رواية لا تتحرك اتجاه الكذب الفصل الثالث 3 بقلم بسبوسة
رواية لا تتحرك اتجاه الكذب الجزء الثالث
رواية لا تتحرك اتجاه الكذب البارت الثالث
رواية لا تتحرك اتجاه الكذب الحلقة الثالثة
بعد فارس عنها بصدمه:انتى بنت؟!!
سكتت واتوترت كده بدأت تتكشف
فارس بعصبيه وهو بيشدها من أيدها:ردى عليا انتى ازاى بنت
ادا:ااا فارس سيب ايدى انت بتوجعنى
سابها فارس بعد ما أدرك انه ماسك ايدها جامد
فارس:قومى فهمينى انتى بنت ازااى!؟
ادا:جوزى الاول ملمسنيش
فارس:نعم!!وتميم؟
ادا:تميم مش ابنى ده ابنه هو
حط فارس ايده فى شعره بعصبية:يعنى اى انا مش فاهم حاجه
ادا:انا هحكيلك
بصلها فارس بإستفهام مستنى يسمع منها
ادا:محمد كان متجوز مامت تميم وكان بيحبها اوى بعدها حصل بينهم مشاكل وقرر يتجوزنى ولما اتجوزنى اكتشفت انى التانيه وعرفت انه مش بيحبنى هو بس جايبنى عشان يغيظها بيا لكن انا بالنسبه له ولا حاجه وبعدها الموضوع اتدهور بينهم وعرف انها هربت مع عشيقها يعنى المشكله اللى بينهم كانت بسبب انها بتخونه و..و لما عرف انها هربت تعب جامد ومات وساب تميم وهو صغير معايا سابه وانا ربيته وبقيت انا امه وانا اتعلقت بيه اوى وقولت خلاص مش هتجوز وهعيش اربى تميم وخلاص لكن انت جيت و الصراحه معرفتش ارفضك حسيت انك شخص كويس وان مش حرام انى اتجوز تانى
كان فارس باصصلها وساكت دماغه بتفكر فى حاجات كتير
ادا بخوف:هو انت زعلان منى؟
فارس:لى خبيتى عليا؟
ادا:مجاش فى بالى انى اقولك
فارس بضيق:بس انا من حقى اعرف
ادا:كان هيفرق معاك؟يعنى مثلا لو كنت عرفت مكنتش هتتجوزنى
فارس قرب منها وخدها فى حضنه:انتى عارفه كويس اوى ان مهما حصل كنت هتجوزك بس انا ياادا من حقى اعرف
ادا:انا انا مجاش فى بالى كده خالص خصوصا انى مش عايزه تميم يعرف انه مش ابنى الحقيقى
فارس باسها من خدها بحب:ده سر بينى وبينك عمره ما يطلع بره
ادا:يعنى اتفقنا؟
فارس بإبتسامه وهو بيشدها لحضنه:اتفقنا
“فى الصباح”
والده ادا وتدعى منى:ياتميم ياحبيبى كل بقا عذبتنى معاك
تميم بعياط:لا مش هاكل انا عايز ماما
منى خدته فى حضنها:يبنى حرام عليك بطل عياط قولتلك بليل هنروحلها هى ودكتور فارس
تميم:لا انا عايز ماما
منى:مش هينفع نروحلهم دلوقت خالص
تميم بعياط اكتر:عايز ماما مليش دعوه
منى مسكت فونها واتنهدت بتعب منه واتصلت على ادا
فتحت عينها بصعوبه وثقل ومسكت فونها اللى بيرن
ادا:الو
منى:ايوه ياادا تميم بيعيط هنا جامد ومش راضى ياكل ولا راضى يعمل اى حاجه بيعيط وعمال يقول عايز ماما
ادا:ادهولى اكلمه
منى:خد ماما ياتميم
مسك تميم الفون بلهفه وقالها بصوت باكى:ماما تعالى خدينى من هنا انا عايزك
ادا:تميم ياحبيبى احنا اتفقنا على اى
تميم بعياط:بس انا عايز اقعد معاكى انا عايزك ياماما
تأثرت ادا من كلامه :ادينى تيتى..ايوه ياماما لبسيه وهاتيهولى
منى:بس فارس هيقول اى؟
ادا بصت على فارس اللى نايم جنبها:مش هيقول حاجه هاتيه بس وانا هتصرف
قفلت مع والدتها وبعدين نامت جنب فارس وحطت ايديها فى شعره البنى وفضلت تبصله..قد اى ملامحه جميله وصغيره رموشه الطويله وبشرته القمحاويه شعره الناعم اللى نازل على وشه اثر النوم..كانت اول مره تاخد بالها من تفاصيله كده اتنهدت وهى بتقوم فتحت دولابها وطلعت بيجامه باللون الابيض ودخلت تاخد شاور على اما تميم يوصل
بعد تلت ساعه وصل تميم جرى عليها حضنها اول ما فتحتله
تميم:وحشتينى اوى ياماما
ضمته ادا لحضنها:وانت كمان اوى ياحبيبى تعرف انى اتصلت عليك بليل بس انت كنت نايم
تميم بفرحه:بجد؟تيتى مش قالتلى وبص ل منى
ضحكت منى:نسيت بقا يااستاذ تميم ما انت قالبها مناحه من الصبح
ابتسم تميم ودفن وشه فى رقبه ادا اللى شايلاه وحضناه
ادا:ادخلى ياماما
منى:لااا انا هروح واجيلك بقا بليل على اما فارس يكون صحى
ادا:ماشى ياحبيبتى
ادا:ادخل غير هدومك ياتميم على اما احضرلك الفطار
تميم: ماشى
بعد شويه خلص تميم لبس وفتح اوضه النوم ودخل لقى فارس مستغطى ونايم ابتسم وهو بيزيح شعر فارس لفوق عشان يشوف وشه بوضوح
تميم:دكتور فارس..اصحى
فتح فارس عينه بنوم:تميم؟!!
