رواية قلوب أرهقها نبضها الفصل الثالث عشر 13 بقلم نرمين قدري
رواية قلوب أرهقها نبضها الجزء الثالث عشر
رواية قلوب أرهقها نبضها البارت الثالث عشر
رواية قلوب أرهقها نبضها الحلقة الثالثة عشر
نظرت مسك داخل الصندوق وقالت بأعجاب شديد:
الله الله مشاء الله ربنا يسعدكم يارب
ثم أكملت :
يعني افهم من كده انك خلاص موافق أن فرحنا يكون في يوم واحد صح يا ميدو
محمد بشقاوة:
افكر الاول وأكمل بمرح طبعا موافق مش ده كان حلمكم انتم الاتنين انكم تتجوزا في يوم واحد واهو ربنا حقق حلم ده
عطر بحب:
انت أجمل محمد في دنيا انا بحبك قوي
محمد بحنان :
وانتي عطري وروحي ونفس اللي بنتفسة يا عمري كله
مسك بضحك:
احم احم نحن هنا يا جماعه. في ايه خفوا شوية
عطر بخجل:
الله بقي يا مسك انا مصدقت أن مرات ابوكي خافه عني شوية
محمد :
يلا يابنات علشان نلحق نودي حاجات مسك السراية خلينا نخلص ورانا حاجات كتير
وفعلا ركبت عطر ومسك السيارة مع محمد ومعاهم شنط مسك
دخلت مسك السرايا هي وعطر
الكل كان متجمع علي السفره بيفطروا
مسك بأحراج شديد
السلامة عليكم اسفة لو جيت بدري
بيجاد اول ما شفها قام وقف وقال مرحبا:
مسك اهلا نورتي اتفضلي هو ايه اللي آسفة ده بيتك خلاص
رد الجميع و عليكم سلام ورحمة الله
قامت مروة وقالت
/اهلا مسك تعالي افطري يلا حماتك بتحب
فاطمة بغيظ و كره:
– هو مش مفروض تتصلي قبل ما تيجي ولا ايه انا بتكلم في الاصول يعني
الكل نظر لها باستغراب
قالت مسك بأحراج والدموع تهدد بالانهيار:
– انا بعتذر هامشي وأرجع وقت تأتي يلا عطر
جري بيجاد عليها وقال:
– هو ايه اللي يلا ده بيتك وتيجي في أي وقت ولا ايه يا حاجة
قامت اشجان من مكانها وقربت من مسك وماسكت يدها وقالت:
– مسك يا بنتي ده بيتك يعني انتي هتعيشي هنا يعني تيجي في الوقت اللي يعجبك فاهمة
والتفت لي عطر اهلا وسهلا يا عطر شرفتي يا حببتي
مروه جذبتها
– يلا بقي تعالوا افطروا زمنكم لسة ما فطرتوش
وشدتهم علي السفره جلست مسك وعطر في خجل ووجهم حمرا من كتر الخجل
قام محمود واقفا فور جلوس مسك علي الطاولة ثم التفت نحو فاطمة وقال بأسلوب حاد :
– ابعتيلي الشاي علي مندره يا فاطمة وبلغيني اول ما ال ضيوف يمشوا
فاطمة بشامتة:
– من عنيا يابا الحاج احلي كوباية شاي وهجبهالك بنفسي هو انا عندي اغلي من حمايا حبيبي
شعرت مسك بنوع من الاهانه .ثم نظرت اتجاه لعطر التي بدورها فاهمت ماذا تريد ان تقول مسك لها
قامت عطر واقفه:
– سفره دايما يارب ممكن بس حد يقولنا فين اوضت مسك علشان عاوزين نطلع حاجة بتاعتها
قام بيجاد ؛
-انا هطلع معاكم اوريهالكم
فاطمة بعوجان :
-يادي العيبه يا ولاد ازاي تطلع معاها الاوضة وكتب الكتاب ما نكتبش لسة بس هنقول ايه لسة هنعيش ونشوف
قالت مروة بحده :
-في ايه يا فاطمة مالك ايه حصل لده كله عادي يعني
فاطمة
-وانا حر*قة دمي ليه ما هما متعودين علي كده هو مش بيجاد كان عندها من يومين وكانت لوحدها معاها
نظرت مسك نظرة غضب دليل علي اعلان الحرب ثم قامت واقفة و بدأت تتكلم
امسكتها عطر من يدها و ضغطت عليها بشده وبمنتهي الهدوء قالت عطر :
+ معلش يا بيجاد قلنا بس الاوضة فين وانا ومسك هنفرشها ونخلص اللي ورانا
مروة وندي نظروا لبعض ثم قالت مروة وهي تلقي نظرات غضب لفاطمة :
– انا طالعة معاكم تيجي معانا يا ندا
ندا بحب
– اهه اه حاجي طبعا وانا هطلع لاعز من مسك ونظرت لمسك وبكل حب ثم أكملت :
الف مبروك يا مسك ربنا يتمم بخير انتي تستاهلي كل خير
مسك: تسلمي يا ندا من ذوقك
صعدوا جميعهم لاعلي وعيون مسك ممتلئة بالدموع
لاحظت عطر عيون إخوتها اقتربت منها وماسكت يدها وميلت عليها وقالت :
-ولا يهمك حببتي خلي عندك ثقه بنفسك وسيبك منها احنا عارفين انها مش هتسكت انتي اوعي تديها الفرصة لكده
سمعوا صوت منخفض يسلم لسانك يا عطر هو ده اديها طناش توديها الإنعاش .
