رواية لا تسألني من أنا الفصل الرابع 4 بقلم شهد محمد جاد الله
رواية لا تسألني من أنا الجزء الرابع
رواية لا تسألني من أنا البارت الرابع
رواية لا تسألني من أنا الحلقة الرابعة
_طيب هلبس وانزل
_تمام مستنيكي
بقفل معاه وبقوم البس،بلبس بنطلون بوي فريند على هودي أبيض وبلم شعري تسريحة ثمرة الأناناس وباخد موبايلي وبنزل للكافيه اللي جنب البيت
بدور عليه بعيني لحد ما بلاقيه قاعد مستنيني
بروح ناحيته وبشد كرسي وبقعد
_تشربي إيه؟
_نص فرخة
_إيه !!
_بهزر يا نادر،مش في المود نهائي
_إهدي طيب تحبي نروح اي مطعم؟
_لأ عايزه قهوة بالبندق ودونتس بشكولاته
_عيني حاضر
بيقولها وبيقوم يطلب الاوردر
وبيرجع تاني
_القهوة والدونتس يا جميل
ببتسم ليه وباخد القهوة بشرب منها وباخد بالي من نظرة
في عينه بفهمها
_عايز تقول إيه يا نادر ؟
_اخر حاجة عملتيها قبل ما تنامي إمبارح كانت إيه ؟
_إمبارح اتفرجت على فيلم وقعدت عملت شغلي ونمت وصحيت حصلي زاي ما قولتلك
_شمس تسمعي عن حاجة إسمها انفصام في الشخصية؟
_اه سمعت عنه قبل كدا بس في إيه يا نادر عايز تقول إيه ، بعدين إيه الجرح اللي على دماغك ده؟
_شمس إنتي عندك إنفصام في الشخصية
_عشان متقلبة المزاج يعني
_شمس إمبارح كنتي في ديسكو
_نعم !!
بيطلع موبايله وبيوريني صورة لبنت شبهي او ليا بالفستان الأحمر ، ببص ليه وانا عيني مدمعه وبقول:
_مش انا صدقني مش انا
_إهدي انا مصدقك ودي مش إنتي فعلآ دي نور
_مين نور ؟
_شخصيتك التانيه
_مش فاهمه حاجه يا نادر مش فاهمه
_انا متلغبط زيك واكتر منك بس دي الحقيقة ولازم نتابع مع دكتور نفسي يا شمس
_انت عرفت إزاي طيب؟
_إمبارح مشيت وراكي والجرح اللي في راسي ده بسبب خناقه إمبارح عشان واحد كان عايز يرقص معاكي ولما واجهتك بـ الحقيقة جالك إنهيار عصبي وروحت بيكي مستشفى وانا اللي رجعتك للبيت وسيبتك على الكنبه
_يانهار أسود يانهار أسود !
_إهدي يا شمس إهدي ارجوكي عشان نعرف نحل كل حاجه سوا
_صدقني مش بحس بنفسي مفيش حاجه غريبه بتحصلي غير موضوع الفساتين اللي بصحى بتفجاء بيه واه بيجيلي صداع غريب
_طيب ممكن تهدي اشربي قهوتك ونروح لدكتور نفسي انا واخد معاد بس فاضل عليه ساعة نقعد شوية تكون الساعة عدت
_انت مصدقني صح؟
_أكيد يا شمس متخافيش انا معاكي
ببتسم ليه وبشرب القهوة وانا بحاول استوعب الموقف جزء فيا مش مصدق والجزء التاني مقتنع ، دي صورتي وده فستاني ودي انا !
بخلص قهوتي وبنمشي سوا لـ العياده
بدخل لوحدي الأول بتكون دكتوره في حدود الأربعين لطيفه وحلوه
بتبتسم ليا وبتقول:
_اتفضلي يا أنسه شمس
_إنتي عارفه انا جايه ليه ؟
_انا عارفه المهم إنتي تكوني عارفه
_ايوا انا عارفه قصدي يعني عرفت !
