رواية قمر الزين الفصل التاسع عشر 19 بقلم ساسو محمد
رواية قمر الزين الجزء التاسع عشر
رواية قمر الزين البارت التاسع عشر
رواية قمر الزين الحلقة التاسعة عشر
وروحوا واول ما دخلوا الشقه اتصدموا
قمر بصدمه : اي ده
كان صندوق عليه صوره لزين وبوكيه ورد علي الصندوق
زين من وراها : افتحيه وشوفيه
قمر بخضه : انت هنا
زين : لازم اكون هنا طبعا
قمر : لي
زين : عشان قلبي هنا
عمر مسكه من التيشيرت : هو مش انا قولت جو المحن ده مش في البيت
زين : خلاص يا عم هسكت
عمر : يبقي احسن ، وانتي يا بت روحي شوفي هو جايبلك اي
قمر مسكت البوكيه كان ابيض واحمر زي ما بتحب
قمر : كنت حاسه علي فكره
زين : حاسه اي
قمر : حاسه انك انت اللي بتبعتلي الورد
زين بجديه : ورد اي
قمر : الورد اللي كنت بتبعتهولي في البنك
زين : انا مكنتش ببعت حاجه
قمر : بجد مش انت
زين : لا مش انا
قمر : اومال مين اللي بيبعته
زين : معرفش
قمر : زين متهزرش
زين : مش بهزر انا اول مره اجيبلك ورد
عمر : طب مش وقته وكملي فتح الهديه وبعدين نبقي نشوف مين اللي بيبعت الورد
قمر فتحت الصندوق لاقت فستان كشمير شكله تحفه والهيلز بيچ وشنطه ميكاچ كامله وشنطه ليها وفي الاخر شافت كارت مسكته وكان مكتوب فيه
اخيرا حلم السنين اتحقق وبقي اسمك علي اسمي وبقيتي جزء مني
بحبك
سابت الكارت وجريت حضنته وهي مش مصدقه ان كل ده حقيقه
قمر : انت عملت كل ده عشاني
زين : هو انا عندي اغلي منك اعمله كده
قمر : ربنا يخليك ليا
زين : ويخليكي ليا يا كل ما ليا
عمر : كفايه بقي
قمر خرجت من حضن زين وقالت : بس اي الحاجات دي
زين : الدريس والهيلز والشنطه مكان بتوع كتب الكتاب وشنطه المكياج تعويضاً ليكي عشان مجبتلكيش ميكب اب ارتيست
قمر : بجد انا مش عارفه اقولك اي
زين : متقوليش حاجه انا عايزك بس تدخلي تلبسيهم وتيجي عشان نخرج
قمر : عينيا
زين : تسلملي عنيك
ودخلت قمر تلبس
عمر : يا ابني فلوسك هتخلص علي اللي بتعمله ده
زين : فداها كنوز الدنيا
عمر : طب لما تخليك تشحت متجيش تشتكي
زين : لما اشحت ابقي ساعتها ملكش دعوه بيا
عمر : براحتك
وخرجت قمر وقالت : انت جاهزه
وخرجت هي وزين
قمر : احنا رايحين فين
زين : هتعرفي لما نوصل
ووصلوا كافيه كان محجوز ليهم وكان متزين
وقمر اتفاجأت بمامتها وياسمين واهل زين هناك
قمر : ده ماما وخالتو واهلك كمان هنا
زين : ما انا عارف
عمر : من خلفها واحنا كمان
قمر : كمان
وراحوا سلموا عليهم
زين : ماكنش ينفع اعدي اليوم من غير التورته
قمر : بس كفايه اللي انت عملته في المطعم والهديه
زين : كل ده ولا حاجه بالنسبه للي حاسس بيه دلوقتي
قمر : وحاسس بايه
زين : حاسس اني مالك الدنيا كلها
قمر : وانا كمان حاسه نفسه الاحساس
زين : احلي من تمت ال 27 في حياتي
قمر : وانت احلي حاجه حصلتلي في حياتي
وطفوا الشمع وقضوا اليوم بفرح وسعاده وكل روح بيته
وعدا باقي الاسبوع من غير احداث ورجعوا القاهره
وراحت البنك واتفأجت برضو ببوكيه ورد ومكتوب عليه وحشتيني كنت مفتقدك اوي الاسبوع ده
قمر بتكلم نفسها : يا تري مين ده
ريم من وراها : بتكلمي نفسك ع الصبح
قمر : مستغربه مين اللي بيبعت الورد ده
ريم : ما يمكن زين
قمر : لا مش زين
ريم باستغراب : وانتي عرفتي منين
قمر : هو اللي قالي
ريم : وانتي روحتي سألتيه
قمر : اه
ريم : ازاي يعني
حكت قمر الموضوع كله
ريم : بجد يعني خلاص اتصالحتوا وكتبتوا الكتاب كمان من غيري
قمر : انا نفسي اتفاجأت
ريم : مبروك يا روحي
قمر : الله يبارك فيكي يا روحي
ريم : واتفقتوا الجواز بعد قد اي
قمر : اتصدقي معرفش
ريم : ازاي يعني
قمر : والله ما اعرف لما اروح هبقي اسأل
وخلص الشغل وروحت
قمر : السلام عليكم
هند : وعليكم السلام
قمر : ماما عايزه اسألك سؤال
هند : اسألي
قمر : انتوا اتفقتوا مع زين الجواز بعد قد اي
هند : هو زين مقالكيش
قمر : لا مقاليش
هند : طب هو جاي بعد شويه ابقي اسأليه
قمر : مين اللي جاي
هند : زين وعائلته
قمر : جايين لي
هند : عزمتهم ع الغدا
وقاطع حديثهم رن الجرس
هند : اهم وصلوا قومي افتحي
فتحت قمر وسلمت علي سميه وسراج وزياد وتقي
وسألت : اومال فين زين
زين : انا اهو يا قلب زين
قمر : حمدلله ع السلامه
زين : الله يسلمك يا عمري
قمر : طب ادخل
زين : في حد جاي معايا عايزك تتعرفي عليه
قمر : مين
رقيه : انا يا قمر
قمر بترحاب : ازيك
رقيه : الحمدلله وانتي
قمر : الحمدلله
رقيه : مبروك
قمر : الله يبارك فيكي عقبال يارب ما يتمملك على خير
رقيه : يارب
زين : طب هنفضل واقفين ع الباب
قمر : لا طبعا ادخلوا
ودخلوا
رقيه : وصلني سوء التفاهم اللي حصل
قمر : خلاص بقي انتي قولتي سوء تفاهم وانا فهمت خلاص
رقيه : طب كويس
هند : طب يلا نحضر الغدا
رقيه : هاجي معاكم لو تسمحيلي يا طنط
هند : طبعا انتي زيك زي قمر وتقي
تقي : خلاص يا طنط طالما زينا زي قمر يبقي اقعدي انتي واحنا هنحضر ولا اي يا قمر
قمر : تقي عندها حق يلا يا بنات
وحضروا وخلصوا غدا وقمر عملتلهم شاي
وسألت زين : صحيح يا زين انت مقولتليش الجواز بعد قد اي
زين : هي طنط مقالتلكيش
قمر : هو في اي اسأل ماما تقولي هو زين مقالكيش اسألك تقولي هي ماما مقالتلكيش حد يجاوبني يا جدعان
زين بضحك : خلاص يا ستي الجواز بعد شهر
قمر : نعـــــم
يتبع…
لقراءة الفصل التالي : اضغط هنا
الرواية كاملة اضغط على : (رواية قمر الزين)
