رواية كيندرا الفصل الخامس عشر 15 بقلم حليمة عدادي
رواية كيندرا الجزء الخامس عشر
رواية كيندرا البارت الخامس عشر
رواية كيندرا الحلقة الخامسة عشر
مر يومين وجاد بيدور على عمته لكن ملاقلهاش أثر حس إنه هيتجنن
حسام : اهدى ياجاد علشان تقدر تفكر وتلاقي حل ..
جاد : اهدى إزاي ياحسام وأنا عارف إنهم بيعذبوا عمتي كل يوم..
حسام : جاد عدوك هيضربك وقت غضبك اهدى علشان نقدر نلاقي حل ..
جاد : تمام أنا هادي النهاردة عندنا إجتماع مع أكبر رجال الأعمال مش عايز غلطه ..
حسام : خلي بالك عدوك هياخذ خطوة النهاردة ..
جاد : كلامك مضبوط النهاردة لازم أخذ بالي كويس ..
الباب خبط ودخلت رنا
رنا : جاد بيه كل رجال الأعمال وصلوا الإجتماع هيبدأ بعد شوية لكن في مشكله ..
جاد : في إيه يا رنا أنا قلتلك مش عايز مشاكل ..
رنا : لازم اللي يترأس الإجتماع مدير عام الشركة..
جاد : رنا حصلك إيه ما أنا أهو موجود وهحضر الإجتماع..
رنا : جاد بيه إنت إتنازلت عن الشركة وعن كل أملاك كمان الشركة بقت بإسم حد ثاني ..
وقف جاد كأسد ثائر وغضب ظهر على ملامحه
جاد بصوت عالي : إزاي دا حصل أنا ماتنازلتش عن حاجة..
قدمتله رنا الورق اللي عليه إمضته
رنا : الورق أهو جاد بيه
غضب جاد زاد لما شاف الورق ورمى كل اللي على المكتب وبرزت عروقه من شددة الغضب مسح وشه بإيده
جاد : أنا هلاقي الخاين اللي عمل كدا وساعتها مش هرحمه ..
حسام : اهدى ياجاد العصبية مش هتفيد بحاجة ..
رن تلفون حسام بصله لاقى ريم هي اللي بتتصل
حسام : ريم أنا مشغول دلوقتي هكلمك بعدين..
ريم : الحق ياحسام البوليس عايز يطلعنا من البيت ..
حسام : تمام اهدي ياريم أنا جي حالاً وقفل التلفون ..
جاد : في إيه ياحسام هما بخير
حسام بتردد : جاد إنت
جاد : إتكلم ياحسام أعصابي مش مستحمله ..
حسام : البوليس في القصر وعايزين يطلعوهم منه بيقولوا إنك اتنازلت عن كل أملاكك ..
جاد : رنا أجلي الإجتماع لبلليل
جاد طلع بسرعة من الشركة ركب عربيته وركب جنبه حسام
جاد كان سايق العربية بسرعة جنونية ومش قادر يتحكم بغضبه كان هيعمل حادث أكثر من مرة لحد ماوصل القصر دخل وهو في قمة غضبه
جاد : خير ياحضرة الضابط إزاي تدخلوا قصري بالطريقة دي ..
الضابط : القصر مش بتاعك وصاحب القصر جه علشان ياخذ قصره ..
جاد : ومين هو صاحب القصر بقى القصر دا ملك لعيلة المالكي ..
الضابط : جاد بيه إنت اللي مضيت على الورق وإنت قلت إنك اتنازلت عن أملاكك كلها ..
جاد : فين هو دا اللي اتنازلتله ..
الضابط : السيد عثمان هو اللي اتنازلتله وشاور عليه ..
بص جاد ناحية عثمان لاقاه رجل أربعيني والغرور باين عليه .
جاد راح ناحيته ومسكه من هدومه
جاد بغضب : أنا ماتنازلتلكش عن حاجة إنت مين ومن اللي وراك ..
عثمان : مش مهم أنا مين المهم إن الأملاك دي كلها ملكي أنا دلوقتي لازم تطلع منها وإلا هخلي البوليس هو اللي يتصرف بمعرفته ..
جاد : هخليك تندم أوي إنت و اللي معاك أنا عارف إن مش لوحدك اللي لعبة اللعبة دي ..
الضابط : جاد بيه لازم تطلع إنت وعيلتك ..
حسام : يلا ياجاد خلينا نطلع من هنا ونروح لبيتي ونبقى نفكر بهدوء في حل للي حصل دا ..
جاد : حل إيه إنت اتجننت عايزني اسيبلهم قصري وكل أملاكي اللي تعبت فيها ..
حسام : أنا ماقلتش سيبلهم تعبك أنا قلت نروح عندي ونبقى نفكر في حل ..
جاد : ماما روحوا إنتوا مع حسام وأنا هرجع الشركة علشان أعرف مين هو عدونا ..
سناء : خلي بالك يابني قلبي مقبوض شكل عدوك دا مش سهل خالص ..
جاد : ماما ماتقلقيش حسام هيكون معايا خلي بالك من كيندرا
خرجوا كلهم من القصر و ركبوا مع حسام
جاد : هرجعلك ثاني وساعتها مش هرحمك ..
عثمان : هنتقابل بالليل في الإجتماع مع صاحب الشركة الجديد ..
***************
سناء كانت حاسه بالخوف على إبنها الوحيد
ريم : ماما ماتخافيش حسام معاها مش هيحصل حاجه بإذن الله..
