رواية قمر الزين الفصل الحادي عشر 11 بقلم ساسو محمد
رواية قمر الزين الجزء الحادي عشر
رواية قمر الزين البارت الحادي عشر
رواية قمر الزين الحلقة الحادية عشر
قمر : انا عايزه اقولكم علي حاجه
كلهم بانتباه : قولي
قمر : بس محدش يقول ليارا حاجه
ياسمين بقلق : في اي يا بنتي قلقتيني
قمر : متقليقش يا خالتو
عمر : طب ما تتكلمي علي طول
قمر : من الاخر كده مدير يارا في الشغل
عمر : ماله
قمر : بيحبها وعايز يتجوزها
ياسمين بفرحه : بجد
قمر : جد الجد يا ام العروسه
عمر : طب وانتي عرفتي منين وهي مجتش قالت لي
قمر : هو اللي قالي وقالي كمان معرفش يارا اني عرفت عشان قال اي هي اللي عايزه تقولي بنفسها
ياسمين : طب هي بتحبه
قمر : بتموت فيه مش بتحبه بس
عمر : طب مجاش لي يتقدم
قمر : يارا اللي رافضه
عمر : ازاي بتموت فيه وازاي رافضه
قمر : عشان خايفه عليا في الظروف دي
عمر : يعني اكيد هو اللي بيكلمها
قمر : اكيد
ياسمين : طب هنعمل اي
قمر : حددوا ميعاد يجي يتقدم فيه بس من غير ما نقولها
هند : ازاي يعني
قمر : خالتو هتقولها ان في عريس متقدملها وطبعا هتتصدم وهتسأل مين عمر هيكون قاعد طبعا فيقولها انه صاحبي وطبعا هتحاول ترفض بس انتوا هتأثروا عليها انها تقابله وانا هتفق مع كريم انه ميقولهاش ولما تروح تقوله يرد عليها يقولها مش انتي اللي كل شويه تتحجي عشان مجيش اخطبك اشربي بقي فهتتصدم وتزعل ومتكلموش لحد يوم المقابله فتتصدم بقي ان العريس هو كريم
عمر : فكره حلوه يا قمر بس الاول حدديلي معاه ميعاد اقعد انا وهو الاول وبعدين نتفق علي ميعاد يجي في البيت
قمر : تمم هقوله بكره ولو ينفع بكره اخليه يقابلك
عمر : ماشي انا كده كده فاضي بكره
قمر : طب خلاص هي جايه اهي
يارا : كنتوا بتتكلموا في اي
كلهم بصوا لبعض ما عدا قمر ومش عارفين يردوا
قمر : مفيش يا ستي كنا بنتكلم علي موضوعي انا وزين
يارا : طب اي بقي وصلتوا لأيه
قمر : بيقنعوني اني ارجع واكلمه
يارا : طب ما تكلميه يا قمر لو لسه بتحبيه
قمر : بس لما ارجع بقي
يارا : ربنا يكتبلك اللي فيه الخير
قمر : يارب ويرزقك بابن الحلال اللي يحافظ عليكي
ياسمين : يارب
وعدي اليوم بين ضحكهم وهزارهم واتي يوم جديد
قمر صحيت من بدري وجهزت وراحت تصحي يارا
قمر : قومي يا كسلانه
يارا بنوم : لا مش قادره
قمر : يعني مش هتروحي الشغل
يارا : لا عايزه تروحي انتي روحي انتي الطريق لكن انا هنام
قمر بابتسامه: نامي يا حبيبتي نوم العافيه
وسابتها وخرجت
قمر : صباح الخير
كلهم : صباح النور
ياسمين: فين يارا اومال
قمر : نايمه
ياسمين: مش هتروح الشغل
قمر : لا مش هتروح
عمر : احسن عشان تكلميه براحتك ولو منفعش اننا نتقابل بره وعايزني اروحله الشركه معنديش مشكله بس اهم حاجه اتأكد انه راجل وهيحافظ عليها
قمر : ان شاء الله هيحافظ عليها
عمر : يارب
وذهبت قمر الي الشركه وراحت علي طول علي مكتب يارا
قمر : صباح العسل يا زهره
زهره : صباح الفل عامله اي
قمر : الحمدلله وانتي عامله اي
زهره : الحمدلله اومال فين يارا
قمر : مجتش النهارده
زهره بقلق : لي كده مالها
قمر : عايزه تنام
زهره : عشان كده بس
قمر : اه بس
زهره : طب كويس طمنتيني
قمر : لا اطمني المهم مستر كريم جه ولا لسه
لسه زهره هترد دخل كريم
كريم : صباح الخير
زهره وقمر : صباح النور
كريم : اومال يارا فين
قمر : ما انا كنت جايه لحضرتك عشان كده
كريم : عشان اي
قمر : عشان ابلغ حضرتك ان يارا مش جايه
كريم بقلق : لي مالها
قمر : مجهده شويه
كريم فهم ان في حاجه وقال : طيب
قمر : بس انا كنت عايزه حضرتك في حاجه
كريم : طب تعالي
ودخلوا مكتب كريم
كريم : في اي بقي عشان اللي قولتيه ده مدخلش عليا
قمر : اطمن مفيش حاجه
كريم : يعني محصلش حاجه وانتوا بره امبارح
قمر : بجد مفيش حاجه
كريم : اومال مجتش لي
قمر : اقولك ومتتعصبش
كريم : مش هتعصب بس قولي
قمر بضحك : عشان عايزه تنام
كريم : نعم ياختي
قمر : والله زي ما بقولك كده
كريم : طيب عايزاني في اي يا ستي
قمر : بس يارا متعرفش