_طيب مقتنعه؟
_ايوا
_طيب ممكن تحكيلي عن آخر حاجة بتعمليها قبل ما بتنامي وأول حاجه لما بتصحي
_بقضي يومي عادي جدآ لحد وقت النوم انا بنام الساعة عشره
_جميل وبعدين؟
_في نص نومي بحس بصداع شديد أوي صداع مش بستحمله بعدين بيروح ومش بحس بـ اي حاجه تاني
_ولما بتصحي؟
_كل يوم بصحى بستغرب الميكب رغم إني بنام من غير ميكب وفستان على الأرض وبصحى مش فاكره أي حاجه غير الصداع اللي حصلي في نص النوم
_طيب يا شمس إحكيلي عن حياتك العاطفيه
_كويسه انا بحب نادر وهو بيحبني ومتفاهمين سوا وكل المشاعر متبادلة
_كويس هل قبل نادر كان فيه اي Relation سابق ؟
_كان فيه بس ده أيام المراهقه مكنش حب حقيقي معنديش حب حقيقي غير نادر خطيبي
_شوفي يا شمس الفصام أو الوهام Schizophrenia أو ما يُعرف انفصام الشخصية أو الشيزوفرينيا من اكتر أنواع الأمراض النفسية الخطيرة والمزمنة وفيه منها أنواع كتير الهلوسة بأنواعها السمعية والتذوقية والشمية والحسية والبصرية
_دكتور ارجوكي انا مش فاهمه حاجه ارجوكي الموضوع صعب عليا فهميني كإني طفله عندها سبع سنين
_طيب شوفي يا شمس الانفصام عندك بشخصيتين الصبح شمس البنت الرقيقه الشاطره في شغلها وبليل نور البنت اللي بتحب السهر واللبس المكشوف والخروج في الليل وبيحصل التغيير ده بعد ما بتنامي اول ما بتحسي بالصداع بيبدأ التغيير في الشخصيات
_والحل إيه ؟
_الحل إننا نخلي نور تدخل في حياة شمس
_بمعنى؟
_نخلي نور تتوب من أي حاجه وحشه بتعملها تحب وتتحب وتحب حياة شمس
_طيب يعني هو مثلآ لو بقيت نور وجيت كلمت حضرتك وفهمتيني إني شمس كدا الموضوع مش هيتحل؟
_هيحصل إنهيار عصبي زي ما حصلك لما نادر قالك الحقيقة شمس الشخصية الحقيقية استوعبت وجت تتعالج لكن نور شخصية وهميه عمرها ما هتستوعب
_طيب لو فضلت صاحية منمتش هيحصل تغيير بردوا؟
_إحتمال اه واحتمال يجي الصداع من غير النوم وتتغيري عادي حتى لو مش هتتغيري اكيد مش هتفضلي صاحية العمُر كله
_طيب وإيه الحل دلوقتي
_هقول الحل قدام نادر خطيبك فيه حاجه حابه نتكلم فيها قبل ما يدخل؟
_لأ خالص ياريت يدخل وجوده هيطمني
بتبتسم ليا وبتطلب من الاسيستنت تدخل نادر وبيدخل وهو عينه عليا وبيقعد جنبي وبيمسك إيدي عشان يحاول يطمني
بتكمل الدكتوره وبتقول:
_استاذ نادر انا شرحت لشمس حالتها ودلوقتي جيه وقت شرح العلاج وحبيت تكون موجود عشان العلاج متوقف عليك وعليها
بيرد نادر وبيقول:
_تمام اتفضلي
_العلاج دلوقتي هيكون نادر اللي هيقابل نور في النايت كلوب اللي بتسهر فيه وهتتعامل معاها بطبيعتها لحد ما تحبه بعض وتغير نور لشمس تدخلها في حياة شمس من غير ما تاخد بالها وتحب الحاجات اللي شمس بتحبها وتبطل تبقى نور وتتحول لشمس في الليل أو في النهار
_وافرض محبتنيش وهي نور؟
