رواية كان اخي الفصل الخامس 5 بقلم نور محمد
رواية كان اخي الجزء الخامس
رواية كان اخي البارت الخامس
رواية كان اخي الحلقة الخامسة
وعد صحيت الصبح مبسوطه لانه النهارده الاربعاء واليوم ده بتروح فيه دار الايام وبتاخد للاطفال هدايا كتير وبتقعد معاهم لانها بتحس أنهم شبها من غير ام ولا اب
وعد :هاا ياتوتو انا نازله
توتو :طيب ياحبيبتي خلي بالك من نفسك
وعد :حاضر يقمر وباستها ونزلت وهي مبسوطه جدا
وصلت وعد الميتم ونزلت الهدايا وساعدتها مشرفه الميتم
حنان المشرفة :أزيك ياوعد العيال مستنينك من الصبح
وعد :وحشوني اوي هما فين اتأخرت عليهم انتي عارفه ضغط الدراسه (كلنا ف ظغط جامد😂😂😢)
حنان :ربنا يوفقك يا وعد العيال بيلعبوا بره في الجنينه
وعد راحت ع الجنينه وهي معاها الهدايا
وعد :ياعيال وحشتوني
الاطفال بصوت عالي وهما بيجروا عليها وحضنوها :وعد هاااا وعد
وعد قعدت معاهم لفتره كبيره جدا وهي ماشيه لاحظت ان يوسف اكتر طفل بتحبه قاعد ساكت
وعد :مالك يا يوسف قاعد ليه كدا
يوسف الطفل :عثان ببقي عاوز اتلمت لما مس تيتي هنا بث اس بعلف (عشان ببقي عاوز اكلمك لما مش تيجي هنا بس مش بعرف )
وعد وهي بتحضنه :خلاص يايوسف ياقمر خد رقمي اهو و وقت م تحب كلمني
يوسف بفرحه :اشي ياوعد وهو بسبوسها من خدها
قضت وعد مع الولاد يوم جميل جدا ومميز
عند سها وفاطمه
سها :ي ماااما بقي وحده زي دي تعمل فيا انا كدا لا و اي عامله فيها خضره الشريفه
فاطمه :يابت ياهبله سيبك منها دي ولا حاجه
سها :ولا حاجه ازاي انتي مشوفتيهاش وهي بتهزقني
فاطمه :روحمه امي وابويا لعرفها ازاي تعمل معاكي كدا ثم أكملت بس يابت بقي زين يسيب المهلبيه دي والعيون الخضرا ويبص ع التانيه دي
سها بغرور :اكيد لا والايام هتوريها
عند زين
زين :ماما كنت عاوز اتكلم معاكي
ناديه:تعالي ياحبيبي اتكلم
زين بتوتر :كنت يعني …. كنت عاوز اتقدم لوعد
ناديه :يابني انا مش معترضه ونفسي وعد تيجي وتبقي وسطنا بس هي لسه صغيره
زين :ي ماما مش صغيره وبعدين كدا هقدر احميها اكتر انتي مفكره انو هو هيسيبها ف حالها هو مش ساكت علي فكرا بس مستني الوقت المناسب
ناديه بخوف :خلاص يابني اللي تشوفه صح اعمله ثم تابعت بخبث بس انت بتحب وعد ولا عاوز تتجوزها عشان تحميها
زين بسرحان ومش ملاحظ انو بيكلم امه :بحبها بس ده انا لو ينفع اشيلها ف قلبي هعمل كدا ده انا بعشقها اصلا
ناديه :احم احم اي ياعم روميوا
زين بخجل :انا ..انا هروح انام
ناديه ضحكت علي ابنها اللي خلاص وقع في الحب ونفس الوقت خايفه من انو ياذيهم
عند وعد رجعت البيت ونامت قبل م تنام مسكت الفون وفتحت واتس لقيت رقم غريب بعتلها
وعد :مين ؟!
