رواية قلوب أرهقها نبضها الفصل الثالث 3 بقلم نرمين قدري
رواية قلوب أرهقها نبضها الجزء الثالث
رواية قلوب أرهقها نبضها البارت الثالث
رواية قلوب أرهقها نبضها الحلقة الثالثة
الفصل الثالث
دخل والدهم علي صوات عواطف كل ذلك وعطر مازلت في حالة من زهول وكأنها مغيبة
فايز وهو يركض مسرعا عليهم
– اده اده في اية بت يا مسك اتجننتي يالهوي يا ولاد بت ياعطر اجري خلصي بنهم انتي متنحة كده ليه يا بت
التفتت له عطر وكأنها فايقة من غيبوبة ثم جرت علي مسك ترفعها من علي فاطمة
عطر بحده:
– خلاص بقي يا مسك استهدي بالله خلاص بقي علشان خاطري بقي يا مسك خلاص ورحمة امك يا مسك كفايا كده
مسك بغضب شديد:
– لا مش خلاص يا عطر انا نبهتها الف مرة بلاش تجيب سيره امي وكأنها متعمده تجيب سيرتها كله الا امي امي خط احمر يا عواطف ورجعت تشد شعرها تاني
و عواطف مستمره في الصياح
قال فايزة بصوت حاد :
– ماخلاص بقي خلاصنا يا مسك احترمي اني واقف بقي عيب كده ومهما كان دي في مقام المرحومة امك
التفتت له مسك وقالت بغضب:
– محدش في مقام امي يا بابا و هي عمرها ما كانت أم لينا
غير كده انا نبهت عليها كام مرة متجبش سيرة امي وهي مصممة بردو تجيب سيرتها كأنها بتقولنا اخبطوا رأسكم في الحيط
فايز وهو يخفض صوته :
-خلاص بقي يابت قومي من عليها هتموت في ايدك
قامت مسك من علي عواطف وفي يدها باقية من شعرها
قامت عواطف وهي تنظر لمسك نظرات كره و استحلاف أنها مش هتسبها و هتردهلها وقالت وهي تجز علي أسنانها بغيظ:
والله يا مسك ما هعديهالك
ثم التفت عواطف لفايز و قالت :
– انت عجبك اللي بنتك عملته ده جزاتي أن استحملت قرفك انت وبناتك وفي الاخر حتة بت ملهاش اي لازمة قليقلة حيا تعمل فيا كده الله في سماه لو مجبتلي حقي منها لكون سيبالك البيت و ماشية وانت عارف لما اطلع في جناني
قال فايز بقلة حيلة فهو قد اعتاد علي هذا الشجار: – -استهدي بالله بقي يا عواطف انتي كمان كام مرة نبهت عليكي بلاش تجيبي سيرة أمهم وانتي مافيش فايده فيكي مصممه بردو تجيبي سيرة تهاني الست ماتت و ارتاحت ليه بقا نجيب سيرة الأموات
عواطف بعصبية:
– بقولك ايه يا فايز انا عفاريت دنيا بتتنطط قدامي اتقي شري الساعة دي وهات حقي من مقصوفه رقبه اللي جوا عاوزة حقي منها احسن انا لو قمتلها مش هخلي فيها حته سليمه وتجبها تحت رجلي تعتذر ليا
وفجاءة الباب خبط وكأنه طوق نجاه لمسك
جرت عطر تفتح الباب
عطر بفرحة :
– مش معقول مروة عندنا لا ده حدث تاريخي بقي
مروة بمرح:
– ازيك يا عطر عاملة ايه وخطيبك أخباره ايه
عطر :الحمد لله في نعمة
مروة: ناويتوا تتجوزا أمتي مش قريب إن شاء الله ولا ايه
عطر بابتسامة خجل:
– لا قريب خالص لو ربنا اراد كمان شهرين أن شاء الله
عواطف من بعيد
– انتم هتفضلوا تتكلموا على الباب كده اتفضلي يا بنتي خشي جراية يا عطر ناسيتي الأصول ولا ايه
عطر :الكلام خدنا اتفضلي يا مروة خشي معلش كنتي وحشاني ونسيت اقولك اتفضلي
مروة :ولا يهمك انتي كمان كنتي وحشاني قوي الا هي فين مسك
عطر : جوا هندهالك حالا اقعدي انتي بس ارتاحي
مروة :واللهي يا عطر انا ورايا حاجات كتير جدا و مشغولة جدااا بس جيت اعزمك انتي ومسك علي فرح اخويا امجد
طلعت مسك ووشها احمر من كتر عصبية
لاحظت مروة شكل مسك وعلامات الغضب علي وجهها
مسك بشبه ابتسامة
