رواية كفر صقر الفصل الثاني والخمسون 52 بقلم أم فاطمة (شيماء سعيد)
رواية كفر صقر الجزء الثاني والخمسون
رواية كفر صقر البارت الثاني والخمسون
رواية كفر صقر الحلقة الثانية والخمسون
وجد عبيد ألماس غارقة فى أحلامها مرددة فارس فارس .
جز عبيد على أسنانه بغيظ…حتى فى أحلامك كومان يا ألماس ، فارس ورايا ورايا .
أنا كنت فاكر لما أموته بيدى ، هيموت معاه الحب لكن للأسف زى مايكون حبك ليه هيكبر يوم عن يوم .
أعمل إيه يعنى ؟؟
علشان تحسى بيه ولو للحظة واحدة .
لحظة حب واحدة أشوفها فى عنيكِ وبعدها حتى أموت بس أحس بيها يا ألماس .
ثم أخذ يتأملها وهى نائمة بوجهها الأبيض وخصلاتها البنية المتطايرة على وجهها وعلى الوسادة .
عبيد …أنتِ جميلة جوى يا ألماس .
ثم أقترب منها بخطوات خفيفة كى لا تشعر به ليفترش بجانبها لعله يستأنس بقربها ولو للحظات بدون أن تشعر به .
ثم أخذ ينظر إليها حتى خلد إلى النوم بجانبها .
وبعد مرور عدة ساعات فتحت ألماس عينيها بتثاؤب محاولة تذكر أين هى ؟
ثم قامت بفرد ذراعيها لتصدم بوجود شىء بجانبها فنظرت سريعا نحو ذلك الشىء لتصدم بإنه عبيد نائما بجوارها .
صرخت ألماس بفزع .. …أنت بتعمل ايه إهنه جمبى يا چبان ؟
فقام عبيد من النوم فزعا من صراخها ليجدها بجانبه وتنظر له بحدة مرددة….أنت معندكش ريحة الإحساس ولا الدم يعنى أچى إهنه ، أرتاح منيك شوية تيچى ورايا بردك .
عبيد محاولا التلطف بالقول لتهدئتها …إيه مراتى وأتوحشتها يا ناس فيها إيه دى ؟
ألماس مرددة بصوت خافت…يوحشك الموت يا شيخ .
سمع عبيد ما همست به ألماس فتألم لقولها وظهر على وجه الغضب .
عبيد……طيب وعجبال ماأموت وأريحك منى ، أنا چعان من إمبارح ماأكلتش حاچة واصل .
ممكن تورينا شطارتك وتجومى إكده توكلينا حاچة من إيديكِ الحلوة .
ألماس بغضب طفولى…ماتوكل نفسك أنت صغير إياك .
عبيد زافرا بضيق …..الله مايطولك يا روح .
بجولك إيه يا ست ألماس هانم هفكرك للمرة الأخيرة إنك بجيتى مرتى يعنى هطعينى فى كل حاچة عايزها .
فاتفضلى دلوك على المطبخ اعمليلى اى حاچة أكلها بطنى هتصوص من الچوع .
ثم غمز لها بمكر…….والحلو بجه أنتِ وذوقك .
فأسرعت ألماس هاربة من أمامه فضحك عبيد …ياااه ميتى بجه الحلو يحن عليه ؟
……………………
وصل خبر الحادث إلى مسامع سيد فحزن على سيده قنديل .
سيد ……ياما جولتلك يا سيد الناس ماترحش ، كان جلبى حاسس والله .
ماكنا عايشين كويس هناكل وهنشرب والناس هتحبنا وتجدرنا .
ودلوك عملت ايه بجه ؟ اتفضحت على اخر العمر يا قنديل بعد ماكنا مستوريين .
بس أعمل إيه أنا دلوك ؟
أروح أبص عليه بس خايف يخدونى فى الرچلين .
بس لو جعدت إهنه الناس هيسألوا على الشيخ صالح فين ؟
هجولهم ايه دلوك ؟ وبعدين في الحيرة دى ؟
ثم تابع سيد.
لا أنا مش هروحله ، وخليه بجه يستلجى وعده علشان حظرته كتير من المشوار ده وهو ماسمعش الكلام .
وكومان همشى من إهنه جبل مايتكشف المستور وجثة صالح .
