رواية كل الابواب مغلقه الفصل الثاني 2 بقلم ريهام زيدان
رواية كل الابواب مغلقه الجزء الثاني
رواية كل الابواب مغلقه البارت الثاني
رواية كل الابواب مغلقه الحلقة الثانية
ضربته ف و شه “بذمتك انت راجل ي علي
حط أيده مكان الضربه _ اي ي عمر انا جايبك عشان تساعدني مش تضربني
“انت اذاى جالك قلب تخون عائشه قولي بجد دا انت قولت لبابا انك واخدها تقضوا يومين سوا
فرك ايده ف بعض_مهو بصراحه احنا اول م وصلنا الاوتيل عائشه نامت وو
“تقوم تستغل الموقف وتروح لواحده تانيه
بص ف الارض_ انا قولت ع ماتصحي بس
بصتله باستحقار “عمرك ما هتتغير ي علي انت خساره فيك اي حاجه حلوة
_انا اتصلت بيها كذا مره ومردتش
مسكت الفون “هحاول اتصل بيها انا
_حاول متخليهاش تنزل القاهره انا خايف تروح لوالدها ويعملنا مشكله
سيبته و مشيت قبل ما اقتله ، انسان مفيش ف دماغه حاجه ابدا غير مصلحته اتصلت بكذا حد من معارفي وسالت ف المطار لو رجعت القاهره وفضلت مش عارف اوصل لحاجه كنت ف عربيتي وتعبت من اللف من غير اي نتيجه:: ي من هواك اعزه واذلني كيف السبيل الي وصالك دُلني ::
فضلت يومين ادور عليها ف الشوارع وكلفت سيف ظابط صحبي يدور عليها بس مفيش اي معلومات عنها
كنت قاعد ف العربيه ويائس وحاسس كل حاجه ف الدنيا سودا حسيت بخبط ع زجاج العربيه انتبهت لقيت عائشه فتحت باب العربيه بسرعه وهي دخلت العربيه كنت بتمني يبقي من حقي احضنها واطمن خوفها اللي باين وشها
بصتلها بعتاب”كدا ي عائشه تقلقيني عليكي
* حقك عليا ي عمر بس مكنتش قادره أواجه انا..
حطيت ايدي ع شفا ..يفها”ششش انتي شكلك مرهق اوى انتي اكلتي؟
عيطت وهي بتحرك رأسها ب لا*لا انا مش مرهقه انا مخنوقه من اللي اخوك عمله فيا مش مصدقه كل الحب اللي حبيتهوله يدوس عليه كدا
خبطت ايدي ف دريكسيون العربيه بغيظ “غبي
بصتلي بعيونها اللي حتي وهي مدمعه تجنن *ليه هو مش زيك ولا حنين زيك ليه مخافش عليا اني ممكن اموت لو شوفته ف وضع زي دا
اتوترت من نظرتها”ممكن تهدي ي عائشه
مسكت ايدي*ياريتني حبيتك انت واتجوزتك انت ي عمر
بعدت أيدها ” انتي بتقولي اي ي عائشه !
بصت ف الأرض وعيطت زياده * انا اسفه ي عمر انا مش عارفه بقول اي
“احم محصلش حاجه انا مقدر اللي انتي فيه اكيد من صدمتك ف علي
اتمنيت ف اللحظه دي أن كلامها يبقي حقيقي مش مجرد كلام عشان كرامتها مجروحه
مديت ايدي بمنديل ليها “بطلي عياط وتعالي اعزمك ع العشا
فضلت باصه ف الأرض يدوب حركت رأسها ب اها
شغلت العربيه وفتحت الكاست كتغير مود بس كأن القدر بيعاندنا وبيحطنا ادام اوجعنا كل مره
:::خدني حبيبي لعالم تاني بعيد في حياه وجديد وافضل معاك علطول انت اللي عيشت حياتي مُنايا الاقيه و منايا ارضيه :::
وصلنا لمطعم نزلت وفتحتلها باب العربيه بس مجرد مارجلها لمست الأرض وقعت واغمي عليها حاولت افوقها بس مكنتش بتفوق شيلتها وحطيتها ف العربيه وطلعت ع مستشفي
دخلتها غرفه الكشف
الممرضه:لو سمحت اتفضل برا
“نعم انا لازم اطمن عليها
:ي فندم مينفعش دي أوامر اتفضل وانا هطمنك
شديت شعري بغيظ ” اتفضلي معاكي دقيقه وتطلعي تطمنيني
كنت واقف بعد الدقايق ودماغي بتصورلي ابشع سناريوهات بعدها الدكتور خرج
“طمني لو سمحت
\خير مفيش حاجه مبروك ي فندم المدام حامل
بصتله بصدمه “اي حامل !!
..وكلما فتحت بابًا إليكِ اري الف بابِ يحول بيننا ..
ابواب الحب كتير فهل ي ترا عائشه هتفتح باب جديد
ولا هتفضل جوا الابواب المغلقه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كل الابواب مغلقه)
