رواية قلوب حائرة الفصل الحادي والعشرون 21 بقلم روز أمين
رواية قلوب حائرة البارت الحادي والعشرون
رواية قلوب حائرة الجزء الحادي والعشرون
رواية قلوب حائرة الحلقة الحادية والعشرون
🔹️بسم الله الرحمن الرحيم🔹️
لا إله إلا أنت سبحانك إني كنت من الظالمين
رواية☆ قلوب حائره ☆
بقلمي روز آمين
💙🦋 البارت الحادى والعشرون🦋 💙
فاقت من نومها وجدت نفسها مٌكبله داخل أحضانه الدافئه،، دافنه وجهها بصدره الحنون،،
إبتسمت حين تذكرت ليلتها وما حدث وكيف أسعدها ذلك العاشق الولهان بحبه وشغفه ،،
وكيف أغرقها في بحر عشقه وأوصلها لشعور لم تتذوقه من قبل ،،نعم كان رائف يعشقها حد الجنون،،لكن ياسين يختلف كٌلياً،،فهو يفهم جيداً في لغة الجسد،، وفنون العشق كيف تكون !!!
في تلك الأثناء فاق هو الآخر نظر لوجهها ومال عليها يداعب أنفها وتحدث بصوتٍ مٌتحشرج ناعس٠٠٠٠٠صباح الفل !!
إبتسمت بخجل وردت٠٠٠٠صباح النور !!!
نظر لها وتحدث مٌتسائلاً٠٠٠٠٠صاحيه من بدري ؟؟
أجابتهٌ ببسمه٠٠٠٠تؤ ،،لسه صاحيه حالآ !!
إبتسم لها وأخذها داخل أحضانه بجنون من جديد فهو مازال مٌتعطشاً لها ولعشقها الفريد الذي أنتظرهٌ طيلة أعوام وأعوام ♡
________________________
في نفس ذات التوقيت بالأسفل !!
كان الجميع يلتف حول مائدة الإفطار يتناولون فطورهم ،،بعد أن رفض حسن أن يٌزعج ياسين ومليكه وفضَلَ أن يتناولا إفطارهم حين يستيقظا من غفوتهم !!
تحدث الصغير ٠٠٠٠نانا،،أنا عاوز أطلع أصحي عمو ياسين، ،هو وعدني هيخرجني ويلعبني إنهارده كتير !!!
أردفت نرمين بلهفه٠٠٠٠إطلع يا حبيبي،،أنا مش فاهمه أصلآ هما أيه إللي منيمهم لحد دالوقتي ؟؟
نظرت لها ثريا وتحدثت بإحراج وحده معآ ٠٠٠٠٠يطلع فين يا نرمين؟؟
هما دالوقت ينزلوا ،، ياسين طلع متأخر وتلاقيه لسه نايم ومليكه طول عمرها بتتأخر في نومها يبقي أيه الجديد !!!
تحدثت إبتسام بتلقائيه ٠٠٠٠٠براحتهم يا جماعه،،أنا مش فاهمه أيه المشكله لما يتأخروا،،
ثم أكملت بعقلانيه ٠٠٠٠٠راجل وبقاله مده بعيد عن مراته ،،طبيعي إنهم يسهروا شويه ويتكلموا وبالطبع هيتأخروا في نومهم !!
ردت نرمين بإستهجان ٠٠٠٠٠حضرتك فاهمه الموضوع غلط يا طنط،،العلاقة اللي بين مليكه وياسي٠٠٠٠
كادت أن تٌكمل وتخبرهم بأن تلك الزيجه ليست كما يظنون ،،وأنها زيجه صوريه لا أكثر ،،،
ولكن رمقتها ثريا بنظرة غاضبه كادت أن تحرقها وتحدثت بحده ٠٠٠٠٠نرمين،، سيبي الناس تفطر وبطلي كلام ملوش لازمه ؟؟
إبتلعت نرمين لسانها وصمتت ،،أما يسرا إكتفت بأن رمقتها بنظرة إشمئزاز أربكتها !!!
◇◇◇◇¤◇◇◇◇
داخل غرفة مليكه وياسين !!!
بعد مده كانت مليكه تجفف شعرها أمام المرأه،، إقترب منها وأبتسم لها بحب،،، نظر إلي فرشاة شعرها ومد يدهٌ ليتناولها منها وتحدث بحب٠٠٠٠٠مٌمكن ؟؟
وأكملَ بعيون عاشقه٠٠٠٠حابب جداً أعمل كده !!
