رواية لا تسألني من أنا الفصل الخامس 5 بقلم شهد محمد جاد الله
رواية لا تسألني من أنا الجزء الخامس
رواية لا تسألني من أنا البارت الخامس
رواية لا تسألني من أنا الحلقة الخامسة
بيخلص اليوم بعد ما بنحتفل بـ كتب الكتاب وبنرجع البيت سوا
كان عندي شعور غريب بين لخبطة وفرحة وخوف لأول مره مكنش مخططه لـ اللي هيحصل في حياتي
اول مره يكون اللي جاي كله عشوائي
وهتفجاء بيه وهتفجاء بـ ردة فعلي
بس مفيش مشكلة انا بحب المغامرات فـالنبدأ مغامرة جديدة
بنرجع البيت سوا وبغير هدومي وبخرج بجهز ليه الاوضه التانيه اللي هينام فيها
بعد ما بخلص بدخل المطبخ بعمل كوبايتين كاكاو وبيكون عندي كوكيز بحطه في طبق وبخرج بيه
_الحلو هينام إمتى؟
_لما مراتي الحلوه تنام الأول
_خايفة انام يا نادر
بقولها وانا بحط الصينية على الترابيزه وبقعد جنبه ، بيمسك إيدي وبيطبطب عليها وبيقول:
_متخافيش انا جنبك صدقيني جنبك
_مش عايزه ابوظ اليوم يا نادر خايفه اعمل مصيبة وانا نور
_فداكي وانتي شمس وفداكي وانتي نور
_ربنا يخليك ليا يا حبيبي،وبالمناسبة اللي زي السكر دي هنقوم نعمل بيتزا سوا
_هنقوم ولا هتقومي؟
_هنقوم عشان نلعب بالدقيق سوا ونعمل بيتزا على شكل قلب
_هايل وإيه كمان يا فنانة؟
_ونصحى الصبح بدري نجري عشان الجري رياضه
_رياضه إيه ؟ انا هصحى اجري على اكل عيشي هو انا فيا صحة اجري الصبح بدري
_متبوظش المخطط اللي رسمته في دماغي لو سمحت
_حاضر يا أنسه شمس ، نقوم نعمل البيتزا ونرجع نتفرج على فيلم سوا؟
_يلا بينا
ببتسم ليه وبندخل المطبخ سوا ، بلبس مريلة المطبخ وبخليه هو كمان يلبس المريلة التانيه
وبطلع كل حاجة هنحتاجها وبنبدأ نعمل البيتزا سوا ، بنعملها على شكل قلب زي ما بطلب وبنخلص وبندخلها الفرن
وبنفضل قاعدين قدام الفرن منتظرينها سوا وبحكيله عن قصة كل مج جديد اشتريته وكل طقم كوبايات اتكسر وجبت غيره وعن الحله التيفال اللي لزقت فيها الأكل
وبنخلص حكاوي وبتكون البيتزا خلصت بنطلعها وهو بينزل السوبر ماركت بيجيب سبيرو سباتس وبيطلع تاني
وبنسهر مع بعض سهره لطيفه بنتفرج على فيلم حب البنات وبنقوم نرقص وقت الاغاني في الفيلم وبنصور عشوائيات لينا كتير
لحد ما بروح في النوم وفي نص نومي بحس بالصداع بتاع كل يوم
بحاول امسك نفسي مش عايزه اتحول لنور مش عايزه ..
وفجاءه الصداع بيروح وبدخل اوضتي باخد فستان سيلفر قصير بلبسه
وبقعد بعمل ميكب وبقص شعري بيكون شكله احلى وهو قصير
بخلص وباخد موبايلي وبنزل بيكون الوقت متأخر مستنيه اشوف اي تاكسي بس الشارع فاضي
لحد ما بيظهر شاب بعربيته بيجي ناحيتي وبيقول:
_تحبي أوصلك؟
_طريقي غير طريقك
_مين قال كدا انا طريقي هو نفس طريقك
_يمكن مش فاضي ومش بحب اتعب حد معايا
_ياجميل تعبك راحة ولو مش فاضي افضالك عادي
ببتسم ليه وبفتح باب العربيه وبركب جنبه وبقول:
_إذا كان كدا يبقى مفيش مشاكل
بقولها وباخد سيجارة من علبة السجاير بتاعته وهو بيولعها
_على فين؟
_اي نايت كلوب يكون لذيذ
_السهرات دي بتبقى صداع ووجع دماغ إيه رأيك اخدك في مكان هادي على النيل هيعجبك
_مش قولتلك طريقي غير طريقك
_لأ مش القصد بس جربي سهرتي عجبتك يبقى خلاص معجبتكيش نجرب سهرتك إنتي
_ديل يا معلم ، نور وانت؟
_نادر
_إسمك لذيذ
_إنتي الذ
_بتعمل إيه في الشارع في وقت زي ده بقى؟
_أبدآ مكنتش عارف انام قولت انزل الٍف بالعربية شوية وبالصدفه لقيت بنت زي القمر زيك
_متقبلناش قبل كدا ؟
_ها لأ اكيد لأ عشان لو قابلتك قبل كدا اكيد مكنتش هسيبك غير واحنا معانا ارقام بعض
_وجهة نظر بردوا ، سوق بسرعة بقى عشان مغيرش رأيي
_عيني حاضر
ببتسم ليه وبولع سيجاره تانيه وباخد بالي من دبله في إيديه وطول الوقت مركز في الطريق مش بيبص ليا رغم إن فستاني مُلفت
بحس إنه كاريزما وبتعجبني شخصيته
وشوية وبنوصل للمكان اللي قال عليه بننزل سوا وبلاقيه بيقلع الجاكيت بتاعه وبيجي ناحيتي يحطه على كتافي
_بس انا مش سقعانه!
