رواية كيان طاغي الفصل الثاني 2 بقلم زهرة الربيع
رواية كيان طاغي الجزء الثاني
رواية كيان طاغي البارت الثاني
رواية كيان طاغي الحلقة الثانية
اخدت الفيلا واصحابها كمان وحط ايده على وسط كيان وقال …مش تبارك لنا انا وخطيبتك بنتجوز
عاصم دمه فار لما لقاه ماسكها بالطريقه دي شدها من بين ايديه بقوه وقال بغضب شديد… تتجوز مين يا جربوع يا حشره يا خدام …ورفع ايده هيضربو بس رعد مسك ايدو بقوه وهو بيبصله بنظرات مرعبه وقال بطريقه تخوف… الخدام ده لسه هيوريك انت وعيلتك لو ما بكيتكو دم بدل الدموع… مبقاش رعد الطاغي
وشاور بعينه للجاردات اللي واقفين جم مسكوا عاصم وطلعوا بيه
كيان لسه هتجري وراه …مسكها بقبضة ايده بقوه وبصلها بنظره تخوف وقال… على فين لسه كتب بالكتاب ما خلصش…وبص للناس وقال.. انجوي يا جماعه ما حصلش اي حاجه واحد تايه في المكان ورجع بيته خلاص
و بدات الحفله من جديد ..وتم كتب الكتاب .. وكيان كانت طول الحفله دموعها منشفتش
كل واحد راح على بيته ورعد اخد كيان على الفيلا وابوها لسه بيدخل وراهم … بصله وقال …لا يا حمايا انت مكانك مش هنا للاسف وبتهيألي انت عارف كويس مكانك فين
ابوها هز راسه بتفهم وراح ناحيه اوضه الخدم اللي في الجنينه اللي كان ساكن فيها رعد مع عيلته.. تحت انظار كيان اللي كانت بتبصله بزهول شديد ومش عارفه ايه اللي بيحصل
بصتله وقالت بغضب..انت هتسيب بابا يقعد في اوضة الخدم
رعد قال بلامبالاه..ده المكان الصح لابوكي او اي حد من عيلتكم عامه..حتى انتي..لولا بس انك بقيتي على ذمتي وماقبلش حد يقول سايب مراته في اوضة الخدم ده غير اني اصلا محتاج حد يخدمني هنا
كيان اتسعت عينيها بصدمه وهو راح ناحيه اوضه النوم راحت وراه بغضب وقالت …مين دي اللي تخدمك انت واخد بالك بتقول ايه اذا فاكر ان الوضع ده هيستمر كتير فتبقى غلطان انا هرجع كل فلوس بابا اللي اخذتها ولهفتها
رعد مهتمش لاي كلمه من اللي بتقولها وهو بيصفر بلا مبالاه فتح الدولاب واختار منه لبس نوم ليها ورماه في وشها وقال …هدخل استحمى اطلع الاقيكي لابساه وجاهزه
كيان رمتو بغضب وداست عليه وقالت ..انا لا يمكن اسمح لك تلمسني ده مش بكيفك زي كل حاجه عملتها
رعد ابتسم بسخريه وقرب عليها وقال.. لا بكيفي وهتلبسيه وهلمسك …وقرب منها وقال…تعرفي اني كان نفسي فيكي من زمان قوي يا بنت الباشا… بس ما فيش على ربك بعيد اديكي بقيتي تحت ايدي
كيان غمضت عنيها وحاولت تهدى وقالت ..رعد ليه بتعمل كده…انتو طول عمركم شغالين عندنا عمرنا ما اذيناكم …ابوك لما اتوفى بابا اتكفت بكل مصاريف خرجته المفروض ما تستغلش الموقف اللي احنا بقينا فيه
رعد قاطعها لما ضحك بشده وقال.. ابويا
وقرب منها بطريقه ترعب واتصدمت بشده لما شق فستانها
كيان شهقت بزهول ورعد وقال بغضب …الاحسن متفكرنيش بابويا.. علشان احاول اتعامل معاكي زي البني ادمين
وسابها وراح على الحمام وهي واقفه بتبص لطيفه و مرعوبه منه حرفيا
قعدت على السرير وبقت تبكي خصوصا لما سمعت صوته من جوه بيقول بصوت عالي ..اطلع الاقيك جاهزه
نزلت دموعها وقامت وبدات فعلا تلبس
بعد شويه خرج من الحمام ولقاها لبست وكانت قمر فضل يبصلها باعجاب وقرب منها وقال… حلوه قوي في الرقيق يا بنت الباشا ..مكنتش اعرف ان عندك الانوثه دي كلها جذابه قوي تقتلي
كيان ارتبكت من قربه وقالت ..ممكن تبعد شويه
رعد قرب اكتر وقال …ايه مش طايقه قربي… طبعا انا مستحيل اعجبك انا في النهايه ابن البواب وانتي ليكي نوع خاص حد زي الاستاذ عاصم كده
كيان قالت بارتباك شديد .. هتعمل معاه ايه هتأذيه
رعد ابتسم بسخربه وقال…انا مش زعيم مافيا ولا شيخ منصر قدامك ….انا رجل اعمال وليه وضعي
وسابها وبعد شويه وهي بقت تضحك وقالت رجل اعمال وده حصل امتى
رعد ابتسم بسخريه وقال …ما انا علشان كده عملت الحفله دي كلها عشان اعزمك انتي واهلك واحتفل باني قلبت الايه وخليتكم تحضروا حفله انا اللي اعملها في بيتكم الي بقى ملكي..الصراحه كان نفسي ترجعي تباتي مع ابوك هناك زمانه نايم في الرطوبه بس انا عايزك هنا