الشخص :واحد معجب
وعد :هتقول مين ولا اعمل بلوك
السخص بضحك :انا زين ياوعدي
وعد بكسوف :زين انت جبت الرقم منين
زين :روحت المخابرات جبته اكيد يعني رقمك مع البيت كله خدته من ماما
وعد :اه ياخالتوا ياللي بعتيني ف اول السكه
زين معلش بقي وجع القرايب
فضلوا يتكلموا واتساب لحد الساعه 3الفجر
وعد :يلهوي الفجر يازين يلا سلام عشان هروح اصلي
زين :طيب بقولك اخر حاجه
وعد :نعم
زين :بحبك وجهزي نفسك بكره عشان هنيجي نتقدم انا وماما
وعد مردتش وفرحت جدا لانها كانت بدأت تحبوا راحت صلت الفجر ونامت وهي مبسوطه جدا
عند زين صحي الصبح لقاهم بيفطروا
زين صباح الخير
الكل :صباح النور
احمد :صح النوم ياجدع اي بتحب جديد ولا اي ع النوم ده كله
زين ضحك ومردش عليه وقعد ياكل
نور :لا بقي انا لازم نعرف سر الضحكه الغريبه
ناديه :النهارده زين رايح يتقدم ل وعد
نور واحمد ف صوت واحد :نعم
نور بلهفه :يانور ياواطيه بقي يحصل كل ده من ورايا سلام بقي هروح البس واروح عند توتو اساعد وعد
احمد :استني يابت خديني معاكي وقاموا من ع الاكل
زين :محدش هيقعد معايا انا اخوكم
ناديه :سيبهم هما بيحبوا نور
نور واحمد وصلوا عند وعد وكانت وعد بتتكلم مع توتو عشان تقولها بس مكسوفه ومش عارفه تعمل اي
نور واحمد دخلوا وسلموا علي توتو
توتو:في اي ياولاد مالكم النهارده حالكم متغير
نور :ليه ي توتو وعد مش قالتلك
توتو :يابنتي من الصبح بقولها اتكلمي زي م يكون كل لسانها قطه
احمد :اقولك انا بقي زين اخويا جاي يطلب ايد وعد
توتو :بجد وحضنت وعد كانت مبسوطه جدا وف نفس الوقت خايفه عليهم منوا
وعد ونور اتصلوا ب ساره وجت عندهم
احمد :مين وراح يفتح الباب
ساره :انا
احمد :انتي اعوذ بالله
ساره :نعم يخويا شوفت عفريت ولا حاجه
احمد :اكتر وبص بقرف
ساره زقته ودخلت بس احمد مسكها من ايدها
احمد:انتي بتعملي كدا وزقها ع الحيطه جامد
ساره:سيب ايدي ياحيوان
احمد :من كتر م اتعصب منها سحبها ناحيته وضغت علي وسطا جامد وقال انا بقي هوريكي مي الحيوان ده
ساره :لالا خلاص والنبي وغمضت عنيها
احمد باسها بوسه خفيفه علي عينها وسابها تمشي
ساره اتوترت جدا ودخلت اوضه وعد لقيت وعد ونور قاعدين يتكلموا
ساره :ازيكم يابنات
وعد .:مالك وشك مخطوف ليه كدا
ساره :هاااا لالا مفيش حاجه يمكن مش نايمه كويس بس
نور :طيب يلا يختي تعالي نشوف هنلبس العروسه اي
وعد لبست دريس بسيط لون بيبي بلو علي طرحه بنفس اللون كانت زي القمر
نور :بس كدا بقي هنحط الميكب وخلاص
وعد :لالا والنبي بلاش مش عاوزه
ساره :لا يختي لازم هتحطي وقعدوا وعد بالعافيه وحطولها ميكب سيميل جدا وبقيت قمر جدا
توتو دخلت عليهم :يلا ي بنات وحده تيجي تحضر معايا الاكل بس اتفاجت ب وعد اللي كانت نسخه من مامتها الله يرحمها وفضلت تبكي
وعد :ليه بقي ياتوتو م كلنا مبسوطين اهو
توتو:كبرتي ياوعد وبقيتي زي القمر
نور عشان تلطف الجو :يلا بقي زين زمانه وصل
طلعوا لاقوا زين قاعد بره هو وناديه
زين اول م شاف وعد فضل باصص عليها ومش عاوز يشيل عينه عنها وعد كانت مكسوفه جدا من نظراته وقعدت جمب ناديه
احمد :كفايه بقي ياعم المغرم الكل لاحظ انك بتبص عليها
زين :احم خلاص ياض اسكت
توتو :ها يازين عاوز اي
زين:جاي اطلب ايد وعد يا توتو
توتو :بس انا مش موافقه ………
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كان اخي)
👍