رواية قلوب حائره الفصل الرابع 4 بقلم أمنية يوسف
رواية قلوب حائره الجزء الرابع
رواية قلوب حائره البارت الرابع
رواية قلوب حائره الحلقة الرابعة
_وقفنا لما سمعت مراته وهي بتتكلم وبتقول :يا حبيبي صدقني عمر دا غب’ي وفلوسه كلها هتبقى في جيبي وساعتها هنقدر نتجوز.
كنت واقفه مصدومه..يعني هي بتخو’ن عمر لا وكمان متجوزاه عشان مصلحتها…ساعتها بس حمدت ربنا إني جيت في الوقت دا هي بصراحه وفرت عليا حاجات كتير كانت هتتعمل.
عملت صوت كأني لسه جايه…ودي طلعت تجري من الاوضه…ساعتها بصتلها من فوق لتحت …بقا هي دي اللِ حبها وإتجوزها عليا دي شبهه البُر،ص الجعان…يوه استغفر الله…فوقت من سرحاني فيها وهي بتقولي بسخريه
“ايه دا رجعتي تاني يا بوسي، أنا قولت عندك كرامه وهتطلبي الطلاق وهرتاح منك”
ابتسمتلها قولت بخبث “لا ماهو انتِ ناسيه إن دا بيتي وفلوس جوزي أحق بيها عيالي ولا إيه يا مرام”
حسيتها خافت من كلامي وقالت بتمثيل الدلع”ومتنسيش برضو إني حامل يعني إبني برضو له الحق ولا إيه!”
ابتسمت وقولت”يارب بس تكوني حامل مش كدا وكدا “وغمزلتها وسبتها تو’لع ودخلت اوضة عيالي…وانا ببتسم بوجع…بقى هي دي اللِ فضلها عليا وراح يجري وراها زي …وخر’ب بيته وخسرني وخسر عياله.
بعد فتره…كان عمر جه وطبعا أول ما شافني الابتسامه رجعتله تاني…بس حقيقي انا كنت قر’فانه منه…بس لازم أكمل معاه عشان خاطر عيالي
كنت قاعده معاه وهو بيصالحني لكني ابتسمت بخبث وقولت بحزن “انا وافقت بس عشان بحبك يا عمر وعشان خاطر عيالنا، وعشان كمان انت هتراضيني ”
عمر بسرعه “قولي يا حببتي نفسك في إيه وهيكون عندك دلوقتي”
بصتله وقولت بحب “عايزه شقه وحدي، انا دي هسيبهالك انت ومراتك وابنك وانت هتجبلي واحده جديده صح”
فضل دقيقه يفكر…كنت خايفه ليرفض ودا خلاني أكمل بسرعه واقول “لو مش عايز خلاص بس اعرف اني لو فضلت هنا مش هقعد يومين وهروح بيت بابا تاني وعيالك مش هيقدروا يتقبلوا اللِ بيحصل لكن لو شقه وحدي هعتبر إنك متجوزتش اصلا وهنعيش حياتنا تاني ”
بصلي وباس ايدي وهو بيقول “إختاري أي شقه انتِ عوزاها، انتِ استحملتي كتير مني واتقبلتي إني إتجوزت ودا في حد ذاته حب ”
ابتسمت بسعاده وقولت “ماشي انا شوفت شقه حلوه أوي قريبه من بيت بابا عنوانها ….شارع… عماره….”
عمر بصدمه”نعممم دي غاليه أنا عارف العماره دي ”
بسمله بحزن ودموع”غاليه على حبيتك، تمام يا عمر انا عرفت قيمتي عندك”
عمر بتفكير “خلاص يا حببتي، إن شاء الله إسبوع كدا أجهز فلوسي ونروح نشوفها”
بصيتله وانا مبسوطه أول طريق إني أضمن حقي وحق عيالي…ماهو بابا كان عنده حق أنا لو كنت سبته من غير ما اضمن حق عيالي كان نسينا وساعتها محدش كان هيضرر غيري أنا وعيالي في الظروف دي…وهو كان هيعيش حياته
●●●●الحمدلله
بعد كلامي مع عمر…كنت بستعد أنا وعيالي للنزول في اللحظه دي خرجت مراته التانيه وهي لابسه وباين عليها رايحه مشوار مهم ساعتها فكرت إنها ممكن تكون رايحه لحبيبها ..
مرام بصتلها بخنقه وقالت”متفرحيش أوي كدا يومين وهخليه يرميكِ برا”
ابتسمت ببرود وقولت “ماشي”
ابتسمت أكتر لما شوفتها خلاص هتت’شل مني ومن برودي …اليومين اللي قعدت فيهم في الشقه دي كنت دايما بتجنبها هي وعمر ااه مانا أصلِ هعمل إني زعلانه ومش هكلمه غير لما يجبلي الشقه
هي نزلت وأنا وديت العيال عند جارتي ونزلت ولحسن الحظ إنها مكنتش مشيت…استنيت لغاية ما مشيت بالتاكسي وانا ركبت تاكسي تاني وطلبت إنه يمشي وراهم بس من بعيد
بعد فتره كان التاكسي وقف قدام كافيه….حاولت أدخل من غير ما تلاحظني لكن اتصدمت لما شوفت مين اللِ قاعد معاها
دا دا كان صاحب عمر ااه أنا عرفاه الراجل دا …كان قاعد وماسك إيدها وهي مبتسمه ساعتها قررت أصورهم …يُتبع
__________
شوفوا خا’ن مراته قام صاحبه خا’نه كما تدين تدان حقيقي..
محدش يشت’م بسمله فكروا هي رجعت عشان حق عيالها هي مش بتشتغل وحتى شغلها سابته عشان خاطر جوزها وعيالها…فكان لازم على الاقل تضمن مكان تعيش فيه هي وعيالها
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قلوب حائره)
