رواية لانها امي الفصل السابع عشر 17 بقلم سمر أحمد
رواية لانها امي الجزء السابع عشر
رواية لانها امي البارت السابع عشر
رواية لانها امي الحلقة السابعة عشر
_ عبير قومته :- يلا ياعادل متعملش ف نفسك كدا وانت يامحمد يبني فكر عشان خاطرنا
_ محمد فكر شوية وبعدها :- استنى يابابا انا مستعد اتجوزها بس جواز عالورق ومش هعيش معاها علطول دا لحد مالحال يتصلح يعني جواز مؤقت
_عادل:- موافق يبني
_محمد :- وتطلع اسمها ايه بسلامتها
_ عادل:- دعاء احمد الهواري
_ محمد :- مش دا اللي كان منافس لينا ف الشغل
_ عادل:- اه هو
_ محمد :- انا كدا فهمت يعني هو اللي وصلنا للحالة دي واكيد هو اللي ضغط عليك
_ عادل بحز’ن:- اه
_ محمد :- وماله هو اللي جابه لحد عنده
_ __
_ عاطف :- ايه ده يادلال بتضر’بي الولد ليه
_ دلال :- مش راضي يقولي ياماما ، ليه مش كفاية أننا لمناه من الملجأ
_ عاطف بعص’بية:- إياك تقوليها تاني الواد ده بقا ابننا فاهمة ومن هنا ورايح يعمل كل اللي هو عايزه ده اللي هيشيل اسمي وهيحمي املاكنا من بهجت اخويا
_ دلال :- دلعه لحد اما يبو’ظ
_ عاطف :- يدلع على حس أبوه
_ دلال :- أبوه ،احنا هنضحك على بعض وبعدين انت فاكر أنه بعمايلك دي ممكن يحبك
_ عاطف :- بقولك ايه اهدي كدا احنا مصدقنا لقينا حتة ولد
_ دلال:- أما نشوف اخرتها
___ جه يوم فرح محمد ودعاء كتبوا الكتاب وكان باين على عيلة احمد الفرحة بس محمد وأهله كانوا زعلا’نين ،دخل محمد وعروسته اوضتهم واول مادخل..
_ محمد قفل الباب بغ’ل:- مبسوطة انتي وابوكي كدا اتبسطوا
_ دعاء ببرأءة:- على ايه
_ محمد مسك’ها من دراعها بعص’بية وهي واقفة بفستان الفرح وزي الملاك :- انا اتجوزتك وانا مجبر على كدا ،انا بحب غيرك ومش عايزك وعمري مهكون ليكي دا جواز ورق بس خليكى فاهمة كدا ،سابها بشد’ة وقعت عالارض ،بدا محمد يكس’ر كل حاجة :- انا استنيت سنين عشان اتجوز الإنسانة اللى بحبها ومستني اليوم ده بفارغ الصبر كنت نفسي اتجوزها وف الاخر اتجوزك انتي
_ دعاء:- وانا ذنبي ايه طلقني يلا طلقني
_ محمد:- لو كان ينفع دلوقت مكنشتش هتردد ثانية بس هيحصل دلوقت أو بعدين
_ دعاء بصتله بقر’ف :- يبقى لحد مايحصل كل واحد ف حاله احسن لاني مش هقبل منك اي إهانة
_ محمد:- يبت دا ابوكي با’عك عايزة إهانة ايه اكبر من دي
_ دعاء بدموع :- وانا مليش دعوة بحد وبعدين هو قالي أننا كنا مخطوبين ومبسوطين
_ محمد:- ايه قالك ؟! ليه كنتي واقعة على دماغك ولا بتكلمي واحد اهب’ل
_ دعاء:- ايوا انا فعلا معرفش انا صحيت لقيت نفسي ف…
_ محمد:- مش عايز اسمع حاجة منك ويلا قومي غيري البتاع ده لاني مش قادر اشوفك بيه
___ قامت دعاء غيرت الفستان ولبست دريس قصير وفردت شعرها وقعدت عالسرير ومسكت تلفونها وبدأت تكلم وحدة صحبتها ( كانت صاحبة دعاء الحقيقية ) محمد شافها قاعدة بس مش عايزة يبصلها حتى وفجأة.
