رواية كيان الفهد الفصل الحادي والعشرون 21 بقلم بسملة مصطفى
رواية كيان الفهد الجزء الحادي والعشرون
رواية كيان الفهد البارت الحادي والعشرون
رواية كيان الفهد الحلقة الحادية والعشرون
بعد 2 شهرين
في الصباح
عند اسر ورفيف
صحيت رفيف وقامت اخدت شاور وغيرت هدومها وادت فرضهاونزلت تحت للمطبخ علشان تجهز الفطار
اسر ورفيف علاقتهم بقت اقوي من قبل وبقي كل واحد بدا يتقبل حياته الجديده ويتعود عليها.
رفيف حبت اسر اكتر من الاول ولحد عمرها هذا بتعتبر اسر صديقها المقرب وبقي جوزها وحبيبها وكل حاجه ليها واسر كذلك بيحبها جدا وبيعتبرها كل حاجة
رفيف نزلت تحضر الفطار وكانت بتعمل الاكل اللي بيحبه اسر وبتعمل فطورهم بكل حب
اسر صحي ملقاش رفيف جنبه قام اخد شاور وغير هدومه وادي فرضه ونزل تحت
لقي رفيف بتحضر الفطار وخلصت وبدات في نقل الصحون علي السفره
واول ما شافته ابتسمت وهوا بدا ينقل معاها الاطباق وبعد ما خلصوا قعدوا علي السفره جمب بعض ولكن رفيف اول ما شمت ريحه البيض معدتها اتقلبت اكتر هيا كانت في المطبخ مش حابه تعمله بس اسر بيحبه
رفيف قامت علي الحوض بسرعه وجابت كل اللي في بطنها
رفيف غسلت وشها وكان اسر واقف علي الباب قلقان
اسر بقلق:في اي يا حبيبتي
فيكي اي تيجي نروح لدكتوره انتي مش كويسه بقالك كام يوم
رفيف بتعب :مفيش يااا
وهوبا وقعت رفيف علي الارض (هوبا وقعنا في الكمين 😹😹)
رفيف وقعت من طولها واسر اتخض وجري عليها ولبسها هدومها ونزل بسرعه باتجاه المستشفي
اسر كان بيسوق بسرعه جدا وقلقان عليها
بعد فتره
اسر وصل المستشفي وشال رفيف ونادي علي دكتوره
الممرضين اخدوها علي الترولي ودخلت غرفه وجات الدكتوره تكشف عليها
الدكتوره كشفت عليها واسر واقف قلقان
الدكتوره :لا ده طبيعي ياستاذ اسر متخافش علي المدام
اسر باستغراب:ازاي طبيعي يا دكتوره
الدكتوره :الف مبروك ياستاذ اسر
مدام رفيف حامل في الشهر الاول
اسر بصدمه :حامل
نروح لمكان تاني بقي
عند فهد وكيان
كيان صحيت كانت نايمه جنب فهد فضلت تتامل ملامح وشه وباست خده وقامت تغير هدومها
كيان اخدت شاور وغيرت هدومها وادت فرضها ونزلت تشوف الخدم جهزوا الفطور ولا لا
كيان بعد ما اطمنت ان الفطور جاهز طلعت كيان فوق صحت فهد وأخذته علي الحمام وسابته ياخد شاور ويخلص
كيان طول الفتره الي فاتت مكنتش بتسيب فهد ابدا وكانت بساعده في كل حاجة لان ميعاد عمليته قرب وخلاص هيقدر يمشي تاني
كيان كانت بتتكلم مع فهد وهيا بساعده في لبس التيشرت
كيان :احنا هنروح للدكتور انهارده علشان قال تيجوا انهارده علشان يحدد ميعاد للعمليه
فهد :انا فرحان وفي نفس الوقت خايف جدا
انا خايف العمليه مش تنجح واموت
كيان بخضه حطت ايدها علي فمه منعته من التفوه بهذا الكلام
كيان :متجبش سيره الموت تاني ممكن
فهد بابتسامه :حاضر
يلا علشان ننزل نفطر
كيان اخدته ونزلت علشان يفطروا
قعدوا علي السفره خلصوا اكل وكيان طلعت فوق جهزت نفسها لهدوم خروج واخدت شنطتها وحاجتها ونزلت