إبتسمت بخجل وأعطتهٌ إياها،،تلمس شعرها بين يديه بوله وقربهٌ من أنفه ،،أغمض عيناه بإستمتاع وأشتم رائحة شعرها المسكيه وأخذ نفساً عميقاً أدخلهٌ في أعماق رأتيهْ،،
نظر لها في المرأه بهيام وبدأ يمشط شعرها بحنان تحت أنظارها العاشقه والمٌستغربه من تصرفات ذلك العاشق الولهان ،،،
ضلا علي وضعهم هذا مدة دقائق ليست بالقليله ،،
نظرت له بخجل وتحدثت٠٠٠٠ميرسي يا ياسين،،كفايه كده ويلا ننزل علشان الأولاد !!
وضع الفرشاه وإحتضنها من الخلف وشدد من إحتضانه لها وهو يدفن أنفه داخل عٌنقها ويشتم رائحة جسدها الذكيه،،
وتحدث بعيون عاشقه هائمه في سحرها٠٠٠٠لسه مشبعتش منك يا مليكه ،،مش قادر أبعد وأسيبك ،،ده أنا مصدقت إني أخدك في حضني وأرتاح !!
إبتسمت له بخجل وأجابت٠٠٠٠لسه الأيام جايه كتير يا ياسين !
نظر لعيناها وتحدثَ بهيام٠٠٠٠٠اللي جاي كله لينا هعيشك وهعيش معاكي أحلا ليالي الهوا ♡
أدار وجهها له ولف ذراعيه حول خصرها ثم رفعها لمستواه وأنهال علي شفتاها برقه ونعومه أذابتها وهدمت جميعٌ حصونها ♡
بعد قليل نزلا معاً وجدا العائله مجتمعه في بهو المنزل ،،
تحرك الصغير مٌسرعاً لإحتضان أمهِ،،وبعدها حملهٌ ياسين وقبلهٌ بشغف !!!
تحدث ياسين بمرح ٠٠٠٠٠صباح الخير،،شكلكم فطرتم من غيرنا !!
إبتسم حسن وأجابَ ٠٠٠٠ماحبيناش نزعجكم ،،قولنا نسيبكم نايمين براحتكم ولما تقوموا تبقوا تفطروا !!
نظرت نرمين علي مليكه بحقد،،ثم تابعت إحتساء مشروبها بصمت خوفاً من نظرات يسرا الغاضبه لها !!!
هلل الصغير بتساؤل طفولي٠٠٠٠إنتوا اتأخرتوا ليه،، كل ده نوووم،،أنا كنت عاوز أطلع عندكم ،،لكن نانا مش رضيت وقالت عمو ياسين نايم ولازم مش نزعجه !!
كان وجه ياسين يبدو عليه السعاده البالغه ،،أما مليكه فكانت حريصه علي ألا يظهر عليها أي بوادر للتغيير حفاظاً علي شكلها أمامهم جميعاً !!!
قبلهٌ ياسين وأجابه٠٠٠٠وأدي عمو ياسين ماحبش يتعبك ونزلك بنفسه أهو !!!
هبت إبتسام واقفه وتحدثت بوجهٍ بشوش٠٠٠٠أنا هاقوم أجهزلكم الفطار حالاً !!
تحركت مليكه خلفها ٠٠٠٠أنا جايه معاكي يا طنط !!
وبعد مده صغيرة جلسا سوياً يتناولان طعامهما معاً مع تبادل النظرات والإبتسامات السعيده حقاً كانت السعاده عنوان وجههما وقلوبهم العاشقه !!
نظر لها بولهْ وهمسَ بصوتٍ عاشق٠٠٠بحبك يا مليكه،،بحبك بجنون ♡
إبتسمت بعيون عاشقه هائمه في ملكوت سعادتها التي غمرها بها ذلكَ الولهان ♡
بعد الإفطار أمسك هاتفه وأعاد تشغيله من جديد ليري من كان يهاتفهٌ ليلاً ،،،وجدها ليالي ،،ثم أنهالت عليه الرسائل ،،جميعٌها من عائلته
حك أنفه ب ريبه وشك وخرج للحديقه ليهاتف والده التي إنهالت عليه عدة رسائل من هاتفه،،،
ضغط علي زر الإتصال أتاه الرد فورآ !!
بدء عز حديثهٌ بمشاغبه٠٠٠٠مش لما تحب تلعب بديلك وتتشاقي تبقي تبلغني،،وأهو علي الأقل نبقي هارشين الحوار ومظبطينه سوا علشان لما توقع وتتزنق أبقي جاهز وأعرف أداري عليك وأغطيك،،مش أتفاجأ زيي زيهم كده ؟؟
أجابهٌ ياسين بدعابه٠٠٠٠٠هو أنا أتسيحلي ولا أنا فاهم غلط يا باشا !!!!
رد عز بطريقه ساخره٠٠٠٠٠ده إنتَ أتسيحلك وفضيحتك بقت بجلاجل يا حبيبي !!
تحدثَ ياسين بدعابه٠٠٠٠٠٠٠هو ما فيش حاجه بتستخبي في أم البلد دي خالص !!
