رواية قمر الزين الفصل العشرون 20 بقلم ساسو محمد
رواية قمر الزين الجزء العشرون
رواية قمر الزين البارت العشرون
رواية قمر الزين الحلقة العشرون
قمر سألت زين : صحيح يا زين انت مقولتليش الجواز بعد قد اي
زين : هي طنط مقالتلكيش
قمر : هو في اي اسأل ماما تقولي هو زين مقالكيش اسألك تقولي هي ماما مقالتلكيش حد يجاوبني يا جدعان
زين بضحك : خلاص يا ستي الجواز بعد شهر
قمر : نعـــــم
زين : اتعصبتي لي
قمر : عشان اللي انت بتقوله ده
زين : وانا قولت اي
قمر : قولت ان الجواز بعد شهر
زين : وفيها اي يعني
قمر : فيها كتير
زين : زي اي
قمر : زي اني مش هلحق اجهز نفسي ونجيب الحاجات اللي ناقصه وكمان مش هنلحق نحجز القاعه وفوق ده كله انت مخدتش رأيي
زين : الحاجات الناقصه مش كتير ممكن ننزل في اي وقت نجيبهم والقاعه اتحجزت خلاص
قمر : اتحجزت ازاي يعني
زين : يعني حجزتها اي اللي مش مفهوم في الجمله
قمر : من غير ما تاخد رأيي
زين : ومين قالك اني مخدتش رأيك
قمر : اخدته ازاي بقي ان شاء الله
زين : اخدته من اخر مره كنا فيها مع بعض
قمر : ازاي واحنا متكلمناش في الجواز اصلا
زين : اقصد اخر مره ساعة الخناقه
قمر : اممممم ، الصراحه انا شايفه ان لسه بدري لي الاستعجال
زين : بقولك اي يا بت لولا المشكله اللي حصلت دي كان زمانا متحوزين اصلا ومش بعيد كمان تبقي دلوقتي بس نعمل اي بقي في الدماغ
قمر : طب انا لسه في حاجات ناقصه في هدومي عايزه اجيبها والفستان طبعا
زين : عندك رقيه ويارا وكوكي هيجوا من اسكندريه كمان اسبوع او اتنين ابقي خديهم وانزلي هاتي اللي انتي عايزاه
زياد : وتقي كمان لو تحبي تبقي معاكي
قمر : طبعا احب بس هي مش ناقصه كفايه عليها الحمل
تقي : ملكيش وقت ما هتعوزيني هتلاقيني
قمر : ربنا يخليكي ليا
تقي : ويخليكي
سراج : طب يلا بقي كفايه كده ولا اي
سميه : يلا
هند : ما لسه بدري
سراج : بدري اي انتي مش سامعه البيه اللي فاجأنا ان الجواز بعد شهر ده
هند : هو مقالكش
سراج : لا قالي بس كنت فاكره بيهزر
زين : في حد يهزر في الموضوع ده
سراج : طب يلا قدامي
ومشيوا وقمر دخلت نامت
تاني يوم
صحيت ودخلت الحمام توضأت وأدت فرضها وجهزت وخرجت
قمر : صباح الخير يا ست الكل
هند : صباح النور يا عروستي
قمر : انا مش مصدقه اللي بيحصل ده والله يا ماما
هند : مش مصدقه اي
قمر : مش مصدقه اني بعد شهر همشي واسيبك
هند : انتي هتهاجري ده هتسكني في العماره اللي قدامي
قمر : يعني مش زعلانه اني همشي واسيبك
هند : لا مش زعلانه انا فرحانه وفرحانه اوي كمان
قمر : فرحانه عشان هسيبك
هند : فرحانه عشان اخيرا هشوفك عروسه يا روحي
قمر : طب انا نازله واحتمال اتأخر شويه
هند : لي
قمر : عشان زين كلمني بالليل وقالي انه احتمال يعدي عليا عشان نروح نشتري حاجات من الحاجه الناقصه
