رواية قمر الزين الفصل التاسع 9 بقلم ساسو محمد
رواية قمر الزين الجزء التاسع
رواية قمر الزين البارت التاسع
رواية قمر الزين الحلقة التاسعة
قمر : السلام عليكم
ياسمين واللي معاها : وعليكم السلام
قمر بصدمه : ماما
ياسمين : مفاجأة مش كده
قمر : وأحلي مفاجأة
هند : وحشتيني اوي يا قمر
قمر حضنت هند : وانتي كمان وحشتيني اوي اوي يا ماما
هند : ينفع تسيبي امك كل ده
قمر : غصب عني والله يا ماما بس انتي عرفتي منين اني هنا
هند : انا عارفه من الاول انك هنا
قمر باستغراب : ازاي
هند : عشان مفيش مكان بتهربي فيه غير هنا بس قولت اسيبك شويه
قمر : اممممم حمدلله ع السلامه
هند : الله يسلمك بس اعملي حسابك انك هتروحي معايا
قمر : عشان خاطري لا يا ماما
هند : لي
قمر : مش عايزه اشوفه
هند كانت هتحكي لقمر بس افتكرت اتفقها مع زين وقالتلها : طب انا هقعد يومين وفكري فيهم وقوليلي قررتي اي
قمر : حاضر
ياسمين : ادخلي غيري هدومك يلا عشان نأكل ماما ولا ناويين نجوعها
قمر : لا طبعا انا داخله اهو
عند زين
سميه : بقولك يا زين ما تكلم اخوك تشوفه فين
زين : حاضر يا ماما
كلمه
زين : انت فين يا عم
زياد : في الطريق اهو
زين : طب قدامك كتير
زياد : عشر دقائق
زين : تيجي بالسلامه
زياد : الله يسلمك
سميه : قالك اي
زين : قال عشر دقائق ويكون هنا
سميه : طب كويس
وبعد عشر دقائق وصل زياد وتقي
سميه : عاملين اي يا حبيابي
زياد وتقي : الحمدلله يا ماما انتي عامله اي
سميه : الحمدلله ، وحشتيني والله يا تقي
تقي : وانتي كمان والله يا ماما وحشتيني
زياد : وانا مفيش وحشتني ولا هي بس اللي وحشتك عشان شايله حفيدك
سميه بضحك : لا وانت كمان وحشتني بس هي اكتر شويتين
زياد : اشمعنا بقي
سميه : عشان هي ماكنتش معاك اخر مره كنت فيها هنا
تقي : معلش حقك عليا بس والله كنت تعبانه والدكتور قالي مش عايزك تتحركي خالص
سميه : ولا يهمك يا روحي المهم عندي انك تقومي بالسلامه
تقي : الله يسلمك
زياد : اومال بابا فين
سميه : نزل مشوار وقال انه مش هيتأخر
زياد : طب عقبال ما بابا يجي تعالي يا زين عايزك
سميه : انت لحقت قعدت معايا عشان تاخد زين وتدخلوا
زياد بكدب : معلش عايزه في شغل قبل ما بابا يجي وبعدين انتي معاكي تقي مش هتقعدي لوحدك
سميه : طب يا حبيبي ربنا معاكم
ودخل زياد وزين اوضه زين
زين : ها عايزني في اي بقي ومن امتا واحنا بنتكلم عن الشغل في البيت
زياد : ومين اللي قالك اني عايزك في شغل
زين بعدم فهم : اومال عايزني في اي
زياد : اهو غبائك ده اللي طفش البت منك
زين بغباء اكتر : واي اللي دخل قمر في الموضوع
زياد : يا غبي افهم انا عايزك في موضوع قمر بس مش عايز ماما تعرف عشان متخلنيش اتكلم قدامها
زين : اممممم وعايز تسألني علي اي بقي
زياد : عايز اسألك عملت اي معاها
زين : ولا حاجه
زياد : يعني معرفتش توصلها ولا وصلتلها وقولتلها الحقيقه بس هي مقتنعتش
زين : لا من ساعة ما روحت لخالتها وانا مروحتش تاني
