رواية كذبة الحب الفصل السابع والعشرون 27 بقلم صفاء حسني
رواية كذبة الحب البارت السابع والعشرون
رواية كذبة الحب الجزء السابع والعشرون
رواية كذبة الحب الحلقة السابعة والعشرون
كذبة الحب الكاتبة صفاء حسنى ألبومان
روايات الكاتبة صفصف
٥ د ·
حنان بخوف انت مين
ثم يظهر ملامح تتفاجا أنه مازن تلجلجت في الحديث طب ازاى واللي كان مرمى مين انت عرفت ازاى وفين عماد زوج ريهام وطلعت ازاى
وتيجي تدخل ريهام عليهم : الحمد الله يا قلبي انك بخير
حنان :ريهام انا فين واي اللي حصل
#الكاتبة #صفاء #حسنى
#الفصل #الأخير #الجزء #الاول
مازن ههههه اهدى يا حبيبتي بس وهاحكيلك
حنان : حبك برص وعشرة خرس ايه جاب ده هنا يا ريهام
ريهام : اهدى بس وانا هقولك الحكاية كلها
حنان :هو انا لسة هاسمع حكايات انا قلتلك عاوزة أهرب منهم هما الإثنين تروحى تخلي وتفوق هو انت السواق اللي رشيت عليا حاجة فين اسر
اسر يجرى انا اهو يا ماما انتى صحيتى نمتى كتير اوى وانا فضلت العب مع ملك ومع صديقي الجميل عمو مازن
حنان توجه كلامها ل ريهام اي اللي حصل ارجوكى انا هتجنن
ريهام شوفي يا ستى مازن هو صاحب الخطة اللي اقترحتها عليكى
حنان :ايوا كدة صح وانا زى الهبلة كنت فاكرة فعلا فكرة جوزك بس اكيد لازم تكون منه ما هو واخوه منقوعين في خطط والاعيب
مازن :اللهم اطولك يا روح مش قلتلك احسن نخدرها شايفة لسانها متبرى منها ازاى
حنان تقوم تقف علي السرير والله دا انا اللي لسانى متبرى منى أشكر ربنا يا شيخ انا وقعت في عصابة بقالى 13 سنة دى انا ليا الجنة
مازن : ما بردو فرد من العصابة خلصك منها وانتى اللي وقعتى نفسك بنفسك علي فكرة فاكرة نفسك مصلحة اجتماعية ورايحة تساعدى في دي وفي ده
حنان :وانا اي اللي عرفنى أن الإثنين اللي هساعدهم متجوزين من شخص واحد ومخلفين شياطين مش بنى أدمين
مازن :انا شيطان وانتى ايه أية من الجنة ياشيخة روحى اتركينى علي رف كدة
ريهام اوف بقي هتبطلو ولا أمشي
حنان :نعم يا روح ماما هتمشي تروحى فين انتى كمان
مازن :ايه روح ماما دى سوفاج هى دى حنين هانم
حنان : سوفاج اي يالا انتى فوقى وصحصحى معايا كدة
ريهام :يعنى عاوزة تعرفى ولا أروح عند جوزى
حنان: لا طبعا وهتسبيني هنا لوحدى مع الشيطان ده
ريهام :ههههه ما تخافيش انا في الشقة اللي قدامك
حنان :لا طبعا هو يقعد مع جوزك هناك وانا وانتى هنا وحسابي معاكى بعدين
ريهام :لا والنبي اوعي تزعلى انا ما صدقت انك سامحتينى المرة اللي فاتت
حنان بحزن طب ليه وقعتينى معاه تانى
ريهام :والله بالصدفة من سنة كنت في مول بشتري حاجات وكنت بتكلم معاكى وقتها وكنت بقولك وقتها ….
