رواية كسور الفصل الحادي والعشرون 21 بقلم سهيلة سعيد
رواية كسور البارت الحادي والعشرون
رواية كسور الجزء الحادي والعشرون
رواية كسور الحلقة الحادية والعشرون
زيدان : محدش اصلاً بيزورني ف شقتي دي ، هما عارفين إن انا قاعد لوحدي ، حتى ابويا مبيجيهاش ، ف متشغليش بالك انتي مافيش حاجة هتحصل تضرني
اسيل : انا مش عارفة اقولك ايه والله
زيدان : تقوليلي إن انتي هتصلحي كل دة ، خارجاً عن بيت عمتي انتي لازم تشوفي حياتك ي اسيل ، مينفعش تقفي هنا ، خلاص الي حصل حصل ، بدل م تقعدي تندبي حظك اعملي حاجة تفيدك
( تدمع عيون اسيل )
اسيل : هو ايه الي ممكن يفيدني ف الوضع الي انا فيه دة ي زيدان !
زيدان : يعني هو لما تحصلنا اي كارثة ف حياتنا ومهما كان حجمها لإن انا عارف إن انتي هتقولي اكيد مش بحجم الكارثة الي عندي دي مصيبة ، بس بنات كتير اوي بيحصلهم الي حصلك دة ي اسيل ، وكمان م الي حكتيه إن انتي مظلومة وإن حصل فيكي كدة وانتي مغيبة ومكنتيش ف وعيك ، يعني انتي ضحية ، ف المفروض إن انتي ترجعي تاني تقفي ع رجلك ، مينفعش تبقي بالمنظر دة !
( تنزل دموعها )
زيدان : لازم تثبتي للي عمل فيكي كدة إنه منتصرش عليكي وإن انتي برضو هتكملي حياتك ، ولو اتعمل فيكي كدة عشان انتي احسن منها ف انتي اثبتلها إن الي حصل دة مش هيخليكي اقل منها ف حاجة وإنك هتفضلي طول عمرك احسن منها ، فاهمة قصدي ي اسيل ؟
اسيل ودموعها بتنزل : فاهمة 😥
زيدان : ياريت بقا تعملي بلي فهمتيه ، وانا معاكي ع فكرة انا مش هسيبك
( تشاورله ب اة )
زيدان : المفروض إن انا كدة كدة ليا اوضة ف الأوتيل الي انا شغال فيه ، بس انا عشان بحب ابقا براحتي ف البيت وكدة ف مبستخدمهاش
اسيل : اة
زيدان : ف انا هرجع تاني اقولهم إن انا محتاجها وهبات فيها وهسيبلك الشقة
اسيل : لا طبعاً متعملش كدة ، انا بس انهاردة وانا هحاول إن انا اتصرف
( تنزل دموعها )
اسيل بعياط : انا انا مش عارفة اقولك ايه ولا اعمل ايه ، انا بجد دلوقتي ماليش غيرك ، بس انا برضو مش عايزة ابوظ نظام حياتك ، بجد مش عارفة اعمل ايه انا مش هقبل ع نفسي إن انا اخرجك برة بيتك وف نفس الوقت مش عارفة انت لو فضلت موجود دة هيضر سمعتك ف المكان او لأ لإن محدش يعرفني ، انا مش عارفة اتصرف ازاي ي زيدان ، انا مش عيزاك تسيب بيتك ومكانك والله ، انا اسفة بجد إني بوظتلك كل حاجة 😥
زيدان : خلصتي الهبل الي بتقوليه دة ؟
( تمسح دموعها )
زيدان : ممكن تهدي بقا وملكيش دعوة ، برضو شقتي حل مؤقت لإني عاوزك تستقري ف حياتك ودة مش استقرار ، ف انا مش هسيبك ي اسيل غير لما اطمن إن كل حاجة ف حياتك رجعت افضل م الأول
اسيل : ربنا يخليك ليا يارب 😔
زيدان : انا بس هبات معاكي انهاردة عشان لسة هبلغهم بكرة بحوار الأوضة
اسيل : ماشي
( يعدي الوقت ، تدق الساعة واحدة بالليل ، ف ال night club ، طالع عاشور ع السلم ، يقابل الأمن )
الأمن : مكانك ي عاشور ✋🏻
عاشور وهو بيبصله ب استغراب : ايه دة مال وشك ، مين خرشمك كدة ؟!
الأمن بغيظ : بقولك ايه لف كدة زي الشاطر وانزل تاني عشان انا عفاريت الدنيا كلها بتتنطط قدام وشي !
عاشور : في ايه يابا انا عملتلك ايه ؟!
الأمن وهو بيزق عاشور : ي عم حل عني بقااااا ✋🏻
عاشور : الله الله 😃
الأمن بزعيق : يلااااا 😡
عاشور : ماشي ي عم اهدى !
( يرجع عاشور ينزل تحت تاني ، ف بيت زيدان ، نايمة اسيل جوة اوضة بس مفتحة عيونها ودموعها بتنزل لما بتفتكر اد ايه ملك مؤخراً كانت كويسة معاها ودة كان مفرحها ، يذيد عياطها ، ف بيت عبدالله ، ف اوضة ريم ، عمالة رايحة جاية جسمها كله واجعها ودماغها هتنفجر ، تنزل دموعها )
ريم بعياط : معلش ، معلش هنتعب شوية بس هنرجع احسن م الأول ، معلش اتحملي معلش ، هتبقي كويسة 😣
( جوة شقة ، قاعد عبدالله مع لويسندا )
لويسندا : حلو دة ، قايل ليا هشوفك تسعة ف البازار ، جاي بعد نص الليل البيت !
