رواية قمر بنت الصعيد الفصل الرابع 4 بقلم حنين عادل

رواية قمر بنت الصعيد البارت الرابع

رواية قمر بنت الصعيد الجزء الرابع

رواية قمر بنت الصعيد الحلقة الرابعة

قمر: انا مش بطمن من الكلمة دي
ناصر: ليييه هو في ليلة سوخة اكتر من كده دا بقي مرار طافح دلوك يجي رمح ورانا ويعبطنا ماتقلقيش
قمر: بس انت هاتحميني صوح يا ناصر
ناصر: انا ناصر الصفدي لو قدرت وحميت نفسي انتي تاني خيار ليا عدل
قمر : لا راجل صوح
ناصر وهو بيجري وبينهج :
لاااااا انا اعجبك قوي
فضلوا يجروا لحد ما لقوا واحد في وشهم ..
ناصر: عدي يا جدع انت من خلقتنا عاد
_ليه السرعه دي عاملين عمله ولا ايه
قمر: وانت مالك يا عم انت
ناصر بص ل.قمر:
معاكي راچل تنكتمي وانا واقف ولسانك ما يطلعش بره خشمك
قمر بضحك: حاضر يا سي ناصر
ناصر بص للراجل ورفع حاجبه:
اه يا خويا عاملين عملة وتقيلة كمان ليك فيها
_وعامل ايه بقا يا عم الشبح
ناصر: عامل التقيلة في الكبانيه اهيييييي خليك في حالك بدل ما اندمك علي حالك
قمر قربت من ودن ناصر:
الثقة الزايدة عفشة وانا قلبي مش مطمن
ناصر بهمس:
جمدي قلبك انا اتحدي العالم كله وانا ويااااااااك
مسكه الراجل من لياقته …
ناصر: وه وه وه دا الحلو عاوز يتعلم الادب اللي ما ربهوشي اهله العبد لله يرجع يأهله
ضربه ناصر بالروسية …
مسك الراجل دماغه وطلع مسدسه …
قمر شهقت بخوف..
ناصر بخوف: يا سنة سوخة يا ولاد ! دا بقي مرار طافح !
____________________________
كان نوح بيجري في كل حتة في محطة القطر والدنيا زحمة
نوح: انتي فين يا قمر غلطة وحيدة غلطتها في حياتي اييييييه كفرت ماتعرفيش تسامحيني مافيش في قلبك ليا ولا حاجة تشفع لي وسنينا وايامنا اللي قضيناها سوا
رميتي كل ده ورا ضهرك وهملتيني
وقف ينهد:
كله منك يا ناصر الزفت يامين يعترني فيك وانا اخلص فيك القديم والچديد
_______________________________
كان ناصر واقف قدام الظابط وقمر معاه..
_الشنطة دي فيها ايه متفجرات ولا مخدرات
ناصر بخوف: يمين بعظيم تسامحني يا بيه انا كأي شاب حبيت اتمنظر انما انا في العادي بالله چبان
قمر: يا بيه احنا…
_انا سمحت لك تتكلمي
ناصر بص لها بزعل:
بس لا مؤاخذة يا بيه الشرطة في خدمة الشعب وانت المفروض تسمعها
_اه الشرطة في خدمة الشعب اقوم اجيب لك شاي بالمرة
ناصر: ياريت ست معالق سكر
_يا سكر..
قمر: لو سمحت يا حضرة الظابط ممكن اعرف احنا اهنيه ليه وايه تهمتنا ممكن حضرتك تفتش الشنط خلجاتي وشوية اوراق وبؤجة ناصر دي فيها خلجاته
ناصر: بلاش البؤجة بلاش
_ليه فيها ايه خايف منه
ناصر: مافيهاش بس دي حاجة شخصية يعني
فتح الظابط شنطة قمر واتحرج ووشه احمر وقفلها تاني وراح عند بؤجة ناصر …
ناصر : بلاش يابيه سايق عليك النبي
_يبقي فيها بلاوي
ناصر: مش بلاوي من اللي في دماغك
مسك ناصر ايده بص له الظابط بعصبية فخاف ناصر وساب ايده
فتح الظابط البؤجة …
طلع الظابط اول حاجة اشراط بيضه ..
ناصر: اعرض يابيه ملابسي الداخلية قدام البنات اعرض !
قمر كانت واقفة تضحك وتبص له …
حطهم وبعدين طلع دبدوب لونه بمبي
الظابط بص له باستغراب
ناصر بص لقمر:
شوفتي نسيتي وحطيتي دبدوبك معايا