كريم : مش هقولها بس قولي قلقتيني
قمر : بص يا عم عشان نخلص من موضوعك انت ويارا ده بقي
كريم : هتخلصي منه ازاي بقي
قمر : انا حكيت لخالتو وعمر اخوها
كريم بفرحه : بجد
قمر بفرحه لفرحته : اه بجد
كريم : ورأيهم اي
قمر : عمر اخوها عايز يقابلك الاول وبعدين يتفق معاك علي ميعاد تيجي البيت
كريم : انا فاضي النهارده لو عايز
قمر : خلاص هكلمه واقولك بس اهم حاجه يارا متعرفش
كريم باستغراب : لي مش هي العروسه
قمر قصت عليه اللي حصل واتفقوا ان يارا متعرفش
كريم : خلاص موافق
قمر : خلاص متفقين هكلم عمر واجي شويه كده اقولك اي اللي حصل
كريم : ماشي يا احلي حاجه حصلت في حياتي بجد
قمر : مش للدرجه دي
كريم : لا واكتر كمان انا من غيرك ماكنتش هعرف اتقدملها دلوقتي بسبب خوفها وتوترها
قمر : متقولش كده هي اختي وانت بقيت اخويا
كريم : ربنا يخليكي ليا يا احلي اخت
وخرجت قمر كلمت عمر واتفقوا انهم يتقابلوا بعد الشغل وبلغت كريم بكده وراحت مكتبها تخلص شغلها وخلص اليوم وراحت قمر وكريم يقابلوا عمر
كريم : السلام عليكم
عمر : وعليكم السلام
قمر : ده كريم يا عمر وده عمر اخو يارا
كريم : اهلا وسهلا
عمر : اهلا بيك انت
قمر : طب اسيبكم انا بقي
عمر : لا اقعدي
قمر : عشان تبقوا براحتكم
عمر : لا خليكي
قمر : طب لو سألوني اتأخرت لي
عمر : انا قولتلهم اني كنت بكلمك وقولتي انك رايحه تقعدي ع البحر
قمر : تمم
عمر : ازيك يا كريم
كريم : الحمدلله وانت
عمر : الحمدلله
كريم : يارب دايما
عمر : يارب ، ها يا سيدي عايزني في اي
كريم : من الاخر انا بحب اختك وهي بتحبني وعايز اتجوزها
عمر : علي طول كده
كريم : اه اصل الصراحه اختك عذبتني كتير وانا تعبت وما صدقت ان قمر ساعدتني عشان اكلمك
عمر : طب انت مجتش البيت لي
كريم : مش عارف المكان بالظبط ومش عارف الاوقات اللي انت بتبقي موجود فيها امتا عشان مجيش وانت مش موجود
عمر : لا تمم عجبتني
كريم : شكرا
عمر : طب كلمني عن نفسك
كريم : انا عندي 29 سنه وعندي اخت اكبر من عندها 32 سنه ومتجوزه وعايشه في المانيا وامي وابويا برضو عايشين معاها في ألمانيا وعندي شركتي هنا في اسكندريه
عمر : طب انت لي مش عايش معاهم هناك
كريم : كنت عايش معاهم هناك لحد ما خلصت دراسه وبعدين جيت هنا وبقيت اروحلهم زيارات
عمر : وهما مش بيجوا هنا
كريم : لا بيجوا ده حتي من حسن حظي ان اختي هنا اليومين دول
عمر : طب تمم حلو الكلام ده ، انت بقي مستعد تيجي امتا البيت
كريم : اي وقت
عمر : طب اختك هترجع امتا
كريم : كمان اسبوعين
عمر : خلاص يبقي تجيبها وتيجي الجمعه الجايه
كريم بفرحه : اتفقنا
عمر : بس زي ما قمر اتفقت معاك ان يارا متعرفش بس انا هغير حاجه في الاتفاق
كريم وقمر : هتغير اي
عمر : انا هقول ليارا ع العريس يوم الخميس مش دلوقتي عشان نحطها قدام الأمر الواقع
كريم : تمم
وخلصوا وروحوا وخلص اليوم وعدا الاسبوع لحد الخميس من غير احداث
يوم الخميس بعد ما يارا وقمر رجعوا من الشغل
قمر ويارا : سلام عليكم
كلهم : وعليكم السلام
ياسمين بفرحه : تعالي يا عروسه
يارا باستغراب : عروسه اي يا ماما
ياسمين : انتي يا حبيبتي
يارا : في اي انا مش فاهمه
هند : ياسمين عايزه تقولك انك جايلك عريس يا عروسه
يارا بصدمه : اي عريس
ياسمين: اه عريس مالك مستغربه لي
يارا : مش مستغربه المهم هو مين وعرفني منين
تدخل عمر : ده واحد صاحبي شافك لما كنا خارجين الاسبوع اللي فات
يارا : بس انا مش عايزه اتجوز
قمر : شوفيه الاول واقعدي معاه يمكن تغيري رأيك
يارا كانت هتتكلم بس قاطعتها ياسمين : قمر معاها حق
يارا سابتهم ودخلت تكلم كريم اللي اتفاجأت من رده فعله وانه عايزها تقابل العريس وفقلت وفضلت في اوضتها لتاني يوم وجه ميعاد العريس وكلهم جهزوا ويارا طبعا جهزت بس كانت زعلانه ومش عايزه تخرج
وصل كريم وبعد السلام والترحاب خرجت قمر تسلم علي كريم ودخلت قمر ولسه هتتكلم
قمر بصدمه ………..
يتبع…
لقراءة الفصل التالي : اضغط هنا
الرواية كاملة اضغط على : (رواية قمر الزين)