تميم بهمس:خدنى انام جنبك قبل ما ماما تيجى عشان مش عايز اكل
ابتسم فارس على تفكير تميم وقاله ب همس:طب ادخل الحمام على اما اللبس هدومى بسرعه وتعالى
اومأ له تميم وجرى دخل الحمام وبعد شويه رجع لما فارس شاورله يجى..نام فارس وفى حضنه تميم
تميم بهمس:اعمل نفسك نايم قبل ما ماما تيجى
فارس بضحك همسله:انت شقى لى
ضحك تميم وهى بيدخل فى حضنه اكتر
اما بره كانت ادا بتدور على تميم
ادا:تميم انت فين؟معقول يكون فتح الباب وراح فى حته
فتحت باب اوضه النوم وراحت عند فارس لمحت تميم نايم فى حضنه
ادا:تميم بتعمل اى كده عيب قوم من هنا
تميم بهمس لفارس:دى شافتنى
ادا بغيره:والله يااستاذ تميم على اساس انى مش سمعاك قوم ياواد انت كلمنى
ضحك فارس بصوت عالى:سيبيه ياادا هو اى اللى عيب
ادا بإحراج: هو صحاك من نومك؟معلش ده عيل صغير انا هاخده واطلعه بره دلوقت يلا ياتميم قوم
فارس شدها من ايدها ونيمها جنبه وحاوطها ب دراع وتميم ب دراعه التانى
فارس:وفيها اى لما يصحينى مش انا ابوه
بصتله ادا بصدمه:ابوه اى؟
تميم:اى ده يعنى انا اقولك بابا ؟
ادا:تميم لا ده…
فارس بمقاطعه:ايوه ياحبيبى قولى بابا
حضنه تميم اوى وهو بيقوله:انا بحبك اوى
ابتسم فارس وهو بيبادله الحضن
ادا:طب يلا بقا ياتميم اطلع كل اكلك وانا جايه وراك
طلع تميم بسرعه وهو فرحان
ادا بصتله:والله؟ده اتفاقنا؟
فارس:انا متفقتش على حاجه وبعدين انتى شايفه الولد فرحان ازاى
ادا:شكرا ليك انا مشوفتهوش فرحان كده من زمان
فارس:ده ابنى ياحبيبتى انتى فكرك انى هسيبهولك يعنى
ادا ابتسمت وهى بتقوله بإحراج:انا اسفه على ان تميم جه من اول يوم كده بس ماما اتصلت وقالت انه عاوزنى ومقدرتش اكسر بخاطره
فارس شدها قربها منها:ده من هنا ورايح ده بيتك وبيت تميم يعنى يدخل ويطلع زى ما هو عاوز
ادا:فارس انا بحبك اوى
فارس:بتحبينى؟
ادا دخلت فى حضنه بحب:اه والله بحبك معرفش ازاى بس انا من اول يوم كلمتنى فيه وانا اعجبت بيك بس كنت بحارب مشاعرى لكنى وقعت
فارس بغرور :بس متنكريش انها احلى وقعه
اتشجعت ورفعت راسها باسته برقه من شفتيه : الصراحه انت عكست كل توقعاتى فى معاملتك مع تميم
فارس:امممم طب اى رأيك نجيب اخ ل تميم
ادا بعدت عنه:فارس لا تميم بره
فارس شدها نحيته:تميم زمانه بيلعب فى الاوضه الجديده ومش هيجى هنا بطلى انتى تتهربى منى
ابتسمت بخجل:والله مش بتهرب انا بس مكسوفه
فارس بحب:انا جوزك ياحبيبتى قولتلك مليون مره اغنيهالك ؟
ادا بدلع:غنيهالى يمكن اوافق نجيب اخ ل تميم
فارس بضحك:بركاتك ياسى تميم..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية لا تتحرك اتجاه الكذب)