( يتنهد عبدالله بضيق )
لويسندا : عبدالله !
( يبصلها )
لويسندا : انت زعلان ؟
عبدالله : لأ
لويسندا : شكلك مش حلو !
عبدالله : ههههه طيب 😄
لويسندا : لا مش كدة ، مش كدة مش شكلك وشك ، Εννοώ ότι δεν είσαι καλά ، فاهمني ؟
عبدالله : فاهمك
لويسندا : انت بخير ؟
عبدالله : لأ
لويسندا : حصل حاجة ؟
عبدالله بتنهيدة : حاجاااات 😑
لويسندا : احكيلي
( يحط ايده ف شعره ويرجع لورا يسند ضهره ع الكنبة )
عبدالله : اكتر مرة ندمان فيها ، ندمان إني نزلت مصر 🤦🏻♂️
لويسندا : ليه دة ليه ؟!
عبدالله : كنت مفكر هخلص شوية شغل وارجع ، فتحت عليا بيبان كتير شكلها مش هتتقفل بالساهل !
لويسندا : بسبب ريم ، اكيد هتبقا بخير وهتتعافى 😕
عبدالله : يارب ي لوسي ، يارب
لويسندا وهي بتطبطب ع كتفه : روقييي ي نجم
عبدالله : هههههه يخربيتك جبتي اللغة دي منين 😆
لويسندا : من Πελάτης زبون ف المحل
عبدالله : الزباين بوظتك !
لويسندا : هههههه ايوة ايوة
( تاني يوم الصبح ، ف بيت زيدان ، قاعد زيدان واسيل بيفطره )
زيدان : ي بنتي مينفعش كدة ، لازم تاكلي !
اسيل : مش ليا نفسي والله ي زيدان 😕
زيدان : طب لقمة صغيرة عشان خاطري كدة هتقعي ، انتي مش شايفة شكلك بقا عامل ازاي !
اسيل : شوية كدة طيب وهاكل ، والله نفسي مسدودة اوي وحاسة بطني وجعاني !
زيدان : طب قومي نلبس وننزل للدكتور !
اسيل : لا لا دكتور ايه مش للدرجة ، انا هبقا كويسة دلوقتي ، هعمل اي حاجة سخنة ، شوف انت الي وراك بس عشان متتأخرش ع شغلك
زيدان : طب عندك المطبخ جوة في الأكل وفي كل حاجة ، وهتلاقي اعشاب كتير لإن انا بحب بصراحة الحاجات السخنة
اسيل : ههههه اوك 😄
زيدان : ف عايزك تعتبري البيت بيتك اوك
اسيل : حاضر
زيدان : ومتتردديش إنك تكلميني اي وقت ، حصل اي حاجة كلميني ع طول
اسيل : مش عارفة اقولك ايه والله ي زيدان الله يخليك
زيدان : بطلي هبل بقا دة انتي متعبة !
اسيل ب ابتسامة : حاضر 😅
( وفجأة ، يخبط الباب جامد ، يتخضوا ويبصوا لبعض ، يقوم زيدان يفتح )
ملك : صباحو ي زيزو
زيدان بخضة : ملك !
ملك : ايه قلة الذوق دي مش تقولي ادخلي ، دة انا حتى اول مرة اجي شقتك 🙂
زيدان : اة اكيد ، اتفضلي !
( تدخل ملك وهي عيونها ع اسيل ، تتخض اسيل وتقوم تقف اول م تشوفها )
ملك : زي م انتي ي قلبي كملي فطارك
اسيل : طبعاً هو الي فتنلك إن انا عند زيدان صح ؟!
ملك ب استهبال : ايه دة انتي بتتكلمي عن مين ، انا جاية ازور زيزو عادي 🤷🏻♀️
اسيل : انتي كدابة
ملك : تؤ تؤ ، عيب كدة ي سيلا !
زيدان : بقولك ايه ي ملك ، انا عارف كل حاجة
ملك : عارف ايه ؟!
زيدان : اسيل حكتلي ع الي حصلها وإنك انتي اتفقتي مع صاحبك دة عشان تعمله كدة فيها !
ملك ب استهبال : صاحبي مين ، انا مالي انا بالعك الي هي كانت بتعكه دة !
اسيل ب انفعال : احترمي نفسكككك 😧
ملك : والله انا محترمة نفسي والناس كلها عارفة دة ، ع عكسك ي قطة 💁🏻♀️
زيدان بحدة : ملك انتي جاية ليه ، ومن امتى بتزوريني هنا اصلاً !
ملك : في ايه ي زيدان ، م تطردني احسن !
زيدان : العفو مقدرش ، بس ياريت بلاش الكلام الي مالوش لازمة دة احسن !
ملك : والله ي زيزو انا جاية ازورك انت ليه مش مصدقني ، وبعدين عادي إن بنت عمتك تيجي تزورك ، لكن الي مش عادي إنك تقعد واحدة شبه دي جوة بيتك ولوحدكم ، ولا هي خلاص هاصت وبقا بالنسبالها عادي إنها تبقا مع شاب لوحدهم ، بس إذا كانت ف حضن شاب من يومين ف صح هيفرقلها ف ايه بقا 😏
زيدان بحدة : ملك !
اسيل بدموع وزعل : ل اخر مرة هقولهالك ي ملك ، من بعد انهاردة لو طولتي لسانك عليا ف كلام تاني هزعلك مني بجد ، عشان انا خلاص جبت اخري منك ومبقتش باقية ع حاجااااا 🤷🏻♀️
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كسور)
