رواية كسور الفصل الثاني 2 بقلم سهيلة سعيد
رواية كسور البارت الثاني
رواية كسور الجزء الثاني
رواية كسور الحلقة الثانية
( قدام الكلية ، واقفة اسيل ساندة ع عربية وباين ع وشها الزعل ، يقرب عليها اكرم )
اكرم ب استغراب : نازلة بدري كدة ليه ؟!
اسيل بضيق : عاوزة اروح 😒
اكرم بقلق : جرا ايه ي بنتي ، انتي كويسة ؟!
اسيل : كويسة ، بس شديت مع ملك ف الكلام وبجد مخنوقة وعاوزة اروح
اكرم : ايه الي حصل بس ؟!
اسيل : فكك مش عاوزة اتكلم عنها هتخنق اكتر
اكرم وهو بيضغط ع ريموت العربية : طب اركبي طيب ونحكي ف الطريق
( يركبه العربية ويمشوا ، ف الطريق )
اكرم : طب خلاص حلو كدة متدخليش ف حاجة تخصها تاني
اسيل : م انا خايفة عليها ي اكرم مهي اختي ، وهي دماغها صغيرة وتفكيرها غلط وهيوديها ف داهية !
اكرم : الفرق بينكم سنتين مش عشرة ي اسيل ، ملك مش صغيرة وعارفة كويس هي بتعمل ايه ، سبيها تاخد ع دماغها منه وساعتها هتعرف قيمة كلامك ونصيحتك
( تتنهد اسيل بضيق )
اسيل : انا برضو بعمل الي عليا وبكلمها ، هي حرة بقا 😒
اكرم وهو بيمسك ايدها : روقي طيب
اسيل : كويسة ي حبيبي
( يبوس ايدها ، تبتسم )
اكرم : تتغدي معايا انهاردة ؟
اسيل : يبقا طنط مش ف البيت !
اكرم : اة بايتة عند جدو من امبارح
اسيل : م انا برضو بقول غريبة يعني !
اكرم : ي بنتي اكل برة مقرف بجد ومش مضمون ، انا معرفش انتي بتاكليه ازاي ، انا مُطر بس والله لإني مش قادر اطبخ
اسيل : مهي مش دي المشكلة ، المشكلة إنك معاك واحدة بتعمل لنفسها كباية النيسكافيه بالعافية ، ف لازم ي قلبي تتأقلم ع اكل برة دة 🤷🏻♀️
اكرم : انتي عارفة إني استاذ مطبخ ، انا هعلمك
اسيل بفرحة : بجد 🥺
اكرم : ايوة ، هنتعلم كل حاجة سوا
اسيل : مش هتزهق مني ؟
اكرم : هزهق طبعاً انا خلقي ضيق ، بس هستحملك عشان ميجيليش تسمم !
اسيل بضحك : هههههه ماشي اتفقنا 😄
( يرن فون اسيل ، تمسكه )
اسيل : زيزووو
( يبصلها اكرم )
زيدان : ايه ي سيلا عاملة ايه ؟
*( ملحوظة .. زيدان شاب وسيم ، بشرته سمرا ، عيونه بني ، طويل وجسمه رياضي ، يبقا ابن خالهم ، عنده ٢٨ سنة ، حالته المادية كويسة جداً ، مستقل بحياته بعيد عن اهله وشغله ومركزه كويسين )*
اسيل : كويسة الحمدلله ، انت اخبارك ايه ؟
زيدان : كله تمام ، جايين عندكم انهاردة
اسيل : بجد ايه الحلاوة دي !
زيدان : والله خلعت م الشغل بالعافية وعمتو وحشاني بقالها فترة ، ف قلت اجي ابص عليكم بقا
اسيل : تنور والله ي زيزو ، دي ماما هتفرح اوي
زيدان بغرور : طبعاً ي بنتي مش انا جاي 😌
اسيل : ههههه ماشي ي سيدي
زيدان : محتاجة حاجة وانا جاي ؟
اسيل : لا الله يخليك سلامتك
زيدان : الله يسلمك ، باي
اسيل : باي
( تقفل اسيل )
اكرم : مين دة ؟
اسيل : دة زيدان ابن خالي
اكرم : جاي عندكم ؟
اسيل : اة جاي انهاردة
اكرم : وبيتصل بيكي في حاجة ولا ايه ؟!
اسيل : لا لا مافيش حاجة ، بيقولي بس إنهم جايين
اكرم بغيرة : امممم ، بس ايه زيزو دي ، دة انتي مبتدلعنيش كدة !
اسيل : بذمتك مبدلعكش ، انت بتنكر خيري ع فكرة !
اكرم : لا بس مبتقوليش زيزو !
اسيل بضحك : هههههه اقولك زيزو ازاي يعني 😆
اكرم : ماليش دعوة قوليهالي ، مهي طالعة منك زي العسل ف معلش
اسيل بكسوف : ههههه حاضر هقولك زيزو 🤭
اكرم : ايوة كدة
( عند ملك ، قاعدة مع عاشور ف كافتيريا الكلية )
عاشور ب اندهاش : لا وربنا !!
ملك : والله
عاشور : انا فكرت انتي من أب وهي من أب !
ملك : لا هي مش اختي اصلاً ، اخويا خالد وبس ، هي اهلي اتبنوها قبل م يجيبوني
عاشور بفهم : اممممم ، فهمت !
