رواية كانها روايه الفصل السادس 6 بقلم آية الفرجاني
رواية كانها روايه الجزء السادس
رواية كانها روايه البارت السادس
رواية كانها روايه الحلقة السادسة
مر اسبوع علي ابطالنا
وطول الاسبوع سلمي كانت بتتواصل مع ثناء واحمد وفارس كانو شغلين علي المشروع بتاعهم
وجيه اليوم الي المفروض يرجع فيه فارس للصعيد
كانو قاعدين كلهم في بيت احمد عشان يودعوهم
سلمي ببكاء:
يعني خلاص هترحو هناك
فارس وهو قاعد قدمها وماسك ايدها:
معلش ي امي انت عارفه الي حصل ولازم اروح اعيش وسطهم عشان قلبهم يحن عاليا تاني
سلمي:
وامنيه هيقبلو فيها بالسهوله كده انا خايفه علي بنتي ي فارس اخواتك اكيد مش هيسبوها
احمد:
يامي فارس هيبقي جنبها واكيد مش هيسمح لحد انو يديقها
امنيه:
فارس هيبقي جنبي ياماما وانا ميهمنيش حاجه تانيه
واكيد هيحولو يستفزوني ويكرهوني في فارس بس انا عارفه كل دا كويس وهاخد بالى وفارس كمان وبابا انور موجود كمان محدش هيقدر يعمل لينا حاجه
سلمي بدموع:
طيب هتقعدو هناك قد ايه
فارس:
لسه مش عارف بس ان شاءالله اول ما الامور تتحسن هنرجع
سلمي:
يعني مش هشوفك لحد ما الامور تتحسن والله اعلم هتقعدو قد ايه
احمد:
متقلقيش ي ماما ان شاءالله نبقي نروح نزورهم وقت ما تحبو
امنيه وفارس حضنو سلمي وودعوهم ومشو تحت بكاء سلمي المتواصل وحمزه كان حضنها وهي بتبكي وبتودع بنتها الوحيده اللي هتسافر من الاسكندريه للصعيد
💖💖💖💖💖💖💖💖💖💖
في الصعيد الحاج انور كان مبسوط جدا وامرهم انهم يجهزو لفارس الاوضه اللي هيقعد فيها لحد ما الشقه بتاعتو تجهز
انور بابتسامه:
خلصتو كل حاجه ي هنيه فارس قرب يوصل معوزش اي حاجه تبقي ناقصه
هنيه:
كل حاجه جهزت ي ابوي وفرشنا الاوضه وبقيت فله كنها اوضة عريس
انور:
وه ايه الي عم تقوليه ده يبت انت ناسيه اخوكي لسه عريس فرحو كان من تلت شهور بس
هنيه:
ايوا ي ابوي صح
انور:
يلا بجي روحو جهزو الوكل بسرعه زمان فارس جرب يوصل
هنيه:
والله الفرحه باينه علي وشك كنك بدر منور ي حاج
انور بفرح:
اه ي بت ولدي راجع متعرفيش اني مبسوط قد ايه
هنيه:
بس ي ابوي فارس هيكون مرتاح اهنه انت عارف يعني ونجوي واحلام خايفه ميعاملوش مرت فارس اكويس ولا ياسين وابراهيم انت عارف العلاجه بينتهم كيف انا شايفه ي ابوي انو رجعة فارس هتكون واعره جوي عليه
انور بتنهيده حزن:
مش عارف اعمل ايه وياهم يبنتي معرفش ليه عم يكهرهو حد يكره اخوه ي ناس مش مصدق ليه اكده
هنيه:
متزعلش مني ي ابوي بس فارس هيتعب جوي والي محبهوش وهو صغير مش عيحبوه وهو كبير
انور:
فارس قالي انو عيحاول يقرب منيهم وربنا يحنن قلبهم يرب
هنيه بتردد:
ي ابوي وو ورده بنت عمي عبد الباقي عرفت انو فارس راجع هو ومرته
انور بحزن:
قولتلها يبنتي وفهمتها والحمد لله ورد بنت عاقله وفهمت وجالت دي قسمه ونصيب
❤💖💖💖💖💖💖💖
عند فارس وامنيه في العربيه
امنيه:
باقي كتير ي فارس تقريبا المغرب هيأذن احنا خارجين من الساعه سابعه الصبح
فارس:
معلش يحببتي خلاص باقي ساعه وهنوصل خلاص هانت اهي
امنيه:
لو كنا جينا بالقطر كان احسن
فارس:
ومين كان يجيب عربيتي كنت هرجع اخدها تاني
عارف انك تعبت معلش ي حببتي
امنيه:
انت الي تعبت ي فارس سايق من الصبح وانا بنام واقوم وانت زي ما انت وبعدين قالت بصوت عالي اقف ي فارس اقف اقف
فارس وقف مره واحده وهو بيقول مالك انت بخير
امنيه بضحك:
انزل ي فارس
فارس باستغراب:
مالك
امنيه نزلت من العربيه بسرعه ولفت ليه فتحت الباب
وقالت انزل
فارس:
مالك يبنتي
امنيه:
هسوق انا الشويه الي فاضلين دول
فارس بعصبيه:
انت وقفتني ونزلت عشان كده ارجعي مكانك يلا انا اصلا مش قادر للمنهده معاك
امنيه بحزن:
مليش دعوه انا هسوق شويه انت اكيد تعبت وواضح قوي انك معتش مستريح اكيد ضهرك وايدك وجعوك
انزل هسوق شويه وانت اقعد جنبي وقولي علي الطريق ولا اقولك نام وانا هجيب الخريطه وامشي علي الجبي اس
فارس بهدوء:
طيب اركبي مبقتش مستاهله احنا قربنا نوصل وبعدين احنا خلاص شويه وهندخل في طريق قري عايزه الناس يقولو عليا ايه مرتو بتسوق وهو نايم هيفكروني ايه
امنيه:
بس ي فارس انت تعبت طيب بص هسوق واول ما نقرب نوصول هنزل وانت كمل بالله عليك ي فارس انا اصلا من وقت ما احمد علمني ازاي اسوق وانا مركبتش عربيه تاني
فارس:
كمان يعني هتتعلي لسه يلا ي حببتي الله يخليك اركبي خلينا نمشي
امنيه قعدت علي العربيه من قدام وقالت:
مش نازله يلا سوق وانا كده مدام عايز تكمل
فارس:
خلاص تمام خلكي كده
قفل الباب وشغل العربيه
امنيه اتخضت ونزلت وهي بتقول بخوف
انت كنت عاوز تموتني ي فارس
فارس بضحك:
الله هو انا الي قولتلك تقعدي مش انت الي عاوزه كده وانا امرتي تؤمر وانا انفذ يلا تعالي مكانك عشان احنا كده بتأخر وهيطلع علينا ذئاب دلوقتي
امنيه بخوف:
بتتكلم جد
وجريت ركبت وفارس بيضحك عليها
فارس بضحك:
جبانه
امينه بغيظ:
ضحتك عليا عشان اركب ماشي ي فارس
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية كانها روايه)
