رواية كسور الفصل التاسع 9 بقلم سهيلة سعيد
رواية كسور البارت التاسع
رواية كسور الجزء التاسع
رواية كسور الحلقة التاسعة
اسيل بتوتر : اكرم اهدى بالله عليك ، انا اسفة إن انا قلتلك انا مكانش ينفع اقولك !
اكرم وهو باصص للفون : يلاااااااا 😡
( توصله مسچ فيها العنوان ، يفتحها )
اسيل بخوف : اكرم انت مش هتروح ف حتة !
( يتجاهل كلامها ويقرب ع عربيته ، تروح اسيل وراه )
اسيل : اكرم انت سامعني ، بالله عليك متروح ف حتة 😧
اكرم وهو بيفتح باب العربية : اطلبي اوبر وروحي البيت
اسيل ب ارتباك : لا لا معيش داتا معيش معيش نت ، انا عيزاك انت توصلني !
اكرم وهو بيبص ل اسيل : اسيل احسنلك ابعدي عن وش السعادي ، خدي اوبر خدي تاكسي إن شاء الله تقعدي ف الشارع ، ابعدي عن وشي دلوقتي بجد هزعلك مني !
( تخاف اسيل ، يركب اكرم عربيته ويمشي ، تقف اسيل مش عارفة تعمل ايه ، تنزل دماغها غصب عنها وتمسك فونها تتصل ، عند عاشور ، قاعد ف مكان بلاي ستيشن بيلعب مع صحابه ، ف بيت اسيل ، قاعدة ملك ف اوضتها ، يرن فونها ، تلاقيها اسيل )
ملك : ايه ي سو
اسيل بعياط : في مصيبة هتحصل دلوقتي بسبب الزفت الي اسمه عاشور 😥
ملك ب استغراب : مصيبة ايه ي بنتي حصل ايه ؟!
( تحكيلها اسيل الي حصل )
اسيل بخوف : بالله عليكي لو تقدري تعملي حاجة اعمليها 😟
ملك : انا مش عارفة اقولك ايه ، بس انا هحاول اتكلم معاه ، مع إننا مبنتكلمش بس عشان خاطرك والله
اسيل بعياط : احلفي إن الموضوع دة ميخصكيش ي ملك وإنك مش عارفة إن عاشور هيعمل عليا الحوار دة عشان تحصل مشكله تاني بيني وبين اكرم 😥
ملك : والله العظيم والله العظيم م اعرف حاجة ، انا بقولك انا وعاشور مبنتكلمش اصلاً ، وبعدين في ايه بيني وبينك حالاً عشان اعمل كدة ، م الدنيا بينا زي الفل ي بنتي ، وحتى لو مكانتش كدة انا مستحيل دماغي توديني لحاجة زي كدة ، انتي اختي ومش هخرب عليكي وانتي فاضلك اسبوع ع فرحك !
اسيل ودموعها بتنزل : انا تعبت ، والله تعبت ومش عارفة اعمل ايه ، كل م اقول الدنيا هتبقا تمام وهعرف افرح وايامي هتعدي ع خير يحصل حاجة ترجعني ميت خطوة لورا ، ليه طيب ليه ، انا عملت ايه ف دنيتي عشان يحصل معايا كدة ، انا عارفة إن عاشور مبيحبنيش بسبب إني كنت دايماً اقفله ايام م كنتوا سوا ، بس دة مش مبرر إنه يخرب بيه حياتي ويبوظ سمعتي ، بالله عليكي ي ملك بالله عليكي وحياة اغلى حاجة عندك كلميه ، وقوليله ملهوش دعوة بيا ويلم الموضوع مع اكرم لما يجيله 😥
ملك : والله هكلمه واخلصلك الحوار ، اهدي بس !
اسيل : ماشي ي ملك ماشي ، باي
( تقفل ملك مع اسيل وتتصل ب عاشور )
ملك : الو ، انت فين ؟
عاشور : ف البلاي ستيشن مع العيال
ملك : ايه الي انت عملته مع اسيل دة ، من امتى بتتصرف ف الموضوع من غير م ترجعلي !!
