل وبخرج ليه وبنقعد في البلكونه سوا بناكل ، وبنخلص اكل وبندخل ننام بعد كوبايتين الشاي
(نـــــادر)
بعد ما بتنام بقوم من جنبها براحه وبدخل البلكونه وبرن على الدكتور وشويه وبترد عليا
_رنيت على حضرتك على الساعه سبعه وقالوا مش فاضية
_معلش يا نادر بس كان عندي شغل طمني شمس كويسه
_انا مش فاهم حاجه يا دكتور هي دلوقتي مريم مراتي وقبل ما تكون مريم كانت هاجر
_وإيه اللي حصل عشان الشخصية تتغير؟
_شافت الدبله وصورنا سوا ورنت سألتني ولما وصلت كانت واقعه من طولها في الأرض وفاقت وهي مريم وانا احمد جوزها
_حصلها حالة إنهيار يا نادر لما استوعبت إن هي مش هاجر
_انا اللي هيجيلي إنهيار عصبي والله انا مزهقتش بس مش عارف استوعب مش قادر
_انا مش عارفه أقولك إيه حقيقي بس هشوف هقدر اعمل إيه في حالتها في الزيارة الجايه
_على كل حال انا هستحمل ماليش غيرها ومالهاش غيري
_ربنا يخليكم لبعض
_ربنا يخليكي ومتشكر تعبتك معايا
_ولا تعب ولا حاجه اي وقت رن عليا
_متشكر اوي مع السلامة
بقولها وبقفل معاها وبدخل انام جنبها ببوس راسها وبدعي ليها بالشفا وبنام
وبصحى تاني يوم على صوت صريخ وهي بتقول:
_أنت مين ودخلت هنا إزاي ؟
_اهلآ وسهلآ بالشخصية الجديده ..
يتبع…….
لقراءة الفصل التالي : اضغط هنا
لقراءة الرواية كاملة اضغط على : (رواية لا تسألني من أنا)