قمر بضحك: معليش حقك عليا ياولد عمي لسه في حاجة يا حضرة الظابط
الظابط طلع برطمانين ريحتهم وحشة.
الظابط: دا فيه بلاوي…ايه ده؟!
ناصر: بالله ماهي بلاوي دي وصفة الست الوالدة عاملاها لي وصفة للشعر عشان شعري ينعم ووصفة عشان تطلع لي السفس بافس بس اكده!
بص ناصر علي الظابط لقاه هايدوقها…
ناصر: بلاش يا بيه …
_وليه بلاش ! خايف من ايه
ناصر: دي مش اي حد يستحملها افتكر اني قولتلك بلاش !
داق الظابط بصابعه منها وفجأة مسك بطنه
ناصر وهو بيدمع:
قولتلك بلاش بلاش بلااااااش
قمر: هانعملوا ايه دلوك يا حزين هانتحبسوا صحيح من خرج من داره اتقل مقداره
ناصر قرب عليه لقاه وقع عالأرض وماعتش بيعمل صوت…
قمر: هو ماله !
ناصر بخوف: مش عارف هو مات ولا اييييه ده بقي مرار طافح
قمر: هانروح فيها وهانتسجن ظلم يا ناصر.
ناصر: هانتسجن ههههه قلبك اوبيض هانتعدم يا بت هاتنعدم مش عاوز امووووووت مش عاوز اموووووت
قمر ضربته بالقلم:
اهدي بس اكده
لم بؤجتك واخرج معايا وحاول تكون طبيعي عشان مانترميش في السجن باقي عمرنا يا ناصر اهدي
ناصر: هانمووووووووت ….
رزعته قمر قلم تاني..
قمر: اهدي هاتودينا في داهية الله يخرب بيتك
ناصر: ما احنا في داهية لسه هانروح لها احنا بنروح للداهية بطيارة…
شدت قمر الظابط وودته ورا المكتب ومسكت شنطتها…
قمر: ناصر ابوس يدك ساعدنا نخرج من اهنيه ..
مسكت قمر ايد ناصر وخرجت وهو بيبص علي العساكر وبيبتسم…
وخلاص قربوا من باب القسم ..
_وقف عنديك!
كشر ناصر وشه :
يا ليلة سوخة ! دا احنا هانشرب المر بشاليمون !
قمر قبل ماتلف :
اهدي وسيبني انا اللي اتكلم
لف ناصر وقمر مع بعض وناصر بيبتسم وفي نفس الوقت بيترعش…
قمر بابتسامة: في حاجة يا حضرة العسكري
ابتسم العسكري:
وقعت منك دي يا ست
بص في البطاقة اللي معاه:
قمر..اسم علي مسمي
ناصر: سبحاااااانه
قمر اتنهدت براحة: شكرا ربنا مايحرمنا منكم ..
مشت قمر والعسكري واقف مبتسم لحد ما خرجت بره القسم وبعدوا عنه شوية..
قمر: خلاص يا ناصر اهدي خرجنا من القسم
ناصر: يعني نفدنا
قمر: ايوه …
ناصر: احلفي
قمر: هو دا وقته احنا فين دلوك وهانروحوا فين وهانقعدوا فين دا الأولي اننا نفكر فيه
ناصر:لاه الأولي اننا نفكر ونتخيلوا اللي نوح ولد عمك عايعملوا فينا دا هايبقي مرار طافح
قمر: اتفائل يا ناصر
ناصر: انا متفائل لدرجة اني شايف ومتخيل نوح قصادي ورافع الفرد بتاعه للمرة الثانية
قمر بصدمة: ايييييه
ناصر: ايوه والله زي ما قولت اكده
قمر: يسعدني ويشرفني اني اقولك انك مش بتتخيل يا ناصر
ناصر: بس يا شيخة بلاش هزار بقا دا انتي عليكي حاچات اهييييهييييهي
قمر بخوف : ارمح يا ناصر ..
ناصر وهو بيجري: عاااااااااا دا احنا هانشوف ايام اسود من قرن الخروب
قمر: يا غبيييي انت رايح فين رايح ناحيته
ناصر: السجن الجمب التاني والقضا المستعجل اهنيه اروح فييين واجي منين يا ربي منك لله منك لله
قمر : وه وه وانا مالي
ناصر بضحك: مالك متلتل في البنك والبنزين في التانك عااااااا
نوح كان بيضرب عليه نار لحد ما حضنه ناصر ووقع فوقه ….
نوح اتخبط في دماغه في طوبة …
ناصر: نووووح بيييه يا ليله سوخة انت موت انت كمان ولا اييييييه نوح بيييييييه !!!!…