نورتينا يا مروة بس ايه خلاكي تسيبي الفرح في الوقت ده البيت عندكم مليان ناس
فلاش بااااك
مروة:
خلاص ارتاحتي يا فاطمة طفشتي البت ارتاحي بقي اهو الشغل كله بقي فوق راسك انا كمان سيبالك المطبخ وطالعة
وتركتها تقف بمفردها ومشت وهي تحدث نفسها :
الله يكون في عونك يا ماجد يا سااااتر عدوت نفسها اقسم بالله بني ادمة مريض ياربي عليها والله ما تتعاشر انا ما شوفتش كده
ثم خبطت في بيجاد وهي ماشية دون و ارده منها
بيجاد :
ااااايه يا مفعوصة مش تفتحي و ماشيه تكلمي نفسك ليه اتجننتي خلاص الف مبروووك
مروةبغضب
انا بردو اللي افتح وانت كل شوية تخبط في حد مش بتحرم كفايا العصير اللي قلبته مسك عليك ايه مش مكافيك
بيجاد بهيام
ااااه ماتفكرنيش بالقمر ونبي اتصدقي بالله وحشتني اااه لو البومة مكنتش زعلتها كان زماني بملي عيني منها اخراااابي يا مرمر
وافقت مروة بتعالي وغرور وراسها لفوق ثم قالت :
واللي يجبهالك تحضر الفرح
ماسكها بيجاد من يدها ولفها ليه وقال بلهفة
وحيات امك بتكلمي جد تقدري تجيبها صح تحضر الفرح انطقي حتقدري
مروة بضحك:
امممممم ده الوضع معاك خلتبيطة خالص ايه حصل ملك العزوبية وقع ولا حد سمي عليه بقي امال فين السنجله چنتلة و العزوبيه رمز المرجله ولا هي كانت شعارات في الهوا وخلاص يا عمونا
بيجاد بجدية :
تصدقي بالله يا مروة لو اقولك انا نفسي مستغرب قوي معرفش ايه اللي حصلي اول مرة يحصلي حاجة زي كده حالي كلي متلغبط مش عارف اتلم علي نفسي من ساعتها اول مرة قلبي يدق لحد و ابقي مشتاق ليه وانا لسه معاه
مروة بتنهيده.
بس انت معركتك صعبة جدا يا بيجاد تكاد تكون مستحيلة انت عارف ابوك وتمسكه بالاعراف علي قد ما هو طيب وحنين لكن في حاجات عنده خط احمر ومنهم مساله الجواز لازم عروسة تكون من بيت عيله كبير ويكون عندها مال علشان ما تطمعش وتفرق الإخوات عن بعض
قطعها بيجاد بعصبية وكأنه يعلن التمرد:
بس ده فكر عقيم بابا تفكيره غلط واكبر دليل عندك فاطمة مرات ماجد من أكبر عيله في البلد وعندهم اراضي و أملاك ولكن هي عينيها مش مليانه و حاقده علي ناس كلها و بتكره حتي نفسها
مروة بقلة حيلة:
بس ده فكر ابوك ومحدش يقدر يقنعة بعكس كده ولا يمكن حيغيره خد بالك انت لو حبتها بجد لازم تحارب علشنها وتبقي واثق من من الانتصار كمان لكن لو مش هتبقي واثق من الانتصار او انك مش هتقدر تحارب علشانها بلاش يا بيجو تعلقها بيك البت غلبانه ومش ناقصة غلب كفايا عليها انها اتحرمت من امها و كفايا قرف عواطف عليها بلاش انت كمان تكون وسيلة ضغط تانية عليها او تكون سبب في كسرة نفس جديدة. ليها ياتكون قد معركتك يابلاش كسر القلوب ملهوش صوت يا بيجاد لكن بيكسر نفس العمر كله ربنا ما يجعلنا من كاسرين القلوب يا حبيبي
بيجاد وقد ادمعت عينيه من كلام أخته وكأن الكلام مس قلبه من جوا واتحفرت جواه كلمة كسر القلوب ملهوش صوت و شعر
أن معركته مش سهله خالص وخايف فعلا مايكنش قدها ويظلم قلب اتعلق بيه لكن لا بايد حيله لقد نفذ وقت ووقع في حبها بجد وقلبه اتحرك ليها
فاق بيجاد لنفسة ومسح دموعه مسرعا قبل أن تلاحظ مروة ثم قال بصوت مخنوق:
-ها بقي قلتي ايه هتعرفي يا مفعوصة تجبيها الفرح ولا اايه وإلا شكلك بوق علي الفاضي يا مفعوصة هانم انتي
مروة بغرور :
– عيبب عليك يا كبير بس مافيش حاجه ببلاش
بيجاد :