كيان مسكت لكرسي بتاع فهد ووصلت عند العربيه
السواق فتح ليها الباب
كيان مسكت ايد فهد وحاولت تدخله في العربيه ونجحت في كده وحطت الكرسي المتحرك في الكابينه بتاع العربيه من ورا لحد ما يوصلوا
كيان قعدت جنب فهد ومسكت ايده وبصت له بابتسامه
كيان :متخافش
ان شاء الله خير وهتبقى كويس صدقني
وتقوم وتمشي وهترجع احسن من الاول بس متقلقش وخلي املك في ربنا كبير
فهد بابتسامه جميله :طول ما انتي معايا هفضل مطمن
كيان ضحكت وفهد باسها من خدها
بعد فتره كانو وصلوا كيان جابت الكرسي وساعدته يقعد وقعد فهد ودخلوا للمستشفي
عند الدكتور
كيان :تمام يا دكتور ممكن اعرف الميعاد المناسب للعمليه
احنا بقالنا حوالي خمس شهور ونص وداخلين علي سته وكنا مواظبين علي جلسات علاج طبيعي وتمارين وحاجات تانيه وانا اخصائيه في الحاجات دي
الدكتور : الميعاد المناسب بعد بكره
بعد بكره الساعه 6 تكوني موجودة في المستشفي انتي وهوا
كيان :تمام يا دكتور
خرجت كيان من عند الدكتور ومشيوا باتجاه القصر
وصلوا وكيان اخدت فهد وطلعوا
عند اسر ورفيف
اسر بصدمه :حامل
الدكتوره :اه مدام رفيف حامل
اسر بفرحه وعيون مدمعه :بجد
يعني انا هبقي اب وهيتقال ليا يا بابا وهيكون ليا ابن من لحمي ودمي
الدكتوره بابتسامه : ايوا
ربنا يكملك حملك علي خير
بس رجاء راحه تامه ومتعمليش مجهود كبير لان الحمل في أوله مش ثابت
اسر :شكرا يا دكتوره
الدكتوره خرجت واسر بص لرفيف بفرحه كبيره
اسر قرب من رفيف وباسها من شفايفها ومن خدها
اسر :الف مبروك يا عيوني
من النهارده مفيش اي مجهود من النهارده راحه فقط
مش عايز اي حاجة تعمليها انا هاعمل كل حاجة واللي انتي عايزاه هيجي ليك لحد عندك
رفيف بدلع :انا كده اتعود علي كده علطول
اسر :حبيبي يعمل اللي عايزه
رفيف بضحك :حبيبي والله
*في مكان مجهول*
مجهول رقم(1) :الشحنه هتتسلم بعد شهر
مش عايز اي غلطه لان فيها ملايين كتير ولو خسرناها فيها موتكم
مجهول رقم (2): متخافش يا باشا
كله تحت السيطره
مجهول رقم(1):مش عايز اي حد يعرف بيها
لان احنا الشرطه بتدور علينا
احنا متنكرين علشان محدش يقدر يعرفنا
بس لو عرفوا الشحنه دي راحه فين هيعرفوا مكانا
مجهول رقم(2): متخافش يا باشا
كله هيبقي تمام
مجهول رقم (1):الاتنين الصحاب اللي اسمهم فهد المخابرات وصديقه وحش المخابرات
محدش يعرف عنهم اي حاجه لانهم بيدورا علينا بقالهم فتره كبيره
مجهول رقم(2): اللي انا اعرفه يا باشا ان فهد المخابرات بسبب حادث بقي عنده شلل نصفي واخد اجازه من الشغل لحد ما يقدر يقوم من تاني وصديقه معاه وصديقه اصلا اتجوز وبقي عايش مع مراته وكذلك فهد المخابرات اتجوز
مجهول رقم (1) :وفهد المخابرات اتجوز مين بقي
مجهول رقم (2): اتجوز من اخصائيه علاج طبيعي دكتوره اسمها كيان
مجهول رقم (1): اه واسر
مجهول رقم(2): بنت اسمها رفيف
مجهول رقم(1) بصدمه :رفيف
اتمني اللي في بالي ميكونش صح علشان هتبقي مصيبه علينا كلنا
مجهول رقم (2): اسر متجوز من بنتي رفيف اللي كانو بيلاحقوها عصابه بدر
