رواية كفر صقر الفصل الأول 1 بقلم أم فاطمة (شيماء سعيد)
رواية كفر صقر الجزء الأول
رواية كفر صقر البارت الأول
رواية كفر صقر الحلقة الأولى
بسم الله ونصلى ونسلم على رسول الله
مزيج من السلطة والقوة وقليل من الحب أخرج نبتة صالحة عافرت للخروج بجانب كثير من النباتات الشيطانية التي تتربص بها.
فهل ستخرج تلك النبتة للنور أم سيكون مصيرها المۏت المحتوم
فى إحدى قرى محافظة قنا فى صعيد مصر تجد التفوات الجلى بين طبقة ميسورى الحال وبين الذى بالكاد يجد قوت يومه وفى بعض الأحيان تجده لا يستطيع النوم بمعدته التى تتضور جوعا.
على أطراف تلك القرية بجانب كان يقبع قصر شامخ تحيطه السياج العالية من كل مكان .
يعلوه صوت نباح الكلاب التى تصيب الكثيرين بالذعر لمجرد الأقتراب منها فهى فى حالة شرسة طوال الوقت وتستعد لإلتهام كل من يجرؤ ليقتحم تلك الأسوار العالية .
يسكن هذا القصر ياسين الدهشورى رجل فى بداية عقده الثلاثون وهو طويل القامة عريض المنكبين عينيه بنية شعره كسواد الليل بشرته خمريه يخشاه الجميع من سطوته وصوته الجهورى الذى يصيب من حوله بالهلع .
ولكن تتحطم صورته هذه أمام زوجته المتسلطة ثريا حمدان القناوى إمرآة متعجرفة تستند بقوتها إلى والداها الذى يخشاه دوما ياسين الدهشورى
ثريا إمرآة فى منتصف العشرينات عيناها كالسماء الزرقاء وشعرها يميل للحمرة اكثر منه للسواد وبشرتها ناصعة البياض تزهو دوما بجمالها الفتان الساحر أمام زوجها التى فتن بها قبل زواجه وكان من أسرة بسيطة الحال .
فلاش بااك
ياسين منتظرا عند الساقية ..
فتأتى له ثريا مسرعة متلفتة ورائها بين الحين والآخر .
ياسين تطلع لها بنظرة تطوفها اللهفة …أنا واخد على خاطرى منيك يا ثريا .
ثريا بأنفاس لاهثة….ليه عاد يا ياسين
ياسين….عوجتى وانا واجف مستنيك من طلعة الشمس .
ثريا….معليش ڠصب عنى عجبال معرفت أطلع من الجصر من غير محد ينضرنى .
ياسين بغصة مريرة….لحد مېته بس هنتجابل سړقة إكده
ياما نفسى أجول للعالم كلاته إنك حبيبتى وعايزك تبجى مرتى على سنة الله ورسوله .
ثريا بخجل….ياريت يا جلب ثريا بس كيف
أبويا لو عرف إنى بجابلك بس ممكن يجطعنى تجتطيع .
ياسين پألم يعتصر قلبه…عارف إنى مش جد المجام بس هحبك يا ثريا .
ثريا تفترش عينها الأرض وبخجل……وأنا كومان يا ياسين .
ياسين بحب وإصرار ……خلاص _انا هروح لأبوكى وهطلب يدك منيه ومش هخرج من عنديه إلا يا جاتل أو مجتول .
ثريا پخوف…لا لا أخاف يجتلوك أنا خابرة أبوى زين.
ياسين…هتخافى عليه يا ثريا
ثريا..إيه طبعا هخاف أنت دنيتى كلاتها.
ياسين…..خلاص سبينى أعافر مع أبوكى لغاية ميوافج.
ثريا متلفتة…..مش عرفة جلبى متوغوش أنا هعاود دلوك ألا حد ينضرنى معاك .
ياسين….ماشى عودى دلوك بس من النجمة هكون عندكم من النجمة أطلب يدك.
… … ……
ثريا فى حديقة القصر شاردة و هائمة لدرجة إنها لم تشعر بوجود خادمتها صفية أمامها .
صفية….ست ثريا تحبى أچبلك الوكل إهنه فى الچنينة ولا
هتيچى چوه على السفرة
ثريا منشغلة بالتفكير ولا تجبها .