ايووووووووه بقي انا قلت كده استحالة تعملي حاجه لوجه الله اخلصي عاوزة ايه
مروة بضحك:
هو طلب صغنوط خالص اد كدهون مش حيكلفك كتير يا بيجو
بيجاد :
اه فيها بيجو استر اخلصي بقي عاوزة ايه يا مفعوصة
مروة بضحك:
كانت عجباني حتة اسورة واحنا بنشتري شبكة ندا كانت هتطلع من عيني الصراحة عاوزها بس شوفت أنا طيبة ازاي و قالتها وجرت من قدامة
طلع بيجاد يجري وراها
بيجاد بضحك
انتي عارفة لو ماسكتك هعمل فيكي ايه يا مفعوصة
مروة باصة عليه وبتطلع لسنها ليه ولا تقدر تعمل حاجة اصلا
خبطت مروة في فاطمة وهي بتجري وتضحك
فاطمة بقرف
في ااايه بصي قدامك ياختي وايه اللي مفرحك قوي كده و الضحكة من الودن دي للودن دي يا ختي
مروة:
يا ساتر يارب عليكي انتي يابنتي عدوه نفسك متهيقلي احنا في فرح اووووف هو في كده وش غم
قرب منها بيجاد و وضع يده علي كتف مروة وقال:
-بقولك ايه يا مرات اخويا ما تفكري كده تضحكي وتفردي وشك عاوزين نشوفه هيشقق ولا هيفضل زي ماهو
مروة بسخرية :
لاء هو مكرمش كده من ساعة ما جت عندنا و هي وشها كده مش بيتفرد خالص شكله عيب خلقي
ضحك بيجاد ومروة في نفس واحد
فاطمة بغضب
+اتصدقوا انا اللي غلطانه أن بتكلم مع شوية عيال زيكم هايفين
قالت مروة و هي تستعد للخروج من باب السرايا :
+بقولكم سلام عندي مشوار لازم اعمله قبل الكوافيره ما تيجي
و غمزت لبيحاد يعنيها ورمت له بوسه علي الهوا
ابتسم بيجاد وفاهم أخته رايحة فين
فاطمة:
و علي فين العزم بقي و انهاردة الشغل فوق راسنا هتهربي علي فين ياختي و تسبيني معكوكه لوحدي
مروة بنفاذ صبر:
+مش ح
ههرب أنا هروح للبت اللي كسرتي بخاطرها أراضيها و اعزمها علي فرح عرفتي خلاص و سعي بقا كده خاليني امشي
فاطمة بسخرية ؛
-لا واللهي وشوفوا ازاي يا ولاد خلصنا كل اللي ورانا و مبقاش غير أننا نروح نراضي الخدامين في بيوتهم كمان
مروة:
+اتصدقي بالله يا مرات اخويا انتي خسارة الكلام معاكي من اصله بجد ربنا يعينك على نفسك و سابتها ومشت
باااااااااااك
مروة :
انا مهنش عليا زعلك يا مسك محدش فينا بياخد علي كلام فاطمة كلنا عارفينها كويس وعارفين أنها بتكره حتي نفسها ويلا بقي انا جتلك لحد عندك ح
٨
هتمشيني من عندك مكسورة الخاطر
ابتسمت مسك وقالت بحب :
-مجيتك علي راسي من فوق لا طبعا استحالة ارجعك كده انتي غاليه وجيتك عندي اغلي انا وعطر هنكون عندكم بليل أن شاء الله
مروة :
لاء انا عاوزاكم معايا من دلوقتي الكوافيرة جاية واحنا بصراحة لما تصدق و البت ندا هتلبس عندنا واظن انتي عارفه ندا كويس وعارفة قد ايه روحها حلوة وانتي وهي صحاب كمان من زمان يمكن اكتر مني انا و لا ايه يا مسك هاتكسفيني وانا جاية لحد بيتك
مسك:
-بصراحة مش عارفه اقولك ايه الراي راي أبويا هو اللي في ايده القرار
ابتسم فايز وقال :
-وانا استحالة اكسر كلمة لست البنات دي مجيتها عندنا فوق راسي والله يوم عيد يو ما دخلت علينا
مروة بتواضع :
تسلم يا عم فايز ثم التفت للبنات خلاص يلا بقي يا بنات اجهزوا علشان اتاخرنا قوي وزمان كوافيرة علي وصول
إخدت مسك و عطر فساتنهم ومشوا مع مروة
عواطف :
يعني انت يا فايز بتكافئ بنتك علي عملتها فيا صح ولا اسمي ايه ده اللي حصل معلش
فايز بملل وعدم مبلاه :
بصي يا عواطف مسك صحيح غلطت بس انتي اللي استفزتيها انتي عارفه أن سيرته امها بضايقها وانتي مقصرتيش كل يوم تغلطي فيها وكانك متعمده كده ولا انا غلطان يا عواطف بصلتلوا عواطف و سابته و ماشت
