رواية كسور الفصل السابع 7 بقلم سهيلة سعيد

رواية كسور البارت السابع

رواية كسور الجزء السابع

رواية كسور الحلقة السابعة

عاشور : الي انت شايفوا 🙂
اكرم : اتفضل
( يمشي عاشور ، تدخل ملك عند اسيل )
ملك بلهفة : سلامتك ي روح قلبي ، عاملة ايه دلوقتي ؟
اسيل : كويسة الحمدلله
ملك : خضتيني عليكي خضة ، احنا اة ناقر ونقير بس والله زعلت عليكي اوي 🥺
اسيل : عشان انتي اختي ي هبلة
ملك : ايوة طبعاً اختك وهفضل اختك غصب عن اي حد وغصب عني انا شخصياً 😊
( تبتسم اسيل بفرحة )
ملك : المهم إن انتي كويسة ، دي اهم حاجة بالنسبالي
اسيل : حبيبتي متحرمش منك يارب
ملك : مش عارفة اكرم ماله متعصب علينا كدة ومش متظبط !
اسيل بقلق : ليه حصل ايه ؟!
ملك : محصلش حاجة بس طرد عاشور ، قاله ايه الي موقفك هنا ومش من حقك تقف وكان هيشد معاه ف الكلام ، لولا عاشور قاله الي انت شايفوا انا همشي مدام دة هيزعلك يعني وكدة
( تتخض اسيل )
ملك : معرفش هو عمله ايه ، دة بالعكس يعني المفروض يشكره عشان جابك هنا !
اسيل : يمكن دة الي مضايقه لما عرف إنه شالني 😕
ملك : م طبيعي إنه كان اي شاب ف مكانه هيشيلك ، اومال كنا هنسيبك مرمية ف الأرض ، وبعدين انتي وقعتي قدامه ف كان المفروض يعمل ايه ، يقف يتفرج عليكي ، ف بصراحة مش عارفة اكرم ليه مبيثقش فيكي !
اسيل : مش حكاية مبيثقش فيا ، اكرم بيثق فيا كويس ، المشكله إنه بس غيور زيادة عن اللزوم ، ف متزعليش منه ، وقولي ل عاشور ميزعلش وقوليله إن انا بشكره ع الي هو عمله معايا
ملك : ماشي ي قلبي ، سيبك انتي المهم خلينا فيكي ، هتمشي امتى ، مش هتخرجي ولا ايه ؟
اسيل : لا هخرج اكيد ، اكرم راح ينده ع الدكتورة عشان تشيل المحلول
ملك : طب اشطا ، كويس إن عاشور مشي عشان ميعملوش مشكلة مع بعض
اسيل : ايوة ، الحمدلله
ملك : انا مرضتش اقول لماما عشان مقلقهاش
اسيل : كويس إنك عملتي كدة مش مستاهلة
( يدخل اكرم والدكتورة )
الدكتورة : حمدلله ع السلامة ، عاملة ايه دلوقتي ؟
اسيل : الحمدلله
الدكتورة وهي بتشيلها المحلول : دايماً يارب ، كلي كويس بقا
اسيل : حاضر
الدكتورة : لو الأغماء دة اتكرر تاني يبقا لازم تعملي تحليل انيميا
اسيل : اوك
الدكتور : حمدلله ع سلامتك مرة تانية
اسيل : الله يسلمك
( تمشي الدكتورة وتقرب ملك تسند اسيل وتقومها ويخرجه مع اكرم م العيادة ، ينزله تحت ، عاشور واقف مع صحابه ، يشوفهم وهما خارجين م الكلية )
اسيل ل ملك : هتروحي معايا ولا قاعدة ؟
ملك : لا هروح معاكي طبعاً
اكرم : طب يلا اركبه
( يركبه البنات مع اكرم ويوصلهم عند العمارة ، تعدي الأيام ، ملك قاعدة مع اسيل بيتفرجه ع النت ع صور حاجات تخص شقة اسيل ومبسوطين واسيل فرحانة بوجود ملك جنبها ومعاملتها الي اتغيرت للأحسن )
اسيل : تعرفي ، انا كنت خايفة اوي معاملتك ليا دي تستمر وملقاكيش جنبي يوم فرحي ، او ملقاش الحب الي انا شيفاه ف عيونك دلوقتي !