أردفَ عز بعتاب لطيف ٠٠٠٠٠بقا يا صايع ،،تتذاكي علينا وتقول طالع مأموريه بره إسكندريه؟؟
طب ما العصافير إللي هناك هيبلغوا يا أذكي أخواتك ،،
ثم أكمل ساخراً٠٠٠٠لااااا،،،،أنا كده بدأت أشك في قدراتك كاظابط مخابراتي يا سيادة العقيد !!!
رد ياسين وهو يحك ذقنهٌ بتيقٌن٠٠٠٠٠هي نرمين الله يجازيها،،ما يرتحلهاش بال إلا إذا ولعت الدنيا في بعضها !!
قهقه عز عالياً،،وتحدث بكلمات ذات مغذي وتساؤل٠٠٠٠سيبك إنت من ده كله وطمني عليك يا وحش،،هاااا،،،نقول صباحيه مباركه ولا كسفتنا زي كل مرة ؟؟
قهقه ياسين برجوله وتحدث٠٠٠٠عيب عليك ياباشا ده أنا تربيتك،،،،الله يبارك في سعادتك طبعاً !!
ضحك عز وأكمل٠٠٠٠يارااااجل ،،أخيراً،،،طب يا عريس ألف مبروك علي إنك نولت الرضا ،،،
ثم أكملَ ساخراً٠٠٠بس روح بقا يا وَحش كلم ليالي وإستلقي وعدك منها،،دي مقومه البيت حريقه من إمبارح هي وأمك من وقت ما عرفوا إنك بايت هناك !!!
تحدث ياسين بثقه وجبروت٠٠٠٠طبعاً هكلمها وهقلب عليها التربيزه كمان وإحتمال أسجلك إعتذارها وهي بتترجاني علشان أسامحها !!
ضحك عز وأردفَ بتفاخر٠٠٠٠٠جبروت وتعملها ،،إبني وأفتخر !!
أجابهٌ ياسين بفخر٠٠٠٠٠تربيتك يا باشا وليا الشرف !!!
سألهٌ عز بإستفسار٠٠٠٠إلا قولي يا ياسين،،هو إنتَ فعلاً عندك مأموريه في أسوان ؟؟
ضحك وأجابهٌ بدهاء ٠٠٠٠٠دي بقا هسيبها لحس حضرتك المٌخابراتي عز باشا !!
ضحك عز عالياً وأجابه٠٠٠٠والله كٌنت حاسس !!!
أغلق ياسين مع والده وهاتف ليالي وبالفعل إنقلبت الأدوار ،،هدر بها بغضب علي تصرفها الأحمق ،، وأخبرها أن مهمة عمله داخل أسوان وأنه وبحكم عمله لا ينبغي عليه أن يخبرها بأسرار عمله ،،وهذا ما يفعلهٌ طيلة سنواته معها،،،إذاً ما الجديد وأين تكمٌن المشكله ؟؟
فاقتنعت بحديثه أو أرادت أن تٌريح عقلها وتغلق باب النقاش الغير مٌجدي نفعاً بالمره !!!!!
◇◇◇◇¤◇◇◇◇
دلف ياسين داخل منزل حسن بعد إجرائهٌ لتلك المكالمات ،،وجد الجميع متواجد ماعدا مليكه سأل عليها ثريا وعلم منها أنها داخل المطبخ تٌعد لهم القهوة ،،
دلف لها وجدها تقف أمام المشعل ويقف بجانبها رؤوف ويتحدثان بإنسجامٍ تام ،،
غضب بشده وغلي داخلهِ ولكن تمالك حاله ولم يٌظهر غضبه
تحمحمَ وألقي عليهما السلام،،نظرت لهٌ بحب وردت السلام !!
تحدث رؤوف بدعابه٠٠٠٠شوفتني يا سيادة العقيد وأنا باستغل مراتك وأخليها تعملي قهوه أذاكر عليها،،بصراحه بقا قهوة مراتك دي ملهاش حل،،قهوة عظمه بتظبط الدماغ بجد !!
إبتسم لهٌ بمجامله وأخذ رؤوف قهوته وأنسحب وتركهما بمفرديهما
إبتسمت لهٌ برقه وعيون عاشقه قابلها ببرود مٌتحدثاً٠٠٠٠كنتي بتتكلمي في أيه مع رؤوف ومنسجمين أوي كده ؟؟
إبتسمت وأجابت بطلقائيه ٠٠٠٠كان بيحكيلي عن كليته وأد أيه هي مٌتعبه ومحتاجه شغل ومجهود كتير !!