_ محمد بص لشعرها وافتكر شعر أية قرب منها وحط أيده على شعرها بحنان :- الله شعرك حلو اوي يااية كان نفسي من زمان المسه كدا
_ دعاء بعدت برج’فة:- وانا مش أية ابعد ايدك
_ محمد فاق ومن غير كلام سابها وطلع
_ عدت الايام وبقا البيت كله بيحبها ماعدا محمد اي نعم بدأت تعجبه لأنها بتفكره بأية بس كان بيقاوم نفسه ومعتبر أن دي خيا’نة لأية ، لحد ما ف يوم رجع من شغله متاخر وكانت دعاء قاعدة بتتفرج على فيلم وبتاكل فشار ومن تعبه قعد جنبها وبدأ يقلع جذ،مته
_ محمد:- قومي جهزي الاكل
_ دعاء:؛ وده مكنش اتفاقنا
_ محمد بخن’قة :- امال ايه كان اتفاقنا ياعروسة
_ دعاء:- كل واحد ف حاله
_ محمد قرب منها ومسك شعر’ها ف أيده :- انا بقا غيرته يلا قومي جهزي الاكل
_ دعاء:- لا..
_ محمد:- اششششششش…قرب من شعرها وبدأ يشمه :- نفس الريحة
_ دعاء :- ريحة ايه
_ محمد مهتمش :- ساب شعر’ها وجابه الناحية التانية وبشكل لا ارداي باس’ها ف رقبتها
_ دعاء بخجل بعدت عنه :- انت بتعمل ايه
_ محمد:- يلا جهزي الأكل
_ دعاء عشان تهر’ب منه :- حاضر
_ محمد:- اول مرة تقوليها شكل عجبك الحوار
_ دعاء:- اتنيل دا عشان بس اخلص منك
_ محمد واخيرا الابتسامة ظهرت على وشه لئيمة
__ بعدها بأسبوع قعد محمد يتكلم ف الشركة هو وصاحبه__
_صاحبه:- خلاص يامحمد ارضى بنصيبك بقا واسمع لقلبك
_ محمد:- اسمعله ايه
_ صاحبه:- انت لو خبيت عالدنيا كلها مش هتقدر تخبي عليا عينيك فضحاك
_ محمد:- اخبي ايه !؟
_ صاحبه:- حبك لدعاء
_ محمد سمع الكلمة دي وقام :: انا محبتش غير أية ومش هحب غيرها دا محصلش
_ صاحبه:- لا حصل وبطل تكابر بقا ، يمكن عشان فيها شبه من آية لو مش فالشكل يبقى ف الطبع
_ محمد :- محصلش قولتلك محصلش ومش هيحصل
_ صاحبه مسكه من دراعته :- لاء حصل ولازم تقتنع بده وتفهمه ،لحد امتا هتفضل عايش ف ف وهم أية فوق بقا فوووووق
_ محمد :- قولتلك محصلش وعشان اثبتلك ده انا هروح أطلقها واخلص منها ومن الجوازة دي وميهمنيش اللي هيحصل سلام
_ صاحبة:- استنى بس استناااي يامجنو’ن
__ عادل دخل بفرحة ومحمد طالع نادي عليه مردش :- هو محمد ماله
_ ادهم ( صاحب محمد) :- رايح يطلق دعاء
_ عادل بصد’مة :- نهاره اسو’د هيطلق اللى حفي سنين عشان يتجوزها….
_ ادهم :- هي مين دي دا مكنش طا’يقها
_ عادل:- دي طلعت أية أية ياادهم يلا نلحقه…….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لانها امي)
