رواية كان اسمه حبيبي الفصل الرابع 4 بقلم آلاء محمد
رواية كان اسمه حبيبي الجزء الرابع
رواية كان اسمه حبيبي البارت الرابع
رواية كان اسمه حبيبي الحلقة الرابعة
+ بابا .. بابا .. قوم يا بابا .. انت مينفعش تسيبني .. مش هتحمل والله …
_ هو حالته ايه يا دكتور ؟!
/ جلطه ف القلب .. والحمد لله جابوه ع اخر لحظه ولحقناه .. بس هو هيحتاج عملية…
” بصيت للدكتور وانا منهاره ”
+ ع عملية ليه يا اونكل!!!
/ هو والدك كان موصيني مقولكيش حاجة .. بس لازم تعرفي..
” هنا مقدرتش أتمالك اعصابي .. وقولت بكل قسوة و قله ذوق ”
+ هو فيه ايه .. انا بنته يعني انا اللي لازم اكون مكان حضرتك وبعالجه .. انا اللي من حقي اعرف كل تفاصيل مرضه مش اي حد تاني …
/ حياه انا مقدر اللي انتي فيه بس متنسيش أن انا من سن والدك وصديق عمره ..
” حازم حضني وبص للدكتور ”
_ اهدي يا حياه .. انا بعتذر لحضرتك يا دكتور بس انت عارف هي بتحب باباها ازاي..
+ انا اسفه يا لونكل بس عشان خاطري قولي ماله …
/ تعالوا معايا ع المكتب..
………………….
+ يعني ايه تعبان من 6 شهور ومقاليش .. يعني ايه !!
/ والدك كان ناوي يسافر فعلا ويعمل العملية بس قال إنه هيسافر بعد ما تتجوزي ويطمن عليكي .. وفعلا تاني يوم راح بدأ ف الإجراءات وحجز ف المستشفى و الفيزا هتيجي خلال يومين بالكتير…
+ طيب هو هيتحمل عملية زي دي ..
/ ان شاء الله كل حاجة هتبقي تمام وانا بنفسي هسافر معاه ..
+ وانا كمان .. مش هسيبه…
” فجأة الباب اتفتح ودخلت عمتي ومعاها حد تاني ”
: حصل ايه يا علي … اخويا ماله..
/ احم اطمني يا وفاء .. الحمد لله بقي كويس .. بس لازم يسافر برا زي ما قولتله ..
: ما انا ريقي نشف معاه ومكنش راضي غير أما حياه تتجوز..
+ يعني كلكوا كنتوا عارفين وانا اخر من يعلم…
: اهدي يا حبيبتي .. صدقيني مكناش عايزين نقلقك ونبوظ فرحتك …
+ فرحتي!!! فرحتي ايه يا عمتو… وانا هفرح اما اعرف ان ابويا تعبان ولازم يتعالج ومأجل علاجه ومعرض حياته للخطر عشاني!!!
$ اهدي يا حياه .. مش معقول لسه بتحبي الدراما والنكد .. اجبلك ايس كريم بالتوت..
” بصيت للشخص ده .. ملامحه مش غريبه عليا .. كان بيبصلي بنظرة انا عرفاها كويس .. وبعدين عرف منين أن التوت نكهتي المفضله .. محدش تقريبا يعرف غير …. غير ….. شريف!!!!
بصيت لعمتو باستفهام اللي ضحكت وقالتلي : هو هو …
وقفت وبصتله + ياسين احمد المصري … مش معقول بعد كل السنين دي … مش ممكن تكون هو ..
$ لا ياختي هو … كده يا بت تتجوزي من غير ما اعرف …
_ وانت تبقي مين بقي حضرتك.. ” قالها حازم بتريقه و قرب مني ومسك ايدي بتملك ”
$ انا ياسين المصري … صديق حياه من الطفولة .. كنا دايما مع بعض لحد ما كملنا 15 سنه .. وبعدين عزلنا لمحافظه تانيه والحياة خدتنا .. بس منستش حياه ولا ايامنا ولا اي تفصيله خاصه بينا …
” اتحرجت جدا من كلام شريف .. يمكن لو كان بيقوله بصفته صديق كنت تفهمته لكن كنت شايفه ف عنيه اللمعه اللي كان بيكلمني بيها .. لأننا كنا .. كنا بنحب بعض ”
+ شكرا يا شريف .. بس انت جيت امتي ..
$ من ساعتين بس .. كنت عند ماما وفاء بسلم عليها لحد ما الاستاذ حازم كلمها ف جيت معاها ..
