رواية قلوب أرهقها نبضها الفصل الخامس والثلاثون 35 بقلم نرمين قدري
رواية قلوب أرهقها نبضها الجزء الخامس والثلاثون
رواية قلوب أرهقها نبضها البارت الخامس والثلاثون
رواية قلوب أرهقها نبضها الحلقة الخامسة عشر
نظرت لها اشجان نظره خوف وقالت لها انتي لا يمكن تكوني بني آدم زينا انتي اكيد شيطان اعوذ بالله منك ومن شرك يا شيخه ربنا يكفينا شرك حسبي الله ونعم الوكيل
انتي ازاي يتربي عيالك بتزرعي جواهم ايه
ايه كمية الكره اللي جواكي دي وليه تاخدي مسك بذنب اللي عمله فيكي ابوكي حرام عليكي اتقي الله انت ترضي حد ياخد منك عيالك ترضيها علي نفسك
فاطمة / وليه انا اعيش تعيسة و هي عندها كل حاجة اتجوزت اللي بتحبه وغني وحبها وغم ظروفها وانا بس لما فكرت اتجوز واحد أقل الكل واقف ضدي
وعند بيجاد بيحاول يتواصل مع الشركات اللي تبعهم علشان يعرف ارقام اخواته وفعلا عرف يبجبهم واتصل بماجد
كان ماجد يجلس مع هند بتحدثون عن الحال اللي وصلت له مسك وكانت حالتها صعبة جدا فقد منعت الاكل و طول نهار قاعده وتجلس وكأنها فقدت النطق وشهيتها للحياه أيضا
ماجد/
و اللهي يا هند صعبانه عليا قوي بجد حالها يصعب على الكافر تتحرم من ابنها و زوجها في يوم واحد ايه الذنب اللي ارتكبته الغلبانه دي
قالت هند بحزن شديد وعيون دامعتين
اد ايه قطعت قلبي لما اخدت لوجين بنا ندي ترضعها بقت دموعها نزله علي وشها منظر يقطع القلب منها لله اللي كانت السبب حسبي الله ونعم الوكيل فيها
ماجد /خلاص يا هند استهدي بالله وان شاء الله تتحل من عند ربنا كله خير
تلفون امجد رن كان المتصل فاطمة
اتغير شكل امجد و اكفهر لونه ورد ببرد
الو خير عاوزة ايه مش لاقيه حد تاني تخربي عليه خير قولي اللي عندك بقا
فاطمة بغل / لتكون فاكر أنا بتصل علشان وحشتني ولا علشان سواد عيونك انا بتصل علشان تبلغ الشملوله مرات اخوك أن الڨيديوا بتاعها عند ابويا منتظر مني امر أنه ينشره . قلها لو فكرت مجرد تفكير ترجع لبيجاد أو تسافرله أو أي حركة مش تمام مترجعش تعيط
ماجد/ انتي جنسك ايه يا ساتر متسبيها فحالها بقا يا شيخة واتقي الله بقا احنا عندنا بنات خافي عليهم يا فاطمة خافي علي بنانك ربنا يمهل ولا يهمل
فاطمة/ الفيديو في الحفظ والصون طول ما هي بعيده عن بيجاد بس لو عرفت أنها كلمت بيحاد لو بيجاد عرف انها عايشة أو حتي يا ماجد رجع اخدها معاه
تاني يوم كل مواقع التواصل الاجتماعي حيكون عليها فديو السندريلا بتاعتكم
و ما قلكش الفيديو يجنن وهي بقميص النوم الاحمر واووو
هيجمع مشاهدات محصلتش احتمال يبقي ترند واللى ما يشتري يتفرج و ريني بقي هتعرفوا ترفعوا راسكم تاني في البلد ولا مع شركائكم في الشغل ازاي
ماجد/ انتي ازاي كده بجد مستحملة نفسك ازاي انا بقرف من نفسي كل ما افتكر أن انا كنت عايش معاكي تحت سقف واحد انا نفسي افهم مسك عملتلك ايه علشان تدمريها بشكل ده ليه يا فاطمة اشمعنا مسك ولا علشان أهلها غلابه محدش هيقدر يقف معاها بس هي معاها اللي احسن من الكل هي معاها ربنا
فاطمة/ بسخرية مصتنعة أعصر علي نفسك لمونه يا اخويا و انت ما تقرفش مني ولو عاوز تعرف انا بكره مسك كده ليه هقولك علشان بتفكرني بخبتي و فشلي
سلام يا ميجو و انا خلاص قلت اخر كلام وخالي بالك أنا مش بهدد انا بنفذ علي طول
اه صحيح بناتك بيسلموا عليك
قفل ماجد مع فاطمة والتفت لهند بوجة شديد الغضب
هند / هي عاوزه . ايه يا ماجد منك وايه اللي قالتوا ليك و خلاك تتعصب قوي كده و وشك ما يتفصرش خير يا حبيبي
ماجد/ بغضب شديد جدااا بجد دي بني آدم مريض مش طبيعيه خالص بجد مش طبيعية لا يمكن تكون زينا اعوذه بالله منها دي شيطان ماشي علي الارض شيطان هو في كده في كده انا لازم اخد بناتي منها قبل ما تسمم عقولهم بمرضها وتزرع جواهم الكره
هند / خلاص يا حبيبي اهدي بقي خلاص خلصنا منها
خلينا نفكر براحة حل نعمل ايه مع البنت الغلبانه دي الله وحده بس هو عالم بحالها
ماجد / بحرن انا لا يمكن اهدي غير بعد ما لم شمل بيجاد و مراته تاني و ابنهم يتربي وسطهم ربنا يقدرني و ألاقي حل
رن هاتف ماجد للمرة الثانية وكان المتصل بيجاد
هند / هي فاطمة بردو مش هنخلص منها بقولك ايه
ما تردش عليها سبها ترن
ماجد/ مسك ماجد التليفون لا استني كده ده رقم غريب و شكله من برا ربنا يستر شكله بيجاد هو اللي بيتصل
.