_لازم تحبك لو حبت غيرك هتبقى مصيبه إحنا بنعالج الموضوع في الأول وده كويس إحنا لسه في البدايه وإلا الموضوع ممكن يكبر وكل يوم تصحى بشخصية جديده مره نور مره ندى مره سما مره شروق ومش هنعرف نسيطر على الوضع
_تمام مفيش اي ادويه؟
_لأ ممكن اكتبلها عن مهدئات بس عشان اعصابها وهتجيلي كل يوم خميس في الأسبوع وهنتابع سوا وإن شاء الله هتكون بخير
_متشكر اوي يا دكتور سحر
_ولا شكر ولا حاجه وشمس قوية وهتعدي منها وحبكم لبعض هيكون اقوى من أي مرض
ببتسم ليها وبسلم عليها وبنمشي سوا بنفضل طول الطريق ساكتين لحد ما بتكلم أنا وبقول:
_نادر انت مش مضطر نهائي تكمل معايا وانا في الحاله دي لو حابب إننا نسيب بعض صدقني مش هلومك أبدآ
_هو اي هبل وخلاص؟
_انا بتكلم بجد
_مفيش الكلام ده هنكمل سوا وهنعدي كل حاجه سوا
_بس انت مش مضطر تتجوز واحده الصبح محترمه وبليل فتاة ليل !
_وهو بإيدك يعني يا شمس إهدي يا حبيبتي انا معاكي والله معاكي وهنحل كل حاجه سوا
_حاسه إنك هتتظلم معايا
_يعني اسيبك ويحصلك اي مصيبة وانتي نور ولا تحبي واحد غيري وانتي نور ، انا معاكي ومش هسيبك ولا وانتي نور ولا وانتي شمس
_يعني وهو المرض ده ساب السبعه مليار وجالي انا من بينهم كلهم
_الحمدلله يا شمس الحمدلله يا حبيبتي
_الحمدلله
بقولها وببص على الطريق بصمت بيتكلم هو وبيقول:
_عايز اتجوزك
ببص ليه وبقول:
_بمعنى؟
_عايز اكون معاكي في البيت وده مش هينفع غير وانا جوزك نكتب الكتاب وبعد ما تخفي هعملك فرح زي ما بتحلمي
_انت كدا بتتسرع يا نادر
_اتسرع إيه إحنا المفروض نكون متجوزين من سنه فاتت
_طب ونور هتفهم إزاي إنك جوزها؟
_مش لازم تعرف المهم اكون معاكي مش هفضل طول الفتره دي استنى تحت البيت لحد ما تنزلي وامشي وراكي وبعدين ارجعك وأفضل قلقان عليكي بقيت اليوم ومستنيكي تفوقي
_طيب يا نادر عايز نكتب الكتاب أمتى ؟
_إنهارده هوصلك تغيري هدومك وننزل نكتب الكتاب
_مش هتفرق لو غيرت هدومي
_نكوده هانم معلش بعد إذنك البسي دريس أبيض وميكب حلو كدا عشان بعد كتب الكتاب نخرج ونتصور
_والله انت رايق
_رايق وبحبك
_وانا كمان بحبك وكان ممكن انهار لو كنت سيبتني يا نادر
_ده إنتي بنتي في حد يسيب بنته؟
_ربنا يخليك ليا يا حبيبي
بيبتسم ليا وبيمسك إيدي بيسيب فيها بوسه رقيقه وبيوصلني لحد البيت وبيمشي يخلص كام حاجه وراه ويستعد لكتب الكتاب
بطلع انا بترمي على الكنبه بحاول استوعب اللي بيحصلي وحياتي الجايه هتكون عامله إزاي ؟
بدخل اوضتي وبقف قدام المرايا وانا بكلم نفسي وبقول:
_إنتي مين شمس ولا نور فهميني
بقولها وانا بعيط وماسكه راسي
بقعد على السرير وبكمل عياط
لحد ما الكحل بيسيح في عيوني
بقوم بمسحه وبتنهد وبدخل اخد شاور
وبخرج بطلع دريس ابيض بلبسه