…………………………….
” بعد ما اتطمنت ع بابا واتاكدت أنه بقي كويس كان لازم نمشي لأن وقت الزيارة خلص .. روحنا مع عمتو البيت عشان متكونش لوحدها ”
_ انا ممكن اعرف اي حكاية شريف ده وكان بيتكلم كده ليه…
+ قولت بتوتر : عادي يعني .. كنا صحاب زمان .. وهو سافر ولسه راجع زي ما قال..
_ ربع ايده قدامه : بس انا ملاحظ يعني أنه بيتكلم كأن كان بينكوا حاجة اكبر من الصداقه..
+ لا مكنش فيه حاجة .. وبعدين انت مالك بيا … هيفرق معاك كان فيه حاجة ولا لا .. هيفرق معاك اي حاجة تخصني أصلا…
” قرب مني ومسك دراعي جامد لدرجة أن صوابعه علمت علي دراعي وبص ف عيني ”
_ طبعا يفرق .. لأنك مراتي ومكتوبة علي اسمي .. ومش انا الراجل اللي مراته تغفله وتعرف واحد تاني عليه .. سامعه …
+ اتصدمت من كلامه وبعدت عنه وبصتله بعدم تصديق : حازم !! انت واعي انت بتقول ايه !!
_ ايوا واعي .. وأقسم بالله لو عرفت أن فيه بينكوا حاجة لاقتلك واقتله..
+ دموعي نزلت: انا مش مصدقه .. مش مصدقه انك حازم اللي حبيته .. حازم اللي كل الناس كانت بتتكلم ع قسوته وجبروته وانا الوحيده اللي قدرت اشوف جانب تاني فيه .. ليه !! ليه يا حازم !! ليه تكسر حياتنا بالشكل ده !! بس عموما هي مش غلطتك .. هي غلطتي انا … ومن النهارده انت برا حساباتي !! وهتطلقني …
_ مش هطلقك … انتي ليا وبس يا حياه .. كان لازم تعرفي ان مجرد ما اسمك اتكتب جنب اسمي ف قسيمه الجواز انك دخلتي سجن مدي الحياة .. ومش هتطلعي منه غير ع جثتي أو جثتك ….
” زقني بعنف ومشي .. كالعادة .. دموعي كانت بتنزل زي الشلال .. مش قادرة اسيطر عليها .. وقلبي .. قلبي بيوجعني اوي .. خرجت برا الأوضه وروحت للمكان الوحيد اللي برتاح فيه ”
+ حرما يا عمتو..
: جمعا يا روح عمتو .. مالك يا حبيبتي ..
” قربت منها وحطيت راسي ع رجلها وانا منهاره ”
+ انا تعبانه اوي .. عمتو هو انا وحشه ؟! يعني مستاهلش أن الإنسان اللي حبيته واخترته يحبني .. رغم اني عارفه أنه كان بيمثل عليا بس كنت متعشمه اوي أنه ينسي اللي فات ويحلم معايا بمستقبل جميل وبيت دافي مليان حب ..
: لا طبعا انتي تستاهلي كل الحلو اللي ف الدنيا .. بس انتي برضه غلطانه يا حياه .. وانا نبهتك .. مكنش ينفع تستسلمي لمشاعرك كده .. احنا كان اتفقنا انك تقربي منه ك صديقه وتخليه يثق فيكي عشان أما نقوله الحقيقه يصدقك .. وهو اما عرف انتي بنت مين قرر يلعب عليكي و يوهمك بالحب عشان يتجوزك وينتقم من ابوكي ومن وامك .. وانتي كنتي عارفه ده ورغم كده اختارتي انك تعيشي نفسك ف وهم أنه بيحبك ووافقتي تتجوزيه !! وانا قولتلك لا بس دماغك ناشفه..
+ غصب عني .. والله مش بكيفي .. انا لمست فيه جانب مختلف .. وافتكرت اني هقدر اغيره..
” رفعت راسي وحطت ايديها ع وشي وقالت بهدوء”
: ودي غلطتك يا حبيبتي .. مينفعش ابدا تتجوزي واحد و انتي مش قابلاه زي ما هو .. احنا مش بنتجوز حد عشان نصلحه او نعيد تربيته .. الواحده مننا بتتجوز عشان هي عشقت الراجل ده وعايزة تقضي معاه الباقي من عمرها مهما كانت عيوبه ومشاكله ومهما كان الجانب المظلم اللي جواه مخيف وقاسي .. طالما أنه مش بيأذيها أو بيضربها او بيهينها ..
