رواية لا تتحرك اتجاه الكذب الفصل الخامس 5 بقلم بسبوسة
رواية لا تتحرك اتجاه الكذب الجزء الخامس
رواية لا تتحرك اتجاه الكذب البارت الخامس
رواية لا تتحرك اتجاه الكذب الحلقة الخامسة
بصلها فارس بصدمه:طليقك؟!!!
ادا وشها جاب ١٠٠ لون مكنتش عارفه ترد عليه تقول اى!
فارس بزعيق:ماترردى عليااا ساكتههه لييي
مسكها من دراعها جامد وهزها:ردى ده فعلا طليقك؟ابو تميم يعنى مامتش ردييييي
شدها محمد من ايده:انت هتضربها ولا اى
اداله فارس بالبوكس فى وشه:وانت مالك ياابن ال***
حط محمد ايده على بوقه اللى بينزف دم نتيجه البوكس
محمد:انت قد الضربه دى!انا هعرفك ازاى تضربنى بس مش دلوقت ليك وقتك
فارس بحده:اطلع بره
محمد اتجاهل كلامه ووجه كلامه ل ادا:انا سايب تميم معاكى عشان انا مبحبهوش لكن لما عرفت انك اتجوزتى يبقى مينفعش اسيب ابنى هنا
شد تميم من ايده ولسه هيمشى
ادا بعياط:فارس ارجوك متخلهوش ياخد تميم ارجووك يافارس
بصلها فارس ببرود:مش ده أبوه من حقه ياخده
ادا بدأت تعيط بهستيريا:يافارس ارجوك اللى حصل ملهوش علاقه ب تميم اللحقه بالله عليك لو خده هيسافر ومش هعرف اشوفه ولا اخده تانى علشان خاطرى اللحق تميم
زقها فارس بعيد عنه:ملكيش خاطر عندى انا هنزل اللحقه بس مش عشانك
نزل فارس جرى السلم يلحق محمد اللى كان لسه بيفتح باب العربيه عشان يركب
فارس فتح باب العربيه اللى ورا وطلع تميم منها
فارس:تميم هيجى معايا
محمد بغضب:انا مش عايز اغلط فيك ولا عايز مشاكل ابنى وهاخده معايا انت جوز امه اى اللى بيدخلك
فارس بحده:امه عايزاه والولد بيعيط خايف منك
بص محمد ل تميم اللى واقف ماسك فى بنطلون فارس وبيعيط بقهره
محمد:تميم مش انت عايز تيجى معايا
تميم رجع ل ورا ب خوف:لا انا عايز ماما
محمد زعق بعصبيه:من هنا ورايح مفيش ماما فى زفت بابا وبس
فارس بزعيق:انت بتزعقله لى شكلك اتجننت الولد بيقولك مش عايزك بلاش قرف بقا وامشى من هنا…تميم اطلع ل ماما بسرعه
جرى تميم على فوق وفارس وقف قدام محمد يمنعه يدخل من البوابه
فارس قرب منه واتكلم بصوت يشبه فحيح الافعى:انت عارف لو فكرت تعمل حاجه تأذى ادا او تاخد تميم انا هعمل فيك اى؟بصله بحده وقال..همحيك من على وش الارض
بصله محمد بغيظ وقاله وهو شايف فارس دخل البيت:الحكايه مخلصتش لحد هنا خلى بالك
فوق؛
دخل فارس الشقه وهبد الباب وراه
طلعت ادا من اوضه تميم بعد ما نيمته وسكتته بالعافيه
بصلها فارس ببرود وهى كانت واقفه متوتره
فارس بسخريه:اى مش عايزه تقولى حاجه
ادا:فارس انا ..
فارس:انتى اى بقا ها انتى اى اقولك انا انتى اى..انتى واحده كدابه كل يوم بكتشف انك كدابه وده بيقللك فى نظرى اكتر اول مره كدبتى عليا فيها قولت عادى يمكن مكنش قصدك ومخدتيش بالك لكن المره دى استحاله اسامحك
دخل فارس اوضه النوم واخد كم طقم له فى شنطه الضهر بتاعته وغير هدومه ومشى..غمضت ادا عينها بتعب
ادا بصوت يكاد يكون مسموع:كل حاجه باظت بدرى اوى
دخلت اوضتها وقعدت تعيط وهى بتتكلم بصوت واطى :هعمل اى!كده خلاص حكايتنا انتهت!طب هو راح فين اعمل اى دلوقت
سمعت صوت تميم:ماما انتى بتعيطى؟
رفعت وشها والدموع ماليه عينها:لا ياحبيبى انا بس حاجه دخلت فى عينى ف بتوجعنى
تميم قرب منها:انا مش عارف انام هو بابا فارس فين
زاد عياط ادا وهو بتشده تاخده فى حضنها:فارس زعلان منى ياتميم
تميم بتكشيره:لى
ادا:عشان كذبت عليه
تميم مد ايده الصغيره ومسحلها دموعها وقال بنبره حنونه:متزعليش ياماما هو زمانه هيجى ويصالحك
حضنته ادا بحب وهى بتحاول تبطل عياط:يارب ياتميم انا عارفه انى غلطانه بس اعمل اى
تميم:انا هساعدك انك تصالحيه
بعدت عنه ادا وقالت:ازاااى؟
تميم:مش عارف لسه هنفكر
ادا:ماشى تعالى اقعد ونفكر سوا
تميم:ماشى يلا
ادا:. دلوقت انا عايزه اكلمه واكيد فونه مقفول ومش هيرد عليا
تميم:اممم جربى طيب ترنى
مسكت ادا فونها ورنت عليه وعلى عكس توقعها رد عليها
ادا بتوتر:فارس انت كويس؟
فارس ببرود:وده يهمك ف اى
سكتت ادا بكسوف من نفسها:انت فين خدت هدومك وروحت فين؟
فارس:ملكيش دعوه وعلى فكره كل اللى بينا انتهى ؛وقفل فى وشها
ادا بصت على الفون بصدمه:انتهى؟هو اى ده اللى انتهى
تميم:اى قالك هو فين
ادا:لا بس جنبه صوت ممرضين بيتكلموا على مريض هناك يبقى اكيد هو فى المستشفى
تميم:طب يلا نروحله
ادا:صح معاك حق
لبست ادا بسرعه وبعدها ساعدت تميم فى لبسه وخدته ونزلت شافت عربيه محمد واقفه تحت البيت شالت تميم ومشيت بيه بسرعه بدأ محمد يسرع العربيه ومشى فى نفس مستواها
محمد:اركبى
ادا بقرف:ابعد عنى وامشى احسنلك
محمد:اركبى بدل ما انزل اخد تميم واقسم بالله ماهتشوفيه تانى
ادا ضمت تميم لحضنها اكتر وطلعت تجرى بيه وهو جرى وراها بالعربيه فضلت ادا تيجى يمين وشمال بعيد عنه وهو بيجرى وراها وفجأه خبطها بالعربيه وقعت على الأرض بتنزف وتميم وقع من حضنها بعيد وهو بيصرخ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لا تتحرك اتجاه الكذب)