صفية….ست ثريا ست ثريا _مالك يا حبيبتى
ثريا بإنتباه….صفية ! عايزة إيه يا بت
صفية…..ال شغل عقلك يا ست الستات .
ثريا بغصة مريرة…منتى عرفة يا صفية هو فيه غيرها الخلفة وخاېفة ياسين يدور على غيرى عشانها .
صفية…لا متجوليش إكده هو فيه إبنته فى البر كلاته فى حلاوتك يا ست ثريا
ثريا بحزن.. أيوه عندك حج .
الستات فى الكفر شكلهم يسد النفس بس تلاجى كل وحدة منيهم مخلفة سبعة ولا عشرة كومان وأنا ال أجدر بفلوسى أشترى الكفر كلاته ومنيحة مش جادرة أجيب حتة عيل حتى.
صفية محدثة نفسها
بتنؤى على حريم الكفر كومان مكفاية عليك جمالك والهلومة دى كلاتها ال عايشة فيها
صفية مصطنعة الحزن….طيب عاد متكشفى عند الحكيم وتشوفى مين السبب أنت كفاالله الشړ ولا سى ياسين بيه وهيديك علاچ وان شاءالله تجبلنا تؤم ولاد جريب .
ثريا …يعنى أنا هصبر كل ده من غير كشف !
أنا كشفت وياسين كشف
صفية …وجال إيه الحكيم
ثريا….جال إنى معنديش شىء ولا أنا ولا ياسين ويأما نصبر لغاية مربنا يعطينا يأما نفترق وكل واحد منيينا يچوز يمكن يخلف عشان فيه حالات إكده مش بتنفع مع بعض .
صفية …يا حوستى كيف يعنى تفترجوا ده أنتم روح واحدة .
ثريا متنهدة بحرارة …..إيه _ أنا هحبه جوى جوى ومجدرش على فراقه بس خاېفة هو يچوز عليه عشان الخلفة .
صفية….لا عاد ميعملهاش سى ياسين هو هيحبك جوى جوى بردك .
ثريا…إيوه _ بس أكيد محتاج ولد يشيل إسمه .
صفية بتفكير…..أجولك على فكرة زينة أنا يا ست ثريا بدال الحكيم ده شكله مهيفهمش .
ثريا بضحك…..الحكيم مهيفهمش ! أمال مين ال هيفهم
صفية بمكر….هو فيه غيره سيدى جنديل .
ثريا ….مين سيدك ده يا بت
صفية…..ده رجل سر باتع يا ست هانم .
دجال وحرام شرعا الذهاب إليه
صفية….. بتاع ربنا كده وعارف كل حاچه عن ال فات ولى هيحصل كومان
لا يعلم الغيب إلا الله
وعنده علاج لكل الأمراض وإذا مرضت فهو يشفين
وبيساعد الناس لوجه الله ولى بيجدروا يچبوه له بياخده ويحمد الله .
ثريا مبحلقة بعينيها ومستمعة بجدية لحديثها….بچد يا صفية .
صفيه بتأكيد ….اه أمال ايه _چد الچد كومان .
أنت عرفة يا ست ثريا البت نعمة بت چمال دى مكنش بيجلها عرسان وكله بيجولوا عليها بيرة أخدتها أمها بهية لسيدى جنديل مفيش يومين وكانت مخطوبة ودخلتها خلاص الچمعه الچاية.
وكومان البت بهانة مرت عتريس داخوا بيها على الحكمة إكده عشان الخلفة بردك.
وبعدين دلوها على سيدى جنديل رحتله وبعدها بشهر كانت حبلة ولا الواد عويس إسكتى إسكتى
ثريا ….ماله راخر
صفية…..كان بيمشى يهذى فى الشارع والعيال تمشى وراه تضربه بالطوب وتجوله يا عويس يا
چنون أمك قرعة وابوك منحوس .
وياعينى شافه سيدى جنديل بيبكى عند الزراعية فصعب عليه وأخده لداره وبعت لأمه تجبله هدمة نضيفة .
ونضف جسمه وجعد يقرأ عليه قرآن لغاية مالواد عويس أتنفض إكده ووشه أحمر وطلع صوت تخين مش صوته .
ثريا پخوف….مش صوته إزاى يا ولية إنطوجى جولى .
صفية …صوت ربنا يحفظنا يا ست ثريا جنى كان لبسه اعوذ بالله السميع العليم.