هند : طب يا حبيبتي خلي بالك من نفسك
قمر : وانتي كمان سلام
هند : سلام
وصلت البنك ودخلت مكتبها
قمر : صباح الخير يا ريم
ريم : صباح النور ، اي مالك فرحانه كده لي
قمر : عشان زين اتفق مع ماما ان الجواز بعد شهر
ريم : بجد مبروووك يا روحي ربنا يتمملك بخير
قمر : الله يبارك فيكي
ريم : صحيح الورد بتاع كل يوم علي مكتبك هناك اهو
قمر : هو اللي بيبعته ده مزهقش
ريم : وانت يتزهق منك برضو يا جميل
قمر مسكته وقرأت الكارت وكان مكتوب
مبروك لاحلي قمر في الدنيا انتي تعرفي اني بعد الساعات والدقائق الثواني لحد ما اوصل للدقيقه اللي هشوفك فيها عروسه
قمر : ده اي ده ان شاء الله
ريم : في اي
قمر : ده عارف اني عروسه وخلاص هتجوز
ريم : بجد
قمر : اه ، سيبك يلا نشتغل
وبدأوا شغل وقبل ميعاد خروجهم بساعه
قمر : اي الدوشه اللي بره دي
ريم : مش عارفه
قمر : طب تعالي نشوف
ريم : يلا
وخرجوا وشافوا زين في وسط البنك والناس حواليه
ريم : ده زين
قمر : زين واي اللي جابه
وهي رايحه سمعت حد بيسأل زين ومين سعيده الحظ بقي
زين حط علي كتف قمر وقال : قمري طبعا
الشخص : مش انتوا فركشتوا
زين : لا طبعا دي كانت مسافره عشان ابن خالتي خطب بنت خالتها مش اكتر
الشخص : ع العموم مبروك
زين : الله يبارك فيك عقبالك
قمر همست في ودن زين : اي اللي جابك
زين : جاي اعزم زمايلي علي فرحي فيها حاجه دي
قمر : طب مش تقولي
زين برخامه : مليش مزاج
ضربته قمر في كتفه : غلس
زين : انا
وخرجوا اشتروا حاجات وزين فجأه وقف قدام اتيليه
زين : اي رأيك
قمر : في اي
زين : نجيب الفستان دلوقتي واحنا مع بعض
قمر : لا طبعا
زين : لي
قمر : عشان فال وحش انك تشوف الفستان قبل الفرح
زين : مين اللي قال كده
قمر : معرفش بس اسمع انهم بيقولوا كده
زين : طب انا هختار البدله ازاي من غير ما اشوف الفستان
قمر : انا هبقي اقولك تجيب لون اي
زين : امري لله
وروحوا وعدا اسبوعين في شراء الحاجات الناقصه
لحد ما وصل يارا وياسمين
قمر : وحشتيني اوي يا خالتو
ياسمين : وانتي كمان يا روحي وحشتيني
يارا : ومفيش وحشتيني يا يارا
قمر : لا طبعا وحشتيني
وقضوا اليوم مع بعض واتفقوا انهم يخرجوا تاني يوم يجيبوا الفستان
وعدا اسبوعين كمان وجه وقت الفرح
قبل الفرح بساعات
قمر بتكلم زين بعصبيه : انت مخلتنيش اتفق مع ميكب اب ارتيست ولا انت اتفقت اعمل اي انا دلوقتي
زين : طب ممكن تهدي
قمر : اهدي ازاي الفرح كمان ساعات
وقاطع كلامها يارا : قمر
قمر : طب ثواني خليك معايا
زين : براحتك
قمر : نعم يا يارا
يارا : كوكي وصلت
قمر : طب اعمل اي
يارا : هو اي اللي تعملي اي
قمر : مش فاهمه
يارا : كوكي جايه عشان تعملك الميكب اب يا قمر في اي