+ طيب انا المفروض اعمل ايه دلوقتي!!
: تقعدي مع نفسك وتفكري .. انتي عايزة تكملي حياتك مع حازم زي ما هو كده ولا لا .. هتتحملي شكه وعصبيته ولا لا .. هتتحملي أنه ممكن جدا ميصدقناش و يصمم أن شريف هو أبوه و يكمل ف انتقامه ولا لا !!
+ قولت من غير تفكير : لا .. لا مش هتحمل .. انا اه بحبه ومظنش أني هحب حد بعده لكن مقدرش اعيش مع واحد بيشك فيا وبيكرهني …
: يبقي اول ما كل حاجة تخلص تطلبي الطلاق .. انا لو كنت اعرف من الأول أنك بتفكري كده كنت منعت الجوازه دي .. سامحيني يا بنتي .. سامحيني اني مقدرش احميكي زي ما أمك الله يرحمها وصتني .. سامحيني اني استسلمت للمرض ومحاولتش اقاوم عشانك وعشان اخويا .. حتي علي ..
+ متقوليش كده يا عمتو .. كل حاجة فداكي.. المهم انا عيزاكي تكلمي الظابط اللي ماسك القضيه وتسأليه الموضوع ده هيخلص امتي ..
: هو قالي أنه هيكلمني اول ما يعرف حاجة جديدة ..
” لسه هرد لقيت الفون بتاعي بيرن ”
+ دي ليلي يا عمتو .. ” مسحت دموعي وحاولت مخلهاش تحس بحاجة ” الو … ايه يا بت … بجد … طيب مين دي … مش معقول !! انتي متأكدة!!! طيب تمام …
: مالك يا حياه .. ليلي قالتلك ايه خلي وشك أصفر كده ..
+ تاني يوم جواز قومت اخضر الفطار وروحت الأوضه عشان اقول لحازم يجي يفطر ف شوفته ماسك صورة واحده وعنيه مليانه دموع وبيقول هجبلك حقك يا امل وعملت كده عشانك .. مفهمتش امل مين .. خليت اخو ليلي ياخد الاسم بحكم أنه ظابط ويدور ف حياه حازم .. وليلي لسه قايلالي دلوقتي أن اخوها عرف هي مين ..
: مين !!!!
+ تبقي ………….
……………………………………………
” وف مكان تاني خالص كان حازم واقف مع شخص وبيصطادوا ”
# عارف يا حازم ايه اهم مهارة لازم تمتلكها عشان تكون صياد شاطر ؟!
_ ايه هي !!
” مسك البندقيه وصوبها ع عصفورة وضرب عليها ف وقعت ”
# انك متتعاطفش مع الهدف .. مهما كان الهدف ده باين أنه غلبان أو ضعيف أو مثير للشفقه .. اوعي تسمح لعاطفتك أنها تتحرك ناحيته .. تعرف ايه نقطه الضعف الوحيدة فينا ك بشر .. ” بصله باستفهام ف كمل ” مشاعرنا .. المشاعر يعني الحب والخوف و الحزن والفرح والرغبه .. مشاعر يعني تعاطف وشفقه واهتمام.. لو كنا معندناش مشاعر كان الكوكب ده بقى حاجة تانيه خالص .. السيادة فيه هتبقي للذكاء والقوه والثروة وبس ..
_ انا فاهم قصد حضرتك يا باشا .. و فعلا ابتديت انتقم من محمد وبنته .. انت اكيد سمعت أنه دخل المستشفي .. انا اللي عملت كده وخليت الخدامه تحطله دوا كده ف العصير والشاي جابله جلطه خصوصا أنه اصلا مريض قلب وانا كنت عارف وقريب اوي هينتهي .. أما بنته ف بعاملها اسوء معاملة..
” بصله وشاف غلاف رقيق من الدموع اتكون ف عينه .. وصوته ف نبرة انكسار ووجع ”
# انت بتحبها؟!
_ انا !! لا طبعا ..
” ساب البندقيه وحط ايده ع كتفه وبص ف عنيه بنظره بتحثه يقول الصراحه”
# بتحبها ؟!
_ بص ف الأرض : اه بحبها .. وبتعذب وانا بعمل فيها كده .. بس لازم انتقم ليك يا بابا ولماما ول امل ..
# وهي بتحبك ؟
_ اه لانها مستحمله كل اللي بعمله فيها ومشتكتش لحد خالص .. حتي نظراتها ليا كلها حزن وخذلان وندم لكن مش كره او حقد..