وفي السريا دخلت مروة بصحبة عطر ومسك
في الشرفه كان يقف بيجاد في أنظارهم وهو علي احر من جمر و عندما لمحها ازداد خفقان قلبه هنا اتاكد أنه بيحبها بجد ومستعد يحارب علشنها
صعدت مروة و بصحبة البنات لأعلي علطول تتحاشي أن فاطمة تشوفهم وتزعلهم وفي نفس لحظة فتح بيجاد باب غرفته و خرج
التفت عيونهم لتاني مره و كأن عيونهم بترسل إشارات لكل واحد منهم بتعبر عن الاشتياق
استوووووب
أنها لغة العيون يا ساده اصدق لغة في كلام العاشقين أنها تعبر عن ما بداخل القلب ولا يمكن البوح بيها
قطعة مروة حرب نظرات خوف من افتضاح امر اخويها
مروة :
/ أيه ياعم بيجو معندكش شغل تحت انزل شوف العريس لبس ولا لسة علشان الكوافيرة جاية وممنوع طلوع الرجاله هنا اظن كلامي ما فهوم ولا ايه
نظر ليها بيجاد نظرة توعد ،،غمزتله بعينها وضحكت
بيجاد بغيظ :وهو يضغط علي أسنانه
اه لا نازل اهو خلاص ونزل جري علي سلم
دخلت مسك وعطر الأوضه وكانت ندي وصلت
ندي اول ما شافتهم مش معقول مسك وعطر وجرت عليهم هما اصدقاء من طفولة مع رغم فرق الاجتماعي اللي بينهم مقدرش يمنع الصداقة الجميلة دي
ندي :
برافوووو عليكي يا مروة انك جبتيهم معاكي بجد برافو جلسوا جميعا يضحكوا و يغنوا و يهزروا و لكن مسك كانت في عالم تاني خالص كأنها مش معاهم لاحظت مروة تغير مسك و ابتسمت و فاهمت أن القلوب ارسلت الاشارت لبعض فلمس كل منهما الآخر وبدأ حرب مشاعر بنهم وكان كل قلب ارسل إشارة التاني يطمنه علي قلبه اللي معاه
جات الكوافيرة وبدأت بالعروسة وطلعت زي القمر وبعد ذلك مروة وعطر ومسك دخلت فاطمة عليهم و عنيها كلها حقد. وان محدش ندهلها لما كوافيرة جت
فاطمة :
/هو في ايه محدش يعني شيعلي لما كوافيره جت هو انا مش من ستات البيت ولا انتم زي القرع تمدوا لبرا و الغريب اولى مني هنا ولا ايه وبصت علي عطر ومسك
مروة :
/الله مطولك يا روح خير يا فاطمة انا كنت حنادي عليكي لما تخلص اللي في أيدها عارفاكي مبتحبش تستني علشان كده قلت انادي عليكي لما هي تخلص
قالت الكوافيره علشان تنهي الأمر .
/انا خلصت خلاص يا ام فرح تعالي اقعدي انا فضتلك خلاص علشان تكوني مسك الختام
فاطمة:
بس وحياة ابوكي بلاش مسك دي مش ناقصين
تجاهل الكل كلامها
وكانت آخر واحدة مسك وكانت شبه الاسطوره هي وعطر وكأنهم اميرتين هربانين من روايات أسطورية من شده جمالهم هما الاتنين حاجة واحده بس اللي بتفرقهم عن بعض مسك عينها لون الفيروز و عطر عينيها رصاصي فاتح غير كده شبه بعض في كل حاجة سبحان من خلق فأبدع
طرق الباب ودخل العريس يا خد عروسته اللي كانت رقيقه وجميلة جدا.
نزلوا وراهم مروة و مسك وعطر وعلي السلم
لمح بيجاد مسك وهي نزله قلبه يكاد يقف من كثرة الخفقان و عينيه مبرقه من شده جمالها نسي كل الناس من حوله ونسي الفرح وكأنه مغيب عن الواقع التقت عيونهم مرة أخري ولكن في هذه المرة كانت مختلفة وكأن عيون مسك بتجاوب علي كل سؤال في عيون بيجاد
نزلت مسك ووقفت جمب مروة و عطر اقترب منهم بيجاد و من غير حد ما يلاحظ سحب مسك من يدها لوراء و جذبها بدون ما يلفت انتباه أحد واخدها خارج البيت الي الحديقة
ولكن كانت في عيون معاهم مراقباهم ياتري مين ده اللي حنعرفه بكرا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلوب أرهقها نبضها)
