رواية كما يشاء قدري الفصل الرابع عشر 14 بقلم سها أحمد
رواية كما يشاء قدري الجزء الرابع عشر
رواية كما يشاء قدري البارت الرابع عشر
رواية كما يشاء قدري الحلقة الرابعة عشر
: ف. ذلك الوقت يرن تليفون زينه برقم مرام
زينه/ ايه ده دى مرام
ماكادت زينه ان تجيب عليها حتى سحب مازن الهاتف منها بسرعه يفتح الاسبيكر و يجيب عليها
: مرام / السلام عليكم
مازن / وعليكم السلام
نظرت مرام الى الهاتف تتأكد إذا طلبت رقم زينه ام مازن ف بلفعل هى تعلم صوت مازن
مازن / ايوة رقم زينه ماتبصيش ف التليفون كتير
مرام / ايه ده هو انت شايفنى ولا اى
مازن بهزار / لا بس بحاول اوفر وقت بس بقولك ايه احنا مش فاضيين وعايزين ناكل
مرام / اممم طيب بس انا اصلا ما كنتش عايزة اعطلك عن الاكل وحتى ماكنتش عايزه اسمع صوتك
ضحك الجميع ع احراج مازن
مازن / لا خلوا بالكم بقا بتمووووت فيه تقولولها بتحبى مين تقولكم مازن لا بجد مش هزار
كان الجميع فى نوبه ضحك حتى تحدثت سارة / مرام حبيبتى عامله ايه يا قلبى
مرام / الحمد لله يا طنط كويسه حضرتك عامله ايه
سارة. بحب / الحمد لله يا حبيتى حماتك بتحبك مش كنتى جيتى اتغديتى معانا النهاردة
مرام بأحراج / الف هنا يا طنط الظاهر انى اتصلت ف وقت مش مناسب
سارة/ لا يا حبيبتي انتى تتصلى فى اى وقت طبعا
شكرت مرام سارة ع لطفها وطلبت ان تحدث زينه قليلا
مرام / انتى يا بنتى مش كنتى بتقولى ان فيه دروس ف الكيمياء مش فهماها
زينه / ايوه
مرام / طيب احنا النهاردة واحنا ع الغداء مامت انس طلبت منى ان اذاكر معاه وبصراحه انا محرجه جدا حتى ان كنت هرفض بس طبعا السيد امجد بصلى بصه كنت هموت بعدها فطبعا اضطريت انى اوافق
عشان كده قولت يالا مش مشكله نجيبك معانا تذاكرى واهو تفهمي لك حاجه تنفعك
زينه / اه يا واطيييه ده انا بقالى قد كده بتحايل تشرحولى دلوقتى عشان مصلحتك عايزانى
مرام /Of Course يا بيبى
زينه / واطيه واطيه يعنى
اتفقت مرام مع زينه ع معاد مناسب واتفقت ايضا مع مازن وزياد وانس ع نفس المعاد كان كل يوم يتجمعون فى الحديقه الخاصه ببيت مرام للمذاكرة حتى موعد الامتحانات وفى هذه المده اندمج انس مع مرام واصدقائها كثيرا ورأى فى مرام جانب اخر لم يراه ولم يتحدث عنه احد من قبل وهو الجانب الطفولى والانسانى احب فيها أيضا حبها لاصدقائها وخوفها عليهم ولكن أيضاً مازال يراى انها مدلله زياده عن اللزوم وانها لن تستطيع تحمل اى مسئوليه لم يعلم انها ليست كذلك ابدا وانها تحملت مسئوليه نفسها من سن صغير جدا فى سن كان هو تساعده والدته ف تناول طعامه واستحمامه ولبسه وكل ما يخصه
وبالفعل لم يعلم هذا لان مرام طلبت من اصدقائها عدم الحديث عنها مع انس وان ما عرفوه عنها يظل سرآ بينهم ومن الناحيه الاخرى يعاملها والدها وزوجته بدلال زائد أمام انس واهله
: اعترفت مرام لزينه انها معجبة بأنس وشخصيته الجادة وكاريزماته ولكن لا تعرف لماذا يعاملها هكذا لما لا يعاملها مثلما يعاملهم (تقصد زينه وزياد ومازن)
زينه / تقصدى ايه بأنه مش بيعاملك زينا