عاشور : عادي يعني ، الحوار حلو ف قلت ادوس واعملهالك مفاجأة 🙄
ملك : طب انت ع فكرة غوط اوي ، ف لم الليلة دي عشان كدة هتحصل مشكلة كبيرة !
عاشور : بعد ايه بقا ، م خلاص اكرم جايلي ف السكة
ملك ب انفعال : ي ابني انت متخلف ، ازاي تعمل كدة بجد !!
عاشور : الي حصل ، يعني انا غلطان إني قلت اظبطلك الدنيا !
ملك : ايوة غلطان طبعاً !
عاشور : طب ي قلبي الي انتي متعرفوش إن كل الي انا بعمله دة عشان الحوار الكبير
ملك ب انفعال : انت كل م هتعمل مصيبة هتقولي عشان الحوار الكبير 🤷🏻♀️
عاشور : والله انتي هبلة وم فاهمة حاجة
ملك : فهمني انت ي ابو العريف !
عاشور بمرح : مش وقته دلوقتي انا ورايا خناقة
ملك ب استغراب : احيه بجد ع برود اعصابك ي اخي احييييه !!
عاشور : وانا كسبان ايه يعني من كل الي انا بعمله دة ، مهو كله عشانك ي بندقة 🙄
( تتنهد ملك بضيق وتسكت )
ملك : هتعمل ايه لما يجيلك ؟
عاشور : ييجي فين ي هبلة انتي ، انا مديله عنوان غلط
ملك : لا والله ، وسايبني اكل ف نفسي من الصبح !
عاشور : عشان تعرفي إن انتي غبية 💁🏻♂️
ملك ب استغراب : ومديله عنوان غلط ليه إن شاء الله ؟!
عاشور : مش بقولك غبية ، عوزاني اديله العنوان صح ويجيلي ونتخانقه ونطلع مي*ين بعض ، طب وبعدين ، انا كدة استفدت ايه ؟ ولا حاجة ، لكن هو هيكون فش غله فيا وجاب لخطيبته حقها وعمل فيها دكر قدامها ، لكن لما يروح عنوان غلط ويعرف إن انا بسوحه وبلففه حوالين نفسه هتفضل النار تاكل فيه ، وهتفضل علاقتهم ببعض تسوء اكتر واكتر ، وكدة كدة احنا خدنا الأجازة يعني مش هنشوف بعض ف الكلية
ملك : انت بجد دماغك دي دماغ شيطان ، الله يكون ف عون الي يقع ف طريقك !!
عاشور : كله عشان خاطرك ي قلبي ، عشان تعرفي انا بحبك اد ايه 🙂
ملك بقلق : دة انا نفسي بدأت اقلق منك والله !
عاشور : عيب عليكي بس متقوليش كدة !
( تتنهد ملك بعدم ارتياح ، بعد دقايق ، يوصل اكرم قدام مطعم ، يدخل ويفضل يبص ف وشوش الزباين يمين وشمال ع اساس إنه يلاقي عاشور لكن ميلاقيهوش ، ييأس إنه يشوفه ف يطلع برة المكان ، يمسك فونه ويتصل ، عند عاشور )
عاشور بسرعة : اقفلي احسن بيتصل بيا اقفلي !
ملك : طيب سلام !
( يقفل عاشور مع ملك ويرد ع اكرم )
عاشور : ايه ي باشا 😌
اكرم : انت فين يالا ؟
عاشور : يالا ، ماشي ي عم مقبولة منك !
اكرم بزعيق : انت فيييييين ؟
عاشور : ف مشوار كدة ، يخصك ف ايه ؟
اكرم : انت اهبل ولا دماغك تعبانة ، انت مش مديني عنوان ام المطعم دة !
