رواية كيان الصقر الفصل السابع 7 بقلم روني محمد
رواية كيان الصقر الجزء السابع
رواية كيان الصقر البارت السابع
رواية كيان الصقر الحلقة السابعة
صقر غير هدومه وخرج كانت كيان نامت سحبها فى حضنه وفضل مركز فى ملامحها شويه وبعدها شاف موبايلها وفتحه وشاف حد باعتلها رساله فتحها وكان مضمونها
_ متقلقيش يا حبيبتى انا راجع كمان يومين وهاخدك ونسافر
صقر بص لوكيان بهدوء وهي نايمه وبعدها اخد الموبايل ونزل وفضل تحت لحد الصبح
كيان صحيت ولسه هتقوم دخل صقر
كيان باستغراب : كنت فين من بدرى كده
صقر قعد جنبها بهدوء وحط الموبايل قدامها : مين ده
كيان بخوف : جاسر
صقر باستغراب: بس ده مش رقم جاسر
كيان : عشان بابا عارف رقمه التانى ف بيكلمنى من ده
صقر : وايه المشكله لو عمى عرف ده فى الاول والاخر اخوكى
كيان : اخويا من امى بس وبابا مش بيحبه
صقر : ليه
كيان : انت عارف بابا كان بيحب ماما جداً وجوزها الاول اللى هو ابو جاسر كان بيضربها كتير ف بابا مش بيحب جاسر لمجرد أنه ابن الراجل ده
صقر : فهمت بس لحد دلوقتي مش فاهم رسالته معناها ايه
كيان بحرج : يعنى انا كنت عايزة أسافر معاه هناك عشان المشاكل دى و ..
صقر بمقاطعة: تانى مرة هتكدبى هتزعلى منى
كيان : بس انا ..
صقر : كلمتيه ليه
كيان : عشان مكنتش موافقه على الجوازة دى
صقر ببرود : ماشى يلا جهزى هدومك
كيان بسرعه: هتخلينى أسافر
صقر : انا ممكن اخليكى تسافرى مكان واحد بس ومش هترجعى منه عارفاه
كيان بخوف: ايوه خلاص مش عايزة
صقر : جهزى هدوم تكفى يومين
كيان : ليه طيب
صقر : مش قولتى فيه حاجات فى القاهرة عايزاها تعالى وانا عندى شغل يومين وهيخلص ونرجع
كيان بفرحه: ماشى دقايق وهكون جاهزة
كيان قامت ورايحه ناحية الباب
صقر مسكها: على فين
كيان : هجيب الهدوم
صقر : شعرك ده تحطى عليه طرحه بدل م اخليكى من غيره
كيان : بس محدش فى البيت غير …
صقر بمقاطعة : لو مين حتى متنزليش من غير حجاب مفهوم
كيان : مفهوم
كيان اخدت الطرحه وخرجت راحت اوضتها وجهزت وصقر راحلها اوضتها
صقر : خلصتي
كيان : ايوه كنت لسه هجيلك
صقر : امسحى اللى على وشك ده
كيان : مفيش حاجه باينه اوى و
صقر مسكها ثبتها ومسك منديل ومسحه
كيان بتوتر : انا همسحه بنفسى و ..
صقر : اثبتى
كيان : انا عايزة اتكلم معاك
صقر : هنوصل القاهرة وقولى كل اللى عندك
كيان: ماشى
صقر : مالك تحت هننزل متبينيش أن احنا بنتكلم وكويسين مع بعض
كيان: حاضر
صقر خلص ونزل وكيان معاه والكل كان متجمع على الفطار كيان راحت قعدت جنب ورد
سويلم : جميلة كلمتنى يا كيان
كيان بسرعة : وصلت امتى
سويلم : هي فى القاهرة انا قولتلها انك هتروحى هناك وهترجعوا سوا
كيان بفرحه: ماشى
ورد : متتكلموش كتير عشان لما توصل نحكى بالليل زى زمان
كيان بضحك : حاضر
صقر ببرود : بتروح الشركة يا مالك
مالك : ايوه ومتابع الشغل كله
صقر : ماشى خلى بالك كويس عشان ورق المناقصة اللى بيجهز مهم جداً ومينفعش حد يعرف عنه حاجه
سليم بيكمل : دى اهم صفقه هتتم
مالك بسرعه وخبث : اكيد متقلقوش انا هقوم امشى عشان هقابل ناس اصحابى الاول قبل الشركة
صقر : ماشى
مالك مشى وصقر بص ل سليم بخبث
سويلم : حطيت ورق تانى
صقر : ايوه كل حاجه مترتبه متقلقش
سعيد : خلى بالك من كيان يا صقر
صقر : دى مراتى ومش محتاج حد يوصينى
صقر وكيان مشيوا
مالك متجمع هو ومحمود وماهر وسعد
مالك : سافر وورق المناقصة بيجهز
ماهر بخبث : وهو عامل ايه مع مراته
مالك : مش عارف بس كان باين عليها زعلانه ومكلمهاش نص كلمه على الفطار
سعد : كويس اوى
مالك : مش فاهم ايه فايدة الصور دى
محمود : عشان تكرهه
مالك : هي مش بتحبه
سعد : لا انا عايزها تكرهه وتطلق منه
مالك : بس صقر مش هيطلقها
سعد : متقلقش انا عارف هعملها ازاى
مالك : تمام هسيبكم انا وامشى عشان الشركة
محمود : ماشى
كيان وصقر وصلوا الفيلا
صقر : ارتاحى انتى وانا هروح الشركه ساعتين وراجع
كيان بخوف : لا انا مش هفضل هنا لوحدى
صقر بعصبية : ايوه المفروض اعمل ايه
كيان بتوتر : هاجى معاك
صقر بخبث: ماشى بس بشرط
كيان : موافقة
صقر : اسمعى الاول
كيان : لا انا موافقة
صقر : ماشى يلا
صقر وكيان وصلوا
صقر : متتحركيش من المكتب ده عندى اجتماع مهم وراجع
كيان: حاضر
صقر فضل فى الاجتماع وبعد ساعه ونص رجع مكتبه يشوف كيان بس مكنتش موجوده
كيان زهقت وخرجت تلف فى الشركه وفجأة حد سحبها من ايديها وكتم نفسها