_مش عشان البرد عشان يداري فستانك شويه
_ليه؟
_عشان انا دمي حامي شطه مولع ولو شفت حد بيبص ليكي جوه مش هيحصل كويس
بضحك عليه وطريقته بتقنعني وبوافق ادخل معاه وانا لابسه الجاكيت بتاعه
بنقعد سوا على النيل وبشوف المنيو وببص ليه وبقول:
_مفيش مشروبات فيها كحول ولا حتى شيشة !
_وعايزهم في إيه ؟
_سهرتي بتكون عباره عن كدا
_بس دي سهرتي انا يبقى تجربيها زي ما هي بكل حاجة فيها
_اوكي هوافق تداري ليش لإني بحب التغيير
بيبتسم ليا وبيطلب لينا شاي بنعناع وبيشغل اغاني لـ ام كلثوم والنيل قدامنا وهو جنبي ونظراته ليه مُريبه مش قادره افسرها ..
_هو انت متجوز ؟
_لأ لو متجوز كان زماني في حضن مراتي دلوقتي اكيد مكنتش هكون معاكي
_هتكون زوج وفي يعني؟
_أكيد اه ولو على الدبله هي هدية من والدتي
_امم واختارت تسهر معايا ليه نادر؟
_بصراحة في الأول قولت بنت حلوه اتعرف عليها وقضي معاها ليلة حلوه وخلاص
_وبعدين؟
_بعدين حسيت إن إنتي مش إنتي
_بمعنى؟
_مش عارف بس حاسس إنك ارق من كدا بكتير ملامحك صوتك كلك على بعضك ارق من الحياة اللي انتي عيشاها
_ومالها حياتي؟
_مش لايقه على واحده ملامحها بريئة زيك
_امم طيب على فكره سهرتك مش لطيفه شاي وام كلثوم ونيل بس ؟
_في آخر اليوم احكمي
_اتفقنا
بقولها وبشرب من الشاي وشوية وبياخد إيدي وبنقوم نرقص على اغاني ام كلثوم وبيكون المكان فاضي مفيهوش غيري انا وهو بس
وبناخد مركب في النيل الجو بيكون ساقعة وانا وهو والنيل وإحساس غريب ناحيتي ليه وكلمات حب من ام كلثوم
وبنقق نعمل حركة فيلم تايتنك
وبيصورني ، وبنلعب كوتشينه
وبيعلمني إزاي العب شطرنج
وبيخلص اليوم وبيوصلني لحد البيت
وقبل ما انزل ببتسم ليه وبقول:
_اليوم كان لذيذ حاجه جديده عليا بس المزاج مكنش حلو بكرا اخدك في سهرتي واوعدك إنها هتعجبك
_إتفقنا يا حلوه
_هات رقمك
_هاتي انتي رقمك وهبعتلك
بديله رقمي وبسيبه وبطلع البيت بقلع الهيلز وبنام
وتاني يوم الصبح بصحى وانا شمس وبلاقي نفسي بالفستان ووشي بيحمر وبتكسف إن نادر شافني كدا وإني نزلت الشارع كدا
بغير هدومي وبلبس بيجامه وبخرج اشوفه بلاقيه نايم على الكنبة
بحضر الفطار والقهوه وبروح ناحيته بهدوء عشان اصحيه ، بيصحى وهو بيدعك في عينه
_صباح الخير يا حبيبي
_صباح الفل على احلى واحده في البنات
_الفطار جاهز
_تسلم إيديك يا حبيبتي
_نادر هو .. إيه حصل امبارح وانا نور ؟
_نفطر ووانا بوصلك شغلك هحكيلك
_اتفقنا
بقولها وبنقعد نفطر سوا وبنشرب قهوتنا وبنهزر شوية سوا وبدخل البس بدلة سوده حريمي وبتفجاء من استايل شعري بس بيكون حلو ومش بضايق
وبننزل سوا بيوصلني لشغلي وفي الطريق بيحكيلي عن كل اللي حصل
_وبس كدا ياستي اتفقتي معايا إن انهارده هنسهر على طريقتك