نظرت إليه وجدتهٌ مٌكشعر الوجهْ إستغربت وسألتهْ٠٠٠٠مالك يا ياسين،،إنتَ فيه حاجه مضيقاك ؟؟
أجابها بحده بعض الشئ٠٠٠٠أه يا مليكه متضايق ،،متضايق من قربك بالشكل ده من رؤوف،،مش حابب تكوني قريبه كده من حد وياريت لو سمحتي ماتدلوش فرصه يقرب منك بالشكل ده تاني !!
تحدثت بإستغراب٠٠٠إنتَ متضايق من رؤوف بجد ؟؟
ده زي أخويا الصغير يا ياسين !!
تحدث بحده وتحذير وعيونهٌ تطلق شرراً ٠٠٠مليكه !!
إبتسمت وأجابتهٌ برضي وهدوء ٠٠٠٠حاضر يا ياسين،،اللي إنتَ عاوزه أنا هعملهولك !!
وكأنها وبتلك الكلمات البسيطه سحبت غضبتهْ و بلحظه تحولت نظرتهٌ من غضب إلي عشقٍ هائم نظر لها بحب وأبتسم وتحدث بصوتٍ حنون أذابها٠٠٠بحبك ♡
إبتسمت لهٌ بخجل ♡
أخذت القهوة وخرجا سوياً للجميع وجلسوا يحتسون قهوتهم بإستمتاع
تحدث حسن موجهاً حديثهٌ إلي ياسين٠٠٠٠هتيجي معانا ياسيادة العقيد ولا عندك شغل مهم !!
نظر لهٌ ياسين وأجاب ٠٠٠٠لا يا عمي معنديش حاجه مهمه إنهاردة !!
نظر لهٌ مروان الجالس بجوارة وتحدث بسعاده ٠٠٠٠يااااسلام ،،
وأكملَ بإستعطاف٠٠٠٠ مٌمكن يا عمو ياسين تنزل معايا البول إللي موجود ف الباخرة علشان كان نفسي أنزله لما روحنا مع جدوا حسن ومامي مش رضيت تخليني أنزل !!!
إحتضنه ياسين وقبلَ جبهته قائلاً بحنان أبوي ٠٠٠مش قولنا قبل كده مروان باشا يأمر وأنا عليا التنفيذ !!!
هلل أنس الجالس بجوار ثريا وجري عليه مٌحتضناً إياه وتحدث بغيرة طفوليه٠٠٠٠٠وأنوس كمان عاوز يعوم علي ضهر عمو ياسين !!
أجابهٌ ياسين وهو ينهال عليه بوابل من القبلات الصادقه ويداعبه ٠٠٠٠ده طبعاً موضوع مفروغ منه،، لأن أنوس باشا هو أول واحد هيعوم علي ضهري !!!
نظرت ثريا لأطفال غَاليها ولسعادتهما وضحكاتهما العاليه التي تنبع من قلبهما الصغير نتيجة حنان وأهتمام ياسين الذي يغمرهٌما به وسعد قلبها وأردفت بوجهٍ سعيد٠٠٠٠٠ربنا يخليك ليهم ومايحرمهومش منك أبداً يا حبيبي !!!
نظر لها بحنان وتحدث ٠٠٠٠ويخليكي لينا يا حبيبتي !!!
كان حسن ينظر بإعجاب وأحترام إلي ياسين الذي يغمر ذلكَ اليتيمان بحنانهٌ الظاهر للجميع !!
تحدث حسن ٠٠٠٠طب يلا إجهزوا علشان نلحق اليوم من أوله !!
بعد مدة قصيرة كان الجميع داخل الباخرة السياحيه العملاقه ذات الثلاث أدوار،،
كانت أشبه بفندق عائم بغرف نومها والمسبح المتواجد فوق سطح الدور الثالث !!
إلتفوا جميعاً حول منضده كبيرة اٌعدت لهم خصيصاً،،وبدأوا بتناول المشروبات الباردة و المقرمشات والمسليات وهم يستمتعون بالجو الرائع والمناظر الخلابه !!!
كانوا يتسامرون ويضحكون وفجأة إنتبهوا جميعاً لصوتٍ رجولي مٌهذب وهو يقول ٠٠٠٠٠مساء الخير يا باشهندس !!
وجه الجميع بصرهم علي ذلك الصوت وإذ به رجل في مٌقتبل عقدهِ الرابع ذو طله تٌشبه أبطال السينما يرتدي زياً رسمياً وقبعه توحي إلي مهنتهْ !!!
وقفَ حسن بإحترام ومد يده وتحدث بإبتسامه ٠٠٠٠أهلا وسهلاً سيادة القبطان !!
نظر القبطان إلي إبتسام وتحدث٠٠٠إزي حضرتك يا أفندم !!!
إبتسمت له وتحدثت بود ٠٠٠٠الحمدلله يا سيادة القبطان !!
ثم تبادل سليم نظراتهِ بين الجميع مٌتحدثاً بترحاب٠٠٠نورتوا الباخرة وأسوان كلها أتمني تكونوا مبسوطين معانا !!