انا بعمل كده معاها مش عطايها فرصة تعمل معايا حاجة اسمعي كلام اختك يا مسك وأياكي ثم اياكي يبان ضعفك قدامها
مسك بحزن:
– بس انا مش دخله حرب يا ندي انا كل اللي عوزاه اتجوز واعيش في سلام ومش طالبه اكتر من كده
ندي/
+ متزعليش مني يا مسك انتي داخلة علي حياة جديده أشبه بالحرب لازم تعافري علشان تعملي لنفسك مكان في البيت ده وخودي بالك الضعيف دائما يتأكل حقه لأن الناس دائما مش بتيجي غير علي ضعيف لازم تبقي قوي
عطر في نفسها ؛
– يا عيني علي باختك يا مسك انتي هتعاشري الناس دول ازاي الله يكون في عونك بجد
انشغل الكل في ترتيب غرفة مسك بين ضحك وهزار. وصوت ضحكهم مسمع السرايا كلها الكل كان بيحاول يخفف عن مسك كسرت فرحتها والوقت سرقهم وجه معاد الغدا
خبط الباب ودخلت روحية الخادمة؛
-السفره جاهزة تحت وأبا العمدة بيقولكم يلا علشان غدا جاهز
مروة :
-تمام يا روحيه قوليلوا احنا نازلين
نظرت روحية لمروة قوي تريد أن تخبرهابشي .لاحظت مروة ارتباك روحية جذبتها من أيدها علي جمب
– في ايه يابت مش علي بعضك ليه شكلك عاوز تقولي حاجة اخلصي بقي بدل ما انتي عارفة انا ممكن اعمل فيكي ايه
روحية:
-بصراحة يا ست مروة. ابا الحاج قالي اطلعي اندهي علي مروة و ندا و الضيوف مايتعبوش نفسهم احنا هنتطلع الأكل لحد عندهم ما ينزلوش تحت
مروة بغيظ مافيش فايده بابا مصمم علي المشاكل
روحية :
بس ابا الحاج طيب عمره مكان كده انا اول مرة اشوفه ميكرمش ضيف يخش حداه
مروة:
قولي يا بت هي الساحره شريرة فين
روحية
لازقة راسها في راس الحاج
مروة:
قولي كده بقي الرأيه بانت بقي هو ده يبقي ساحرة ليها يد في الحوار ده خلصت كده
دخلت عليهم مسك و في عينيها حزن وقالت :
مروة انا مروحة انا وعطر وبكره ان شاء الله نكمل
مروة:
يادي العيبه مروحه من غير ما تتعدي بزمتك ينفع كلام ده هي دي الأصول
مسك /
معلش يا مروة الف هنا سامحيني علشان خاطري
مسك بصوت مسموع يلا يا عطر علشان نروح
نزلوا البنات الأربعة الي أسفل و كان الكل متجمع
تحت نظرات بيجاد اللي كلها اشتياق ونظرات فاطمة الحاقده و نظرات عدم الاستعانه من لعمده
مسك:
الف هنا ياجماعة بالاذن انا وبكرة حكمل أن شاء الله
اشجان؛
– يا ندمتي الغدا انحط يا مسك عيب كده يا حببتي انتي في دوار العمده
مسك
– معلش فرصة تانية بالاذن يا جماعة يلا ياعطر
وماشيت عطر ومسك تحت نظرات بيجاد الحزينه
قام ببجاد وقف سفره دايما يا جماعة عن اذنكم
محمود ؛
انت ما اكلتش حاجة حتي في الأفطار الصبح ما اكلتش
بيجاد :
الحمد لله عن اذنكم طالع انام
محمود باستغراب ؛
ماله ده قالب الوش علينا ليه كده
امجد :
متزعلش مني ياحاج انت عاملت مسك انهارده أسؤ معاملة دي حتي لو جاية تطلب حسنة مش هتعاملها كده وانت اهل كرم وبيت خير ميطلعش كلام ده من كبير البلد صح ولا انا غلطان
اشجان:
يسلم فمك يابني البت انكسر خطارها ما فروض اسعد ايام حياتها وغير كده يتيمة ملهاش ام تفرح بيها حت
نبقي احنا والزمن عليها قامت وقفت أنا كمان شبعت
محمود:
في ايه مالكم هوانا غلط في ايه انا رأي و اضح من الأول وقلتلكم البت متتعايبش بس لكل مقاما مقام وده ميزعلش حد أنا عمري ما هعتبرها واحده من البيت ده ماهما تعملوا
اشجان:
يبقي خلاص سبهم يعيشوا في بيت لوحدهم علشان يكونوا براحتهم
محمود بعصبية واحتد الجو والكل قام وقف
بصوت هز أرجاء المكان
