رواية قهر الفصل الحادي عشر 11 بقلم رويدا القاضي
رواية قهر الجزء الحادي عشر
رواية قهر البارت الحادي عشر
رواية قهر الحلقة الحادية عشر
بعد تم الفرح حسيت انه لازم نطلع نا ومنال نغيروا جو شوية…
منال: والحوش لمن نخلوه لا امي ولاامك مازال فيها حيل …
خالد: اسمعي توا نكلم اسامة ومرام ايجوا يقعدوا هنا لعند مانرد نا وانتي …
منال: ايه هكي تمام نا موافقة .
خالد: خلاص الصبح بكري جهزي نفسك وقبل ماننسى نا وانتي وبس.
منال: خلاص فهمت .
طلع خالد ومنال وهما مسلمين الحوش وللي فيه امانة عند مرام ….
اسامة : ماشاء الله حوش حلو …
مرام:حتى حقه حلو ولو تخدم عمرك كله ماتلحق ع ملحق فيه.
اسامة:عليش الاهانات هذي كلها كل قدير وقدره..وين ماشية…
مرام: بنعدي نتصرف في فلوس نبي حوش كيف هضا مش قبر…
وطلعت مرام من جنب اسامة عدت شور الخزنة متع راجل اختهااا وسرقت منها 200 الف…
بعد اربعة ايام رجعت منال اول ماوصلت …
سما: ماما بنقولك ع حاجة خالتي مرام شالت فلوس واجد من الخزنة.
منال:طلعت نجري لداري ولقيتها مقلوبة والخزنة شبه فاضية انهرت معقولة اختي امنتها ع رزقي تسرقني وتهرب …
خالد: مااضايقيش روحك فداك الخير واجد وعندي في المصرف اضعافهم…
منال: خليك ساكت انت فاهم ايش معناها اختي تسرقني … وليش انت بارد هكي مش واجعك مبلغ كيف هضا…
خالد: مانبيش نتكلم تزعل امك وانت هضا للي مخليني ساكت…
منال: نزلت لعند امي تميت نقولها بنتك سرقتني نا اختها .
خديجة: هذي اخرتها تتبلي ع اختك
منال: هضا للي طلع منك بدل ماتصبي معاي بترديني نتبلى انت اكثر وحدة تعرف اني مش كذابة ومستحيل نتبلى ع حد…
امباركة…تحاول تتكلم وتقول شئ لكن بلا فايدة
في حاجات اتم واضح قدام عيونا ولكن احنا مانحقوش فيها ….
طلعت من جنب امي لما عرفت انه كلامي معاها زايد….
بعد شهرين عرفت انها شريت بفلوسنا شقة ع الدور الثاني …
هالة:شن بديري معاها وخصوصا بعد صرفت الفلوس…
منال:خالد قلي سمحيها ع خاطر امك لكن نا مش متريحة بكل …
هالة:معليشي حتى نا بنقولك نفس كلام خالد …
ورجعت منال ومرام ثاني ومرت السنين وجت وفات ع للي صار 8 سنوات …..
في السنوات هذي تزوج احمد ولد منال بنت هالة رجعه جابت رجعه ولد ….
خالد: سبحان الله بسرعة ماتميت جد وين عدى قصي .
منال: خله يلعب في داره ريحنا من وجع الراس مش ناقصين…
خالد: وضع امي كل يوم تم اسوء من اليوم للي قبله .
منال: حتى نا خايفة عليها …
قصي: نبي هاتف …
خالد: ونا قداش عندي قصي وهضا الهاتف خلي نا نخش ندوش …
منال: تمام خلي نجهزلك ملابسك.
خالد:تريحي توا ناخدهن بروحي خلك جنب المجرم لايتصل بحد…
منال: عدى خالد يدوش ونا خديت قصي وحطيته في حضني شوية الا جاه اتصال …😳😳 فتحت الخط وتميت ساكتة ….
::::::/ ها حبيبي وينك طولت عليا.
منال:سكرت الخط وناقلبي ينبض بسرعة صدمتي صدمتين من بنلوم ايش للي درته نا غلط بيش ايصير فيا هضا كله …
بعد مسحت دموعي قررت نخش نشوف الماسنجر متعه وهنيا كانت الصاعقة حقيت صور مرام وخالد … عيوني معبيات بالدموع ناديت ع رجعه تاخذ قصي سكرت الجناح للي فيه دار النوم متعنا…
خالد: طلع من الدوش قرب من منال هاحبيبتي شكلك مضايقه.
منال: حول يدك مازال لك عين وتتكلم معاي اخرى.
خالد:كنك ايش صار خليتك مافيك شئ …
منال: للي صار انه ربي فضحك احنب تنجى اخنب تحصل ….من بين الصبايا كلهن ضاقت عينك كان ع اختي اختي مرام …. هضا للي نستاهله نا منك …
خالد: واطي صوتك الاولاد يسمعوك …
منال: مش مواطيه شئ خلي يعرفوا بوهم ع حقيقته كم مرة خنتني معاها كم نا هضا وين رجعلي عقلي وتميت نربط في الاحداث….
كنت ع علاقة معاها هضا عليش ماوجعوك الفلوس لانك واخد مقابل من نوع اخر في مكانهم
خالد: نزلت ع اركابي قدامها وهي مقمعزة ع السرير والله والله مافي قلبي غيرك صدقيني .