قمر : طب هخلص مكالمه واجي
يارا : تمام
قمر لزين : طب مقولتليش لي ان كوكي هي اللي هتعمل الميكب اب
زين : عشان تبقي مفاجأة
قمر : وهتعرف تعمله بقي ولا هتبوظلي وشي
زين : عيب عليكي دي عندها بيوتي سنتر خاص بيها في المانيا
قمر : بجد
زين : اه والله
قمر : طب يلا اقفل بقي عشان الحق اجهز
زين : هتوحشيني الكام ساعه دول
قمر : طب يلا يا بابا سلام
زين بضحك : سلام
ودخلت كوكي عملتلها الميكب اب ولبست الفستان
وقاعده مستنيه زين فجأه يارا دخلت عليها
يارا : قمر الورد ده جه ليكي
قمر : ده اكيد من زين
ومسكته وشافت الكارت وكان مكتوب
خلاص يا روحي كلها ثواني واشوفك عروسه
قمر لنفسها : تاني الشخص ده وعرف بيتي منين
زين من وراها : عشان ساكن قصادك
قمر اتخضت وبعدت شويه عنه
زين : اهدي بس في اي
قمر : انت ازاي تخضني كده
زين : مراتي واخضها زي ما انا عاوز
قمر : وبعدين دخلت كده من غير ما تقولي وبوظت الفيرست لوك
زين : ومين قالك اني معملتش الفيرست لوك
قمر : عملته ازاي
زين : عملته اول ما لفيتي بس انتي بوظتيها
قمر : طب اخرج وتعالي نعملها تاني
زين : انا مش هعمل حاجه تاني
قمر : يعني اي
زين شدها لحضنه وقالها خلاص بقي وهمس في ودنها لقد هرمت من اجل هذه اللحظه واخيرا شوفتك وانتي عروسه
قمر : يعني انت اللي كنت بتبعت الورد
زين : اه طبعا اومال فاكره مين
قمر : بس انت قولت مش انت
زين : كنت عايز ادايقك شويه
قمر بعدت عن حضنه وقالت : طب انا غيرت ومش عايزه اتجوز
زين : لا يا روحي مش بمزاجك وانتي عملالي زي عروسه البحر كده
قمر : يعني عجبتك
زين : انتي طول عمرك عجباني يا قمري
قمر : ربنا ما يحرمني منك يا روحي
كوكي من وراهم : يلا يا حبيبي انت وهي في معازيم مستنيه
زين : فصيله
وراحوا الفرح وكريم فاجأ يارا بكتب الكتاب
وعمر طلب زهره للجواز
وتم الفرح علي خير
وبعد عشر سنوات
بقي معاهم نغم 9 سنين وادم 7 سنين
نغم : مامي بقولك
قمر : قولي يا روح مامي
نغم : انتي وبابي حبيتوا بعض ازاي
حكيتلها قمر الحكايه كلها حتي مشكلة كوكي واللي حصل بعده وسوء التفاهم بتاع رقيه
قمر : وبس يا ستي واتجوزنا
نغم : يااااااه كل ده حصل
قمر : شوفتي بقي
نغم : اتصدقي يا مامي
قمر : اصدق اي
نغم : انا لو مكان بابي بعد اللي قولتيه ده انا مش هتجوزك
زين من وراها بضحك : صدقتي يا بنتي والله
نغم وادم جريوا علي زين
وقمر بزعل : بقي كده يا زينو
زين : بضعف انا وانتي بتقوليلي يا زينو دي
قمر : طب اي بقي
زين : انتي احلي حاجه حصلتلي في حياتي يا روح زينو
نغم : وانا اي بقي يا زينو
زين : انتي وادم تاني احلي حاجه حصلتلي في حياتي بعد قمري
قمر : ربنا ما يحرمنا منك يا حبيبي
زين : ولا يحرمني منكم يا حبايبي
#تمت
الرواية كاملة اضغط على : (رواية قمر الزين)