أماء لهٌ الجميع رأسهٌ بإحترام ثم تحدث حسن مٌشيراً لهٌ وهو ينظر للجميع ٠٠٠٠٠ده سليم الدمنهوري ،،قبطان الباخرة و برغم فارق السن الكبير إللي بينا إلا إنه صديقي العزيز !!
إبتسم سليم وتحدث بإحترام ٠٠٠وليا الشرف يا باشمهندس !!
ثم نظر إلي يسرا التي جذبته عيناها حين نظر بداخلهم وتاه لمده ♡
فاق علي صوت حسن وهو يٌشير إلي ثريا قائلاً٠٠٠أعرفك بقا بالحاجه ثريا أختي الوحيده والحبيبه
نظر لها سليم بإبتسامه وتحدث بإحترام ٠٠٠أسوان نورت يا أفندم !!
قدم حسن الجميع ثم أتي لتقديم يسرا وتحدثَ ٠٠٠٠ودي يسرا بنت أختي الحاجه ثريا !!
نظر لداخل عيناها بإعجاب قابلتهٌ يسرا بإرتباك وتحدث هو٠٠٠٠أتشرفت بمعرفتك يسرا هانم !!
هزت لهٌ رأسها وتحدثت بصوتٍ رقيق ٠٠٠٠٠ميرسي لحضرتك يا أفندم !!
أردف سليم بذكاء كي يتعرف أكثر علي حالة يسرا الإجتماعيه وذلكَ بعد أن نظر لأصبع يدها ووجدها خاليه من أي خاتم زواج أو خٌطبه،،
وتحدث بذكاء وهو ينقل نظراته ما بين يسرا ونرمين ٠٠٠٠وبالنسبه لأجواز حضراتكم،، ليه مشرفوش معاكم كنا حابين نتعرف عليهم ؟؟
أجابهٌ ياسين بسماجه بعدما رأي تلك النظرات٠٠٠٠جوز مدام نرمين عنده شغل ومش فاضي، ومدام يسرا أرملة !!
سعد داخلياً ولكنه أظهرَ عكس ذلكَ ونظر لها بأسي مٌصطنع وأردفَ٠٠٠٠ البقاء لله يا أفندم،،أنا أسف جداً ،،هو المرحوم بقاله كتير ؟؟
كادت أن ترد لكن قاطعها ياسين بحده لغيرته علي إبنة عمه وشقيقته٠٠٠٠ماتتفضل معانا يا سيادة القبطان،، ولا هنعطلك علي شغلك ؟؟
إرتبك سليم وشعرَ أنه تمادي في نظراته وكلماته،،فأراد الإنسحاب من أمام ذلك اللماح الغاضب فتحدث بإعتذار٠٠٠٠متشكر يا سيادة العقيد ،،أنا فعلاً عندي شغل،، بس ماكانش ينفع أعرف إن عيلة الباشمهندس موجوده وماأجيش أرحب بيكم بنفسي !!!
تحدثت ثريا بإحترام ٠٠٠٠٠متشكرين لذوق وإهتمام حضرتك يا أفندم !!!
وتحدث حسن ٠٠٠٠طول عمرك ذوق وبتفهم في الأصول يا سيادة القبطان !!!!
إنسحبَ سليم بهدوء مثلما أتي ولكنه ذهب بنصف قلب ونصف عقل فقد سلبتهٌ رقة يسرا وطيبة عيناها جزءً كبيراً من عقلهِ وقلبهْ !!!
نظرت يسرا إلي ياسين بخجل وأبتسم هو لها بحب أخوي ليٌطمئنها !!!!
بعد مدة كان ياسين يصطحب أطفال رائف وباقي أطفال العائله ذاهباً إلي المسبح وهم يرتدون جميعاً المايوهات الرجالي،، وإبنة يسرا ترتدي المايوة ،،كانت تتحرك بجانبه بخجل من هيئته الرجوليه المٌهلكه لإنوثتها !!!!
أمال علي أٌذنها وهمسَ٠٠٠٠كان نفسي نكون في المكان لوحدنا وأخدك وننزل الميه بس إن شاء الله تتعوض وقريب جداً !!
إرتبكت لعلمها ما يلمح له وأبتسمت بخجل أجلسها ونزل هو المسبح بأطفال العائله كانت تسترق النظر له علي إستحياء فقد إشتاقتهٌ حقاً وأشتاقها هو حد الجنون ♡
أما يسرا التي وقفت بإستأذان من عائلتها وتحركت ووقفت عند سور الباخرة تنظر بشرود إلي المياه تحت مراقبة ذلك الواقف بإنتشاء ينظر إليها بكل إهتمام !!
◇◇◇◇◇¤◇◇◇◇◇
في مبني الإذاعه المصريه ليلاً،،داخل إحدي الإستوديوهات كان شريف يذيع برنامجهٌ المباشر !!