زياد : طب بتطمن عليها ازاي
زين : من حين لآخر خالتها بتكلمني من موبايل بنتها عشان تطمني او طنط هند تكلمني وتدخلني في مكالمه جماعيه عشان انا وهي نطمن عليها
زياد : طب وبعدين
زين : المفروض ان طنط هند راحت لها هناك النهارده ولسه معرفش بقي اي اللي هيحصل
زياد : طب مش انت حكيت لطنط هند علي علاقتك بكوكي
زين : اه لي
زياد : كنت بقول يعني هي تحكيلها ونشوف رد فعلها اي
زين بانفعال : لا
زياد : طب انت انفعلت لي
زين : عشان المفروض انا اللي احكيلها
زياد بتفهم : طب ما تروحلها
زين : ما انا روحت بس لسوء حظي ماكنتش في البيت وخالتها قالتلي خليها تقعد مع نفسها لحد ما تعرف ان هي كمان غلطانه وترجع من نفسها مش ترجع عشان حاسه انك بتضغط عليها
قاطع كلامهم دخول باباهم
سراج : السلام عليكم
زين وزياد قام بفرحه باس ايد باباه : وعليكم السلام
سراج : عامل اي يا ابني
زياد : الحمدلله بخير وحضرتك عامل اي
سراج : الحمدلله بخير طول ما انتوا بخير
زين : وانا مفيش عامل اي ولا انا دخيل عليكم ولا اي
سراج : ما انا لسه سايبك من ساعه
زين : بقي كده
سراج : اه كده ويلا بقي عشان أمكم متحرمكوش من الاكل
زين وزياد في نفس واحد : لا كله الا كده
سراج ضحك عليهم : طب يلا
خرجوا وقعدوا يأكلوا في جو مرح وهزار
عند قمر
هند : معلش يا ياسمين هاخد قمر وندخل جوا شويه عشان عايزاها
ياسمين : طبعا يا حبيبتي ده بيتك
هند : تسلمي يا حبيبتي تعالي يا قمر
قمر : حاضر
ودخلوا الاوضه
قمر : نعم يا ماما
هند : هتفضلي هنا لحد امتا
قمر : لحد ما ينساني
هند : وعايزاه ينساكي لي وهو بيحبك
قمر : بيحبني
هند : اه بيحبك لو ماكنش بيحبك ماكنش جه لحد هنا عشانك
قمر : بس هو معرفش اني هنا
هند : ومين قالك انه ميعرفش
قمر باستغراب: يعني هو يعرف اني هنا
هند : اه يعرف
قمر بصدمه : بس خالتو قالتلي انه ميعرفش
هند : انا اللي قولتلها تقولك كده
قمر باستغراب: لي
هند : هقولك نفس الكلمتين اللي خالتك قالتهم لزين
قمر باستغراب اكتر : كلمتين اي
هند : قالتله لازم تقعدي مع نفسك وتعرفي انك غلطانه
قمر : غلطانه
هند : اه غلطانه
قمر : غلطانه في اي بقي
هند غلطانه انك مسمعتوش
قمر : وهو ملغطش لما حضن واحده قدامي ولا كأني واقفه
هند : هو اللي مش معترف انه غلطان ماكنش جه وراكي وفضل يجي لحد ما سافرتي ولا جالك هنا كمان
قمر : انتي شايفه كده
هند : اه شايفه كده والصراحه لو لفيتي الدنيا مش هتلاقي حد بيحبك كده ويجيلك كل يوم عشان يفهمك الحقيقه وانتي مش مدياله فرصه
قمر بدأت تقتنع بكلام والدتها لأنها طول الفتره اللي فاتت دي كانت بتفكر في اللي عمله زين مش اللي بعد كده وهو ده اللي كان مخليها مش عايزه تكلمه
هند : سرحتي في اي
قمر : لا مسرحتش في حاجه
هند : علي ماما
قمر : مفيش صدقيني
هند : طب هسألك سؤال
قمر : اتفضلي
هند : انتي لسه بتحبيه
قمر : ………..
يتبع…
لقراءة الفصل التالي : اضغط هنا
الرواية كاملة اضغط على : (رواية قمر الزين)