( تضير ملك وشها )
اسيل : كنت خايفة برضو م التفاصيل ، اخد رأيك ف فستاني ، ف تسريحتي ، ف الحاجات الي احنا بنشوفها دلوقتي
( ترجع تبصلها )
اسيل : كنت بقول بيني وبين نفسي طب انا ليا مين اشاركه التفاصيل دي غيرها ، انا كنت مستعوضة ربنا بصراحة ف الحاجات دي بينا ، القاعدة الي احنا قاعدينها دلوقتي دي بالنسبالي من المعجزات ، الي هو اخر حاجة كنت اتوقعها إن انا اقعد جنبك كدة واخد رأيك ف حاجة تخصني !
ملك : هو انا كنت وحشة اوي كدة معاكي ؟!
اسيل : لا ي حبيبتي ، انتي عمرك م كنتي وحشة ، ولا عمري شفتك وحشة ، انتي بس كنتي بعيدة ، بعيدة اوي ومش عارفة ليه ، احنا مكناش كدة ، من وقت م دخلنا الثانوي وانتي بعدتي عني اوي !
ملك : اكلمك بصراحة ؟
اسيل : ياريت
ملك : مش هتزعلي وتبعدي انتي ؟
اسيل بقلق : اكيد لأ ، قولي !
ملك : انا كنت بغير منك
اسيل ب استغراب : مني ؟!
ملك بحزن : اة منك ، كنت بغير منك اوي ، بغير من معاملة بابا وماما ليكي ، بغير من إنك احسن مني ف كل حاجة ، بغير من إني مش عارفة ابقا زيك ، ولا كنت عاوزة ابقا زيك ، انا كنت عايزة اكون انا ، بس انا بالنسبالهم مكنتش عجباهم ، كان عاجبهم انتي ، شخصيتك كلامك ، حتى شكلك ، انتي متخيلة إنهم بيشبهوكي بيهم ، طب ازاي وانتي معلش مش بنتهم ، انا الي كدة ، هما بس لو كانوا عاملوني زيك انا مكنتش هوصل للي انا وصلاله معاكي دلوقتي 💔
اسيل : هما اكيد مكانوش يقصده إنهم يضايقوكي ، او يوصلولك إن انتي عندك نقص ف حاجة ، بالعكس انتي جميلة زي م انتي ، وهما بيحبوكي والله دول اهلك ، وزي م قلتي ، انا مهما كنت مش بنتهم !
ملك : لا لا لأ ، سيبك م الكلام دة ، هما معتبرينك بنتهم ، فكرة ملجئ ومتبنيينك والكلام دة كله مش ف دماغهم ، ولا حتى معترفين بيه ، ودي حاجة كويسة مش حاجة وحشة ، انا دة ميزعلنيش ، انا عمتاً من غيرك كنت هبقا وحيدة واكيد كان هيبقا نفسي ف اخت ، كنت هحتاجلك ف حاجات كتير اوي وكنت هقول ياريت ليا اخت ، بس هما عشان ميحسسوكيش إن انتي مش بنتهم جم عليا انا اوي ، ومخدوش بالهم إن دة هيكون سبب ف إني اكرهك وابعد عنك وابقا عيزاكي تبعدي عن حياتي كلها ، واتمنى إنك لو مكنتيش فيها !
اسيل ب استغراب : كل دة كنتي شيلاه ي ملك وساكتة ، طب ليه مجتيش قلتيلي إن معاملتهم دي بتضايقك ، او حتى قلتلهم هما ، كان لازم توصليلهم دة !