تحدث شريف بمرح المذيع المٌعتاد عليه وبصوتهِ الإذاعي المٌميز ٠٠٠٠٠٠أعزائي المستمعين ورجعنالكم تاني بعد الفاصل علشان نستكمل حلقتنا إنهارده،،
وأحب أفكركم إن موضوع حلقتنا إنهارده بيتكلم عن الصداقه،،هنستنا تليفوناتكم ،،،
كلمونا وقولولنا الصداقه بتمثلكم أيه في حياتكم،،،وهل فعلآ لقيتوا الصداقه إللي كنتوا بتتمنوها ولا لا ،،،
ومعاااانا إتصال ونقول ألووووو مين معانا؟؟
أجابت المٌتصله بصوتٍ أٌنثوي رقيق ٠٠٠٠هااالو،،إزيك يا شريف،،أنا كارماااا ،،،
ودي أول مره أكلمك ومبسوطه أوي أوي إني أخيراً عرفت أوصلك !!
رد عليها شريف بمهنيه ٠٠٠٠٠أهلاً كارما ،،،طبعاً شرف ليا وجودك معايا في البرنامج وبتمني ماتكونش أخر مره تكلمينا فيها ،،،
وأكمل ٠٠٠٠هاااا يا كارما ،،قولنا بقا الصداقه بتمثل ل كارما أيه في حياتها ؟؟
تحدثت كارما بدلع وأنوثه٠٠٠٠عاوزه أقولك إن موضوع الحلقه حلو أوي زي ما عودتنا دايماً،،بس أنا بكلمك علشان عاوزه أعترفلك إعتراف
وأكملت بهيام ودلال٠٠٠٠٠أنا بحبك أوي يا شريف ،،،بحبك بجنون !
أجابها شريف بإبتسامه وعمليه ٠٠٠٠٠ميرسي يا كارما،،وندخل بقا في موضوع الحلقه !!
أكملت المٌتصله بحب٠٠٠٠٠٠٠لا يا شريف أنا مش بتصل علشان الحلقه،، أنا اتصلت علشان أعترفلك بمشاعري ناحيتك ،،وعاوزه أعرف هو إنت مرتبط ؟؟
ولو ينفع أخد رقم فونك من الإعداد ،،
وأكملت بدلال وإلحاح٠٠٠٠٠ بليزززززز ،،بليز يا شريف توافق !!!
نظر شريف علي الزجاج الخارجي للإستوديو وجد تلك الواقفه بغضب ،،واضعه يداها داخل خصرها و جميع جسدها يهتز من شدة الضيق،،ويتطاير من داخل عيناها شرراً مما يدل علي غضبها العارم !!!
إبتسم شريف وتحدث بأدب٠٠٠٠ميرسي جدآ لشعورك يا كارما،،،وأحب أقولك إن مشاعرك دي غاليه أوي،،، لازم تديها وتصرحي بيها للي يستاهلك وبس،،،مش أي حد تعترفيله بحبك كده ،، وعلي العموم شرفتي البرنامج ،،،
وناخد الإتصال اللي بعده وياريت يكون في إطار موضوع حلقتنا إنهارده ونقول ألووووووو٠٠٠٠٠٠٠٠٠
بعد إنتهاء البرنامج خرج شريف يبحث عن تلك الغاضبه التي سرعان ما أستمعت للمتصله وهي داخل غرفتها بالاستوديو وأسرعت إلي شريف لتعلن لهٌ عن غضبها وما أن أٌغلق الإتصال حتي عادت إلي مكتبها الخاص بالإذاعه وهي في شدة غضبها !!!
دلف لمكتبها بإبتسامتهِ المٌشرقه وطلتهٌ الرائعه وتحدث بدعابه٠٠٠٠٠يا تري حبيبي أخباره أيه إنهارده ؟؟
نظرت لهٌ بغضب ووقفت ثم أنهالت عليه بحديثها ونبرة صوتها الساخره٠٠٠٠٠حلوه أوي وصلة المسخره اللي كانت شغاله في برنامجك دي يا أستاذ ،،مش مكسوف من نفسك وإنت عمال تضحك وتتكلم مع حتة بنت ماتسواش ومديها قيمه !!
نظر لها شريف وتحدث بحده ٠٠٠٠وطي صوتك وما تنسيش إننا في الأستوديو
وأكمل بتهكم٠٠٠٠٠وبعدين أيه اللي إنتي بتقوليه ده،،دي مستمعه ولازم أعاملها بإحترام،، ولا عوزاني أخسر جمهوري علشان غيرة سيادتك إللي ملهاش أي مبرر بالنسبالي !!