منال: لكن حضنك فيه غيري عقلك فيه غيري حول مااتحطش ايديك عليا نا اشرف من انك تلمسني ….
خالد: نا خالد حبيبك ساعة ضعف وعدت في حالها.
منال:ساعة ضعف تستمر لسنين ساعة ضعف مع من كانت مع اختي اختي …. ونهرت بالبكاءء فقت ونا في المستشفى بعد ماصارلي انهيار عصبي من الصدمة…
هو جنبي طول الوقت لكن لو يقعد جنبي لاخر يوم في عمري مستحيل نغفرله
بعد اربعة ايام خشيت ع امباركة …وسكرت الباب علينا…
منال: نبي نسألك يوم للي مرضتي شن شفتي حقيت خالد ومرام مع بعض صح …
امباركة: بإشارة تدل ع انه صح كلام منال
منال: قبل ايام شديت ولدك يخون فيا مع اختي وتأكدت من الكلام هضا….
طلعت من عند امباركة وكلمت هالة جتني طول وحكيتلها ع كل شئ…
هالة: نا كنت حاسة من زمان ايام ننهي فيك ونقولك ماتخليهش مع راجلك انها تحبه…
تذكري يوم زعلت وقعدت ترسم خشيت نلم في حاجاتها حقيتها راسمه سرير وراقدة فيه هي وخالد….
منال: والحل كيف نتصرف نا توا .
هالة: لازم تحكي لامي ومرام معاش تقبليها هي وراجلها …
منال: خشيت ع امي وحكينالها كل شئ صار من الالف الى الياء والصدمة كانت انها تمت تدعي عليا وكأنه نا الغالطة ولمت دبشها وقالت لي ..هاله.
خديجة:نا معاش عندي قعدا هنا بنعدي معاك وماعنديش بنت اسمها منال بكل.
منال:حدي قلت حسبي الله ونعمة الوكيل…
طلعت امي وبعدها بإسبوع ماتت امباركة بعد تريحت من الحمل للي ع اكتافها …خالد جاء يبكي ع رجليا لاكلمته ولا عبرته امباركة ضاعت عليا نا وصغاري وبس….
بعد الوفاة اتصلت براجل مرام وحكيتله ع كل شئ والصدمة كانت رده انه هو يعلم بعلاقتهم لكن خايف وساكت ….معقولة اختي للي ربيتها كنت ليها الام والاب تتطعني في ظهري…
احمد:امي نا نبي نعرف سبب الخلاف للي بينك وبين باتي.
منال: خلكم برا الموضوع في امور تمت بين الراجل ومرته مايصحش تطلع برا …
احمد: نا مانبيش نحقك مضايقة.
منال: ماتخافش عليا امك قوية …..
تميت نقيم في الليل كله لعند الفجر ونا ندعي ربي ياخدلي حقي منهم ….والله والله بعد اقل من شهر….فقت ع صوت دوشه واولادي يتكلمن بصوت عالي سما ورجعه يتباكن ….
خالد: البقية في حياتك اختك مرام ماتت هي وصغارها بعد ماانحرقت العمارة ….
منال: انصدمت وانفجعت من الخبر تميت تنفكر لما كانت تلعب لما تقولي تعالي قريني حتى نا مش هالة بس تحتاجك …. رغم خيانتها لكن ماتمنيتش تموت هكي قبل ماتوب لربي…..
درت العزاء في حوشي وبعد تم العزاء جتني امي وقتلي مرام ماتت بسبة دعاك عليها نا مش رح نسامحك بكل وانسى انه عندك ام….سكتت ماعاد عندي حيل حتى للكلام ….
خالد: تم عايش في جناح ونا في جناح لعند جاء اليوم للي خش عليا وحدفلي ورق ونهار بالبكاء…
منال: كنت مانقدرش نشوفه زعلان توا لو يبكي بدل الدموع دم صعب نسامحه خالد كسر فيا منال البرئيه منال الحنينه منال للي تحبه ….
خالد: نا مريض سرطان ماني طالب منك شئ
الا خليني جنبك انتي وصغاري لين ربي ياخد امانته …
اولادي جنبي ولقيت فيهم العوض والحن والامان كله هالة اختي ماقطعتنيش بكل امي ماتت قبل شهور الله يغفرلها ويرحمها ….
نصيحة مافيش حاجة اسمها نخلي راجلي مع اختي مااختلى اثنين الا والشيطان ثالثهم ….
عمرك ماتعطي الثقة الكاملة لاي شخص ديما كوني مستعدة لاي صدمة ومن اقرب الناس ليك …
الشخصيات الحقيقة منال ومرام وخالد وكلهن ماعاد امباركة كانت وليدة خيالي امباركة الصاحبة الوفيه للي صعب نلقوها في وقتنا هذا ….. للي محتاجينها الكل في حياتنا ….
مرام ماتت بطريقة اخرى هيا وصغارها لكن لو تكلمت رح تمت قصة وشرف مدينة وانا مستحيل
نمسخ صورة اي مدينة من مدن بلادي في عيون المتابعين …. يعلم الله لو حكيت كيف ماتت مرام رح تنفضح والكل يعرفها وانا للي ستره ربي مستحيل نفضحه …..
تمت…
لقراءة الرواية كاملة اضغط على : (رواية قهر)
