رواية كذبة الحب الفصل الثالث 3 بقلم صفاء حسني
رواية كذبة الحب الجزء الثالث
رواية كذبة الحب البارت الثالث
رواية كذبة الحب الحلقة الثالثة
مازن : إنتى ليه بتلعبى بالألفاظ فاكرة نفسك أطهر بنات الكون انتى كنتي في فيلتي فيلا شاب عاذب ولو كنت بلغت الشرطة كانت سمعتك بقيت زى الزفت ..
حنان : كدة طيب وريني هتعمل اي انا مش جاية وانسانى ومعاك الوصل والساعة روح طرقنا بقي يا بيه.
مازن يلو دراعها: انتي بتلعبى بيا يا حثالة البشر
حنان: اه ايدى اوعى انت مش هتقدر تعمل حاجة ليا
أنا خلاص رجعت الحارة بتاعتي في وسط أهلي
ولو فكرت تعمل حاجه الشباب دا هيطحنوك مفهوم ..
(وتيجي تطلع وتسيبه ترجع تاني) ..
حنان : آه نسيت اقولك حاجة إحنا فقرا آه بس مش بناخد حسنة من حد انا إللي اديتك حسنة علي فكرة الساعة إللي هتتجنن عليها. روح اتاكد براحتك وانسي انك شوفتنى وخلي في عقلك أن الناس الفقيرة احسن من الناس الغنيه علشان طول عمركم جعانين مش بتشبعوا …
روايات الكاتبة صفصف
الكاتبة صفاء حسنى
مازن بغضب وعصبية : انتى مين علشان تبعبعى بالكلام دى و هتدفعي التمن يا أستاذة..
حنان : أعلي ما في خيلك اركبوا واللى تقدر تعمله اعملوا روح يا بابا علي فيلتك إللي عامله زي بيوت الأشباح دى أرجع بسرعة لتتسرق هههههه وتيجي تعيط وتصرخ
مازن بعصبية ويضغط علي ايده: والله ان ما خليتك تتختخى في الحبس مش ابقي انا
حنان :هههه هتقولهم اي سرقت كرة
من مخزن الكور اللى عندك اه وانا عندى فكرة حلوة بالكور إللي عندك دى افتح محل العاب اطفال وبيع الكورة إللي بتقع من الأولاد وانت مخزنها واضح عندك عقدة من الطفولة ولا اقولك انت مش شكل ناس بتشتغل وتحب الكفاح أكيد عايش علي خير بابي ومامي …
مازن بعصبية يمسك ايديها بعنف ويشد شعرها:
بقى كدة يا بنت ال …. كنتى فارة من شويه وانا حابسك لكن لما رجعتى للحفره نطقتي .
حنان :الحفرة دى فيها شباب تاكل الزلط تقف علي الصعب ومش يفرق معها ظروف اما إللي زيك في القصور آقل شرخ بيكسركم علشان شوية عيال سيس ولو مش ورتني عرض قفاك دلوقتي هتلاقي السنج والمطاوى علي راسك …
روايات الكاتبة صفصف
الكاتبة صفاء حسنى
مازن :يا بنت الذين ضحكتي عليا لحد ما رجعتي لبيتك وبعد كدة اتفرعنتي .
حنان :برافو عليك لأن لاقيت الذوق مش بينفع معاك يالا اتطرق كده بعيد عن وشي لأن لو استنيت هنا دقيقة هتلاقي عربيتك الفخمة وأنت بقيتوا بأي بأي …
مازن شاف شوية شباب جاي قرار يخرج من المكان لأن الوقت ليل وهو مش عامل حسابه ومش مستعد أنه يتخانق مع حد و ركب العربية وخرج من الحاره وهو متضايق جدا ومتعصب:
بنت بيئه تعمل فيا كدة وانا صدقتها بس هي عندها حق أنا فعلا شاغل نفسي بيها لي ومدام رجعت الساعة يبقي اعرف ،تعرف اي يا مازن فوق ليه فاكر من خلال الساعة دى هتعرف مين السبب في موت أمك ويفوق من شروده علي صوت العربيات في الطريق يكمل طريقه ويوصل الي الفيلا
أمام الفيلا
يركن السيارة ويدخل يلاقي أسر قدامه .