إشتاطت غضباً وتحدثت بغرور٠٠٠٠غيره،،أنااااا أغير،،ومن مين،،من حتة بنت صايعه راميه نفسها ودايره علي مذيعين الراديو كلهم،،
دي يا أٌستاذ مابتسيبش برنامج في الإذاعه إلا لما تكلم المذيع بتاعه وتقوله نفس الكلمتين المستهلكين بتوعها !!
ربع يداهٌ ونظر لها وتحدث بتهكم٠٠٠٠لا والله ،،دانتي مركزه معاها بقا،،وبعدين يا هانم لما سيادتك عارفه انها دايره علي كل المذيعين تبقي فين مشكلتك مش فاهم ؟؟
تحدثت بحده٠٠٠٠مشكلتي في سعادتك إنت يا محترم،،عمال تضحك وتدلع عليها ولا عامل لشكلي حساب قدام زمايلنا هنا في الاذاعه،
مسألتش نفسك لما مامي تسمع البرنامج وتيجي تسألني هبررلها ده ب أيه ؟؟
صاح شريف بغضب٠٠٠يعني جنابك عامله للناس كلها حساب إلا أنا ،،أظن مامت سيادتك عارفه من الأول إني مذيع ولازم يكون عندي مرونه في الكلام وأكون لطيف مع المستمعين ،،
وأكمل بيأس٠٠٠٠يظهر إن مليكه كان عندها حق،،إنتي فعلا بدأتيها بدري أوي يا سالي !!
إنفجرت غاضبه٠٠٠٠أه ،،قولتلي بقا ،،يبقي مليكه هانم إللي مقوياك عليا وخلتك إتغيرت معايا بالشكل ده !!
تحدث بغضب ٠٠٠٠أنا إللي أتغيرت؟؟
ثم أكمل بتحذير ٠٠٠٠٠إسمعي يا بنت الناس ،،أنا أسلوبك ده ما ينفعش معايا ،،أسلوب الصوت العالي وإنك تمشيني بالرمود كنترول زي ما أنتي عاوزه ده ماينفعنيش،،ولازم تعرفي ان أهلي وأولهم مليكه خط أحمر فاهمه ولا لا !!!
ثم أكمل بوعيد وتهديد ٠٠٠ومن أولها كده ،،يا تغيري اسلوبك معايا وترجعي زي أول ما عرفتك ،،يا كل واحد فينا يروح لحاله،،
جحظت عيناها من هول ما إستمعت ،،نظر لها بغصب وخرج مٌسرعاً صافقاً خلفهُ الباب بشده كادت أن تخلعهْ !!
نظرت هي بشرود وتحدثت٠٠٠٠بقا كده يا مليكه،،بقا أنتي إللي طلعتي ورا كل ده،،ماشي يا مليكه يظهر إن نظرتي ليكي مكنتش ف محلها ،،بس ملحوقه !!
◇◇◇◇◇¤◇◇◇◇◇
قضا معاً ثلاثة أيام من الجنه عاشا بها أجمل ليالي العشق بينهما،، غمرها بعشقه ودلالهٌ لها ورجولته اللامتناهيه،،،
بعدها سافر ياسين مٌضتراً لرجوعه لعمله ،،بعد سفرهِ بيومان رجعوا جميعاً إلي الأسكندريه بعد دموع ووداع لعائلة حسن وأخذ الوعد بحضوره هو وعائلته في الصيف المقبل !!
__________________________
وصلوا منزلهم وسط إستقبال حار من الجميع وياسين المٌشتعل شوقاً وهو ينظر لمحبوبتهْ التي لم تبالي بنظراتهْ الولهه وتتهرب بعيناها منه بإستمرار،، فسرهٌ هو كنوعٍ من تخبأة ما بداخلها خوفاً من نظراتهم المٌلامه لها !!
إقتربت منها ليالي بعدما رأت عدم مبالاتها بنظرات ياسين المٌتشوقه وتأكدت أن مليكه لم ولن تٌعطي الفرصه لتقرب ياسين منها فتنهدت براحه وتحدثت بإبتسامه٠٠٠٠حمدالله علي مليكه وحشتيني !!
نظرت إليها مليكه مٌستغربه لطريقة حديثها التي تغيرت 180 درجه إبتسمت لها برضي وتحدثت٠٠٠الله يسلمك يا لي لي ،،إنتي كمان وحشتيني جداً !!
تحدثت ليالي بحماس٠٠٠بعد ما ترتاحي هنروح بكرة النادي مع بعض،،كابتن أحمد بتاع التنس سألني عليكي الأسبوع إللي فات،،كان بيسأل هو أنتي مش هترجعي تلعبي تنس تاني ،،قولتله مش عارفه !!
تهللت أسارير مليكه ولمعت عيناها وتحدثت بحنان ٠٠٠يااااه،،دا أنا كنت نسيت والله،،كويس إنه لسه فاكرني ،،إن شاء الله هحاول أرجع في أقرب وقت ،،أنا كمان وحشني تدريبي جدآ ومحتاجه ألين جسمي بالرياضه !!
