رواية كبرياء حبيبتي الفصل الثاني 2 بقلم دعاء أحمد

رواية كبرياء حبيبتي الجزء الثاني

رواية كبرياء حبيبتي البارت الثاني

رواية كبرياء حبيبتي الحلقة الثانية

في قسم البوليس بمحافظة البحر الأحمر
راجح وهو ماسك العسكري من ياقه قميصه بغضب
عينيه البنيه تكاد تكون سوداء من شده الغضب لمعه قويه في عيونه البعض يظن للوهله الاوله انها دموع
و البعض الاخر يقسم انها الشر’اره التي ستحر’ق الجميع
ليقول بصوت جهوري غاضب
: قسما برب العزه اقلبها مد”بحه هنا و تبقى جحيم على الكل لو ما شفت اخويا دلوقتي حالا انت فاهم
العسكري بخوف:
والله يا باشا الظابط مش موجود و
راجح و قد نفذ صبره ليلكم العسكري بغضب اعمي و يسد’ده اللكما’ت يحاول تفريغ ذره واحده من غضبه المكتوم بداخل صدره
لكن و الله حتى أن قت.ل ذلك العسكري لكن تنخمد النيران بداخل صدره
ف أخيه الأصغر مقيد خلف القضبا’ن و كأنه مجر’م
حاول العساكر ابعاده عن العسكري و أيضا حاول رجال راجح حتى ابتعد عنه اخيرا تاركا اياه ينز.ف و بشده ليس له ذنب سوا انه ينفذ الأوامر لكن لسوء حظه انه وقع تحت يدي شخص لا يرحم و خصوصا ان تعلق الأمر بعائلته فيمكن ان يشع’ل النير’ان لتحر’ق كل شي
الرائد يوسف بغضب:

“ايه اللي بيحصل هنا؟ في ايه؟”
العساكر بعدوا عن راجح اللي واقف بكل برود عكس ما كان عليه قبل ثواني فهو شخصيه لا يستطيع احد ان يفهمها
يوسف
“اهلا راجح الدويري”
اردف بتلك الكلمه وهو يحمل بين طيات نفسه الكراهيه و الحقد
راجح بحده
“رائف عايز اشوفه دلوقتي حالا”
يوسف:
” طبعا اتفضل”
دخل راجح الي زنزانه بالقسم يوجد بها أخيه الأصغر و ما ان راه حتى تسارعت خطواته يحتضن أخيه بقوه وهو يربت على ظهره بحنان من يراه الان يجزم انه ليس ذلك الو’حش قبل ثواني
رائف بضعف:
“انا برى يا راجح اقسملك اني معرفش حاجه عن المخد.رات دي حياتي اتد”مرت….
راجح بحده
” اوعي تقول كدا مش هيحصل انت هتخرج مش هسمح انه يحصلك حاجه انت فاهم
و تارنا هنرجعه بس دلوقتي لازم تحكيلي كل حاجه حصلت وازاي كميه الهير”وين دي موجوده في المصنع؟
تنهد رائف بالم وهو يجلس على مقعد خشبي يوجد في زاويه من زوايا الزنزانه
” معرفش ازاي الكميه دي دخلت المصنع اصلا

معرفش يا راجح بس اكيد حد حطها ليا”
راجح وهو يوليه ظهره يضع يديه في جيب بنطاله يفكر بهدوء قا.تل ان دل على شي فهو عن ذكائه
“مش انت المقصود يا رائف انا المقصود الكل معتقد ان المصنع باسمي انا محدش يعرف انه باسمك يعني اللي دخلك هنا كان عايزني انا اكون مكانك”
رائف بذهول :
” ومين اللي ممكن يكون عايز كدا
انت ليك أعداء كتير لكن دي اول مره يضر”بونا بالطريقه دي ”
اخذ نفس عميق وهو يجلس على المقعد يضع قدم على الآخر بغرور
“مين ممكن يعمل كدا؟
حد عايز ينهي اسم الدويري و يدمر السياحه و خصوصا ان الدويري جروب متحكمه في خمسين في الميه في نسبة السياح اللي دخلين لمصر
غير ان الدويري جروب مجموعه عالميه
بس انا متأكد ان في حد تاني و قاصدني انا مخصوص
وانا هعرفه المهم… مش عايزك تتكلم مع أي حد هنا مش عايز معلومه توصل للصحافه المحامي هيكون معاك في الإجراءات كلها
رائف :ماما عامله ايه؟
راجح بجديه:
متقلقش علينا المهم اعمل اللي بقولك عليه و انا اقسم بالله لاهدفعه التمن
رائف :هو مين؟
انفرجت شفتيه عن ابتسامه ساخره وهو ينظر لاخيه بحده ليفهم الاخر ماذا يعني
الرائد يوسف بحده
“مش كفايه كدا ولا حد قالكم ان فتحنها كافتيريا”
==========================

