رواية كما يشاء قدري الفصل الثالث 3 بقلم سها أحمد
رواية كما يشاء قدري البارت الثالث
رواية كما يشاء قدري الجزء الثالث
رواية كما يشاء قدري الحلقة الثالثة
عند بوابه المدرسه يقف كلا من زينه ومازن وزياد
: تقف السيارة أمام باب المدرسه لينزل مراد يفتح باب السيارة اتفضلى يا أميرتى تنزل مرام من السيارة تقف قليلا ثم تقول لمراد هو انا لازم ادخل ليحتضنها مراد اكيد يالا ولو حصل اى حاجه قوليلى وانا مش هسكت صدقينى انا فى ضهرك لو حصل حاجه كلمينى وانا هجيلك علطول تنظر له مرام وتلوح بيدها ثم تدخل المدرسه يظل واقف حتى يرا أنها دخلت مدرستها بسلام كان ما حدث تحت نظرات كلا من زينه ومازن وزياد أيضا ليذهبوا إليه سريعا قبل أن يغادر زينه عمو عمو
ينظر لها مراد / نعم بتنادى عليا انا
زينه / ايوة بصراحه احنا حبين نتكلم مع حضرتك شويه لو ممكن يعنى
ينظر مراد باستغراب
ليقول زياد بسرعه / بخصوص مرام
ينتبه مراد لهم عند ذكر اسم مرام
مراد / مالها مرام فى حاجه حصلت يعنى حد عملها حاجه فى اى ايه اللى حصل
يقاطعه مازن / أهدى يا عمو هى مافيهاش حاجه ماتقلقش
زينه / انا أسمى زينه وقاعده كمان جنب مرام
يتذكر مراد فقد قالت له مرام أن من تجلس جانبها اسمها زينه
لينظر لها باهتمام لتكمل زينه /امبارح المس طلبت نعمل جروبات وكمان مرام كانت من ضمن الجروب بتاعنا احنا التلاته
لينظر لهم مراد / ايوه هى فعلا قالتلى ع الموضوع ده حتى قالت إن معاها اتنين شباب مازن وزياد
يبتسم مازن فهى تعرف اسمه / انا مازن وده زياد
مراد / اتشرفت بيكم
التلاته / الشرف لينا يا عمو ممكن نتكلم شويه بقا
مراد / اتفضلوا
مازن / احنا حابين نكون صداقه مابينا وبينها بس هى رافضه احنا مش عارفين سبب رفضها
زياد / حتى أنها بتفضل طول الوقت ساكته ومابتتكلمش
زينه/ انا حتى ملاحظه أنها شطورة بس ما بتشاركش ف اى حاجه عشان كده احنا قررنا نتكلم مع حضرتك بما انك والدها يعنى ونشوف إذا كان فيه مشكله فى تعاملها معانا
ينظر لهم مراد لا يعلم ماذا يقول ليتكلم اخيرا / مرام فعلا شطرة جدا حتى أنها كانت دائما بتطلع الاولى ع مدرستها بس هى مرت بمشاكل كتيرر اوى وعانت من حاجات كتير فعشان كده صعب تتقبل حد جديد فى حياتها بس هى طيبه جدا والله
زينه/ يعنى هى عندها رهاب اجتماعي
مراد/ حاجه زى كده بصوا يا ولاد مرام ماكنتش كده بس موت مامتها وحاجات تانيه كتير أثرت ع نفسيتها وعلى حياتها بشكل عام وبصراحه انا حابب اطلب منكم طلب بما انكم جيتوا تتكلموا معايا
زياد / اتفضل
مراد. ببعض التردد/ انا عايزكم تساعدوها ترجع مرام بتاعت زمان
مازن / احنا عايزين كده فعلا بس احنا مانعرفش عنها حاجه
مراد/ بص انا مش بابا مرام
زياد/ اما انت مين
مراد ينظر لجهه أخرى/ انا السواق بتاع باباها
زينه باستغراب /بجد بس هي شكلها متعلقه بيك اوى
مراد / دى حقيقة حتى أنها بتحكيلى كل حاجه عن نفسها. وكل كبيرة وصغيرة صدقونى هى لو حبيتكم هى بنفسها هتحكى ليكم كل حاجه.وده رقم موبايلى لو حصل اى حاجه ياريت تكلمونى
مازن / اكيد يا عمو احنا هنستأذن من حضرتك عشان الجرس رن
مراد / اه طبعا اتفضلوا يا حبيبى
بعد مرور بعد الوقت فى الفصل ………….
زينه بصوت عالي / صباااااح الخير يااا اصحااابى
مازن من خلفها / صحابك هو حد يعرفك غيرنا يا بنتى
زياد/ المشكله مش فى كده المشكله ان مافيش حد هنا اصلا
زينه / لا فيه مرام
زياد / طيب مرام مفرد مش صحاابى قولى صحبتى
زينه / تمام هاى صحبتى
مرام فى نفسها /اهى جُنت أم ماذا الم اقل لها بالأمس أننى لا اريد صداقه أحد
زينه / مراااام صباح الخير
تنظر لها مرام
لينتبهوا للكدمات الظاهرة ع وجههاا بوضوح
زياد / مرام مين عمل فيكى كده
مازن / انتى وشك متشلفط خالص
مرام / وقعت من ع السلم
نظر كلا من مازن وزينه وزياد إلى بعضهم بعدم تصديق فهى اثار ضرب واضحه
: زينه / متأكده مافيش حاجه يعنى
مرام اتوترت ومش عارفه تقول اى
زياد/ وهو ينظر لها وهى تكذب لى يعنى يا زينه باين ع فكرة أنها واقعه
مازن يجارى زياد / ايوة فاكر يا زياد لما وقعت من ع السلم كان نفس المنظر بردوو
😂
مازن / مرام احنا عايزين نبقا أصحاب جربينا يا ستى مش هتخسري حاجه
قبل أن تتكلم مرام تدخل المعلمه والتلاميذ وكل واحد يجلس فى المكان المخصص له
: صباح الفل يا حلوين
الجميع / صباح الخير يا مس
المس / انا مس غادة وهديكوو علوم طبعا مس شرين قسمتكم جروبات صح
الكل / ايوة
المس / تمام عشان هطلب منكم ابحاث وأنشطة كل اسبوع كل جروب يعملها مع بعضه وطبعا دة إلى عليه اعمال السنه تمام
الكل /تمامم
مس / يالا نبدأ الدرس الاول المادة وخواصها
تشرح المدرسه ويتفاعل معها التلاميذ
نسيبهم ونروح بيت مرام
امجد / انتى هتخرجى بردو يا سحر
سحر/ معلش يا بيبى مش هتاخر اصل مواعده صحابى انى هاخرج معاهم النهاردة
امجد /. مش معقول كده كل يوم خروج مابتقعديش فى البيت خالص
سحر / اوف بقا يا أمجد هو كل يوم نفس الكلام انا بجد زهقت
امجد / يا حبيبتي احنا مش بنقعد مع بعض خالص اقعدى معايا حتى النهارده
سحر وهى تقبله / معلش يا روحى شويه صغيرين مش هتأخر وتذهب قبل أن يتكلم مرة أخرى
امجد بعد ما خرجت سحر / كريمه يا كريمه (الخدامــه)
نعم يا بيه روحى نادى لمرام
كريمه / مرام هانم فى المدرسه يا بيه
امجد بعصبيه / طيب روحى من وشى واول ماتيجى خليها تجيلى حالاآ
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية كما يشاء قدري)