# وانا ميرضنيش أن ابني حبيبي يتعذب ومستعد اقبل بأي حاجة عشان سعادتك .. انا مستعد انسي كل اللي اهلها عملوه وتجيبها وتيجوا تعيشوا معايا هنا ف القصر .. بس ليا شرطين .. اولا عايز حفيد بسرعه وثانيا هي تقطع علاقتها بأهلها ومتعرفش اي حد منهم تاني ..
_ بجد يا باشا حضرتك ممكن تسامح عشاني !! رغم كل اللي اهلها عملوه..
# طبعا !! انا مليش غيرك يا حازم .. انت ابني الوحيد ..
_ انا بشكرك جدا يا باشا .. ربنا ما يحرمني منك …
” فات شوية وقت وحازم مشي .. وشريف كان قاعد بيبص عليه وهو خارج من القصر مبسوط وضحك بسخرية لحد ما اتكلم المساعد بتاعه وقال ”
^ بس حضرتك متاكد من اللي قولته ده يا باشا ؟!
# هه طبعا .. انا عارف حازم .. طالما بيحبها مش هيقدر يقاوم كتير ..شوف انا طول عمري بسقي الواد ده القسوه والكره وبزرعهم فيه وبرضه طلع حنين ورحيم زي أمه .. ” كمل بحقد وعصبيه ” قولتله أسوء الكلام علي العيلة دي ومجرد ما قرب منهم حبهم وحبوه .. صحيح الدم بيحن ..
^ وافرض البت وافقت تيجي معاه يا باشا..
# لا من الناحيه دي اطمن .. البت دي متقدرش تستغني عن اهلها أو تبعد عنهم .. محمد طول عمره مهووس بفكرة العيلة والترابط و عرف يربي بنته كويس .. وكده اكون كسبت بوينت عند حازم وعرفته قد ايه بحبه لدرجة اني أتنازل عن تاري .. ومن ناحيه تانيه أما البت ترفض حازم يتأكد أنها مش بتحبه ويكمل الخطه اللي انا راسمها ..
^ دا انت دماغك دي متكلفه يا باشا .. بس قولي انت ليه بتكره العيلة دي كده .. دول حتي معروفين أن سمعتهم نضيفه ف السوق وفيه بيوت كتير اوي مفتوحه بخيرهم…
# اتكلم بكره : محمد كان زميلي ف الكلية .. كان شاطر وناجح وكل الدكاترة بيشكروا فيه وأهله حواليه .. حياته كانت مثاليه وانا كنت بنجح بالعافيه واهلي كانوا بيكرهوني ومعنديش صحاب وهو لاحظ ده ف قرب مني وبقلبه الحنين ساعدني وصلح علاقتي بأهلي بس ده خلاني اكرهه عشان اهلي شافوه نموذج مثالي للابن وبقوا يقارنوني بيه وعايزني ابقي شبهه.. لحد ما ف يوم شوفت بنت جميلة اوي .. حبيتها واشتغلت وتعبت عشان اتقدملها و بعد كل ده اتفاجئت أن محمد بيعزمني ع خطوبتهم .. كان مرتبط بيها وبيحبها وهي كمان كانت بتحبه ف قررت أخطب أخته عشان ابقي جنبها لكن شوية وفسخت الخطوبة وكمان شغلي وقع عشان الباشا كان واخد السوق كله لصالح عيلته .. ف قررت انتقم منهم وبعد أخته خلفت حازم خطفته منها ولبستها قضيه أدوية مضروبة وجوزها اللي كانت بتحبه وبتموت فيه مات من حزنه عليها وعلي ابنه .. وفضلت 10 سنين تتعالج ف مصحه نفسيه ولحد دلوقتي عايشه علي امل تلاقي ابنها..
^ ياااه دا انت شايل منهم اوي يا باشا..
# اوي يا حسين واديك شايف رغم كل ده حازم اول ما قرب منهم حبهم و بنت محمد عرفت توقعه وتخليه عايز يتجوزها وقال ايه بيقولي عشان اكون قريب منهم اكتر وانتقم ..
^ بس هو صحيح بينتقم يا باشا..
# بس بيحبها .. ومفيش حد بيقدر يقاوم كتير قدام حبيبته اسالني انا يا حسين…
” فجأة الموبايل رن ورد حسين ”
^ الشباب بيقولوا ان الشحنه هتوصل كمان 3 ايام يا باشا..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كان اسمه حبيبي)