– هو احنا من امتي عيالنا بيطلعوا برا البيت ده انا هنا اللي ماسك زمام الأمور مافيش عيل منهم وبقولها قدامهم مافيش واحد يجرء ويطلع برا سرايا دي ما فهوم
نزل بيجاد علي صوتهم واتكلم علي غير متوقع :
– والعمل انا اعمل ايه حضرتك مش قابل بوجود مسك ومش عاوزها تقعدها علي الاكل معانا و مش عاوز نجتمع بيها في مكان واحد كل ده لمجرد أن مستواها أقل من مستوانا متزعلش مني ياحاج ده لاشرع ولاوقان يرضي بكده ايه هنقسم البيت حزبين كل حزب في حته منا مش حقدر اسيب مراتي تاكل لوحدها مش من الاوصول و انا بحب اخواتي واقعد معاهم اعمل ايه انا دلوقتي
محمود :
متهيقلي الكل عارف بشروط اللي انا حطتها للجواز واخواتك التزموا بيها بلظبط انت اخليت بيها استحمل بقي
بيجاد:
ياحج القلوب معلهاش سلطان تختار تحب مين وتكره مين العين بتعشق والقلب بيدق دي حاجة ملناش يد فيها مش زرار حدوس عليه واقوله حب دي وأكره دي
محمود :
والعمل ايه انا مش هقدر اغير نفسي انا عاوز الحسب والنسب وكنت اتمنالك تاخد بنت خالتك بس انت خاذلتني ورحت تعشق بنت كلاف البهايم
مروة مالت علي ندي وقالت
الله من حظنا بابا عاوز يجبلنا ساحرة تانية في البيت علشان يتلموا علي بعض ويسخطونا قرود
ضحكت ندي بصوت عالي غصب عنها
التفت اليها الكل
ندي/ بخجل
اعتذر معلش بس مروة ضحكاتي
اشجان/
وايه يعني اضحكي براحتك يا قلبي احنا مش في سجن احنا المفروض في فرح ولازم الكل يفرح وانا حفرح يابني
محمود غلط نفسة وحاس أنه جه علي مسك بزياده هي وبيجاد
محمود
خلاص فضناها سيره اقعدو كلو وربنا بكره يحلها من عنده اللهم امين
بيجاد:
بص يا حاج واللهي مسك حد طيب جدا
محمود:
خلاص يا بيجاد العيب مش منها العيب فيا انا
انا اللي مش عارف استقبل أن بنت كلاف البهايم هتكون مراتك ابني بس مش تعود متقلقش
اقعدو اتغدوا وبكرة يحلها ربنا
وعند مسك وعطر دخلو البيت
عطر :
انا حجري احضر اكل حموت من الجوع كنا في أشغال شقه وياريت خلصنا
هزت مسك رأسها ودخلت اوضتها واخدت وضع الجنين ونامت في سبات تام وكأنها مغيبة عن الواقع
حضرت عطر الاكل ودخلت تنادي مسك .:
يلا يامسك الاكل جاهز انتي فين
خبطت عطر علي صدرها دليل الاعتراض وقالت بفزع:
– هو انتي مش هتبطلي العاده الزفت دي كل ما تضايقي تنامي مسك مسك فوقي الله يخليكي انتي ما اكلتيش من امبارح حاجة اصحي بقي
دخلت عواطف علي صوت عطر وقالت :
/في ايه يا عطر صوتك عالي ليه ورجعتم بدري ليه معقول خلصتوا بدري قوي كده
وقعت عنيها علي مسك وهي نايمة
عواطف شدت عطر من هودمها
-في ايه يا عطر اطلعي برا فهميني االي حصل ايه هناك اختك من ساعة موت امك وهي كل ما تزعل زعل شديد تنام
اكيد حاجة كبيرة زعلتها هناك لتكون مقصوفة الرقبة فاطمة هي اللي زعلتها
-عطر بقولك ايه يا مرات أبوايا وغلاوة نبي عندي يا شيخة سبيها في حالها هي مش ناقصة الله يكون في عونها علي داخله عليه مش سهل خالص
عواطف
-,انطقي ايه اللي حصل فاطمة صح هي فاطمة
عطر بحزن
-لو علي فاطمة مقدور عليها الكارثة أن العمده شكله مش موافق على مسك و عاملنا معاملة زفت خالص
عواطف:
يارب استرها معاها وخيب ظننا
عدت الايام وجاء يوم الزفاف و الكل يعمل على قدم وساق استعدا الزفاف
جهزو العروسين وطلعوا في ابهي صورهم وكانو اجمل عروستين شافتهم البلد
تمت مراسم الزواج وكتب كتب كتاب مسك علي بيجاد لتبداء حياة أخرى لمسك يا تري ماذا مخبي الزمن لها
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية قلوب أرهقها نبضها)