ملك : اسيل ، عمرك م تقدري تطلبي محبة حد ، عمرك م تقدري تروحي تقوليله معاملتك دي بتضايقني عاملني بكذا ، قولي كذا ، او اهتم بيا بطريقة كذا ، ازاي هتقولي كدة ، المحبة عمرها م بتتطلب ، عارفة جملة الأهتمام مبيتطلبش الي احنا بناخدها بهزار دايماً ، دي حقيقة مش هزار ، مينفعش تقولي لحد اهتم بيا ، ولو قلتي كدة تبقي غبية اوي ، عشان اهتمامه بيكي هيكون مزيف ، هيكون اهتمام تحت الطلب ، وانا كنت عايزة المحبة دي تكون م القلب زي الحب الي بشوفه ف عيونهم ليكي ، ف مينفعش اجي اطلبه !
اسيل : انا عيزاكي بس تحطي ف بالك حاجة مهمة جداً ، الأهل مهما قسيوا مهما اتعصبه مهما قارنونا بحد ، احنا عندهم بالدنيا وما فيها صدقيني ، وبعدين كلها كام يوم ومش هتشوفيني تاني ، هجيلكم بقا زيارات ، ساعتها لو انا فعلاً كنت الي منعاهم عن محبتك هتشوفي منهم حاجات حلوة اوي ، لإنهم طيبين وقلبهم ابيض وعارفين كويس جداً ازاي يحبوكي ، بس يمكن مش عارفين يظهره دة بسبب وجودي ، عمتاً حتى لو انا اختك من دمك دايماً الكبيرة ليها اهتمام ومحبة سيكا كدة زيادة ، عشان كانت اول حاجة بس شافتها عيونهم ، والصغيرة معروف إن لازم يكونوا حازمين معاها ف كل قرار عشان مدلعة بس حبة زيادة ، ف انا ي ستي هعتبرك الصغيرة لإن انتي فعلاً الصغيرة ، وهدلعك انا الحبة الزيادة دول ، اتفقنا 😊
ملك : خلاص اتفقنا ، بس متزعليش من دة عشان انا دمي تقيل اوي ف الدلع وبسوق فيها ☝🏻
اسيل : هههههه لا خدي راحتك انا معنديش مشكلة ، ع الأقل تاخدي مني شوية دلع قبل م اسيبك وامشي
ملك : مش عارفة والله لما تمشي هقرف مين وانكد ع مين واستفز مين واعصب مين واصدع مين واجيب المشاكل لمين و ……………………
اسيل : بس ي حبيبتي كفاية ، دي ربنا نجدها نوسة منك !
ملك : هههههه ماشي هسكت خلاص ، هروح انام عشان الوقت اتأخر ، تصبحي ع خير ي بطة 😘
اسيل ب ابتسامة : وانتي بخير ♥️
( تمشي ملك ، تمسك اسيل فونها )
اسيل : الو
اكرم : ايه ي روحي عاملة ايه ؟
اسيل : فل الحمدلله ، انت اخبارك ايه ؟
اكرم : كله تمام ، بتعملي ايه كدة ، مش سامعلك صوت من بدري !
اسيل : كانت ملك قاعدة معايا بنشوف شوية حاجات ع النت للشقة ، ف لما راحت اوضتها كلمتك
اكرم ب استغراب : ملاحظ إنها كويسة معاكي بقالها حبة ، غريبة يعني !
اسيل : لو سمعت الي هي قالتهولي ممكن تقول إن عندها حق ف إنها تكرهني او تعاملني وحش !
اكرم : اياً كان الي قالتهولك مظنش دة مبرر إن اخت تعامل اختها بالطريقه دي !
اسيل : مش عارفة ، بس حسيت إني لو مكانها كنت زعلت 😕
اكرم : وقالتلك ايه بقا ؟
( تحكيله اسيل الي قالته ملك )
اكرم : والله ربنا يهديها ، يمكن اعترافها بلي حصل دة يخلي علاقتكم احسن
اسيل : يمكن والله ي اكرم مش عارفة ، بس انا شيفاها فعلاً احسن
اكرم : ربنا م يجيب بينكم حاجة وحشة تاني ويبعد عنكم الشيطان ، وزي م انتي قلتي ، انتي كدة كدة كلها كام يوم وماشية وسيبالها البيت كله 🤷🏻‍♂️