وبرجع شعري لورا وبحط في النص فيونكة سيلفر وبقعد بحط ميكب
بخلص وبلاقي مسدج منه بيقول فيها:
_في عربية تحت البيت هتجيبك للمكان اللي هنكتب فيه الكتاب مستنيكي يا حبيبة عيني
ببتسم وبلبس الهيلز وباخد الأوراق اللي هحتاجها لكتب الكتاب وبنزل بلاقي العربية قدام البيت بركب في صمت
لحد ما بنوصل بيكون نفس الكافيه اللي على النيل بدخل وبلاقي الويتر مستنيني وبيقول:
_من هنا حضرتك
بمشي وراه وانا مش فاهمه حاجه
بندخل في مكان اول مره اشوفه في الكافيه تقريبآ مكان خلفي للكافيه
لحد ما بلمح نادر واقف مستنيني على يخت في النيل ،
ببتسم اول ما بشوفه
وبينزل بياخد إيدي عشان يعديني وبنطلع تاني لليخت سوا
_لحقت تعمل كل ده امتى يا مجنون
_إنتي لسه شفتي حاجه تعالي اوريكي
بيقولها وبياخدني لجوه وبلاقي المكان كله ورد احمر وبلالين وترابيزه عليها تورته ومنديل كتب الكتاب وصور لينا سوا
_أنا كنت فاكره هنكتب الكتاب عند أي محامي وخلاص
_ليه هو انا هتجوز واحده عاديه ولا إيه ده إنتي شمس
_انا بحبك اوي يا نادر
_وانا كمان يا حبيبة عين نادر
بيقولها وبياخدني للترابيزه اللي بيكون فيها المأذون بنقعد بنكتب الكتاب وبينتهي بجملة المأذون الشهيره
“بارك الله لكم وبارك عليكم وجمع بينكما في خير”
بيخلص المأذون وبيمشي وبيبدأ اليخت يتحرك في البحر وبنقعد انا وهو سوا بعد ما بنتصور وبلاقيه جايب اللابتوب بتاعه بيفتحه وحطه قدامنا على التربيزه وبيشغل فيديو
بيكون فيديو ليا بصور عشوائية ليا وفيديوهات وتغفيلات وصور لينا سوا من اول يوم جامعة لحد التخرج وصور الخطوبه وكل الصور دي متجمعه على قصيدة عمرو حسن “كما يليق بورده”
“انت يارب خلقتها وادتني شِعر مكفهاش وإزاي اقابل زيها ومكتبلهاش ، دلوقتي وانا واقف هنا في مكان بسيط يشبهلها مستني اي بداية تنفع عنها”
“ليها مزاجها الخاص خوفها وحُزنها وبراءة بتخلي الحاجات ترتحلها بقول لنفسي انت محظوظ الحقيقه”
” انت وجمالها وحزنكم قاعدين في ركن لوحدكم إتلوا السلام على حُسنها واعزمها على شاي بالحنين”
“على أي حال مهتم اقول كلمه اخيره للتاريخ انتي اجمل ست في العالم عمومآ او عمومآ انتي اجمل ما رأيت”
بيخلص الفيديو بعد الجملة دي وبيقوم يقف وبيمسك إيدي يبوسها وبيقول:
_او عمومآ إنتي اجمل ما رأيت
_انا مش عارفه اقول إيه بس أبطال الروايات طلعه حقيقه وربنا رزقني بواحد منهم
بيبتسم ليا وبيقول:
_والالطف في الموضوع إني بطل ليكي انتي وبس ودلوقتي جيه الوقت اللي نغير فيه مكان الدبله ونحطها في الايد التانيه يا حرم الاستاذ نادر عيد
بيقولها وبياخد الدبله من اليمين بيحطها في إيدي الشمال وهو كمان بينقل دبلته وبيقربني ليه وبيبوس راسي ..
يتبع…….
لقراءة الفصل التالي : اضغط هنا
لقراءة الرواية كاملة اضغط على : (رواية لا تسألني من أنا)