سناء : هو في حاجة لسه هتحصل ما كل تعب أخوك راح ..
****************
رنا بتتكلم في التليفون
& : النهاردة هظهر للنور قدام الكل لكن قبل كدا أنا عندي خطة ..
رنا : أنا معاك إيه الخطة ..
& : اعطي أمر لرجالتنا إنهم يحرقوا بيت سعد لكن يخلوه عايش ..
رنا : لو حرقوا البيت مش هيبقى عايش ..
& : هما هيبداوأ الحريق من الباب الخلفي وهو لما يشوف الحريق هيهرب ..
رنا : تحت أمرك ياباشا ..
& : مش عايز أي غلطه علشان لما أظهر قدام الكل تكون كل حاجة انتهت ..
رنا : ماتقلقش كل شيء تحت السيطرة ..
****************
عند سماح
بعد كل التعذيب اللي لقته بقت مش قادره تتحرك ..
1 : الست رنا بتقول لازم إننا نسيبها ..
2 : لو سيبناها في المكان دا هتموت ..
1 : خذها ورميها قدام أي مستشفى وسيبها وامشي..
2 : تمام
****************
سعد قاعد بيدخن سيجاره و هو هينفجر من الغضب سمع صوت صراخ في الخارج دخل واحد من الجارد : سعد بيه الفيلا بتتحرق النار قريبة من هنا
سعد اتنفض من مكانه كأن حاجة قرصته خرج يجري لقى الفيلا بتتحرق من الخلف خرج وركب عربيته ووقف بعيد وهو شايف الفيلا كلها بتتحرق ساق عربيته للشركة ..
****************
جاد قاعد و هو في قمة غضبه ودماغه هتنفجر من التفكير والحيرة هو مين دا اللي عمل كل دا
دخل عمه يجري والخوف باين على وشه
جاد : عمي حصل إيه إنت كويس ..
سعد : حرقوا الفيلا كلها لولا واحد من الجارد نبهني كنت ميت دلوقتي مابقاش فيها أي حتى سليمة الفيلا بقت رماد ..
جاد كور إيده بغضب حارق حتى برزت عروقها وتحولت عينيه للون الأحمر وبقى مش شايف قدامه
جاد : اخذ كل حاجة مني ودلوقتي بدأ يأذي عيلتي لو لمس شعرة واحده من عيلتي هحرقه ..
حسام : لازم نعين لهم حراسة تفضل معاهم على طول ..
جاد : الإجتماع هيبدأ بعد شوية لازم نكون جاهزين ..
جاد إفتكر معشوقته لأنها نقطة ضعفه لوحصلها حاجة مش هيقدر يعيش من غيرها طلع تلفونه وإتصل بأمه
سناء : أهلاً يابني إزيك كل حاجة تمام ..
جاد : كلوا تمام ياماما كيندرا عامله ايه..
سناء : ماتقلقش يابني هي كويسة دخلتها أوضتها علشان ترتاح ..
جاد : تمام ياماما هتصل كمان شوية علشان أطمن عليها ..
سناء : تمام يابني هروح لأوضتها .
*****************
فتحت سماح عينيها بتعب لقت نفسها في المستشفى وقفت بتعب و خرجت من الغرفة مالقتش حد وقفت سيارة أجرة وراحت لبيت سعد
بعد مدة قصيرة وصلت لكن اتصدمت لما لقت البيت بقى رماد طلبت من صاحب التاكسي إنه يوديها الشركة ..
****************
دخلت سناء أوضة كيندرا لكن ملاقتهاش خبطت على باب الحمام لكن محدش بيرد دورت في كل البيت لكن ملاقتهاش نزلت جري
سناء : ريم مرات أخوك مش في أوضتها وكل حاجة في الأوضة مرمي على الأرض
ريم طلعت تجري لأوضة كيندرا لقت كل حاجة مرميه على الأرض ومتكسرة وكأن كان في معركة حصلت جوا الأوضة
******************
وصلت سماح الشركة نزلت من العربية بصعوبه
سماح : آسفة ماعنديش فلوس علشان ادفعلك الأجرة ممكن تستنى شوية ..
السائق : تمام هستنى .
دخلت الشركة وهي في حالة سيئة جداً سعد اتصدم لما شافها وخاف إنها تقول لجاد
جاد جري عليها وساعدها علشان تقعد
جاد : عمتي إنتي كويسة مين اللي عمل فيكي كدا ..
سماح : كلوا بسببك ياجاد ..
جاد : إيه أنا السبب إزاي
سماح : اللي خطفوني هما أعدائك ياجاد
ثم التفتت لسعد حصل ايه لبيتك ياسعد
سعد : أعداء جاد حاولوا إنهم يقتلوني لكن الحمد لله جت سليمه
جاد : عمتي روحي دلوقتي استريحي في مكتب ثاني لحد مانخلص الإجتماع
في قاعة الإجتماعات دخل جاد لقى الكل موجود
دخلت رنا بصت للكل واتكلمت
رنا : أهلاً بيكم جميعاً دلوقتي هنستقبل صاحب الشركة الجديد
التفتت أنظار الجميع الى الباب عايزين يعرفوا مين هو صاحب الشركة الجديد
لكن جاد كان مثل البركان اللي فاضله شوية وينفجر مستني عدوه علشان ينفجر فيه دقائق حل الصمت لحد مادخل صاحب الشركة كانت صدمة جاد لما عرف مين هو أقوى من رصاصة
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كيندرا)
