رواية قلوب حائره الفصل الأول 1 بقلم أمنية يوسف
رواية قلوب حائره الجزء الأول
رواية قلوب حائره البارت الأول
رواية قلوب حائره الحلقة الأولى
_بقيتي مُهمله معايا وفي البيت ومع العيال، يومك بقا كله نوم في نوم، دانا بروح الشُغل وباجي بتبقي لسه نايمه حتى عيالك بقو يشتكوا منك ومن إهمالك
قال الكلام دا بغضب كبير…وبعد مُده كان بيحاول يهدي نفسه وهو شايف دموعها اللي غرقت وشها
بسمله ببكاء “عمرك ما فهمتني فيها إيه لما أتعب أسبوع..انا إنسانه زي زيك ليا طاقتي انت عايز تيجي من الشغل تكون كل حاجه زي الفُل ومن امتى جيت ملقتهاش كدا …هو عشان تعبت أسبوع وبنام فيه خلاص بقيت مُهمله؟!”
كان بيبص عليها وهو ندمان إنه قالها كدا…
عمر بهدوء”بسمله لو سمحتي اهدي”
بسمله بغضب “متقولش إهدي انا مش مجنونه، متقولش إهدي يا عمر بعد ما سمعتني كلامك دا لو انت مش واخد بالك اني ضحيت بشُغلي ومُستقبلي عشانكم، مش واخد بالك إني دايمًا بساعدك في كل كبيره وصغيره أنا قصرت معاك في إيه؟!”
عمر بهدوء وهو بياخدها في حضنه “والله آسف أنا معرفش قولت كدا ليه بس حقيقي انا مضغوط في الشُغل ”
بسمله وهي بتبعد عنه”وانا بكون مضغوطه أكتر منك عمري ما جيت قولتلك إنت عملت وعملت ”
عمر بهدوء واسف”والله آسف، وبعدين ميبقاش قلبك أسود كدا يا بوسي ”
بسمله بتذمر” قولتلك مية مره يا عُمر متقوليش بوسي دا مش بحبه ناديني بإسمي”
عمر بهدوء “طيب خلاص متزعليش، ويلا روحي إلبسي انتِ والعيال هنخرج إنهارده ممكن اليوم يخفف من علينا الضغط”
وفعلا بعد فتره كانوا جهزوا ونزلوا يقضوا اليوم مع بعض…
بعد يومين….كانت بسمله بترتب حاجات مفاجأة عيد ميلاد عُمر….قررت ترجع تهتم بيه تاني بعد فتره إهمال غير مقصوده منها…لكن فجأه جاتلي رساله من رقم غريب وكانت عباره عن صور عمر وواحده تانيه
“جوزك شكله بيحب جديد” ودي كانت تحت الصور
وقفت بصدمه وانا بتأكد من الصور عُمر مُستحيل يعمل كدا…هو بيحبني ومستيحل يفكر يخوني …لكن كنت بتصدم أكتر وانا بقلب في الصوره مره وهو في حضنها ومره تاني وهو ماسك ايدها…بصيت على الصور للمره المليون
بعد فتره كانت قاعده وهي عيونها حمرا من كتر العياط…كانت حاسه إنها في كابوس
هنا عمر دخل واتفاجأ من منظر بسمله “بسمله مالك يا حببتي”
بسمله وقفت قدامه وفجأه بدون مُقدمات نزل قلم على وشه و…
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية قلوب حائره)