اسر :بقي كدة يا مازن دي الأصول..
مازن :انا مش طايق نفسي دلوقتي اوعى تتكلم نص كلمة ..
اسر :انت دايما مش طايق نفسك 4 سنين علي الحال دا …
مازن : وعاجبني حالي واللى عاجبه يفضل معايا واللى مش عاجبه يشرب من البحر ..
اسر : باقي كدة ماشي يا عم سيبك منى انا طب والشركة إللي هتضيع وكل ورثك من أبوك إللي في عب مرات أبوك…
روايات الكاتبة صفصف
الكاتبة صفاء حسنى
مازن :انا مش هفوق إلا لما أعرف أن كانت ليها ايد في موت أمى والا لأ…
اسر :مفيش دليل عليها …
مازن :هي كانت الممرضة الخاصة بيها وفجأة صحتها ساءت وأنا فاكر لما أمى طلبت من ابويا أنها مش عاوزة الممرضة دي ومش مرتاحة ليها بس مصدقهاش واشمعنا تموت امي يوم ما تنطردت الممرضة…
اسر : مش انت عرفت ان وقت الحادثة هي كانت بتجيب ليك هدية وكانت موصيه عليها أظن ساعة …
مازن : آه واستلمت الساعة يوم ما ماتت جيه مندوب واداني الهدية ولما بدأت أدور علي الموضوع اختفت الساعة بس النهاردة فجاءه من شوية لاقيت الساعة ..
اسر :بجد ازى وفين ..
مازن :كانت مع واحدة كانت معاكم لما عملتوا حفلة العيد ميلاد …
اسر :مين هي إحنا نعرفها من البنات…
مازن : مش فاكر …لا أقصد انها حرامية
اسر : حرامية ازى يعنى سرقت حاجة
مازن هه وما بين نفسه يتذكر نظرتها ليه وهو بيلوى دراعها ودموعها إللى مكتومة وعيونها إلا بتتحدى الخوف
اسر واضح هي سرقت عقلك وتفكيرك
مازن :بتقول حاجة
اسر بكح :اه بقولك طب هي دخلت هنا ازاى …
مازن :مش مهم أهم حاجة انى لاقيت الساعة…
اسر :طيب هي فين وهتعرف توصل ازاى للانت عاوزه …
مشي مازن وقت ما الشباب اتجهوا نحوهم واقتربوا من حنان
الشباب في حاجة يا آنسة
حنان بارتباك :لا انا كنت عاوزة الحاجة ام نور
الشباب :اه مش موجودة سافرت انتى تقرب ليها
حنان :لا انا مندوبة مبيعات وجيت أقترح عليها مشتريات شاب منهم مش في وعيه يقترب منها :زى ايه المشتريات وليه مش شايفها معاكى ممكن أحنا كمان نشتري
شاب آخر :هو الشاب إللى بالعربية مندوب معاكى
حنان بخوف : اه وراح يجيب الطلبات بس مش لاقينها
شاب :طب تعالي معايا لحد ما يجى
حنان :لا شكرا انا بيتي قريب وبكرة هاجى
وتيجي تمشي يوقفها الشاب
طب نقولها مين حضرتك
حنان :مندوبة المبيعات حنان وتجرى حنان وتخرج من الحارة وتركب وتوصل البيت
تقابل صاحبتها مها :انتى كنتي فين يا بنتى مش المفروض تكونى هنا من 3 ساعات
حنان :انا كنت في مغامرة بعيد عنك
مها :اي إللى حصل
حنان بدأت تحكى كل اللى حصل معاها
حنان ما صدقت أن الشاب مشي وروحت مشيت جري وجيت علي البيت
مها :يا خبر طب الشباب إللى في الحارة عملوا اي
حنان : قربو منى وسألوني المهم ربنا انقذنى
مها : الحمد الله اه نسيت اقولك
حنان خير
…….