ثريا….ربنا يحفظنا وبعدين عاد إيه حوصل
صفية….راح سيدى جنديل على صوته وجاله
هتخرج بالذوج ولا هنضروب فيك لغاية متخرج يا ابن كذا
راح عتريس جال بصوته التخين….لا هخرچ هخرچ يا سيدى جنديل.
ثريا …اللهم احفظنا وصوح الشيخ كده سر باتع ربنا يكرمه .
تفتكرى يا بت لو رحتله هخلف زى البت دى اسمها إيه ال جولتى عليها .
صفية…بهانة يا ستى .
ثريا…ايوه ايوه بهانة .
صفية…..بإذن الله بس توكلى على الله إكده وروحى جريب وأنا عليه هحجزلك معاد وياه .
ثريا بغرور …تحجزيلى ليه عاد هو مش عارف أنا مين وبنت مين
صفية محدثة نفسها
بنت بارمبيله إياك عارفين يا ست
صفية….وه يا ست ثريا _ هو إكده الشيخ جنديل بيشتغل بما يرضى الله وهيفرجش بين غنى وفجير بس أنا هحاول معاه وهجبلك منه معاد جريب بإذن الله .
ثريا متنفسة پألم …مش عرفة مع إن جلبى وكلنى بس خلينا نشوف مهنخسرش حاچة واصل .
كفر صقر بقلمى ام فاطمة واحمد
ولازم نعرف ال هيعملوه ده صح ولا غلط بالدليل سؤال ما حكم اللجوء إلى الدجالين والمشعوذين قال أنه عن عمران بن حصين رضي الله عنه أن رسول الله صلى الله عليه وآله وسلم قال ليس منا من تطير أو تطير له أو تكهن أو تكهن له أو سحر أو سحر له ومن أتى كاهنا فصدقه بما يقول فقد كفر بما أنزل على محمد صلى الله عليه وآله وسلم.
وتابع فتواه قائلا جعل النبي صلى الله عليه وآله وسلم إتيان هؤلاء وتصديقهم مانعا من قبول العمل فقال من أتى عرافا فسأله عن شيء فصدقه لم تقبل له صلاة أربعين يوما
ونحصن نفسنا عن طريق
أعظم آية في القرآن الكريم وهي قوله سبحانه الله لا إله إلا هو الحي القيوم لا تأخذه سنة ولا نوم له ما في السماوات وما في الأرض من ذا الذي يشفع عنده إلا بإذنه يعلم ما بين أيديهم وما خلفهم ولا يحيطون بشيء من علمه إلا بما شاء وسع كرسيه السماوات والأرض ولا يئوده حفظهما وهو العلي العظيم البقرة ومن ذلك قراءة قل هو الله أحد الإخلاص و قل أعوذ برب الفلق الفلق و قل أعوذ برب الناس الناس خلف كل صلاة مكتوبة وقراءة السور الثلاث ثلاث مرات في أول النهار بعد صلاة الفجر وفي أول الليل
عد صلاة المغرب. ومن ذلك قراءة الآيتين من آخر سورة البقرة في أول الليل وهما قوله تعالى آمن الرسول بما أنزل إليه من ربه والمؤمنون كل آمن بالله وملآئكته وكتبه ورسله لا نفرق بين أحد من رسله وقالوا سمعنا وأطعنا غفرانك ربنا وإليك المصير البقرة إلى آخر السورة.
ثريا إتجدد فيها الأمل وابتسمت ولمست بيديها بطنها .
ثريا بإشتياق …مېته بس تشيل بطنى الولد وتبجى جدامى إكده وأدلع على ياسين كيف الحريم الحبلى .
فى إحدى أرجاء القرية بيت بسيط من الطوب اللبن ويعلوه سقف من الجريد يتسرب منه الأمطار فى الشتاء فيشعر معها أهل البيت بالإرتجاف والبرودة وليس بمتوفر لهم أغطية يدفئون بها
فى هذا البيت رجل مسن الحج عمران ولديه إبنة واحدة مايسه
فتاة فى التاسعة عشر من العمر رقيقة الملامح لها عيون واسعة كحيلة سوداء وبشرة بيضاء ويزين وجنتيها الحمرة الطبيعية بدون مساحيق تجميل ولكن جسدها هزيل من قلة الطعام .
