رواية لا تتحرك اتجاه الكذب الفصل الثامن 8 بقلم بسبوسة

رواية لا تتحرك اتجاه الكذب الجزء الثامن

رواية لا تتحرك اتجاه الكذب البارت الثامن

رواية لا تتحرك اتجاه الكذب الحلقة الثامنة

مسكت ادا فونها وفتحته
ادا:بص ده شات ام تميم الحقيقيه مكتوب هنا انها مش هتقدر تاخد تميم تربيه وبتقولى خلى بالك منه وإن محمد مبيحبهوش …هات
اخدت منه الفون رمته على السرير وادته ضهرها وبصت على الشارع من الشباك
ادا:لما حكيتلك قبل كده اللى حصل انا قولت الحقيقه ان محمد بيحب مراته الاولى اكتر منى وانه جايبنى عشان يغيظها وانها هربت مع عشيقها فعلا لكن كدبت لما قولت انه زعل ومات الحقيقه انه لما عرف انها هربت اتعصب حتى كان هيموت تميم حط مخده على وشه وهو متعصب والولد فضل يصرخ كان هي’موت لولا انى دخلت ولحقته كان زمانه لقدر الله مات وقتها فضلت ازعقله ضربنى بالقلم وقالى انتى طالق بالتلاته وتميم عندك انا بكرهه خليه معاكى
اخدت نفس بعمق وعيطت: وقتها خدت تميم فى حضنى كان لسه بيبى صغير زعلت أوى وفضلت ابوسه ونويت انى اعوضه عن ابوه وانى مش هقوله اللى حصل وهفهمه ان ابوه مات لكن محمد بوظ كل حاجه خصوصا ان تميم عارف محمد من الصور ولما شافه اتصدم زى ما انت شوفت
سكتت ادا ودموعها نازله وهى باصه على الشارع والهوا بيداعب وجهها بلطف؛قرب فارس منها وحضنها من ضهرها سند دقنه على كتفها وقال بهدوء
فارس:ولى كدبتى عليا
اتنهدت ادا بتعب:عشان مكنتش عايزه اى سر من ده يطلع بره ويوصل ل تميم فى يوم من الايام
فارس:وعد ان اى حاجه هتقوليهالى مش هقولها لحد خاصه تميم
اومأت له بتعب وسكتت
لفها له ومسح دموعها :حقك عليا كفايه عياط بقا
ادا بتعب:دماغى بتوجع…
وقعت ادا بين ايده اغمى عليها
فارس بخوف:اداااا ادا مالك
شالها وحطها على السرير وهو هيموت من الرعب والخوف عليها جاب كوبايه المياه اللى جنبه ورش نقط على وشها مفيش فايده اتصل فارس على دكتورة زميلته فى المستشفى وصلت بعد خمس دقايق وكشفت عليها
فارس:مالها ياجومانا؟
جومانا الدكتورة:كويسه جدا هى بس محتاجه راحه تامه خاصه انها عملت حادثه زى ما انت قولت وطبعا مع الحمل ده لازم يغمى عليها
فارس بصدمه:اييي؟حمل!!
جومانا بابتسامه:ايوه الف مبروك يافارس
فارس :انتى بتتكلمى جد ؟ادا حامل
جومانا بضحك:والله حامل
فارس بص على ادا بفرحه:طب هى هتفوق امتى
جومانا: ربع ساعه وهتفوق ان شاء الله
بعد شويه كان فارس قاعد على الكرسي مستنيها تفوق
ادا:ااه دماغى
فارس:ادا انتى كويسه؟
ادا:دماغى بتوجعنى
فارس:معلش ياحبيبتي هتاخدى الدوا وتبقى كويسه
ادا:تميم لسه مجاش
فارس:تميم زمانه جاى هو واخوه
ادا:اخوه؟!!
فارس بإبتسامه حب:ايوه ما انتى حامل
فتحت ادا عينها بصدمه:اييي!! حامل!
فارس : ايوه والله
فتحت ادا دراعها وهو حضنها بقوه:هتبقى ام ل ابنى انا بجد مش مصدق
ادا باسته من خده بحب:انا مبسوطه اوى لازم اقول ل ماما
بصلها فارس بفرحه:قوليلها وانا هنزل اجيب تميم واجيلك
*الساعه ٦*
كانت والده ادا وسمر صاحبه ادا قاعدين معاها
سمر:انا مش قادره اصدق انتى لسه متجوزه معقول لحقتى تبقى حامل
ابتسمت ادا:انا ذات نفسى مستغربه الموضوع جه بسرعه
والده ادا منى:احمدى ربنا ياحبيبتى وخلى بالك من اكلك ومتنزليش الشارع الا اما تخفى
ادا:عندك حق ياماما لو نزلت وانا كده ممكن يغمى عليا فى الشارع
دخل فارس وهو ماسك تميم من قفاه بيلعب معاه
فارس:الواد ده شقى اوى
تميم بضحك:لا ده انا هادى خالص
ادا بضحك:بطل شقاوة ياولد وتعالى اقعد ساكت
تميم مسك فى بنطلون فارس:بابا فارس انزل هاتلى ايس كريم
فارس:تعالى معايا يلا .. محدش يمشى عشان هجيبلنا كلنا
منى:ملوش لزوم ياحبيبى اقعد متتعبش نفسك
فارس:ولا تعب ولا حاجه يلا ياتيمو
سمر بهمس:هو تميم بيقوله يابابا
ادا:تميم عايز كده وفارس موافق
سمر:اممم
فتح فارس الباب لقى محمد فى وشه
محمد:الف الف مبروك مش كنت تقولى ان المدام حامل عشان اجى ابارك
بصله فارس بغل:انت جاى لحد هنا ب رجلك؟
محمد بإستفزاز:وياترى بقا المدام حامل منك بالسرعه دى ولا كانت حامل من حد تانى قبل ماتتجوزوا اصلا وانت زى المغفل
فارس ضربه بالبوكس فى وشه وقعه على الأرض:ده انت ناوى على موتك بقاااا…