ماجد / رد ماجد بخوف الوا مين معايا
بيجاد/ ايوا يا ماجد
قام ماجد وقف وقال في دهشة بيجاد انت فين و ابنك عامل ايه ايه يا بني كل ده ما تطمنتناش عليك ليه انت رحت ألمانيا و لا رحت فين وتليفونك مقفول ليه طمني بقا
بيجاد / بجدية ماجد انت ممكن تسبلي فرصة اتتكلم لو سمحت يعني انا اصلا بطلع الكلام بالعافية لا عندي طاقة ولا جهد ارد علي اي سؤال مش قادر بمعنى الكلمة
انا بس عاوز سؤال واحد و بعد كده مش حتكلم
ماجد/ بلع ريقة بصوت مسموع و كأنه عارف هو عاوز يسأل عن ايه خير يا اخويا عاوز اية
بيحاد/ هي كلمة واحده بس وغلاوة بناتك لتقول الحق كفايا اللي انا فيه انت اصلا لو تشوف شكلي اصعب عليك
نزلت دموع ماجد علي حال اخية بعد تفكير عميق و قبل ما بيجاد ان يسأله حسم الأمر و بقوة
قال ماجد
عايشة يا بيجاد ما ممتش بس عيشة ميته مش ده اللي عاوز تسالني علية اه مسك عايشة و كلنا مذنبين علشان موقفناش معاها وسبت فاطمة و ابوك يلعبوا بينا كلنا و يخرصونا و فعلا قدروا ونجحوا
بيجاد / بدموع ولهفه في كلام مسك عايشة يا ماجد صح هي عايشة قولي و الله احلف بالله يا خويا أن مسك عايشة اقسم بالله كنت حاسس قلبي قالي انها عايشة
ماجد/ هون علي نفسك يا اخويا مراتك عايشة بس من غير روح حالتها تصعب علي الكافر مسك عانت كتير
بيجاد بقهر:
بس في حاجة غريبة حصلت اليوم اللي رجعت في اتصلت بحمد علشان اساله عن مسك لأن قلبي ما كنش مصدق وانا بكلمة سمعت عطر بتصوت جامد و بتقول مسك ماتتش و صواتها كان جامد
ماجد/ لا مسك قلبها وقف يا بيجاد و حاولوا ينشطوا
نغزه جت في قلب بيجاد لما سمع بتوقف قلب مسك
بيجاد/ و هي عامله ايه يا ماجد طمن قلبي عليها ونبي حتجنن واخدها في حضني واطمنها
ماجد/ عايشة ميته اللي يفرقها عن الموتا نفس داخل وطالع بس غير كده لاء مش بتاكل ولا بتكلم حد من الاخر فقدت الرغبة في الحياه
نزلت دموع بيجاد قهر علي بنت قلبه ونبضه حزين علي كل لحظة الم عاشتها هيتجنن و يضمها لحضنه يطبط علي جراحها بقلبه
امجد. / بيجاد تصل بيها ورد لها روحها مسك تستاهل تتحب
ثم تذكر ماجد شيء و قال مسرعا
لاء لاء بيجاد انت سامعني الو أيوة يا بيجاد
رفع بيجاد التليفون مره اخرى على أذنه
قال ماجد بلاش تتصل بمسك و تعرفها انك عرفت انها عائشة
بيحاد/ باستغراب ليه افهم هو ايه اللي حصل و ليه قالوا انها ماتت انا محتار ومش فاهم حاجة رسيني علي بر يا ماجد عملوا فيها ايه وصلوها لكده اكيد عملوا حاجة كبيرة الي يخلو مسك تسكت وتسيب ابنها بسهوله دي
ماجد/ علي ما سمعت من ندي مسك كانت متمسكة بابنها لابعد حد بس ابوك و سلطاته بقا الله يسامحهم
بيجاد / احكيلي كل حاجة بالتفصيل و ما تنسوش حرف من اول ما دخلت مسك تولد لحد ما سفرت برا
قص علية ماجد كل القصة من اولها اللي اخرها وقد ايه الظلم اللي اتعرضتله في غيابه وقد ايه عاشت قهر