فأحسن حاجة أهرب من البلد كلاتها وأشوف مكان تانى أجدر اعيش فيه .
وسلام بجه يا سيد الناس هتوحشنى يا ابو الجناديل .
……………..
أسرع سيف إلى عمته سمية وزوجها صهيب .
صهيب……..خير يا ولدى ؟
سيف بحزن شديد…إلحج أبوى بمحامى بسرعة علشان يخرج من الحبس .
صهيب بفزع……..ليه عمل ايه ؟
سيف….متهمينه فى جتل مرته ثريا معرفش ليه ؟
صهيب…….لا حول ولا قوة الا بالله .
استرها يارب .
سمية وقد تجدد حزنها على إبنتها …من بعدك يا بتى مفيش فرح والمصايب والحزن شكله مش هيفارجنا .
ثم بكت فكانت عبراتها كالسيل الذى لا يتوقف .
شعر صهيب بغصة فى قلبه لبكائها ولكنه يعلم أن كلام العالم أجمع لن يستطيع أن يخفف عنها ما تعانيه ولكنه اكتفى بقوله ( وبشر الصابرين الذين اذا إصابتهم مصيبة قالوا إنا لله وٱنا إليه راجعون )
ثم انطلق إلى محامى البلدة وأخذه معه إلى قسم الشرطة لياسين .
احتضن ياسين صهيب باكيا ….شوفت يا صهيب الدنيا عملت فيه إيه ؟
وأخرتها كومان إتهام بالجتل وهقضى الباجى من عمرى فى السجن .
أنا مش عارف لحد ميتى هفضل ادفع تمن اللى عملته زمان ؟
بس أنا والله تبت لربنا ، فليه يحصل معايا ده كله ؟
ليه بس ؟
ربت صهيب على كتفه بحنان قائلا …….استغفر ربك يا ياسين .
وماتجولش إكده واعلم إن ربك هيحبك .
ياسين بذهول …هيحبنى كيف وأنا كل شوية هجع فى مصيبة ؟
صهيب……..إسمه ابتلاء يا ياسين .
وربنا هيبتلى الإنسان على جد عمله ، علشان كده ربنا هيحبك جوى وعايز يصفيك من كل المعاصى ويرفع قدرك عنده .
فأحمد ربنا يا ياسين وأدعيه أن يرفع عنك الابتلاء .
ياسين…..الحمد لله على كل حال .
يارب رحمتك بعبد ضعيف زيى ، فارفع عنى الابتلاء.
المقدم وليد…..طيب هسيبكوا شوية مع المحامى تتفاهموا شوية وأرجع نكمل الإجراءات .
فؤاد المحامى…..شكرا يا سيادة المقدم ..
فؤاد لـ ياسين…..ممكن معلش تقعد شوية وتفهمنى إيه اللى حصل بالتفصيل .
علشان اعرف ألاقى مخرج اطلعك منه دلوقتى ولو بكفالة عقبال مانشوف سير القضية وازاى نثبت برائتك ولو يعنى ماعملتهاش ولو عملتها يبقى على الأقل حكم مخفف لإنك اكيد عملتها بسبب .
تنهد ياسين بحرارة وألم ثم جلس يقص على المحامى ما حدث .
واستمع صهيب لكلماته فلم ينطق سوى بذكر الله
استغفر الله العظيم ، ولا حول ولا قوة الا بالله .
ربنا يسترنا فى الدنيا والآخرة .
ياسين….. ده اللى حوصل بس والله مازجتها ،هى اللى وجعت من السلم لوحدها .
وحلفت جبل ماروحها تطلع إنه الزفت الدجال ده هو اللى غرر بيها وقالت كومان إنها ماتعرفش فعلا إذ كان عبيد ولدى ولا مش ولدى .
وبعدين جابت كلام عن عبيد مافهمتهوش وماتت على إكده .
فؤاد…..بس هو ده اللى حصل ، مفيش حاجة تانية عايز تقولها ؟
أتبع ياسين بحزن وخزى “”
أچول إيه بس كومان ؟
الميت ماتجوزش عليه غير الرحمة خلاص .
بس صوح ماتت بس لبستنى أنا مصيبة موتها كومان.