إقترب منهما وتسائل بنصف عين ٠٠٠واقفين بعيد كده ليه؟؟
تحدثت مليكه بإنسحاب دون النظر له ٠٠٠بعد إذنكم هاروح أشوف أنس ومروان !!
نظر إلي أثرها وأستغرب من طريقتها الجافه معه،،فاق علي صوت ليالي الساخر٠٠٠روحت فين يا بيبي ،،اللي واخد عقلك !!
نظر لها بغموض ،،ثم أتت عَليه قائله٠٠٠الغدا جاهز حضرتك،،إتفضلوا !!
ذهبا للغداء وجلس متوسط زوجتيه ومازالت مليكه تتهرب من النظر داخل عيناه مما أدي إلي إستغرابه !!
___________________________
ليلاً
داخل غرفة مليكه كانت تجلس حزينه شارده بعد بٌكاء مرير طال مدة ساعتين أو أكثر حيث دلفت غٌرفتها ورأت صورة رائف وكأنهٌ يلومها علي نسيانه وأستبداله برجٌلٍ أخر ،،هكذا خٌيل لها،،،حزنت وكرهت حالها كثيراً
بعد مده
إستمعت لطرقات فوقَ الباب وبعد سماحها بالدخول دلف ذلك العاشق الولهان بحراره ،،
جري عليها وأحتضنها بإشتياق ورغبه وتحدث بحب ٠٠٠وحشتيني ،،وحشتيني أوي يا مليكه !!
كانت داخل أحضانه بقلبٍ حائر وعقلٍ مٌشتت مشوش،،
أهي تحبه أم لا ؟؟
تريد قربه،،أم إبتعاده ؟؟
هي حقاً حائره ومشتته،،ياالله ساعدني أرجوك !!!
شعرت بنفور تجاهه وأشمئزاز من حالها !!
أما هو فكان بعالمه إحتضنها بإشتياق وبدأ بتقبيل عنقها بنهم ،وهي تحاول إبعاده وتحادثه ٠٠٠ياسين من فضلك إبعد ،،من فضلك لازم نتكلم !!
كان يتابع ما يفعله ولم يعِر لحديثها إهتمام وبدأ بضمها أكثر وأكثر
كان مغمض العينان يقبل خدها قائلاً ٠٠٠مش وقت كلام يا حبيبي،،نتكلم بعدين !!
وتابع قبلاته الحاره التي تنٌم عن عشقهٌ وأشتياقه لها بجنون،،
وضعت يدها علي صدره وأبعدتهٌ بعٌنف وتحدثت ٠٠٠ياسين من فضلك إبعد أنا مش عاوزه كده !!!
ضمها أكثر علي أمل أن يكون كلامها مجرد دلال أٌنثي علي زوجها ومال علي شفتيها وألتهمها !!
لكنها تابعت إبعاده بحده وعنف،،توقف وإبتعد عنها ونظر داخل مقلتيها بحيره،،
وجد بها غَيمَه من الدموع،،
إبتلع غَصه بقلبه وأبتعد قليلاً وتحدث بترقب٠٠٠فيه أيه يا مليكه،،مالك ؟؟
جففت دموعها التي إنهمرت منها عٌنوةً عنها،،
ثم نظرت لهٌ بخجل وأسي وتحدثت٠٠٠أنا أسفه يا ياسين،،مش هينفع يحصل بينا كده تاني ،،أساساً اللي حصل ده ما كانش لازم يحصل من الأول ،،دي كانت غلطه مني وغلطه كبيرة أوي،،
ومعرفش إزاي أنا عملتها،،
وأكملت بدموع وهي تنكمش علي حالها وتنظر له بأسي٠٠٠أنا تعبانه أوي يا ياسين،،أنا حاسه إني ست خاينه،،من وقت ما رجعت وأنا شايفه رائف حوليا في كل ركن في الجناح،،بيبصلي بحزن وكأنه بيلومني علي إني خٌنته !!
إهتزت جميع أجزاء جسده وتشنجت ،،وقف بكل هدوء يلتقط قميصهٌ الموضوع بإهمال فوق التخت ،،
إرتداهٌ وبدأ بقفل زرائره وهو مواليها ظهره مٌتحدثاً بصرامه وحِده٠٠٠٠كان من الأولي إنك تعملي حساب لجوزك يا محترمه،،بيتهيألي إن الخيانه إللي بتتكلمي عنها دي تبقي ليا أنا ،،واقفه بكل بجاحه وقلة أدب بتكلمي جوزك عن راجل تاني،،ياجبروتك !
ثم أكمل بحده ٠٠٠بس إنتي مش غلط
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلوب حائرة)