ملك : ومع ذلك متقمسالي دور الأخت الكبيرة العاقلة ، حاجة قرف بجد 🙄
عاشور : وخطيبها عارف الحوار دة ؟
ملك : لأ طبعاً ، عيلتنا بس الي تعرف
عاشور : بس اكيد هيعرف لما تيجوا تكتبه الكتاب !
ملك : لا هو فاهم إنها من أب تاني زي م انت قلت
عاشور : اممممم ، يعني ممكن تكون بنت حرام اصلاً واهلها راميينها ف الشارع 🤔
ملك : وارد جداً
عاشور : طب م دي فرصة حلوة ، حاجة تخليها تحل عن نافوخك حبة
ملك : دة ازاي ؟!
عاشور : هقولك ي قلبي ، بس قبل اي حاجة انتي وعداني هنسهر سوا انهاردة ☝🏻
ملك : ع وعدنا متقلقش
عاشور : اشطاااا 😌
( بعد شوية ، اسيل داخلة مطعم هي واكرم ، يرن فونها ، تمسكه )
اسيل : دي ماما ، الو
لبنى : ايه ي سيلا فينك ؟
اسيل : مع اكرم
لبنى : طب متطوليش وروحي ع طول عشان خالك جاي ف الطريق
اسيل : اة م انا عارفة زيدان كلمني ، هنتغدى وجاية
لبنى ب استغراب : تتغدوا فين ، هو اكرم بياكل برة !!
اسيل : طنط مش ف البيت
لبنى : طب خليه ييجي يتغدى معانا
اسيل : طيب هقوله حاضر
لبنى : يلا سلام
اسيل : سلام
( تقفل اسيل )
اكرم : في حاجة ؟
اسيل : حماتك بتحبك وعزماك ع الغدا
اكرم : حاسة بيا والله ، انا داخل وبطني مقلوبة اصلاً 😬
اسيل : ههههه طب يلا
( يرجعه يركبه العربية ويمشوا ، عند ملك ، يرن فونها ، تتنهد وتكنسل )
عاشور : مين ؟
ملك بعدم اهتمام : ماما ، فكك
( تروح اسيل البيت مع اكرم ويتغدوا مع اهلها ، ييجي الليل ، توصل ملك البيت )
ملك : خالووو 😊
( تدخل تسلم عليه )
الخال : لسة فاكرة دة انا قربت امشي !
ملك : محدش قالي إنك هنا والله
اسيل : اتصلنا بيكي كتير كنتي بتكنسلي !
( تبصلها ملك بجمود وتضير وشها )
لبنى : ادخلي اتغدي
ملك : لا اتغديت برة
لبنى : طب مش تسلمي !
ملك وهي بتبص ل اكرم : ازيك ي دكتور ؟
اكرم : ازيك ي ملك !
ملك : الحمدلله
( يقرب زيدان )
زيدان : اخيراً القمر ظهر 🤷🏻♂️
ملك : زيزووو ، عامل ايه ؟
زيدان : فل الحمدلله
ملك : واحشني والله
زيدان : واحشك اسألي ي معفنة !
ملك : هههههه معلش 😄
زيدان : اخبار خالد ايه ؟
ملك : كويس الحمدلله
زيدان : مش ناوي ينزل اجازة بقا ؟
لبنى : دة مصدق إنه مشي اصلاً !
زيدان : ههههه عنده حق ، حد يجيله فرصة يمشي ويرجع هنا تاني !
ملك : بالظبط
( بعد شوية ، اسيل واكرم واقفين ف البلكونة مع زيدان )
زيدان : ي بني بطلوع الروح والله ، انا اصلاً رايح عشان اقبض
الكل : ههههههه 😄
زيدان : مصدقوا لاقوني بقا ، لبست اليوم كله !
اكرم : لا تستاهل بصراحة
زيدان : ههههه اة 😄
اكرم : بس انت شغلك مظنش ينفع فيه اجازات !
زيدان : للأسف لأ لإن كله معتمد عليا ، ف قلت استهبل واعمل عيان بس اتقفشت !
اكرم : هههههه
( تقرب ملك )
ملك ل اسيل : هو انتي مترتاحيش إلا اما تسخني الدنيا عليا !
( يبصولها ب استغراب )
اسيل : انا ؟!
ملك : اة انتي ، بقالي نص ساعة بتهزق جوة بسببك !
اسيل بعدم فهم : انا عملتلك ايه ؟!
ملك : رايحة قايلة لماما إنك بعتيلي مسچ إن خالو هنا وإني شفتها ومردتش ، وإني عمالة اكنسل عليكي يعني شايفة الأتصال ومطنشة !
اسيل : طب م دة الي حصل ، وهي الي قالتلي اعمل كدة اصلاً !
ملك ب انفعال : كدابة محصلش ، انا موصلتنيش منك اي رسايل !
اكرم : اهدوا طيب !
ملك بحدة : لو سمحت متدخلش بقااا ☝🏻
( يتحرج اكرم )
زيدان : عيب كدة ي ملك !
اسيل : ايه الي بتعمليه دة !
( تقرب الأم )
لبنى : والله انتي ناقصة رباية !
اكرم : بس ي جماعة هي عندها حق ، انا ميخصنيش انتوا اخوات !
ملك : بالظبط كدة
لبنى بزعيق : احترمي نفسك وغوري ع اوضتك 😡
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كسور)