عاشور : بص ي دكتور ، انا وانت اكبر من كدة بكتير ، هجيلك ونتخانق قدام الناس ونمسك ف بعض ونخلي شكلنا وحش ، وانت برضو ليك سمعتك ف الكلية ، طب وليه ، ي سيدي بما إنكم داخلين ع جواز ف انا هحترم نفسي وهسكت وهكتم ف قلبي ، وربنا يعيني بقا ع الفراق ويباركلك فيها ي عم 😏
اكرم بغيظ : وحياة امي ي عاشور م هسيبك ، وبرضو مش هنولك الي ف بالك وإنك توقع بيني وبين اسيل
( يبتسم عاشور )
اكرم : ف احسنلك فعلاً متورنيش وشك الأيام الجاية 😐
( يقفل اكرم ف وشه ويقف ع اخره ، يقرب ع عربيته يركبها ويمشي ، يعدي الوقت ، ملك واسيل ف البيت قاعدين مع بعض )
ملك : طب جربتي تكلميه تاني ؟
اسيل : لأ ، بصراحة خايفة ، انا حاسة إن المرة دي مش هتعدي ع خير !
ملك : وانتي ايه ذنبك طيب انتي ملكيش دعوة ، انا معرفش ايه الي جن عاشور دة بجد متوقعتش إنه حيوان كدة ، حتى مبيردش عليا !
اسيل : عشان كنتي تسمعي كلامي لما احذرك ، اديها عكت ع دماغي انا ف الأخر وشيلت ليلته 🤦🏻♀️
ملك : انا اسفة
( تتنهد اسيل بضيق وتسكت ، يرن فونها ، تمسكه بسرعة تلاقيه اكرم ، تتخض من جواها )
اسيل ب استغراب : دة اكرم !
ملك : طب ردي بسرعة
اسيل : الو
اكرم : انزليلي انا تحت البيت
اسيل بخوف : انزلك دلوقتي !
اكرم : ايوة يلا
اسيل وهي بتقوم : حاضر نازلة !
( تقفل اسيل )
ملك : في ايه ؟!
اسيل : بيقولي إنه تحت البيت وعايزني انزله حالاً !
ملك : انزلي طب شوفيه
اسيل بقلق : نازلة !
( تنزل اسيل وهي خايفة ومتوترة ، تمسك ملك فونها بسرعه وتتصل )
ملك : الو ، ايه ي بني ، انت عملت ايه معاه ؟
( تحت ف الشارع ، اسيل قاعدة مع اكرم ف عربيته )
اسيل ب استغراب : كتب كتاب !!
اكرم : اة كتب كتاب
اسيل : بس احنا كنا متفقين إن كتب الكتاب هيتعمل يوم الفرح ، دة خلاص فاضل اسبوع بس !
اكرم : وانا عايز اكتبه دلوقتي ي اسيل ، عندك مشكله ف دة ؟
اسيل : معنديش مشكلة ، انا بسأل بس ليه غيرت رأيك !
( ميردش )
اسيل ب استغراب : وليه مش عايز تحكيلي الي حصل بينك وبين عاشور ؟!
اكرم : يهمك ف ايه تعرفي الي حصل ، موضوع وخلص 😒
اسيل : لا يهمني طبعاً ، انت كنت رايح تتخانق معاه وكانت هتحصل مصيبة ، وجاي دلوقتي فجأة تكلمني ف كتب كتابنا ، ف اكيد هستغرب !
( ميردش )
اسيل : انا مش هكتب كتابي غير يوم الفرح ي اكرم
اكرم وهو بيبصلها : يعني ايه !
اسيل : يعني زي م سمعتني كدة ، احنا كنا متفقين نكتب الكتاب يوم الفرح ، ايه الي غير رأيك دلوقتي ؟!
اكرم بعصبية : الي غير رأيي ام القرف الي بيحصل والي انا بشوفه ، ف اكتب كتابي دلوقتي احسن م اعمل مصيبة مع حد 🤷🏻♂️
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كسور)
