رواية كسور الفصل الأول 1 بقلم سهيلة سعيد
رواية كسور البارت الأول
رواية كسور الجزء الأول
رواية كسور الحلقة الأولى
( جوة اوضة ضلمة وانوارها هادية وملونة ، قاعد شاب ع كرسي ب ارتياح وف ايده كاس بيشربه وسكران ع الأخر ، قدامه بنت واقفة بترقص بهمجية ع انغام اغنية اجنبية مزعجة ، الشاب يحط الكاس ع الترابيزة الي جنبه ويقوم يقف ويقرب ع البنت ، يمسك ايدها ، توقف رقص وتبصله )
*( فلاش باااااااااااك )*
*( قبل 20 سنة )*
( جوة اوضة ف مستشفى ، نايمة ست ع السرير وراجل قاعد جنبها )
داوود : المهم إنك قومتي بالسلامة ، مش مهم اي حاجة تانية
لبنى : انا متفائلة خير ب اذن الله
داوود : ب اذن الله
( يخبط الباب ويدخل الدكتور )
الدكتور : حمدلله ع السلامة
داوود ولبنى : الله يسلمك
الدكتور ل لبنى : بصي ، احنا قلنا هنعمل العملية دي ك تجربة وبس ، صح ؟
لبنى بقلق : ايوة 😕
الدكتور : انا لسة شايف الأشعة ، برضو مفيش امل ف الموضوع !
( يتخضوا )
الدكتور : انا مش عاوزكم تضايقوا ، انتوا مشاء الله معاكم خالد ربنا يخليهولكم ، ف قوله الحمدلله إن الأزمة الصحية دي جت بعد م خلفتوه
داوود : الحمدلله ع اي حال ي دكتور
الدكتور : وارجع اقولكم كل شئ ب ايد ربنا
داوود : ونعمة بالله
الدكتور ل لبنى : حمدلله ع سلامتك مرة تانية
لبنى بزعل : الله يسلمك 😟
( يمشي الدكتور )
داوود : متزعليش ، ي ستي الحمدلله ع كدة
لبني بدموع : الحمدلله 😔
*( بعد 6 شهور )*
( جوة ملجئ ايتام ، ف مكتب المديرة ، قاعدة لبنى وداوود )
داوود بضيق : مش عارف انا ازاي ماشي وراكي ف كدة !
لبنى : ي حبيبي احنا هنكفل يتيم ، ودة ثوابه عند ربنا كبير اوي 🤷🏻♀️
داوود : ي ستي ماشي ، بس احنا عندنا ابن ف نعمل كدة ليه !
لبنى بحزن : انت عارف إني نفسي ف بنت وإني خلاص مش هعرف اخلف تاني 😟
داوود : مين قالك كدة ، الدكتور قال كل حاجة ب ايد ربنا !
لبنى : داوووود ، انا وانت عارفين إن خلاص كدة 💔
( يتنهد داوود بضيق ويسكت ، تدخل المديرة وشايلة بنت عندها حوالي سنة ، تبصلها لبنى بفرحة ويقوموا يقفه )
المديرة : دي بقا اسيل 😊
( يقربه عليها ويفرحه بيها جداً ، تعدي الأيام )
*( بعد سنة من تبني اسيل )*
( ف شقة لبنى ، قاعد داوود ولبنى ف الأنتريه وبطنها كبيرة حامل )
لبنى بوجع : ااه !
داوود بقلق : ايه !
لبنى : متقلقش ، وجع كدة بيروح وييجي !
داوود : شفتي بقا كرم ربنا ، الي يشوفك وانتي بطنك قدامك دلوقتي ميشفكيش وانتي ف الملجئ والدموع ف عيونك عشان تتبني اسيل !
لبنى : ارادة ربنا بقا ، ومش ندامة ع وجود اسيل ف حياتنا ، دي حتى كان وشها حلو علينا اوي وبعتبرها بنتي بالظبط ، وعمري م هفرق بينها وبين خالد او بين الي جاي
داوود : ربنا يخليهملنا ويقدرنا ع تربيتهم
لبنى : امين يارب
( جوة اوضة ف البيت ، قاعد خالد بيلاعب اسيل وهي مبسوطة )
*( بعد 19 سنة )*
*( شهر 5 ، سنة 2024 )*
( جوة كلية خدمة اجتماعية ، ماشية بنت )
اسيل للناس : صباحو ، صباح الفل 😊
……. : سوسو
اسيل : حياتي
……. : كلميني 🤙🏻
اسيل : عيوني
*( ملحوظة .. اسيل بنت جميلة ، بشرتها برونزية ، عيونها دهبي متكحلة ، شعرها بني طويل معدي ضهرها متعرج ، وشها منحوت وملامحها جذابة ، طولها متوسط ورفيعة جسمها رياضي ، بتدرس كلية خدمة اجتماعية ف اخر سنة ليها ، عندها ٢١ سنة ، اتبنتها لبنى من ٢٠ سنة وبالنسبالهم زي بنتهم واكتر ، اسيل مخطوبة للمعيد بتاعها ف الكلية )*
( تلمح بنت وشاب واقفين سوا ، تتنهد بضيق وتقرب عليهم )
اسيل : ملك
( يبصولها )
اسيل بجدية : عوزاكي 😐
ملك : جاية !