المحامى فؤاد…….بص يا ياسين لو عايز تطلع زى الشعرة من العجين فى القضية دى لازم تقول حاجة واحدة .
ياسين ……وإيه هى ؟
فؤاد بعد أن تنفس بعمق لإنه يعلم صعوبة ما سيقوله عليه ……تقول إنك دخلت لقتهم مع بعض فى السرير فلما شفوك ، جرى هو نط من الشباك وهى جريت على السلم وقعت .
وكده تبجى القضية خلصت ومفيش حاجة عليك .
فوقف ياسين غاضبا ….يعنى علشان أطلع منها أنا أجول حاچة ماشفتهاش .
فؤاد…….إهدى بس يا ياسين ،ماهى برده غلطت معاه وأنت اللى قلت هى كده كده عملتها فماتفرقش زمان من دلوقتى بس علشان تخلص من القضية دى .
ياسين……وعلشان أخلص أحط دماغ ولادى فى الطين ومحدش يجدر فيهم يمشى رافع رأسه والناس هيجولوا عليهم استغفر الله العظيم ولاد حرام علشان امهم كانت هتعمل إكده .
لا أنا أهون عليه اعيش عمرى كله فى السچن على أن ولادى عبير وعبدون حد يمسهم بكلمة واحدة.
فؤاد….وأنت متأكد يعنى إنهم ولادك ، ماتأخذنيش يعني ، ماهى ممكن تكون المرحومة هتكدب .
ياسين….لا أنا جلبى حاسس إنهم ولادى ، وكومان الزفت ده ماجبش سيرة غير عبيد بس .
فؤاد……على العموم ممكن تعمل تحليل DNA عشان تتأكد من نسبهم ليك .
ياسين….لا مش محتاج تحليل ، كفاية جلبى اللى هيدلنى إنهم من دمى .
أما عبيد بجه فخلاص راح للى خلجه .
فؤاد…….يعنى مصمم ، بس خلى بالك ممكن الخدامين برده علشان مايعرفوش الحقيقة .
لما يتقدموا الشهادة هيجولوا اللى أنا جولته ده .
يعنى راجل غريب يطلع مع الهانم اوضة النوم ويچى جوزها فجأة وتترمى مع السلم .
مفهومة أن الموضوع فيه خيانة .
ياسين ..لا محصلش وحرام أجول ده ، هروح فين من ربنا ؟
ثم وجه حديثه إلى صهيب ..ربنا يخليك يا خوى ، روح للخدامين وأجعد معاهم وجولهم أن ده ماحصلش علشان مايتكلموش عن حاچة ماشفوهاش .
وعلشان كومان العيال ميتأذوش بالكلام .
فؤاد …غلبتنى معاك ، أمال هنتصرف إزاى فى الموضوع ده ؟
وجعت ثريا إزاى ؟
ياسين ….هنجول الحجيجة عادى.
واحد اتهچم على مرتى وحاول يجتلها علشان تكتبله شيك بمليون چنيه .
فطلعت أنا سمعت الصوت فهى من الخوف جريت وجعت وهو رمى نفسه من الشباك وهو ده فعلا اللى حصل بس هى كانت خايفة منى أنا .
ده اللى هجوله
فؤاد…هتقول كانت خايفة منك انت يعنى فعلا كنت عايز تقتلها برده ، يبقى عملنا إيه ؟
ياسين……لا مش هقول إنها كانت خايفة منى أنا .
فؤاد…..لا صراحة كتر خيرك .
حيرتنى صراحة….على العموم اللى فى كل إيدى دلوقتى إنى أحاول أخرجك بضمان محل إقامتك. وعلشان شخصية معروفة فى البلد مع أن الجريمة صعبة ده قتل مش حاجة سهلة كده علشان تخرج .
ياسين ….الله المستعان .
ثم ولج إليهم المقدم وليد….ها تمام كده سبتكوا تتفاهموا ويارب تكون عرفتوا توصلوا لحل .
لإنى صراحة مش مقتنع إنك يا ياسين تقتل كده لانك شخصية كويسة ومسالمة والناس بتحبك .
ياسين……صدجنى يا باشا هى اللى وقعت وهى بتجرى على السلم .
