رواية لانها امي الفصل الرابع عشر 14 بقلم سمر أحمد
رواية لانها امي الجزء الرابع عشر
رواية لانها امي البارت الرابع عشر
رواية لانها امي الحلقة الرابعة عشر
=للاسف دي بنتي وابنها يادكتور
_الدكتور:- وايه اللي وداها المكان ده
=مش مهم دلوقت دا كله انت شايف أن ده وقته ، خد الصور اهي ابدا شوف شغلك بقا
_ الدكتور:- انت بتتكلم كدا ليه انا بس هعذرك عشان دي بنتك
=هو انت متعرفش انت بتكلم مين
_ الدكتور بتريقة:- محصليش لسة الشرف
=انا احمد الهواري
_الدكتور:- احمد الهواري صا…
=ايوا صاحب المستشفى اللي انت فيها دلوقت بس شكلك لسة جديد
_الدكتور: -اللي ميعرفك يجهلك
__دخل الدكتور عند أية وسابه واقف جه البوليس عشان يحقق ___
_ الظابط :- ايه اللي حصل
_احمد:- بنتي كانت حابة تخرج لوحدها هي وابنها وراحت بيت لينا كان موجود ف الغابة كنا بنروح فيه عشان نغير جو ، متعرفش أن ده كله مستنيها
_مهند:- ممكن نمشي احنا بقا
_الظابط:- تمشوا ازاي دا كان فيه اثار جاز يعني اللى حصل دا ممكن يكون بفعل فاعل
_احمد:- الجاز ده احنا اللى كنا حاطينه جنب البيت عشان أما نروح نبقى نولع وننور بيه ف البيت ، كل حاجة قضاء وقدر يادكتور
_ الظابط:- يعني مش بتتهم اي حد اي حد ؟!
_ احمد:- يعني انت متخيل انى ممكن ادراي حاجة زي دي دي بنتي عارف يعني ايه بنتي
_ الظابط:- انا همشي دلوقت بس برضو لازم نستجوبها أما تفوق وتقدر تتكلم وبالنسبة ليكم ممكن تتفضلوا
_ عبدوا :- تمام بعد اذنكم بقا
_مهند:- يسطا الله يخر’بيتك ابقى عيل لو سمعت كلامك تاني
____
_احمد:- بنتي تطلع من هنا تدفن من غير ماحد ياخد باله والبنت دي تتحط مكانها
_معتز( صاحب احمد ):- انت متأكد من اللي هتعمله ده
_احمد:- وانا محلتيش غير بنتي وفلوسي اللي تعبت عشانها ياجي حد ياخدها عالجاهز
_معتز:- بس دي مش بنتك يااحمد
_احمد:- انا صحيح خسرت بنتي الوحيدة بس مش هخسر ثروتي
_ معتز:- وانت فاكر أن البنت أما تفوق هترضى باللي هتعمله ده وازاي تدى فلوسك كدا لوحدة متعرفهاش
_ احمد:- مفيش حد عاقل يرفض فرصة زي دي وبعدين انا اتكفلت بكل حاجة وبكل مصاريفها
_ معتز:- مش مرتاح بصراحة
_ احمد:- انا خسرت بنتي عارف يعني ايه خسرت احساس الأبوة خلاص ،عارف أن مفيش حاجة تعوض الابن بس انا اتعودت على وجود بنتي معايا وجود حد بيقولي بابا ، يعني مش هستغلها عشان بس احافظ على مالي لاء عشان مقدرش أتخيل حياتي من غير بنتي من غير كلمة بابا
_ معتز :- طب وحنان هانم
_احمد:- مفيش مخلوق هيعرف غيرنا
_ معتز:- بس بنتك مكنتش متجوزة
_احمد:- انا هتصرف وهحل كل حاجة ف وقتها وربنا يصبرني على فراق اغلى ماليا
_معتز:- بس انت كدا اناني يعني تاخد بنت من أهلها عشان تعوض بنتك اللي راحت وتحافظ على فلوسك
_ احمد:- وانا هعيشها عيشة مكنتش عيشاها وسط اهله
_ معتز :- بيتهأيلك احساس الأهل ميتعوضش بمال الدنيا
_ احمد:- والله يامعتز انا مافايق لحاجة فاهدى عليا كدا
_ معتز:- براحتك
____
_محمد:- ماما أية بقالها كام يوم مكلمتنيش حاجة تقلق
_ عبير:- اكيد مشغولة يبني
_ محمد:- وتقفل تلفونها ليه دي اول مرة تعملها لازم نروح نشوفها ونطمن عليها
_ عبير:- مينفعش يبني ممكن نسببلها مشاكل
_ محمد :- اللي يحصل يحصل اهم حاجة اطمن عليها انا ماشي دلوقت
_ عبير:- طب استنى البس واجي معاك بس هنروح ازاي واحنا مش عارفين العنوان
_ محمد:- هاخده من رقية اختها
___ بعد ساعات كان محمد وأمه راحو بيت أية ____
_ بهجت:- مين حضراتكم
_محمد:- الاول انت بهجت ولا عاطف ولا اقولك مش مهم فين أية وابنها حد يناديلهم
_ عبير:- عيب يبني
_ بهجت :- سيبيه ياحجة انا بهجت معرفتونيش بقا انتو مين وعايزين أية ف ايه ؟!
_محمد:- مش مهم عايزينها ف ايه احنا جماعة قرايبها وجاين نشوفها
_بهجت:- بس أية مكنش عندها قرايب استنى استنى هو انتو اللى ايه كانت رايحة عندكم
_ محمد:- تقصد ايه أية مش هنا ؟!
_ بهجت:- اه اصل أية من يومين قالت إنها هتروح تشوف جماعة قرايبها وهتقعد عندهم يومين بس انتو جايين تسألو عليها امال هي راحت فين ؟
_ محمد:- نهار’كم اسود انتو وديتو أية فين؟!
_ عبير:- عملتوا ف البت ايه
_ بهجت :- حيلك حيلك قالوكم علينا ايه بلطج’ية ولا قتا’لين قت’لة
_ محمد بغ’ضب طلع مسد’سه :- انا هوريك بقا دلوقت يارو’ح امك مين قتا’لين القت’لة لو مقولتش فين أية……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لانها امي)