روايات الكاتبة صفصف
الكاتبة صفاء حسنى
مازن بحزن : عايز اوصل للمحل واعرف اي إللى حصل لأن مع التحريات ان في حد جابها لم تعبت ونقلها علي المستشفي وبعد كدة فجأه نلاقي جثتها مرمية في واحة اسر :طب هدى نفسك كويس انك لاقتها
مازن : اه دى اول الخيط ويخرج الساعة من العلبة يلاقي ساعة بلاستيك
مازن :يا بنت .ال…. هوريكي انا مين مازن ….
اسر :هي مين أوعي تكون مرات أبوك..
مازن :لا دي بنت الحرامية سرقت الساعة وضحكت عليا وشوف ‘ ادتنى اي انا كدة بقيت متأكد انها سرقتها وقال اي بتقول بتاعتها …
اسر :طيب هي دخلت هنا ازاى
مازن مش معاه ويفتح الوصل يلاقي جواب مش وصل ….
حنان :حضرتك فاكر هتضحك علي بنت فقيرة وتستغلها وتكذب عليها وتتهمها علي انها حرامية علشان اخاف وبعد كدة تعمل أي حاجه دا بعدك يا باشا يا ابن الباشوات انا بنت فقيرة اه بس قدرت اضحك عليك بذكائى ذكائى اللى يخلينى في يوم احقق حلمى بعد ما اخلص تعلمي بهدوء بدون شوشره وتتعين في شركة تساعد ابوها والساعة دي هي المصباح السحرى بتاعي سلام..
مازن بعصبي : يرمي العلبة يا بنت …. ضحكت عليا وبتستغلني علشان محتاج للساعة
اسر :اهدى بس وفهمنى هي تعرفك من فين علشان تستغلك وازى عرفت ان الساعة مهمة ليك اوي كدة …
مازن : مش عارف بس انا أصل ربطتها وكنت هبلغ الشرطة عنها بس لعبت عليا …
اسر : فهمت كدة لما شافت لهفتك علي الساعة قالت معلش لمؤاخذة واحد مجنون
مازن بغضب انا مجنون
اسر :مش اقصد بس اعتقدت لاقيتك غني ومعاك فلوس هتموت علي الساعة راحت لعبت عليك ومعنى الرسالة دى أنها عاوزة تتعين في شركة
روايات الكاتبة صفصف
الكاتبة صفاء حسنى
مازن ::صح برافو عليك ازاى تاهت عليا دي أنا لازم أرجع ليها أنا شكى طلع في محله وفعلا ازاى تكون اشترت ساعة غاليه ب 5000 جنيه وهي فقيره وانا فاكر أن مش كان من النوع دا وقتها لانى دورت عليها خلال 4 سنين مش لاقيتها ..
اسر طيب : هتعمل آيه…
مازن :أديها فلوس واخد الساعة ولو هي فعلا اشتريتها يبقي تعرفني ازاى جابت الساعة تعالي معايا ..
اسر :انت عارف هي ساكنة فين …
مازن : اه لسه موصلها…
اسر ما بين نفسه ربنا يستر ومش يكون اتخيلت زى كل مرة وتوقعنا في مصيبة .
اسر : طيب استنى بكرة في النور..
مازن :لا دلوقتي لازم اجيب الساعة منها بنت الحرامية دي الكدابة …
اسر :مدام ضحكت عليك يبقي اكيد عملت احتياطها كويس…
مازن :لو هموت لازم اعرف جابت الساعة دى من فين انا متأكد أن وراها سر موت أمى لو مش هتيجي أروح لوحدى …
اسر :يلا يا مازن نشوف آخرتها معاك يا صاحبي .
…..
حنان :ردى يا مها خير
مها :أصل ابوكى تعبان ونقلوه علي المستشفي .
حنان :نعم هو اليوم من أوله نحس كد ليه مستشفى اي
مها مستشفي …
وفعلا خرجوا وراحوا
حنان علي المستشفي
ومازن واسر علي المكان وشاف شباب واقفة سألهم …
مازن :لوسمحت انا كنت موصل بنت هنا من شوية …
شاب :هههه بنت أيه فين دى …
مازن بعصبية مش عاوز هزار انا لسه منزلها قدام عينكم من ساعة قولي بنت مين هنا واسمها ايه …
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية كذبة الحب)