مرام وهى تجلس ع احدى المقاعد بالحدائق العامه / يعنى بحسه بيتهرب علطول معايا ايوه انا مش بحبه الحب اللى هو اصحى الصبح اقول اتجوزه بس انا فعلا معجبه بيه
زينه / واقعه يعنى
مرام / لا مش واقعه ولا حاجه بس انا عايزة افهمه ويفهمنى حاسه ان الحياه مابنا شبه مستحيلة مش عارفه لى المهم ماتقوليش الكلام ده لحد اوك
زينه / اكيد طبعا مش هقول حاجه
ذهب كلا منهم الى منزله فى منزل مرام
كان الجميع متجمع فى حديقه المنزل يرتشفون القهوه
سحر عندما لمحت مرام تدخل من بوابه المنزل
سحر / مرااام حبيبتى تعالى يا روحى احنا هنا
ذهبت اليهم مرام وهى تود ان تقتل تلك الشمطاء التى دائمآ امام الجميع تمثل الحب ولكن فى الحقيقه نعلم كيف تعاملها
ذهبت اليهم مرام وع وجهها.ابتسامه بارده سرعان ما تحولت الى ابتسامه محبه لتلك الايدى الصغيرة التى امسكت بيديها
سارة (اخت انس )/ مرام العبى معايا سويه ثغننين
مرام بضحك/ ثغننين ولا كتار
سارة/ كتار
سلمت مرام ع الجميع كان انس يجلس معهم ايضآ استأذنت مرام واخذت معها سارة التى اثرت ع ان تذهب مع مرام
ذهبت مرام الى غرفتها بصحبه سارة لكى تلعب معها
بعد قليل من الوقت نرى انس يقف امام غرفه مرام و يدق ع باب غرفتها
فتحت مرام انصدمت فى بدايه الامر فهذه اول مرة يأتى لها انس حتى فى ايام مذاكرتهم كانت تهاتفه حتى ينزل الى الحديقه مع اصدقائهم يذاكرون قاطع تفكيرها انس / انا جيت اخد سارة عايزها
مرام ف نفسها طب دى حجه ولا اى بقا حبك يا بت يا مرام ليقاطع تفكيرها بصراحه كنت عايز اتكلم معاكى شويه
مرام فى نفسها قولنا حجه محدش سمع
لتقول بجديه / اكيد اتفضل!
انس / طيب ممكن نطلع ع السطح وقفتنا كده يعنى مش لطيفه وكمان عايزين نقعد
مرام / طيب هجيب الفون بتاعى واجى
انس /تمام
ذهبت مرام بعد دقائق الى انس الذى كان ينتظرها ع سطح المنزل
مرام / هااا كنت عايزنى فى ايه
انس / طيب اقعدى الاول
جلست مرام ثم نظرت له
انس / مرام هو احنا ممكن نكون صحااب
مرام / ما احنا صحاب فعلا
انس / لا قصدى صحاب زى انتى ومازن وزياد وزينه نحكى لبعض ونتكلم ونخرج وكده يعنى
مرام / اممم تمام مافيش مانع
ظل الاثنان معآ يتحدثان ف امور مختلفه ولكن مرام لم تتحدث عن اى شئ عن ماضيها او عن ابيه
انس /بس انتى معندكيش اخوات
مرام بحزن / كان عندى اخ توأم بس اتوفى واحنا صغيرين فى نفس اليوم اللى اتوفت فيه مامتى
انس / انا اسف ربنا يرحمهم
مرام/ امين يارب
تحسنت علاقة مرام وانس ببعضهم كثيرآ فى تلك المده حتى عندما عادوا الى المدرسه فكان انس جزء لا يتجزء من مرام اينما ذهبت فهو معها مما سبب الغيرة لمازن وزياد وزينه ع صديقتهم
فى صباح جديد فى المدرسه
كانت زينه تقف فى حوش المدرسه تنتظر اصدقائها فقد ذهبوا لإحضار الطعام فى وقت الفسحه وصمموا ان انس سوف يذهب معهم وبالفعل ذهب انس وظلت مرام جالسه ع الطاولة ف انتظارهم شخص من خلف مرام
الشخص / احم مرام
نظرت له مرام نظرات استغراب
مرام / نعم
الشخص/ انا اسمى احمد فى الفصل اللى جمبك
مرام / ايوة اى خدمه
احمد / بصراحه كده انا معجب بيكى
يتبع…
لقراءة الرواية كاملة اضغط على : (رواية كما يشاء قدري)