مايسة بحزن …كيفك دلوك يا بوى
عمران بسعال شديد وألم شديد فى أوصاله…..الحمد لله يا بتى أمر الله وهو الشافى المعافى.
أنا مهزعلش غير مش چادر أجوم أصلى وأنا واجف.
مايسة ….أنت مريض يا بوى وڠصب عنك فصلى وأنت چاعد .
فقد أجمع العلماء على أن القيام في صلاة الفريضة فرض على القادر ويرخص للمريض والعاجز عن القيام في الصلاة جالسا كما رواه البخاري عن عمران بن حصين رضي الله عنه قال كانت بي بواسير فسألت النبي صلى الله عليه وسلم عن الصلاة فقال صل قائما فإن لم تستطع فقاعدا فإن لم تستطع فعلى جنب
مايسة..بس لازمن ولابد حكيم وعلاچ.
عمران….منين بس يا بتى إحنا لايجين حتى الوكل
جومى سخنيلى شوية مية سخنة أشربهم يمكن تهدى الكحة دى إشوية .
مايسة بنفور… مية سخنة كيف يعنى حتى معيش نجيب ليمون تشربه يعافيك .
عمران ….نحمده يا بتى المهم أنت أكلتى الچبنة الچديمة عشان تچدرى تصلبى طولك .
مايسة…والله الچبنة الچديمة دى مصت دمى كله .
عمران ..نعمة يا بتى بس أخف وأطلع أشتغل أى شىء وأجبلك وكل أحسن منها ان شاءالله.
مايسة…لا كفايا إكده شغل يا بوى ولا صحتك ولا سنك يستحمل أنا ال هطلع أشتغل من بكرة إن شاءالله وهوديك كومان للحكيم وأچيب طلباتنا من اليومية ال هخدها .
عمران پغضب….كيف يعنى تشتغلى أنا معنديش حريم تشتغل عايزة الناس يتحدتوا علينا .
مايسة…يا بوى الناس كده كده هتحدت ومحدش منهم حاسس بينا وانت ھتموت لو فضلت إكده من غير علاچ.
وأنا مجدرش أعيش من غيرك ھموت وراك .
أنا مليش غيرك بعد أمى الله يرحمها ومش جادرة أشوفك هتتوچع جصادى ومعملش حاچة.
عمران بدموع…..يا بتى _الله الشافى وهى أعمار ومش عايزك تتبهدلى وأنا لسه عايش .
مايسة….متخافش عليه يا بوى بتك كيف الراجل .
عمران…يا بتى أنتى جمر
اشاءالله عليك وأخاف عليك من ولاد الحړام .
عمران…الله يسترها معى يا بوى وأنا هغطى وشى وأنا طالعة عشان محدش يطلعلى .
عمران بحزن….مش عارف أجولك إيه بس
كان نفسى متتطلعيش من الدوار ده إلا على بيت عدلك .
مايسة ….معليش يا بوى _الحوجة وحشة بردك.
والمهم إنك تخف وتجف على رجليك من تانى .
عمران وصدره ېحترق من السعال….إن شاءالله يا بتى _وكيلك الله .
عمران….بس هتشتغلى فين بس
مايسة….هروح لخالتى صفية تشوفلى شغلانة فى جصر ياسين الدهشورى .
عمران پخوف….لا لا إلا الناس دى يا بتى أخاف عليك منهم دى جرصتهم للقبر .
مايسة….وأنا هعمل إيه ليهم عشان يأذونى .
أنا يدوبك هنضف بس ول أطبخ ومليش صالح بيهم ولا هيدروا بيه أصلا دول يا بوى عندهم شغالين بعدد راس شعرك .
عمران…ربنا يحفظك من شرهم يا بتى .
وعزمت مايسة الذهاب إلى صفية مع طلعة الشمس لتحدثها فى أمر عملها فى قصر الدهشورى
فماذا سيحدث فى هذا القصر
هذا ما سنعرفه من خلال الأحداث فى الحلقات القادمة بإذن الله
يارب تكون حلقتنا عجبتكم متنسوووش لايك و كومنت
ام فاطمة شيماء سعيد.
ختام بدعاء جميل
اللهم هب لنا من أزواجنا وذرياتنا قرة أعين واجعلنا للمتقين إماما
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كفر صقر)