_ربنا يستر بس كويس إني إمبارح مروحتش المكان الوحش ده تاني ومشربتش اي حاجه حرام
_هفضل معاكي لحد ما تخفي خالص بس عارفه إيه المشترك بينك وبين نور
_إيه؟
_روحك
_مش فاهمة
_إمبارح كنت حاسس إن شمس اللي معايا خفة دمك وروحك وضحكتك ، روحك مميزه اوي يا شمس لدرجة إني وقعت في حبك مره تانيه
_إيه الكلام اللي يخليني احب شخصية نور ده بقى
_إنتي حلوه في كل الشخصيات بس انا عايز شمس حبيبتي
_وشمس حبيبتك مش عايزه غيرك
_ربنا يخلينا لبعض يا حبيبتي ويتم شفاكي على خير
_يارب يا حبيبي
شوية وبكون وصلت قدام الشركه بسيب ليه بوسه في الهوا وبدخل الشركة ، بدخل على مكتبي وبقعد اشوف شغلي المتراكم عليا
وبيقطع إندماجي دخول سيف مديري
_أنسه شمس
_خير يارب عايزني ادور على ملف من سنة 2000 ؟
_لأ هتيجي معايا في إجتماع وعايز مترجم فرنساوي
_طب ما انت بتعرف فرنساوي
_بعرف فرنساوي وعايز مترجم والمترجم ده هيكون إنتي
_انا لو مرات ابوك قولي
_شمس !!
_ماهو مش معقول كدا يا سيف كل مره بتخليني اسيب شغلي وتشغلي بـ اي حاجه مالهاش لازمة
_مالهاش إيه ؟
_مش قصدي مقصدش بس يعني
_ورايا يا شمس
_جايه
بقولها بنرفزه وبروح وراه وبنحضر الاجتماع وبترجم ليه رغم انه مش محتاج الترجمة بس هو يجراله حاجه لو مافقعش مرارة شمس
بخلص معاه وبدخل اكمل شغلي وبعد ما بخلص باخد حاجاتي وبمشي قبل ما يشوفني ويطلب مني حاجة غريبه تاني
برجع البيت بنضف اوضتي واوضة نادر وبدخل المطبخ احضر الغدا
طول عمري كان نفسي اعيش الأجواء دي ، إني اخلص شغلي وارجع على بيتي احضر الغدا لجوزي قبل ما يرجع من الشغل
بشغل ميادة الحناوي يالي ابتديت الحب معاك عمري الحقيقي ابتدا وياك
وبقف بعمل مكرونة بشاميل وبانيه
وبعمل كيكة بالشكولاته عشان نحلي بيها
وبدخل جري على اوضتي بلبس بيجامة جديده وبحط ميكب بسيط وبخرج لما بسمع صوت المفتاح في الباب
وفي الحظة دي حسيت بإحساس جديد
وهو الأنتظار اللي اول فرحه فيه بتكون من صوت رنة المفتاح بالباب وقتها بعرف إن حبيب عيني رجع
بخرج جري عليه وانا بقول:
_عندي خبر وحش
_إيه انتي كويسه حصلك حاجه؟
_اه انا تمام بس مقدرتش اعمل غدا وعملت إندومي
_يا شمس خضتيني ، بعدين ماله الإندومي اشطر واحده في الدنيا تعمل إندومي تسلم إيديك يا ست البنات
بيقولها وهو ماسك إيدي بيبوسها
_بجد مش زعلان؟
_خالص والله يلا روحي هاتيه وحطي عليه شطه
_ده اختارت صح بقى
_عندك شك ولا إيه ؟
_لأ خالص بس عشان طلعت شاطر كدا فــ الغدا مكرونة بشاميل
_الله على الزوجة الصالحة دي بقى
_حالآ يا عيوني الغدا هيكون جاهز
_استني هاجي اساعدك
_لا خليك
_لأ هساعدك كفاية وقفتك في المطبخ بعد تعبك في الشغل
يتبع…….
لقراءة الفصل التالي : اضغط هنا
لقراءة الرواية كاملة اضغط على : (رواية لا تسألني من أنا)