واسر لو فعلا عرف اي السبب هنبقى في مصيبه
لان اكيد رفيف عرفته الميعاد بتاع تسليم الشحنه وكل حاجه تخص شغلنا
لانها كانت رهينه عند بدر وعارفه كل حاجة وهتبقي مصيبه لان احنا مش هنعرف ناجل ولا نقدم لان الشحنه لسه بتجهز
عدا يومين
وجه يوم ميعاد عمليه فهد
كان فهد في العمليات واسر ورفيف وكيان بره
كيان بتقرا قرآن ودموعها مغرقه وشها وعماله تدعي
اسر عمال يدعى لصاحب عمره لان هوا الي عوضه عن كل حاجه في حياته
وكان ليه الاب والصديق والاخ وكل حاجه من لحظه موت اهلهم بقوا سند لبعض وكبروا مع بعض وهوا مش مستعد يخسره
بعد ساعات
كان الدكتور خرج
اسر وكيان جريوا عليه
اسر:طمني يا دكتور اخويا عامل اي
كيان :طمني يا دكتور فهد عامل اي
الدكتور :الحمد لله وبفضل الله العمليه نجحت مع ان الامل كان بسيط جدا في الاول بس الحمد لله وهيفوق بعد 6 ساعات كده علشان بس تاثير المخدر
كيان بفرحه ودموعها بتنزل من كتر فرحتها :الحمد لله يارب الحمد لله
فهد اتنقل اوضه عاديه وكيان فضلت جنبه واسر راح يجيب لهم اكل ومايه وعصير
كيان نامت علي ايد فهد
بعد 5 ساعات
كان فهد بدا يقوم وكيان كانت نايمه علي ايده
فهد بصوت يكاد يكون مسموع :كيان
حبيبتي قومي يلا
كيان اول ما حست بحركه قامت بسرعه
كيان بفرحه :فهد حبيبي.
انت فوقت بقيت كويس تعبان اعملك حاجه فيك حاجه انادي الدكتور طيب
فهد بضحك:براحه يا حبيبتي
انا كويس الحمد لله
مش مصدق يا كيان انها نجحت وهقف علي رجلي تاني
كيان :لا صدق يا حبيبي هتمشي عليها وهتبقي كويس متخافش يا حبيبي
بعد كام يوم خرج فهد من المستشفي
كان اسر وكيان مسندينه وهوا ماشي وكان فرحان جدا انه بدا يمشي
روحوا البيت وطلعته كيان
بعد فتره كبيره
كان اسر وفهد رجعوا شغلهم بعد ما فهد بقي كويس جدا
اشتغلوا علي قضيه المخدرات وعرفوا الميعاد وكان في اليوم اللي بعده
تاني يوم
عرفوا رجال شرطه اسر وفهد ميعاد التسليم ووصلوا هناك
حاصروا المكان وقبضوا عليهم وعلي الزعيم.
وكده المهمه اللي وقفت لمده كبيره انتهت وفرحه فهد انه رجع بحياته الطبيعيه وشغله
عند كيان ورفيف
كانوا قلقانين عليهم
لحد اما لاقوهم داخلين
كيان جريت علي فهد
ورفيف علي اسر
فهد :متجريش يا حبيبتي انتي حامل وغلط عليكي
كيان كانت بتجري برده
فهد بزعيق :كيان قولت متجريش علشان حضرتك حامل
اي مبتسمعيش
كيان وقفت مكانها من الخوف ودموعها نزلت
فهد قرب عليها وبحنيه مسك وشها بين ايديه ومسح دموعها بايده
فهد :اسف اني اتعصبت عليكي بس خايف عليك لتقعي ويحصل مشكله
متزعليش مني يا عيوني
كيان :مش زعلانه
فهد :لا حاسس انك زعلانه
كيان :لا مش زعلانه
فعد قرب من خدها وباسه
متزعليش يا عيوني بس انتي عارفه بدايق لما اقول حاجه ومتتنفذش
كيان :خلاص يا فهد بقي
بعد شهور
كانت كيان ولدت ورفيف
كيان ولدت توام سمتهم نور وياسين
ورفيف ولدت توام برده وكانوا ادم وحوريه
وبكده اقدر اقوله انتهيت من كتابه الروايه ♥️
تمت بحمد الله ♥️
لقراءة الرواية كاملة اضغط على : (رواية كيان الفهد)