في احد البيوت المتوسطه المطله على البحر
هدى( والده ليل) وهي تضع صنيه المكرونه على السفره في استعداد للإفطار
:هي بنتك اتاخرت كدا ليه يا نرمين؟ بقى انا بزن على ليل مخصوص من الصبح وهي تتأخر البت دي هبله
لوت نرمين شفتيها بضيق من ابنتها
“والله يا هدى يا اختي منا عارفه البت دي هتشلني ليل نهار بتشتغل
بس بقولك ايه خالي ابنك يحن عليها شويه دا دايما مصدرها الوش الخشب و البت بتحبه و الفرح قرب مينفعش كدا هي بتزعل بس مش بتقول”
هدى “والله ما انا عارفه اعمل ايه معه ربنا يهديه و يهديها”
في تلك اللحظه فتح ليل الباب و دخل
” السلام عليكم ورحمة الله وبركاته ”
وعليكم السلام ورحمة الله وبركاته
ليل بجديه” ازايك يا خالتي عامله ايه”
نرمين بابتسامه
” بخير يا حبيب خالتك ياله ادخل فوق وتعالي عشان المغرب على وشك ياذن”
ليل بجديه لامه
” طب ما خالتي معاكي يا ست الكل متصله عليا خمس مرات ليه… خليتني اقلق عليكي و سيبت عزومه الشيخ مسالم”
هدى “انا يطمن وانت جنبي ما تكلمي فرح يا نرمين شوفيها اتاخرت فين”
نرمين” حاضر حاضر….
ليل وهو داخل اوضه بضيق
“فرح قولتيلي انتي جايبني مخصوص عشانها”
عند فرح…
كانت تقود سيارتها البسيطه في طريقها لقسم الشرطه
فرح :الوا ايوه يا ماما؟
نرمين بحده :انتي فين؟
فرح بتلقائيه:رايحه قسم البوليس عندي شغل….

نرمين بغضب من أفعال ابنتها
“نهارك مش فايت يا فرح يا بت انا مش كلمتك عشان معزومين عند خالتك ”
فرح وهي تضرب بيديها على رأسها بخفه لتردف بطريقه سوقيه
“اوبس سقطت خالص موضوع خالتي دا معليش ملخوقه عندي شغل ضروري دلوقتي”
نرمين باشمئزاز
“سقطتي منه لله اللي اده حريه الشغل للبنات كان حما’ر اقفل انا اصلا عندي الضغط هتفطري فين دلوقتي ولا انتي شاطره بس تخلصي مرتبك على الاكل في الشارع”
فرح بضيق:ماما المغرب بياذن سلام
نرمين :اه يا بنت ال…
ليل وهو خارج من اوضته
” هي فين؟
نرمين بخيبه امل في بنتها:
في قسم البوليس…
ليل بحده
“اللهم طولك يا روح”
عند فرح
فرح وصلت ادام قسم البوليس على أذان المغرب
فرح :الله اكبر الله أعظم…
اخدت ازازه مياه و علبه تمر صغيره من العربيه و نزلت
كانت بتشرب وهي طالعه السلم لكن وقفت وهي شايفه حوالي اربع أشخاص خرجين
ابتسمت بحماس وهي بتقفل الازاز و راحت وقفت أدام شخص
:كل سنه وانت طيب اكسر صيامك
راجح كان خارج من قسم البوليس مع نديم صديقه و المحامي

نازل على السلم و بيتكلم مع نديم بخصوص رائف وقفت بنت ادامه وهي بتشرب من الازاز وبتمد ايديها التانيه بعلبه تمر
فرح هزت راسها له عشان يفطر بتلقائيه بصت لنديم و اديته العلبه كلها و اخدت تمرتين و هي بتبص لبراجح اللي بيبصلها باستغراب لكن مهتمتش و بعدت عنهم و دخلت لجوا القسم بحماس كعادتها
راجح حط ايديه في جيبه و لف يبص لطيفها وهي داخله
بص لنديم ولعلبه التمر و بهدوء:
مين دي؟ انت تعرفها؟
نديم بجديه:لا اول مره اشوفها بس عادي في ناس بيفرقوا تمر في الشارع قبل الاذان…
راجح ابتسم وسط احساسه بالحزن على اخوه
بص على الأرض كان في اسوره من الفضه واقعه على الأرض
نزل بجزعه كان ساند ايديه على فخذه
بيمسك اسوره على شكل فراشه مزخرفه بخزر ملون صغير
قلب الاسوره كان منقوش عليها اسم (فرح)
راجح وهو بيبص جوا القسم
:فرح؟!
نديم:في حاجه؟
راجح بجديه:لا ابدا
قال كلمته وقام راح ناحيه عربيته ركبها وطلع على المستشفى
====(((((كبرياء حبيبتي)))) ====
فرح دخلت القسم معظم العساكر كانوا بيفطروا
فضلت تمشي بهدوء لأنها متأكده ان محدش هيرضي يدخلها لزنزانه رائف الدويري
لان اكيد الموضوع حساس جدا واي معلومه هتتنشر هتتسبب في فوضى
بصت لعسكري باين عليه انه قديم في المكان كان واقف لوحده
اخدت نفس عميق و هي بتروح ناحيته
فرح: السلام عليكم يا دفعه…
العسكري بحده:وعليكم السلام…… عايزه ايه يا ست انتي؟
فرح :رائف الدويري…
العسكري :الزياره ممنوعه والظابط رافض اي زيارات لحد ما يتحول للنيابه
فرح…..