فلاش
حنان :انتى فين كدة في دوشة عندك
ريهام :في المول انا والست ملك بجيب ليها هدوم وألعاب انا وعماد
حنان: بجد طب سلمى عليهم كتير اوى والله نفسي أخرج انا واسر كمان بس الشغل فوق راسي
ريهام :هو مفيش أخبار عن ابوه
حنان :ليه السيرة الهباب دى دلوقتي
ريهام :الولد محتاج ل ابوه يا حنان انا شايفة ملك مع عماد وهو شايلها قدامى وبتضحك وفرحانة اما ابنك في عيونه الحزن وانتى مش متقبلة جوزك والا عاوزة تكملى حياتك
حنان :مش هينفع دا اتفاق وهو متجوز ومراته الفترة دى لقيتها بتحوم حواليا وبعتت ليا رسالة واتفقت اقابلها
ريهام :خير في ايه مش انتى كنتي طمنتيها أنكم هتطلقوا
حنان :م نور رافض بشدة وقلبي بقي مش مستريح للموضوع دا اما اللي ما يتسمي دا هو لا سأل ولا دور علينا
ريهام :ممكن ما يكونش عارف اصلا ان عندك ولد
حنان :انتى هتجننينى ابوه جه ورمى ليا فلوس وقال ما ترميش ابن عشيقك علي ابنى فاكر انى حامل من نور
ريهام :اكيد في لغز في الموضوع اقولك سلام دلوقتي علشان دخلنا المحل
حنان ماشي يا قلبي سلام
تقفل ريهام وتاخد التليفون وتحطه في الشنطة ومش تنتبه من شخص فتخبط في مازن
ريهام مش تحاسب يا اخينا
مازن عفوا انتى اللي خبطى فيا مش انا
ريهام والله وانت بقي ماشي بتتلزق في الناس والا قاصد تخبط فيا
مازن هي بلاوى بتتحدف علي الواحد
عماد يجي في اي يا ريهام .
ريهام :الأستاذ البجح خبط فيا وبقوله حاسب دخلي قافية
عماد في حاجة يا اخينا
مازن هو لو انتم عايزين تقلبوها خناقة وقسم انا ما عنديش مانع
#الكاتبة #صفاء #حسنى
#الفصل #الأخير #الجزء #الاول
ريهام :يادى البجاحة ناس ماشط تختشيش
ملك يلا يا ماما بقي عاوز اشترى فستان علشان نروح نزور اسر وعمتو حنان
ريهام :لا يا ملك مش هينفع هي عايشة في القاهرة هي وعدتنى هتيجي كمان أسبوع هي واسر
ملك تبكي انا مليش دعوة انا عاوزة أروح ليه
عماد وريهام ينسو مازن ويتكلمو
عماد :هي خلاص ناوية تفتح فرع هنا
ريهام : اه هى عاوزة تطلق من نور وتعمل شغل لنفسها هنا وتربي ابنها
عماد :ومفيش أخبار عن أبو الطفل هو اسمه ايه
ريهام : علي ما اظن مازن مدحت لا هو انت تعرف حد يدور عليه في المانيا
مازن يقاطعهم في الكلام انا اعرف ناس في السفارة هو في المانيا
ريهام هو انت لسه واقف
مازن انا عايز اساعد مش اكتر انا كنت مسافر من فترة واعرف ناس كتيرة هناك
عماد بجد بس احنا ما نعرفش غير اسمه مازن مدحت
ريهام بس في اللي يعرف اسمه بالكامل
عماد :مين ياريت نعرف نوصل ليه حنان أفضالها كتيرة علينا وواجب علينا نساعدها
ريهام :فعلا والله ممكن ماهي والنقيب اسر السيوفي يعرفوا اسمه لأنهم أصدقاء من زمان
مازن يستوعب الكلام ويجمع : انتى تقصدى النقيب اسر السيوفي
ريهام :اه حضرتك تعرفه
مازن :هو مين عايز يدور علي مين
عماد : هو مفيش حد عاوز يدور علي حد في صديقة عزيزة علينا وكان ليها الفضل أنى اتجوز من زوجتى ووقفت جنبي انا وهى وكنا عاوزين نرد ليها حد غالي علي قلبها و غائب ندور عليه ونرده لعقله
ريهام :لا يا عماد اوعى تقول عليه غالي علي حنان هو غدر بيها وسابها وهى حامل انا بس عاوزة اسر يعرف ابوه وينكتب ب اسمه
مازن بحزن :انتى تقصدى حنان أحمد السيد
عماد :انت تعرفها حضرتك
ريهام :يعرفها من فين هى غيرت اسمها وبقت اسمها حنين دلوقتي تلقيه سمع اسمها منى
مازن :لا للاسف انا اعرفها لأن انا الشخص اللي كنتم هتدورو عليه
…
باك
حنان يافرحتي بيكى وفضلتوا تتكلموا معاه وعرفتوه كل التفاصيل عنى والله برافو عليكم
ريهام ههههه انتى عارفة أختك وجوزها لم نصدق نتكلم مش بنوعي لبعضنا المهم
حنان :مهم اي واضح زي الشمس بعتيه علي الشركة اللي بشتغل فيها والأستاذ فضل يلعب بعقل ابنى علشان اعترف أن الولد ابنه صح
مازن :صح بس اللي ما تعرفهوش أن اسر ما عملش حادثة دي لعبة انا وهو لعبناها ودهنت رجله دم وطلبت منه ما يرفعش رجله خالص الدكتورة سارة كملت كل الاجراءت في المستشفي
حنان تصرخ نعم ووقعت قلبي علي ابنى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كذبة الحب)