لعن بيجاد اليوم اللي ساب مراته وسافر فيه
احمرت عين بيجاد من كثره الغضب و بلذات بعد ما سمع كلام فاطمة عن مسك وتهديدها لو عرفت أن مسك علي اتصال بيجاد
قال بيجاد / انا بقي اللي هتجنن و اعرف فاطمة بتعمل مع مسك كده ليه
قطع ماجد كلامة الغيرة يا حبيبي بدمر وفاطمة كانت بتغير موت من مسك
بيجاد/ غيره ايه و زفت ايه الي يخليها تعمل كده و ابويا ايه اللي حصله عمره ما كان كده
ماجد/ هو ده اللي محيرني ابوك عمره ما كان كده في حاجة غلط مش طبيعي. بص يا بيجاد انا شاك في حاجة بس يارب بخيب ظني
بيجاد / باهتمام خير يا ماجد قلقتني في ايه ممكن يكون حصل الابوك خلاه بقي كده كأنه مغيب عن الوعي وحد بيحركة بخيوط
ماجد./ سيب انت موضوع ابوك دلوقتي لحد
ما تأكد منه شوف انت بس حا تعمل ايه مع مسك البت مدمرة بمعني الكلمة يا بيجاد حتسبها كده ولا هتعمل ايه وخالي بالك فاطمة ما بتهزر ش و هتنفذ اللي قالت عليه
بيجاد / والله منا عارف يا ماجد الأمر بقي صعب و فاطمة مش بتهدد فاطمة بتتكلم جد انا لازم ابعد فترة عن مسك عاف انها حتكون صعبه بس علشان مصلحة مسك و فارس انا ممكن اضرهم من غير ما اعرف و فاطمة تنشر الفيديو وتبقي فضيحة لفارس العمر كله
ماجد./ عندك حق بس مسك لازم تعرف انك عرفت انها عايشة دي هتتجن عليك يا بيجاد بعدك عنها وعن ابنها هيجننها بجد حالتها صعب قوي
عارف يا بيجاد لما بتمسك لوجين بنت امجد شكلها يقطع القلب بجد بتصعب عليا قوي مش بتسبها من حضنها
بيجاد/ شوية كده يا ماجد الموضوع يهدأ ولازم فاطمة. تقتنع بحزن مسك فلازم مسك تبقي طبيعية و ميبانش عليها حاجة
بس قولي هي مسك قاعده عند عطر لسة
ماجد/ و انا هنا من ناحيتي ححاول اشوف الفديو ده فين واحاول امسحة
لاء مسك دلوقتي قاعده مع ندي وأمجد شوية علشان هي و ندي بيرضعوا لوجين
وعند مسك ماسكة من امبارح ايد لوجين وكأنها صنم لا يتحرك و مفتحة عينيها و نظرة للسقف بدون أن تتكلم
دخلت عليها ندي وقالت لها بعطف
ندى/ مسك كفايا بقا حزن لحد كده شوفي انتي ناوية علي ايه لازم ترسمي مستقبلك علشان تعرفي تكملي وعلشان اليوم اللي هيرجع فيه فارس يفتخر بأن امه عملت المستحيل علشان تكبر و يبقي هو فخور بيها
نزلت مسك عينيها من علي السقف وبصت لندي
مسك / تتفتكري يا ندي لسة فيا حيل اعمل حاجة خلاص انا انكسرت يا ندي مش حعرف اقوم تاني انتهيت
ندي/ لاء يا مسك لاء اوعي تشمتيهم فيكي الضربه اللي ما تموتش تصنع جبروت ولازم تكوني قوية و قدها وتثبتي الكل انك قويه و اوعي تبيني نقطة ضعفك لحد قومي من تاني حتي لو وقعتي تقومي وتقهري باسك دوري علي شغل و اشتغلي و اكبري اعملي شغل خاص بيكي .
مسك بيأس
تفتكري هعرف اعيش من تاني
ندي / بتحدي اه هتعرفي تعيشي من تاني و هتوريهم انك ضد الكسر
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلوب أرهقها نبضها)