وليد….طيب ليه ؟
وإيه علاقتها بالمدعو الشيخ صالح ويا ترى هو اللى نط من الشباك ولا أنت كمان اللى وقعته .
ياسين……ده مش الشيخ صالح يا باشا ، ده قنديل أخوه ومتخفى فى شخصيته .
وليد …….بس لعلمى أن قنديل ده من زمان هرب من البلد وان الموجود صالح اخوه ، غريبة دى .
امال فين صالح ؟
الموضوع ده شكله فيه سر كبير ؟
وهنعمل فيش وتشبيه ليه وهنعرف فعلا هو الشيخ صالح ولا قنديل ؟
بس لو فعلا قنديل الدجال ده كان عايز إيه من ثريا مراتك ؟
ياسين …معرفش أنا دخلت لقيته بيغز السكينة فى جمبها وبيهددها يقتلها لو مامضتش له على شيك بمليون چنيه .
فأنا لما دخلت راح ناطط من الشباك من خوفه منى وهى جريت على السلم وقعت .
وليد…طيب ليه تجرى بدال خلاص اللى بيهددها نط وأصبحت فى أمان معاك .
وهنا صمت ياسين ..
فهز رأسه المقدم وليد هامسا…… الموضوع شكله فى ريحة خيانة وأنت مش عايز تقول ومش عارف ليه ؟
بالعكس هتخرج من القضية بسهولة .
ياسين…..يعنى أطلع منها أنا وأنكس راس ولادى فى الطين يا ناس .
لا لا ثريا ماخنتنيش ، ياريت تصدقوا .
وليد….مش عارف ليه مش مصدقك.
ثم وجه كلامك المحامى…طيب يا متر طلباتك ايه دلوقتى ؟
وياريت تحاول معاه ، لأن كده موقفه صعب اوى ، وأنا مفيش حاجة اقدر أساعده بيها .
فؤاد…….حاولت وهحاول يا باشا ، بس دلوقتى ياريت بس تسمحله يخرج بضمان محل أقامته وحسن سيرته .
المقدم وليد.. ..الموضوع ده فى الجرايم العادية مش جرايم القتل .
فؤاد……عارف يا باشا ، بس احنا طمعانين فى كرم أخلاقك وعارفين أنت قد ايه شهم ومحترم وبتقف مع المظلوم.
وليد……..وهو كذلك ، بس ياسين ، ممنوع تخرج من البيت خالص وجهز نفسك للعرض على النيابة خلال يومين .
وبعد النيابة هتتحول جنايات للأسف وقضية فياريت تفكر شوية فى الموضوع اللى كلمتك فيه .
ياسين…الله يسترها معاك يا باشا .
يعنى اقدر اروح دلوقتى ؟
المقدم وليد…….ايوه بس انت عارف خروجك ده هيكون تحت مسئوليتى الشخصية يعنى أى محاولة منك للهروب هيكون تأثيرها عليه سىء جدا.
ياسين ……لا يا باشا ،مش أنا اللى أخون الثقة ولو على رجبتى .
هتلاجينى عندك وقت ماتستدعينى .
المقدم وليد ….تمام ، فى امان الله
فخرج ياسين وهو منكس الرأس ، يحمل فى قلبه هموم العالم كله ، لا يدري ما سيكون مصيره فى تلك القضية ؟
إلى متى سيظل يعذب من ثريا وحتى بعد موتها ، ثم رفع رأسه للسماء طالبا من الله الرحمة والنجاة .
قام صهيب بمسك يده وضغط عليها برفق ….ربنا هينچيك يا ياسين يا خوى عارف ليه ؟
ياسين …ليه ؟
صهيب…علشان من ستر الله مسلما ستره الله يوم القيامة .
فأبشر بخير الله.
فدمعت عين ياسين بفرح بعد أن كانت تدمع بحزن .
وأصر صهيب توصيله إلى باب منزله ليطمئن عليه مع أن سيف ابنه معه .
ما أجمل الحب فى الله فهو ادوم .
عن أبي هريرة رضي الله عنه قال : قال رسول الله – صلى الله عليه وسلم – : ( إن الله يقول يوم القيامة : أين المتحابون بجلالي ؟ اليوم أظلهم في ظلي يوم لا ظلَّ إلا ظلِّي ) رواه مسلم
…………..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كفر صقر)
