رواية قلب نذار الفصل الخامس 5 بقلم زهرة الربيع
رواية قلب نذار الجزء الخامس
رواية قلب نذار البارت الخامس
رواية قلب نذار الحلقة الخامسة
لو فعلا عايزنا نبقى اخوات طلع البنت دي من وسطينا..مش هينفع تبقى متجوز واحده كانت خطيبة اخوك وكل الناس عرفت…الناس هتفتكر انك كنت بتخوني مع خطبتي وانها سابتني علشانك…وطبعا انت مش هترضى بكده
نذار ضحك بزهول على كلامو وقال ..ايه التفكير ده انت عايز توصل لايه
صلاح بصلو وقال بحزم..انا عارف قلبك طيب وعلشان كده نزلت علشان اخلص انا الموضوع ده..طلقها يا نذار البنت دي مش هتنفع نفضل بنا موقفتش عليها كفايه فضايح وطلقها
ريم بصتلو بزهول وحست بخوف شديد ان نذار يسمع كلامو
نذار قال بجمود..ولو مطلقتش
صلاح قال ..لازم هتطلقها يا نذار ده لو عايزنا نفضل اخوات
نذار قال بدهشه..قصدك ايه انت بتخيرني مابينك وبين مراتي
صلاح قال بغضب..تاني هيقولي مراتي ..انت عارف وانا عارف انت اتجوزتها ليه خلصنا من الموضوع ده وطلقها حالا
نذار بص لريم وقال ..ريم..انتي
ريم كانت هتقع من طولها معقوله هيقولها هزت راسها بلا بدموع بس اتصدمت لما قال انتي قلبي..انتي عمري وحياتي..سكني وسكينتي وعايزك تفضلي طول عمرك جمبي ده طبعا لو توافقي يا قمري
ريم بصتلو بدموع وابتسمت بسعاده شديده وهزت راسها بالموافقه ابتسم وقربها ليه وقال…ربنا ما يحرمني منك
صلاح قال بغضب شديد كده تمام انت الي اخترت من انهارده تنسى ان لك اخ انا ماشي ومتنتظرش اني ممكن ارجع هنا تاني
نذار بصلو بحزن وقال…انا مش هتخلى عنها يا صلاح وانت براحتك با ابن ابويا…ريم خسرت كل اهلها بسببنا وانا لو سبتها هخسر كل حياتي
صلاح مشي بغضب وامه قعدت على الكنبه بحزن نذار قرب منها وقال بدموع..سامحيني يا امي مش هقدر اطاوعو المرادي
امه حطت ايدها عل راسو وقالت بدموع ولا انا هوافق تعمل كده…ريم مراتك وربنا يهنيكم سوا يا ابني انت عملت الصح وبالنسبه لاخوك مسيرو هيعقل ويرجع …يلا روحو ارتاحو ومتشلوش هم حاجه
بقلم…زهرة الربيع
نذار باس ايدها بدموع واخد ريم من ايدها وطلعو اوضتهم
ريم مكانتش مصدقه الي عملو علشانها كان ده اختبار واضح لحبو ليها فضلت ساكته وهيه مش مصدقه
نذار بصلها بحزن وقال..انا اسف على الي حصل ده حقك عليا
ريم نزلت دموعها بغزاره وهيه بتبصلو بحب شديد
نذار بقى يمسح دموعها وقال..كفايه دموع مش عايزك تنزلي دمعه واحده تاني نفسي اشوفك مبسوطه اوي يا ريم نفس اشوف ضحكت عيونك
بصتلو وابتسمت وقالت..انا مبسوطه اوي يا نذار مكنتش مصدقه انك ممكن تعمل كده علشاني انا.. انا مبسوطه بيك اوي
نذار فال بحب… انا مبسوط بيكي اكتر يا ريم انا مكنتش عارف ليه كل ده حصل بس دلوقتي فهمت ان ربنا اراد يخليكي نصيبي ربنا يدمك نور لعيوني.. انا بحبك اوي
ريم ابتسمت وقالت بحب..انا..احم..انا كمان بحبك..بعشقك..وكنت هروح فيها لما حسيت اني هخسرك
نذار قرب منها وقال ..وانا بعشقك يا قلب نذار عمره يا ربنا يخليكي لقلبي❤
كنتم مع اسكربت انتقام ظالم بقلم زهرة الربيع زهرتكم تحيكم ودمتم في امان الله مع من تحبون
لقراءة الرواية كاملة اضغط على : (رواية قلب نذار)