*( ملحوظة .. ملك بنت جميلة ، بشرتها بيضة ، عيونها عسلي ، شعرها بني قصير ، طولها متوسط وجسمها مظبوط ، عندها ١٩ سنة ، تبقا بنت لبنى وداوود وتعتبر اخت اسيل ، بتدرس ف نفس كلية اسيل بس ف سنة تانية )*
( تمشي اسيل )
عاشور ل ملك : هي مالها ع الصبح !
*( ملحوظة .. عاشور شاب وسيم ، بشرته قمحية ، عيونه بني ، شعره اسود ، طويل وجسمه رياضي ، عنده ٢٢ سنة ، من عيلة غنية مادياً ، وحيد اهله ملهوش اخوات ، زميل ملك ف الكلية وصحاب ، عايد سنة قبل كدة )*
ملك بتنهيدة : هشوفها 🙄
عاشور : طب خفي مستنيكي
ملك وهي ماشية : اوك
( تمشي ملك تقرب ع اسيل )
ملك : ايه ؟
اسيل : ايه ف عينك ، ايه الي موقفك مع عاشور ؟!
ملك : موقفتش ولا حاجة ، هو الي جه كلمني
اسيل : ي شيخة !
ملك : ايوة
اسيل ب استغراب : وشيفاكوا بتهزره يعني !
ملك : اتصالحنا
اسيل : لا والله !
ملك : اة
اسيل : كالعادة طبعاً ، تمام ماشي بس ياريت متجيش تعيطي زي كل مرة تاني اوك
ملك : م خلاص ي اسيل هو انا عشان حكتلك هتزليني !
اسيل : دي المرة السبعين الي تشتكي منه فيها وتحلفي م رجعاله ، وبرضو مفيش يومين وترجعيله !
( تتنهد ملك بزهق )
اسيل : ي بنتي البني ادم دة لعبي وحواراته كتير ، وحذرتك منه كذة مرة !
ملك بزهق : بقولك ايه ، انا مش ناقصة وجع دماغ بجد !
اسيل : انتي بتتكلمي معايا كدة ليه ، دة جزاتي عشان بحذرك !!
ملك : ي ستي لو جيت اشتكتلك تاني ابقا اقلعي جزمتك واضربيني بيها ، تمام كدة ؟
اسيل : تمام ي ملك ، براحتك !
ملك : مهو براحتي فعلاً ، انا لو بتكلم معاكي ف بتكلم من زهقي وعشان مبحبش احكي خصوصياتي لصحابي مهما كانوا قريبين ، ف مش معنى كدة إني بشتكيلك او إني همشي ب رأي حد ف حياتي الخاصة !
اسيل : ايه الي انتي بتقوليه دة ، م انا ساعات باخد رأيك ف حاجات تخصني ، هل معنى كدة إنك بتتحكمي ف حياتي !!
ملك : وهل حضرتك بتنفذي رأيي دة اصلاً ؟
اسيل : لو اقتنعت بيه وصح هنفذه ي ملك !
ملك : حلو اوي ، يبقا خليلي انا رأيي الي انتي مش مقتنعة بيه وخليلك انتي رأيك المدهش ، تمام كدة ؟
اسيل بضيق : لا انتي بجد بقا الكلام معاكي متعب نفسياً ، انا ماشية وبراحتك ي ملك انتي مش صغيرة !
( تمشي اسيل وترجع ملك تقف مع عاشور )
عاشور بفضول : في ايه ، عاوزة منك ايه ؟
ملك : كالعادة يعني ، بتسخني عليك 💁🏻♀️
عاشور : لا والله !
ملك : امممم
عاشور : وبتقولك ايه بقا إن شاء الله ؟
ملك : إنك بني ادم لعبي وحواراتك كتيييير 😊
عاشور بغيظ : ع فكرة ف مرة هزعلهالك بجد ، عشان متلومنيش لو دة حصل !
ملك : لا مش هلومك ، عشان انا شخصياً مش طيقاها اليومين دول ونفسي تحل عني !
عاشور ب استغراب : ودة ليه ، ايه الي حصل بينكم ؟!
ملك : محصلش ، طول اليوم مقارنات بنا وقرف ، خليكي زي زفتة البسي زي زفتة ذاكري زي زفتة ، لما كرهت نفسي وكرهت زفتة !
عاشور : طب ايه المشكلة ، م انتي كنتي دايماً وراها ف كل حاجة لما كنتي خانقة الي جابوني 🙄
ملك : كان بقا ، م انا مش هفضل ضلها ع طول انا مبقتش صغيرة !
عاشور وهو بيمسك ايدها : ي عم انت الصغنن بتاعي ، تكبري ع الكل إلا انا هااا 🙂
( تبتسم ملك )
ملك : عارف إن شمتها فيا ي عاشور هعمل فيك ايه ، هقتلك !
عاشور بضحك : هههههه لا متقلقيش ، وبعدين مهي اختك مش حد غريب !
ملك بتريقة : اختي اة 😒
( شاب نازل ع سلم الكلية ، يرن فونه )
اكرم : الو ، ايه ي قلبي ، رايحة فين ، طب اصبري انا ع السلم نازل اهو ، ايوة استنيني ، يلا باي
*( ملحوظة .. اكرم شاب وسيم ، بشرته بيضة ، شعره بني ، طويل وجسمه رفيع بس رياضي ، عنده ٢٦ سنة ، ظروفه المادية كويسة ومن عيلة محافظة ، بيشتغل معيد ف الكلية ، يبقا خطيب اسيل بقالهم ٧ شهور مخطوبين )*
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كسور)