كيان بصت لعيونه وابتسمت بسخريه وقالت.. انا قدامك اهو اعمل اللي انت عايزه اللي اتقتل يستحيل يتوجع من الضرب..و غمضت عيونها باستسلام وبدا يقرب منها وهيه بتبكي بصمت
رفع عيونه ليها وبقى يتأمل جمالها و كانت بتبكي من جواها وكاتمه صوت بكاها وقال… مش هتفتحي عيونك
كيان قالت ببكا ..مش عايزه
رعد ابتسم وقال للدرجه دي مش طايقه تشوفيني قريب منك
كيان رفعت عيونها ليه ورعد بص لعيونها بقوه وقال بقيتي ملكي بقيتي ليا.. عاذرك انك ما تصدقيش بس لازم تتعودي على كده كل حاجه كانت ليكي هتبقى ليا وكمل معاها ومهتمش لدموعها ولا حزنها
بعد شويه كان جنبها بارتياح وحاسس انو ملك الدنيا
وكيان بقت دموعها تنزل بصمت
رعد بصلها شويه وشدها ليه
كيان قالت بدموع… عايز ايه تاني ممكن تسيبني بقى
بس اتفاجئت لما قال بهدوء.. عيطي يا كيان..نزلي دموعك ما تبكيش جواكي اكتر حاجه بتوجع هيه دموع القلب لما بتوصل للعيون بنرتاح قوي ولما بتنزل على الخدود بنخف ولو طلعت بصوت بتطلع الألم معاها
كيان بقت تبص له باستغراب من اللي بيقولوا وشافت الدموع متجمعه في عيونه وكمل وقال… صحيح بتبقى ضعف بس بتهون الي مبيقدرش يبين ضعفه قلبه بيقسى لو عايزه قلبك يفضل زي ما هو خرجي دموعك عيطي واصرخي وبص لها وقال بوجع واضح …ساعتها بس هتفضلي نفس الشخص مهما عدت عليكي الام عيطي ما تشيليش جواكي
كيان بقت دموعها تنزل بغزاره و بقت تبكي بكل قوتها وتطلع كل اللي جواها بين اديه
وهيه بتضربه بايديها في صدره وبتقول ببكا..سيبني ابعد عني ليه عملت فيا كده ليه انا عملت لك ايه
بس كان مش بسيبها ابدا ودموعه متجمعه في عيونة زي الحجر مش بتنزل ابدا
بعد دقايق هديت شويه وبعدت عنه ووقفت بحزن
وفتحت الدولاب اخذت بيجامه وراحت على الحمام بصمت
رعد اتنهد وهو بيبص لطيفها بحزن شديد بس حوال يقوى وكلم شخص في التليفون وقال… ايوه عملتوا ايه
سكت شويه يسمعه وقال… ميقدرش يعمل حاجه انتو بس خلوه عندكم لحد الصبح وابقو طلعوا انا مش عايز مشاكل
وسمعه شويه وقال بغضب… يقول اللي يقوله خلاص بقت مراتي..يقول الي يقوله الي معاه حاجه يعملها ميقصرش
قال كده وقفل معاهم وقعد مستنيها لحد ما خرجت من الحمام ووقفت بغضب قدام المرايه وبقت تسرح شعرها
بقلم…زهرةالربيع
رعد ابتسم بسخريه وقال …حبيب القلب متضايق قوي زعلان موت عليكي ..بس الصراحه حقه..و .خسر بس حال الدنيا ..تكون في بقك وتقسم لغيرك
بصتلو بضيق شديد ومردتش وهو كمل وقال … لولا لانك مراتي كنا اتصورنا فديو وبعتهوله علشان يتحسر…. لانه خسر كتير اوي يا بختي بيكي الصراحه
كيان دفعته بقرف وقالت ..خليك بعيد عني اللي انت عايزه اخدتو واخلصنا
و لسه هتمشي شدها من ايدها بقوه وقال… انا لا عملت اللي انا عايزه ولا خلصنا ..ومش هنخلص خالص.. انتي ميتشبعش منك يا لوزه
كيان نفخت بغيظ وقالت… اللهم طولك يا روح
رعد ضحك وسابها وراح ناحيه الدولاب وجاب طرحه صغيره خدي وارقصي… يلا شوفي شغلك
كيان بصتلو بصدمه وقالت بدهشه … نعم
رعد ضحك على شكلها وقال…ايه مبتعرفيش …مفيش ست متعرفش ترقص.. الست الي متعرفيش تهز تشيل انثى من البطاقه اكرملها
كيان قالت بغيظ شديد .طب مترقص انت وتعلمني بما ان ما فيش ست ما بتعرفش ترقص يعني
رعد بص لها بغضب ولسه هيزعق بس اتكلم بنفس الهدوء والاستفزاز وقال …لا معلش مش بدي خبراتي لحد.. اسالي ابوكي هو خبره في الرقص وشغل الستات ده
كيان بصتلو بغضب وقالت ملكش دعوه بابويا كفايه الي عملتو فيه كفايه انك سرقت شقى عمره وضحكت عليه يا نصاب
رعد ضحك جامد وقال…انا ضحكت عليه …هو بابا ما قالكيش خسر الفلوس ازاي مقلكيش انو خسرها على القمار والنسوان
كيان بصتلو بغضب وقالت… على اساس اني هصدقك هو لو خسرها هلى القمار والنسوان ازاي الفلوس بقت بتاعتك اتحولت لك
رعد قال ببساطه…لانس انا اللي زهقت انا الي كنت بخسرو في القمار وبزق عليه نسوان تبعي وقشطت منه كل حاجه …واخدتك انتي كمان مقابل انه ميتسجنش بالكمبيالات الي ماضي عليها ووووو
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كيان طاغي)
